Brasserie de l'etoile

لمحبي المطاعم الفرنسيه مطعم brasserie de l'etoile

بالأفنيوز

المنيو

اول شي كنه متنحين ماندري شنو نطلب بعدها يه الجارسون وقعد يشرح لنه

صمون وزبده


المقبلات

طلبنه أصابع الجبن (ما عجبني)


ومشروم مع الجبن يمييي

ما اعرف اسامي الأكل الي طلبناهم

سفن اب

بيبسي

دجاج مشوي مع أرز

باستا مع مشروم

وهذا طلبي بطاط مع برجر

البطاط لذيييذ

خدمتهم وايد حلوه

والأكل بسرعه ايبونه

عقب ما خلصنه يه الجارسون وقالنه منو حظه حلو؟

قلناله محد هههههه

جان يقول لا ابي وحده فيكم حظها حلو وتختار وحده من الكوكيز

وتليقفت انا واخترت

جان يقولي انا اقول غيري رايج واخذي الثانيه

(عيل ليش تقول منو حظه حلو وانت بتختار ههههههه)

المهم خذيت الي قال عنها

وشوفوا شنو فزنه فيه

ونااااااااااسه فزنه بـكبون بقيمة 20 دينار من مطعم P.F.CHANG's

وتذكرون بالبوست الي قبل كنت كاتبه ان فزنه بشوربه ههههههه

اضغط هنا

ما كان ودي اروح للمطعم بس الحين قلت لااااااااازم اروح :q

واخر شي بقوله المطعم حلو وقعدته حلوه ويستحق التجربه

والبرجر كانت عملاقه فخذيتها معاي البيت لوول

--------------------------------------------

قبل مده طويله اختي زعفرانه شرت لي فيول من ايكيا

وسمته بـــابـــار

وامس كنت رايحه ايكيا جان اشوف يايبين ولد بابار ولازق فيه حفيده

وهذا حفيد بابار

خذيتهم ويبتهم عند يدهم بابار

ياحلوووووووهم يهبلون

يارب يزيدون :q

Living Room Lounge

من فتره سمعت عن كافيه ليفنج روم وشفته بعد بالتلفزيون

وقريت الي كاتبينه الفيونكات عنه فحده شوقني وقلت لازم اروح

والحمدلله ما طق علينه مطر لان يومها الجو كان مغيم

داخل كان فاضي الناس كلهم بره

قعدنه بره وكان الجو بااااااااااااارد

الدفايه ما تدفي من كثر الهوا


المنيو

دجاج فاهيتا

وهذي مالتي جبن مازارولا مع صلصة البيستو

ولما خلصنه طلبت قهوه من الجو الاكل والقهوه يمدوا

كريم بروليه

هوت براوني مع آيس كريم (مو وايد حلوه)

