اليوم ريوقنه كان في الفورنو
اول ما دشينه الأفنيوز ولا لويه وعفسه وناس متيمعين
جان اخذ كاميرتي واتليقف لان لفت نظري هالحصان هههههه
اخر شي طلع مطعم يديد اسمه P.F.CHANG'S
بيفتح يوم الأربعاء 9/12/2009
ستاف المطعم مستانسين وقاعدين يصورون
اول ما دشينه الأفنيوز ولا لويه وعفسه وناس متيمعين
جان اخذ كاميرتي واتليقف لان لفت نظري هالحصان هههههه
اخر شي طلع مطعم يديد اسمه P.F.CHANG'S
بيفتح يوم الأربعاء 9/12/2009
ستاف المطعم مستانسين وقاعدين يصورون
دشينه المطعم على الساعه 10:45 باقي ربع ساعه ويخلص الريوق زين لحقنه ههههههه
احلى شي ان المطعم مافيه ولا احد الا احنه
هذا المنيو
طلبنه نص المنيو :q
لما يه بعيد لنه الطلبات طبعا الاسامي ابداع لووووول
واحنا متنحين جان اقوله خير انشاءالله مادري صح او لا بس اشوه طلع صح
كاستينو دي بانيه كون مارميللاتا إي بوررو
الي يقول اسم هالطلب 3 مرات اعزمه على الريوق :q
توست وخبز مع زبده ومربى وعسل
كابتشينو
عصير ليمون ونعناع
فريتاتا اسباراجي إي فونغي
اومليت جبن ومشروم
يقولون حلوه (انا مو صوب البيض)
فوكاشيا الفورماجيو بومودوريني
بس طلبناها بدون طماط
لذيييييييييييييييييييييييييييييييييييييييذه
بانوززو فارسيتو الأورينتالليه
حلوم مشوي وخيار وطماط وخس وزيتون
لذييييييذه
روتولو كون تاتشينو إي موزاريلا إي بومودورو
فوكاشيا مع الديك الرومي وجبن الموزاريلا وطماطم
هم لذيييييذه
الأكل كان كله لذييييذ ماكو شي ما عجبني
هذي المره الأولى الي اروحله ريوق قبل كنت كله اروحله غدى او عشا
وهذا الريوق كان عباره عن 3 وجبات (ريوق - غدا - عشا)
-------------------------------
بعد ما طلعنه مرينه ستي سنتر جان تقولي اختي شوووووووفي
@@
وطبعا بدووووون تفكييييير خمطتها ومشيت
والحين ترستها ماي وكل شوي اصب منها لما حصلت لي زفه من امي
لاني مو حاطه قلاص تلفت الدنيا ههههههههههه
وسلامتكم
هناك 44 تعليقًا:
الريووووق حدااااا يشوق .. شكله لذيييييذ
علييييييييكم بألف عااافية مطرح ما يسري يملي على قولتهم :))
و الفيييل حدااااا عجيييب و ويين حااطته بداارج :q
؟؟
جااي يبيييله ريووووق :q
الله يعطيييج العااافية واااايد حبييت الموضوووع
لا ريجيم و لا هم يحزنوون :qq
بربر
اي والله واااااايد لذييييييذ كان ناقصنه انتي
الله يعافيج حبيبتي
لا حاطته بالصاله على الطاوله الي غرقت من الماي لووووول ... بس بعد شوي باخذه معاي الدار اخاف يشربون منه :q
لااااا والله كل ما اقولج عن المطعم ما تحبين تجربين :q
ها نحول الغدا ريوق لووووول
انشاءالله مره ثانيه دامنه بطاليات
مشكوووره :)
هي هي هي راح تعزميني على الريوق قلتها 3 مرات
تصدقين الافنيوز مايخلص كل مره اكتشف شي يديد عاد المشكلة الريوق مشكله صعبه شيقعدنا الصبح بس انا مواعد نفسي اني على يوم بتريق
ثانكس
السلام..
بالعافيه يارب ..
عاد قبل جم يوم جربت بيتزا خطيره ماشاءالله ..
وتوني ادري عندهم ريوق من جذي ..
