الخميس، 24 مارس 2011
الأربعاء، 23 مارس 2011
الثلاثاء، 22 مارس 2011
Clown Balloon
زعفرانه كانت رايحه المكتبه
شافت هالارجوز وعجبها
خذته وبسطت جابلته
وتعابل فيه
هذي دثرتها
هني جسمه بده يركب
وهذا ويها
الحلج ما لزقته عدل
وشقت وحده من عيونه لوووول
وانا ركبت الكبوس لزقته عدل
اخر شي لما يت بتوقفه ما وقف من طوله هههههههههه
مادري شسوت فيه
صار اطول ارجوز في العالم
جان تاخذه وتقعده على الكرسي وما قعد يطيح
ييت انا وقعدته وربطته بسيم يالله ثبت
وعليه كسر خاطري هههههههههه
سعره: 2.750 دينار
التسميات:
سوالف,
Funny,
Games,
Happy Birthday,
Shopping
فيول تركي!
يحليلها رفيجتي رايحه تركيا ويايبتلي صوغه من هناك
قصة فيول بالتركي!
شلون بفهم؟!!!
احد يترجم
قلم رصاص
مقص فيول
بوك مارك فيول
جنه قالت لي هذيله من الكويت امها يايبتهم لي
ميداليات وعلاقه بعلقها عند الاوتي عشان اكوي واجابله ههههه
وهذي من الكويت هم مادري منها او امها نسيت
كراسه والوان شخباري ههههه
لما بطلتها ولا فيه انواع حق الي يحب الحيوانات الباجي
وكشخه فيها بوستر كبير ومن وراه تلوين
ستيكرز
والله شي هالتلوين
وكل صفحه فيها معلومه عن فيولي العزيز مع رسمه
وهذي الي لونتها
شكلي بروح تركيا واخم من الفيولات
شكرا بربر على الهديه الحلوه
وشكرا خالتي ام بربر على الهديه
الاثنين، 21 مارس 2011
Fondue for Two
اليوم مريت فيرجن وشفت هالكوابه
حق الفوندو لشخصين
ما صورتهم خذيت الصور من قوقل
حبيت فكرتهم بس ما شريتهم
لانه عندي الكبير الي يابته لي رورو اضغط هنا
السعر: 7.500 دينار
وبره الكويت تلقونه 5 دنانير
الأحد، 20 مارس 2011
The November Bakery
قبل عيد ميلاد اختي قعدت ادور بفلكر صور كيك
لقيت جم وحده بس اكثر وحده حبيتها
هذي
خذيت التصميم ورحت وديته
نوفمبر بيكري
وقالت لي نقدر نسوي نفسها
وسألتني اي كيكه تبين قلت لها ابي
هارت بريكر
The Heartbreaker
وهذي النتيجة
وايد حبينه الكيكه بالصج شكلها وااااااايد احلى من الصور
شغلهم عجيب اول مره اجربه
والكيكه طعمها لذييييييييييذ
واشوه اعجبت خواتي
الكيكة عباره عن 3 طبقات
شوكليت - فالفيت - فانيلا
السعر: 45 دينار
مكانه: الشويخ - مجمع التلال
خدمة التوصيل: 97313310
التسميات:
خدمة التوصيل,
مطاعم,
FOOD,
Happy Birthday
السبت، 19 مارس 2011
Lily & D
كل ما ادق على سبا ما شاءالله كلهم زحمه
جان اختي تقولي عن سبا يديد جربته قبل جم يوم
ودقينه ولقينه حجز
اسمه
Lily & D Nail Care
امي اقعدت اهني لانها بس بتسوي ايدها
اختارت
مانيكير مقاومة التجاعيد لأيدي ناعمة كالحرير
lily & D Microdermabration & Silky hand dip
السعر: 15 دينار
بعد الخصم: 10 دنانير (مو متأكده)
الي سوت لها اسمها: Myla
راي امي: زيـــن
وانا هذا مكاني سويت مانيكير وباديكير
عيب القنفه مو مريحه
اخترت للمانيكير
وداعا لجفاف الأيدي
Goodbye to dry mani
السعر: 8 دنانير
الي سوت لي اسمها: Venus
رايي: زين بس مو نفس النتيجه الي ابيها
وللباديكير اخترت
باديكير الترطيب العميق للكعبين
Rich moist for cracked heels pedi
السعر: 8 دنانير
الي سوت لي اسمها: Emma
رايي: ريولي صارت ناعمه حبيته
وطبعا ما انسه موظفة الاستقبال الي سوت لنا قهوه ويابت لي ماي
اسمها: Reeya
وحق الي يحبون الـ Minx
ييبوا التصميم الي تبونه واهما يحاولون يسوون لكم نفسه للمينكس
قبل لا نطلع شفت هالأشياء
وشريت جم شغله
اختي خذت مبرد للأظافر صغير فيه علاقه
السعر: 500. فلس
وانا خذيت هالمبارد
الـ 3 سعرهم: دينار
كل علبه داخلها 6 صغار
وشريت الي يلمع الأظافر
السعر: 4 دنانير
المانيكير والباديكير الي سويتهم مع كل الأشياء الي شريتهم
سعرهم: 21 دينار
بعد الخصم: 14.700 دينار
مكانه: شرق - مجمع الغوالي - جبال الراية
للحجز: 22441585
الاشتراك في:
الرسائل (Atom)