الكافيه حلو بس توقعته وايد أحلى

من هنا وهناك

بيت الصابون اللبناني

شريت منه 4 صابونات وزيت للشعر والوجه

جربت الي للشعر (زيت اللوز الحلو) وحطيته بشعري وويهي عجبني

مو نفس مال الحواي خربوطه ما يسوي شي

وهذي صابونة الحليب والماعز

تعطي نضارة للبشره جربتها اعجبتني


الباجي ليلحين ما جربتهم

------------------------------------------

مركز السلطان

شوقتني الجيز كيك مالت سارا لي


في أنواع وايد بس انا خذيت الي على فراولة

نطرتها ساعتين على ما يفج منها الثلج بس ماكو فايده لان الجو بارد


ما اعجبتني

------------------------------------------

جــيــان

أخيراً أمي شرت لها غسالة يديده صارلها جم شهر تدور لووووول

وانا خذيتلي سشوار يديد لان مالي مات

وانا قاعده اتمشى بجيان جان اشوف عندهم مكينه تسوي كوتن كاندي بـ 10 دنانير وشي

ومكينه للبوب كورن بـ 7 دنانير وشي

كنت ابي مكينه للآيس كريم قالولي خالصة توصل بعد اسبوع

-------------------------------------------------

سوق الصفافير

ذاك اليوم رحنه سوق الصفافير بنشتري دوه

بس لما رحت اهناك جان اقول حق امي اشتري شوايه احسن من دوه

اول شي ما عجبها بعدين شرتها

ايوا ايوا بنشوي

لما وصلت البيت اكتشفت ان امي شرت العده كلها

وناسه

يالله طلبوا من الحين عشان نشوي لكم هههههههه :q

Pizza Rustica

البلعة من جديد ههههههه

من قال ما انتفخت؟ لوووول

حاطه ببالي جم مطعم وقلت لازم اشطب عليهم والحمدلله اليوم شطبت على اللسته

بس باقي واحد اليوم يه على بالي

المهم يوم الخميس الي طاف رحنه مطعم Pizza Rustica

مكانه جبال أبل بيز بالدور الأول

وهذا المنيو

اول ما قعدنه يابو لنه هالأشياء مادري شسمهم بس ما عجبني

في ناس اقعدوا ما عجبهم المطعم كلوه كله ومشوا لوووووووووول حده فشله


الجو كان مو طبيعي فقعدنه بره وكان بررررد

طلبنه مشروم مشوي مع جبن البارميزان لذيييذ

Garlic Bread

بيبسي


بيتزا مادري شنو اسمها وطلبناها نص نوع والنص الثاني نوع ثاني

بس كلها خضروات انا ما جربتها لان فيها بيديان وكوسا وسبانخ كلهم ما اكلهم

بس يقولون حلوه

وهذي بعد مادري شنو اسمها فيها جبن وجرجير وطماط

لذيييذه وخفيفه

وهذي الباستا مالتي كريمة المشروم مع جبنة البارميزان

كانت لذييييييذه

وعقب ما خلصنه يابو لنه هالكوكي مالت المطعم الصيني اليديد P.F.CHANG's

وداخلها هديه

كسرناها وطلع داخلها شوربة هديه من المطعم الصيني

المطعم يستحق التجربة

التاج

الحلوة دلوعة الإمارات اهدتي التاج

فلازم اجاوب على الأسئلة

وعقبال ما يهدوني تاج الملكه ههههههه

اسمك واسم مدونتك؟

اسمي على اسم مدونتي ... شاي الضحى


احب الالوان؟ الايام؟ الارقام؟

الأبيض ... الخميس ... 10


برجك وتاريخ ميلادك؟

الميزان ... 10/10/1987م


اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

سألت أمي قالت لي حليوه ومرحه ومحبوبه لووووول

وسألتها بعد عن عيوبي قالت لي تتنرفزين بسرعه ... وانا اشوف اني عنيده وايد

اتمنى اني اعرف شلون اجامل الناس


ماهو مكانك المفضل؟

أي مكان هادي وفيه لعب ووناسه


ايه هى هوايتك المفضله؟

العزف على البيانو


ما المقوله اللى تؤمن بها؟

يوجد دائماً من هو أشقى منك، فابتسم

أن تكون فرداً في جماعة الأسود خير لك من أن تكون قائداً للنعام (هالمثل يذكرني بمادة حقوق إنسان)


اجمل هديه قدمت لك من مين؟

كل هديه لها وقتها ولها حلاوتها :>


اسعد يوم فى حياتك؟ واتعس يوم فى حياتك؟

كل أيامي سعيده الحمدلله :)

ما عندي يوم تعيس ... عندي لحظات تعيسة


موقف طريف لا ينسى من ذاكرتك؟

حياتي مليئة بالمواقف الطريفة ... الموقف الي اذكره حالياً

آخر كورس كنت متأخرة على محاظرتي وقعدت اركض وانا اصعد الدري لحقني واحد وطول الوقت يناديني لو سمحتي لو سمحتي!! وانا حاقرته مادري منو هذا اخر شي جان التفت عليه قلت له نعم!!! وانا معصبه جان يمد ايده ويعطيني شي لما شفت شنو ولا ترجيتي طاحت وانا اركض ههههههه