كاستينو دي بانيه كون مارميللاتا إي بوررو
كاستينو دي بانيه كون مارميللاتا إي بوررو
كاستينو دي بانيه كون مارميللاتا إي بوررو
متى تعزميني خخخ ..
لا جد ضروري اجرب ريوقهم عاد اليوم المفروض انزل صور عن غدانا في بس مالي خلق :\
وصورت لج شغله ع فيول هم نسيت احطه :(
بس قريبا ان شاءالله ..
و بعض الناس نزفوا كاااااااااااك خخ لا اتغشمر بالعافيه فيولي اليديد..
ومرسي..
المباركيه
افا عليك من باجر اعزمك بس صورلي المنيو عدل بعدين اعزمك هههههه :q
اي انا بعد الحين حاطه ببالي 3 مطاعم بجربهم ... ماعندنه غير هالمطاعم حق المتن ههههه
اهم شي انك مواعد نفسك :q
حياك الله :)
يسلمووو حبيبتي :**
لووووووول عيييل تلفتي الصااالة من ورااهـا :q
بس حدهـااا تشووووق :))
تدرين أنا مو ذاااك الزود مع سالفة أجرب شي يديد بس من الصور و المديييح لاااا شكله مو بجرب إلا بدب بالخمس لووووووووول
:))
و هذي حالتنا : و البطالي بااع كوته و اشتراااله كوووت ثااني :qqq
من ورااا البطااالة بنطق بالعرض ههههههه
ثنكس خيتووو
رورو
الله يعافيج
انا كنت ادري من مده وكل مره نقول بنروح ويصير شي هالمره ضبطت الطلعه
لوووووووووول جني بهون :q
انا حدي مقفله مو نايمه الا ساعتين وهذي قعدتي من الصبح بس قلت بنزل الصور مالي خلق يتكودون
وانا اطالبج بوست كامل حق فيولاتي :q
ههههههه يالله عاد كلش ولا فيولي ... الله يعافيج :)
حياج الله
بربر
اي انتلفت بعد شوي بتفخ حوتي وبسبح معاه ههههههههه
يعني لازم تشوفين بالصور يالله تقتنعين؟ :q
تصدقين يبيلي اشتري كوت ... ماعندي ولا شي شتوي والسنه الي طافت بعد ما كنت شاريه تذكرين ايام الجامعه صيفي وجاكيت ولا كوت ههههه
لا انتي يبيلج بالطول مو بالعرض لوووووووول :q
يمييييييييي شكل الريوق يشوق .. عليكم بالعافية!
وعلى طاري المطعم اليديد أنا مجربته أمريكا .. أكلهم حلو أذكر طلبنا طبق فيه بط لذيذ .. وخذينا شغلة مثل حمسة دياي ملفوفه بخس .. وطبق فيه ربيان بس مادري شنو اسمه .. ان شاءالله يكون بنفس المستوى :)
Engineer
الله يعافيج
انا اول مره اشوفه ما سمعت عنه من قبل ... انشاءلله اذا فتح جربيه وقوليلي عنه :q
مشكوره
عليج بالعافية
انا لو منج اروح مطعم "الرعيل الاول" اخذ لي جبده وقلوب وطاسة لبن وخبزة ايرانية وبعدين اشرب لي جاي من قهوة بوناشي وارد البيت ارخص واحلى واجمل :)
بالعافية, توني ادري ان عندهم ترويئة عن يوم كامل
:)
ههههه ..
بالعافية لج .. وبالعافية لاختج
وبالعافية احتياط للي معاكم
"للمرة الرابعة أعلق من غير أزمات"
* عليكم بالعافية ، أول مرة ادري انه فيه ريوق حسبت بس بيتزا ..
شكلة وايد اشوق
مع ان ماظل مطعم مارحتله
ووواااايد اروح الافنيوز
بس ماتشجعت اجربه
بس يتروالي بجربه قريبا شوقتينا
وعليكم بالف عافيه
بونجورنو سينيورا شاي الضحى
لووول
هالمطعم الطلياني لااازم نرووحله
والله قعدت اقرا كل الاسامي الي كاتبتهم
لووووول
نايس نايس
بالعافية بالعافية
=)
بالعافية ..
