الأحد، 11 أبريل 2010

الحل لتساقط الشعر

أسباب تساقط الشعر عديده منها:

1- سوء التغذيه أو الريجيم

2- الحالة النفسية السيئة

3- وراثة

4- حبوب منع الحمل

5- الصبغات الكيميائية

6- آثار جانبية لبعض الادوية

7- نقص فيتامينات

وغيرها ...

وإذا عرف السبب بطل العجب!

صارلي 3 اسابيع شعري يطيح بشكل مو طبيعي اول مره يصير فيني جذي

ولما كنت مسويه رجيم كنت اخذ حديد وما كان يطيح مع اني ما كنت اكل

ومن اخذ الحديد كله ارجع ما اتحمله بس هم كان يفيدني

ومن خلص قام شعري يطيح وشوي واصير قرعه

اختي قالت لي عن دوا موجود بالصيدليه رحت سألت عنه قالت لي الدكتوره انه مقطوع من الوكيل

ومو وايد زين وينفع بس وقت الاستعمال بعد ما تهدينه يرد يطيح الشعر

قلت لها ابي حل حق شعري

وانصحتني استخدم هذا المنتج مع فيتامينات

PHYTO


واسألتني عن المشاكل الي اعاني منها

الحمدلله ما عندي مشاكل بس من الرجيم ونقص فيتامينات

لان عندهم منتجات ثانيه للي فيهم قشره او الي عندهم فراغات بين الشعر او للشعر الجاف او الحكه وغيره

وانا شعري دهني عطتني الشامبو المناسب لشعري


السعر: 5.250 دينار

---------------------------------------

وقالت لي ما تحتاجين باجي العلاجات

وعطتني بس انبولات

والعلبة تحتوي على 12 انبوله

استخدمهم بعد ما اغسل شعري بالشامبو

مرتين او 3 مرات بالأسبوع



السعر: 19.500 دينار

--------------------------------------

واخر شي عطتني فيتامين اسمه


Ultra Hair Force

واهوا عباره عن منتج غذائي يعمل على تزويد بصيلات الشعر بالمواد المغذية

واكل حبه وحده باليوم مع الأكل

وقالت لي الدكتوره هذي الفيتامينات مالها تأثير جانبي

وما تمتن ولا تزيد شعر الجسم

لانها تحتوي على مكملات غذائيه لفروة الرأس فقط


السعر: 8.100 دينار

المنتجات كلها تستعمل للرجال والنساء

وان شاءالله لما اشوف النتيجه راح اكتب لكم


هناك 49 تعليقًا:

Made n Q8 يقول...

يعطيج العافية


ترى الماركه واايد زينه اذكر اختي استخدمتها وهم الحبوب بعد

بس استمري عليهم اكثر من 6 اشهر يالله تبين النتيجه ..

وان شاء الله من بعد 6 اشهر الي يمشي وراج يتعرجب بشعرج من طوله:d

ميمة السبيت يقول...

** يله جربيه و قوليلنا ، بش موجنه وايد قش

ابو عبدالملك يقول...

يالله انتي احد ضحايه ادوية تساقط الشعر
دفعوج 31,800 دينار على الفاضي

لازم تعرفين شغله وحده تساقط الشعر ليس له دواء

وانا رقم 3 وراثه

Ms Botamba يقول...

حتى انا شعري يطيح خصوصا من جدام اذا لبست تاج او سويت عنقوص يبينون فراغات !..
مادري اروح حق اي دكتوره؟
انتي رحتي حق منو؟؟

Zabo0o6a يقول...

بس يعني اذا قطعتيه مايحت شعرج؟
لانه استخدمت شي يشابهه فترة لمدة 6 اشهر بعدين وقفت وكل اللي طلع رد طاح خذيتلي شغلة ثانية على قولتهم كل شي طبيعي بدون مواد كيميائية اشوف شعري وايد تعدل عليها ..

رورو الشخبوطه يقول...

خوش بوست مفيد :)

انا اول بسوي تحاليل بعرف شنو ناقصني عقب اشوف الانسب ..

ويارب تفيدج هالمنتجات ..

مشكوره..

شاي الضحى يقول...

ميد

الله يعافيج

انا اول مره اسمع فيها وقريت عنها الكل يمدحها ان شاءالله تفيدني

اي ان شاءالله بستمر عليه وبشوف النتيجه

ههههههه لا عاد كلش ولا احد يتعرجب :q

e3lamidiaries يقول...

اييي الله يخليج علمينا

انزين سؤال انا عل وشك اقرع اليبهة كل مالها وتكبر وشعري وايد يحت معنه وقفت رجيم من زمان بس

تنصحسن يه يعني!

شاي الضحى يقول...