معاك ثلاث وردات لمين تهديهم ؟

الوردة للأولى لأمي

الوردة الثانية لخواتي ورفيجاتي الي مثل خواتي

الوردة الثالثة لــــكـــم :>


معاك ثلاث رصاصات على من تطلقهم؟

الصراحه ما يكفوني 3 ابي أكثر ههههههه

الأولى القطاوه الي بالشوارع

الثانية الأغبيه الي ما يسوقون عدل

الثالثة لكل شخص ما تهمه مصلحة الكويت


ايه رايك فى الحب؟ ولمن تقول اجمل كلمه حب؟

الحب هو الشعور الدائم بالسعادة والارتياح ... وهو أجمل وأحلى شعور بالدنيا

لأمي ... ولشخص عزيز علي


هل من السهل ان تمثل الحب لشخص يحبك لعدم جرح مشاعره؟

أكيد لا ... ما تهمني مشاعره ولا احب التمثيل هههههههههه


المراه فى نظر الرجل ।لحظة الحنان ......... أكمل ؟

بحر من العواطف


الرجل فى نظر المراه...الآمان ..........أكمل؟

طفل بهيأة رجل


ماهو اسعد خبر سمعته هذا العام؟ وماهو اتعس خبر؟

اسعد خبر: تخرجي من الجامعة

اتعس خبر: حل مجلس الأمة 2009م لأن الدكتور غير موضوع بحثي وصار عن الحل :(


لمن تهدى التاج؟

رورو الشخبوطة

Made n Q8

{~المباركية~}

DoDoq8

Viagio

ما قلت لكم البوستات اليايه راح تكون كلها بلعه هههههههههههههه

لمحبين الباستا

مطعم Viagio Pasta

حالياً موجود في مجمع ديسكفري فقط


المنيو على شكل العلبه مالت الباستا

عندهم نوعين من الوجبات

الأولى: باستا + بيبسي

الثانية: باستا + سلطة + بيبسي

وفي عندهم ساندويتش

احنا طلبنه الوجبه الثانية

واخترنا انا واختي بيني مع صلصة الطماطم والريحان والجبن

وامي بيني ارابياتا مع الجبن

هالصمونه يحطونها مع كل باستا

عندهم نوعين من السلطات سيزر أو سلطة الجرجير

طلبت جرجير

وهذي علب الباستا

باستتي شكلها بموقعهم وايد احلى من الصج هههههه

وهذي مالت امي

الي طلبتها حلوه بس الي امي طلبتها وايد احلى

عجبني بالمطعم انكم تختارون نوع الباستا والصلصه وتقدرون تضيفون على كيفكم

صباح ومسا

بوستاتي هالأيام راح تكون كلها بلعه بس مادري شنو السبب

يمكن لأن الكويت ما فيها إلا مطاعم؟

صارلي فتره اسمع عن هالمطعم وقالولي انه تابع لفيلا فيروز وميجنا الي بالكوت

جربت فيلا فيروز وميجنا وامس رحت صباح ومسا في 360 مول

بس مادري اي واحد اكله احلى ما لاحظت هههههههه

احلى شي الهدوء طبعا :>


هذا الكرسي عجبني لووول


المنيو


وهذا خبز يابس وخبز عادي

زيتون

خبزتي المتفوخه


فتوش يمييييييييييييييي

حمص

بابا غنوج

ورق عنب (ملفوف :q)

عصير ليمون ونعناع


عصير رمان لذيييييذ

بطاط بالكزبره والثوم

عرايس (لحم)

مشويات مشكله .. طلبنه لشخصين وكنه 3 وطلع وايد

احلى شي عجبني بالمطعم الفتوش لان صلصته عجيييييبه

اذا تعرفون صلصة حلوه للفتوش قووووووولوووووولي

---------------------------------------------

اليوم رحت مركز سلطان جان اتذكر مولتن كيك الي كتبت عنها دودو

العلبه الوحده فيها 2

تحطونها بالميكرويف 30 ثانيه وتكون جاهزة للتقديم

وايد لذيذه وخفيفه ومو شيره

حطيت معاها آيس كريم

مشكوره دودو