الثلاثاء، 8 ديسمبر 2009

مولتن كيك

صارلي فتره ادور شنو احسن طريقة للمولتن كيك

ولقيت 4 طرق وسويت تصفيات واستقريت على هذي الطريقه الي خذيتها من منتدى كويتيات

المقادير:
4 بيضات
8 ملاعق طحين
ملعقتين كاكاو بودر
1 ملعقة صغيره بيكينج باودر
6 آرو الحجم المتوسط
آيس كريم فانيلا

نخلط البيض والطحين والبيكينج باودر وكاكاو بودر في الخلاط الكهربائي


نذوب الآرو بحمام مائي

بعد ما تختلط المقادير نضيف عليهم الآرو


ونخلطهم مع بعض


ندهن الاكواب بالزيت والقليل من الطحين والكاكاو


نصب الخليط داخل الأكواب بس ما نترسه


ندخله الفرن لمدة 10 دقائق فقط لاغير

ونضيف له الآيس كريم


مادري ليش صار شكلهم جذي ههههههههههههه


الكاكاو يكون ذايب داخل


ملاحظه:

1.
تقدم ساخنة

2.
انا ما لقيت الآرو الكبير فاستخدمت الميني وحطيت 14 واحد

3. كمية الطحين اعتقد انها وايد لو تكون اقل تصير احلى

4. طعمها شويه صار ماصخ يفضل انكم تضيفون عليها القليل من السكر

5. الأكواب شريتهم من سيتي سنتر وخذيت الحجم المتوسط

6. اذا عندكم طريقه ثانيه ومجربينها كتبوها لي إذا ما عليكم أمر :>

هناك 32 تعليقًا:

ألوان يقول...

اولا اسم مدونتج مره عجبني
بس حرام عليج وقسم جوعانه مدونتج تشهي واللي بيسوي رجيم بيهون اذا دخل مدونتج
يعطيج العافيه

illusionist يقول...

جربي الطريقة الموجودة بكتاب المطاحن

غير معرف يقول...

شوكلتنس ما على مولتنهم

bent el deera يقول...

يم يم تسلم ايدج شكلها لذيذ :>

رورو الشخبوطه يقول...

السلام..

صباح الكيك ..

توني اقول لرفيجتي مشتهيه مولتن عسى بس خشيتي مالتي خخ.ز

بالعافيه يارب ..

وتسلم ايدج ..

DoDoq8 يقول...

ymee akthar 7lwo a7ba bs 3mre ma fkrt agrba

athkr kan fe mw83 agnbe ysweha lthetha

bs naseta

tslm edch my dear

Engineer A يقول...

3laich bl 3afyah shakelhaa lathethah!!

bajarebhaa o agolich sh9ar m3ay ,, malich she'3el bel shakil aham shy el 6a3m shlownah?? :P

joe يقول...

اخيييه يعت
عاد الحين شتهيت هالكيكه
لو تعطيني كتكات او اي ككاو ماراح يترس عيني لول
بالعافيه

شاي الضحى يقول...

ألوان

لوووووول اي والله صدقتي وانا اول وحده اقول بسوي رجيم وبعدين اطنش هههههههه :q


الله يعافيج .. مشكوره :>

شاي الضحى يقول...

illusionist

انشاءالله بجرب واذا ضبطت بحط الطريقه :)


شكرا

شاي الضحى يقول...

غير معرف

سمعت عنه وايد بس انا احب اسوي الكيكه بنفسي :)

شكرا

شاي الضحى يقول...

بنت الديره


الله يسلمج

مشكوره :)

شاي الضحى يقول...

رورو

مساء المتن ههههههه

اي باقي 1 لاني سويت 4 ... 3 حقنه و 1 حق زعفرانه بس اهيا مو اهني

الله يعافيج ويسلمج

مشكوره :)

شاي الضحى يقول...

دودو


الله يسلمج ... مشكوره :)

شاي الضحى يقول...

Engineer

الله يعافيج

طعمها حلو بس يبيلها تعديل شوي بالمقادير :)


حياج الله :>

شاي الضحى يقول...