ميمه

اي اكيد ان شاءالله

لا بالعكس ماكو الا انبولات والشامبو بدل الشامبو العادي الي تستخدمينه

والفيتامين مره باليوم

بس كل وحده على حسب شعرها في ناس ياخذون اكثر من جذي

انا وايد مرتاحه منه لان شويه

شاي الضحى يقول...

ابو عبدالملك

احسب عدل 32.850

اكون من ضحايا الادويه احسن من اني اكون من ضحايا "الارهاب"

وبعدين انت دافع من جيبك؟!

ان شاءالله لو اقط 100 دينار على ادويه انت شكو

لا تعلق مره ثانيه !

شاي الضحى يقول...

مس بوتمبه

انا رحت بوتس وكانت موجوده دكتوره واهيا الي قالت لي عن هالمنتج

روحي حق طبيب بالجلديه او روحي الصيدليه وسأليهم عنه

لان اهيا اسألتني اذا فيني فراغات قلت لها لا فانتي روحي وقوليلها يمكن تعطيج اشياء ثانيه غير الي انا خذيتهم

شاي الضحى يقول...

زبوطه

لما سألت عن الدوا الي كنت ابيه قالت لي انه اذا قطعتيه يحت

وانصحتني بهذا وقالت لي اذا قطعتيه ما يحت نفس الي كنت ابيه

زين ما شاءالله ... شنو اسمه الي خذيتيه؟

شاي الضحى يقول...

رورو

وان شاءالله يفيدني ويفيدكم :)

اي احسن لج لان كل جسم يختلف عن الثاني

آمين

العفو حياج الله :>

شاي الضحى يقول...

اعلامي

انا جذي اول ما خففت شوي من الرجيم قام يطيح وايد وهم ما قمت اخذ حديد فصار فيني نقص فيتامينات

انت لازم تسأل دكتور او روح الصيدليه واسألهم عنه

لان كل جسم يختلف عن الثاني

فلازم تعرف شنو الفيتامينات الي ناقصتك

والفيتامين الي انا خذيته ينفع حق كل الحالات :)

بس الانبولات والشامبو لا لازم تسأل وتتأكد

Engineer A يقول...

قولي اذا يابت نتيجة حلوة معاك والا لا؟

وان شاءالله يرد شعرج نفس قبل وأحسن :)

chandal/danchal!! يقول...

سلامتج وان شاءالله فترة ويرد يتعدل

:)

انا مجربة هالشامبو خوش لاين بس نوع ثاني وصارلي فترة آخذ حبوب من بووتس اسمها
hair vit

اقولج على شي طبيعي ووحدة بوحدة بس انا ما قدرت عليه... الحلبة... ماي الحلبة وايد زين حق التساقط بس عاد ريحتها مأساة!

OTOUMANAR يقول...

مستحضرات قوية نتمنى ان تنفع شكرا لك

AM.SA.CHANNEL يقول...

هي خبرينا الله يخليج أبا أعرف إذا ينفع أو لا ..

و عن الريجيم، ليش تستخدمين على كيفج حديد، لازم أول شي تستشيرين الدكتورة و تشوف إنتي شو تحتاجين أحسن من تاخذين على كيفج ..

kal ho na ho يقول...

عن تجربة..

(سورسير) ..
مال العجايز اللي ينباع بالصيدلية..

هو عبارة عن محلول ينقاله خلاصة الثوم.. بس ريحته جنه اسبيرتو مال صبغ الأظافر.. يوميا بالليل تصبين اشوية بفنجال.. وباطراف أصابعج اتدلكين الفروة.. يووووميا..

أنا كل شهر أشتريلي غرشتين.. وكل غرشة بعشرة إلا ربع..

صراحة يبيله مقاقة.. بس كلش ولا الشعر.. مفلسين من كل شي إلا الشعر عاد :))

بس معروف إذا قطعتي اي منتج يرجع الشعر يحت ..
بس هالسورسير.. يخلي بحاصات راسج اتشعر ..!!

يالله العافية..

ودمتم

SHAHAD يقول...

نبي النتيجة اهم شي
ناطرينها : )
تدرين بعد الحال من بعضووو
لوول

شاي الضحى يقول...

ENG

اي اكيد ان شاءالله

الله يسمع منج يارب :)


شكرا

شاي الضحى يقول...

جندل

الله يسلمج .. ياااارب

ان شاءالله ينفع معاي

لا لا عاد كلش ولا الريحه ما اتحملها مره جربت ثوم وندمت اني حطيته قعدت ريحته 3 اشهر جنه حمسة براسي لووول

مستحيل ارد اجرب شي فيه ريحه بعد

:)

شاي الضحى يقول...

OTOUMANAR

ان شاءالله

شكرا

شاي الضحى يقول...