كل ما نطلع نتريق .. احتار .. وبالأخير دونت مع أيس كوفي ^^
تدرين شنو تخيلت
بدار بيبي حق المميات وهالسوالف .. بيكون شكلها واايد ذرب ^^
ريوق العوافي ^^
ألفورنو رايحتله عشا .. ما جربت ريوق =)
خوش تقرير
ونااسه اليوم كنت بالافنيوزوشفت المطعم اليديد شدني شكله ماعرفتي شنو اهو امريكي ولا ايطالي ؟
وبالعافيه عليكم :)
علييكم بالعافية
مشالله شكل الاكل يشووق
ضحكني الي بالصورة الاولى قاعد تحت ومشرع أيده زين ما شال عيون بو الاحمر خخخ
awal shay 3alikum bel 3afya :D
o thani shay ilfeeeeeeeeel abeeeeeehh abeeh abeeh !! barou7 ashtreeii meenaa!! bashrab maii liima agoul bss!
يمي يمي يشهييييييييييي الريووووووووووووووووووق
لذيذ اممممم
إي هاذي المطاعم السنعة اللي ما فيها أحد أحلى شي
وناسة شكله مطعم إيطالي أظن قريت أسمه بوحده من المدونات لكن بعد ما شفت الصور و دريت أنا ماعليه دوس لازم أروح له
ثانكس=شكرا=غراسيس= مرسي= سلامت بو= تشي تشي=تيغا
كاريكاتير
الله يعافيك
لوووووووول جبده وقلوب؟ !!!! لا تعليق
شكرا
جندل
الله يعافيج ... جربيه لذيذ :)
مشكوره
اجتماعي
الله يعافيك عنه كلنه :q
الحمدلله هههههه دووووم ان شاءالله :q
مشكور
ميمه
الله يعاقيج
جربي الريوق وخاصة الفوكاشيا لذييييذه :)
سنعه
انا وايد اروحله غدا او عشا لذييذ احب الباستا بس هذي اول مره اجربه ريوق وشي اكيد ماراح تكون اخر مره :)
الله يعافيج
هاشم
بونجورنو
دامك قريتهم كلهم خلاص العزيمه علي هههههه :)
الله يعافيك الله يعافيك :q
شكرا
she is me
الله يعافيج ... هالمره خلج من الدونت وجربي هذا :)
مشكوره
نبض الأدب
الله يعافيج
شكرا
دودو
والله انا ما اعرفه اول مره اسمع عنه بس كاتبين انه امريكي :)
الله يعافيج
شكرا
Made
الله يعافيج
اي هذا كان وايد مشتط ويغني مستانس على المطعم هههههه
مشكوره :)
طماشه
الله يعافيج
لا الفيل بس حقي هههههه :q
دلوووعه
وايد لذيذ
مشكوره
خاتون
كان هدوء لان مو وايد ناس تدري انه في ريوق بس الغدا والعشا زحمه
walang anoman :)
والله شكل الاكل لذيذ وممتع عاد بحب الاكل اوي اوي لووول
وحلو شكلة برادة الماي شكلها كووووول وكشخه يبيلي وحده وبالعافيه عليكم ان شاءالله ,,
محمد
منو ما يحب الأكل اوي اوي؟ هههههه
لا هذي مو براده لانها ما تبرد ... تنفع حقي لان احب الماي يكون دافي :)
الله يعافيك
شكرا
بالعافية
بس ابي اعرف كم سعر الفيل
بالعافيه
بس اما البراد الصغير شكله عجييب
Shireen
الله يعافيج :)
والله مادري مو ذاكره جم بالضبط بس الي اعرفه انه اقل من 4 دنانير يمكن 2 وشي مادري :)
شكرا
juvebizkit
الله يعافيك
اي حده عجيب هههه :)
شكرا
يوووووووووووووووعتيني شووو هذا
شكل البيض لذييييييييييذ والخبز والجام!!!!!
اباااااااااااااااااااااااااا!!!!!
هههههههه احلى شي انج افتتحتي المطعم!
lil.D
البيض يقولون حلو لاني ما احبه والجام بعد ما احبه فما جربته ههههههه
افا عليج اطرش لج :q
لا ما افتتحته كنه رايحين متأخر فدشينه اخر شي والناس طالعين قبلنه :)
مشكوره :>
إرسال تعليق