المباركيه

لووووول اطرشلك بالـ DHL جم وحده تبي؟ ههههه


الله يعافيك ... مشكور اخوي :>

barbar يقول...

بالعاااافية :)
تسلللللم إيييدج جااااي

الله الله على المولتن شكله عجيييب و لذييييذ
أبيييييييييييييي :qq

ما جنا ماكليين أمس :q
لو سمحتي ضبطي المقادير علشاان كل ما أشتهي تسويلي :q

بالعااافية ان شاء الله :))

شاي الضحى يقول...

بربر

الله يعافيج ويسلمج :*

لا مالت امس ماكو عليها ههههههههه :q

تستاهلين والله


يعافيج حبيبتي مشكوره :)

غير معرف يقول...

تسلم ايدياتج و يعطيج العافية :)

Made n Q8 يقول...

Nice

يسلموو الايادي وعليكم بالعافية

شاي الضحى يقول...

حنان

الله يسلمج ويعافيج


مشكوره :)

شاي الضحى يقول...

Made

مشكوووره والله يعافيج :)

شكرا

Fishah يقول...

تسلم ايدج حبوبه شكلها حلوو :)

عاد والله وحده طالبتها الوصفه ودزتها لي مسج .. بس ليلحين ماسويتها ماشريت المواعين .. هالويك اند ان شاءالله اذا ضبطت وطلعت حلوه ادزها لج :)

غير معرف يقول...

hala wallah chay..teslam eedich 3ala hal-molten wel blog..wayed eywassi3 el-sadir o 6eentah 5afeefah..jarby site esmah joyofbaking.com enshallah ya3jibich

شاي الضحى يقول...

Fishah

الله يسلمج :)

شوفي اذا ضبطت معاج قوليلي :)


مشكوووه :)

شاي الضحى يقول...

غير معرف

هلا فيج ... الله يسلمج مشكوره :)


توني شفت السايت ولقيت طريقة الوملتن مشكوره وايد والسايت حده يشوق :)


حياج الله :>

بانوراما يقول...

شكله لذيييذ

بالعافيه عليج

شاي الضحى يقول...

بانوراما

الله يعافيك اخوي

شكرا :)

روان يقول...

السلام

اليوم سويتها نفسج بالضبط
عقب الـ 10 دقايق بطلت الفرن اشوف
ولا نفسها ماتغيرت و لا انتفخت ،
عقب نص ساعه انتفخت رحت اباكلها ولا ماكو ككاو سايح للأسف كلها صارت كيكه :(
لووول تحطمت :p
المفروض اقلل شوي و صح كان المفروض احط شكر بس نسييييت مع اني قلت بحط عقب ملاحطتج .. :p


مشكووره ،، :*

الجعده يقول...

مرحبا شلونج
فقدتج وفقدت البلوق والله حمدلله على السلامه
استانس على سوالفج دمج خفيف
المهم ادخل في الموضوع
اسهل شي لاتعورين راسج ولا تسوين خلطه
جيبي كيك بيتي كروكر ككاو وسويه وصبيه في القوالب وحطي قطعه كبيره ككاو داخل الخلطه وسويها بالفرن
لما تستوي اقلبيها
وسوي الشوكلاته السايله
جيبي لوح ككاو خام واصبع زبده وذوبيهم بحمام ماء حار
ولما يذوب جيبي كره ايسكريم وحطيها فوق الكيكه وصبي الككاو السايل وهو حار لاتخلينه يبرد ليش عشان يسوي طبقه يابسه فوق الاسكريم مثل شيليز
وبالهناء والعافيه
بس لازم الكيكه تكون حاره شوي دخليها المكرويف عشر دقايق قبل لاتحطين عليها الاسكريم عشان الككاو اللي داخل يذوب
وشكرا طولت

غير معرف يقول...

روووووعه لازم اجربه مشكووره :)
ناااطرين جديدج !!!

غير معرف يقول...

واااو يشوووق !!!
عجييييب ناطرين جديدج ؛)