AM

ان شاءالله بعد ما اشوف النتيجه اقولكم

وبالنسبه للحديد كنت اخذه باشراف طبيب :)

شاي الضحى يقول...

kal ho na ho

اول مره اسمع فيه

عادي انا فاضيه ما عندي شي اجرب :q

بس اول بخلص من الي عندي وبشوف النتيجه اذا ما نفع بجرب الي قلتيلي عنه

مشكوره :>

شاي الضحى يقول...

شهد

اكيد ان شاءالله

ويه الله يعينج ويعينه كلنه على هالتساقط

روحي الطبيب او الضيدليه وسأليهم عن الي يناسب شعرج

نهــــــــــار يقول...

السلام عليكم ...
بالتوفيق ...
الصراحه ما أبغي أحبطج ...
والناس تختلف ما خليت شي ماجربته ..
مانفعني شي ...
يعني إعتبري الموضوع عادي دام كلنا شرات بعض يعني إلي ما عندهم تساقط هم المراض ...
...
دمتِ بخير

شاي الضحى يقول...

نهار

لا عادي انا جربت وايد اشياء وما انفعتني

بس هالمره ان شاءالله ينفع لان فيني نقص فيتامينات :)

Hopeless Sight يقول...

ضحكتني اخر ايقونة :p
في ريجوفي هم وايد زينة :)

انسانة يقول...

ابو عبدالملك:
مادري ليش انتوا اللي تدّعون التدين اخلاقكم ابعد ما تكون عن الدين

الكلمة الطيبة صدقة و التفاؤل و الايجابية امور ديننا يحث عليها

ورسولنا الكريم صلى الله عليه و آله وسلم قال:من كان يؤمن بالله واليوم الآخر فليقل خيرا أو ليصمت

مادري من وين يايبين كل هذا الكم من السلبية و السوداوية اللي مسيطرة عليكم انتوا الارهابيين و المشكلة قمتوا تفتون في امور ما تخصكم،من متى كان تساقط الشعر ماله علاج؟
من حضرتك عشان تفتي بهالمسائل ؟ معروف ان الشعر له اسباب تخليه يتساقط اما الصلع عند الرياييل هذا شي ثاني هذا اللي له علاقة بالوراثة

وبعدين يعني حتى الرسول له حديث في هذا الموضوع،ماعمرك قريت هالحديث:
قال رسول الله صلى الله عليه و آله : «تداووا عباد الله فإن الله أنزل لكل داء دواء عرفه من عرفه وجهله من جهله»

جد يعني انتوا في وادي و الاسلام في وادي آخر الله يعينكم والله !


اختي شاي الضحى عسى الله يشافيج و تستفيدين من هالعلاجات بحيل الله و على فكرة انا مرة شفت برنامج في قناة بريطانية و كانوا يتكلمون عن التساقط و قالوا ان الأكلات اللي فيها الياف مثل الخضراوات و الخبز الاسمر وايد مهمة حق الشعر و قالوا ان الحليب و منتجاته مهم واااااايد للحفاظ على كثافة الشعر

و بالنسبة لمحلول سورسير اللي قالت عنه الاخت kal ho na ho
ترى واااايد زين و اهوا دوا ياباني و معروف من زمااان و ترى ريحته حلوة مو مثل ما انتي متخيلة اهوا يمكن حاطينله شي يلطفه فأبدا ما تشمين ريحة الثوم فيه

وبالتوفيق و تحياتي لج

Zabo0o6a يقول...

اسمه سورسير اهوا مثل تونيك تحطينه بشعرج عقب ماتسبحين والحلو فيه مايدبق ولا يدهن الشعر

شاي الضحى يقول...

Hopeless

اي اخر وحده معبره ابي شعر ههههههه


:q

شاي الضحى يقول...

انسانه

لوووول من صجج تردين عليه خليه هذا انسان فاضي مجابل بلوقات البنات ويفتر فيهم ما صار دوره للتفجير ليلحين

هههههههه

اللهم آمين

انا اكل خضراوات وايد بس الخبز ومنتجات الحليب حاليا موخره عنهم

اول مره اسمع فيه بس والله شكله زين

ان شاءالله لما اخلص الي عندي بستخدم الي قلتي عنه لان لازم اثبت على علاج واحد

والحين الحمدلله شوي مبينه النتيجه شعري خف وايد عن قبل

اجمعين يارب

والله يعطيج العافيه على النصايح الحلوه :)

شاي الضحى يقول...

زبوطه

نفس الي قالوا عنه

اهم شي انه ما يدبق ولا يدهن الشعر لان شعري من غير شي دهني

ومشكوره :)

ابو عبدالملك يقول...

انسانه
ماشاء الله انتي عممتي على قضية الاخلاق
ومعلوم ان التعميم لغة الجهل

فأتمنى حددي شخص بعينه واذكري شنو شفتي في اساءه لكي استطيع ان اعرف هو على حق ولا باطل


الكلمه الطيبه بوقت السلم
وبوقت الحرب والقتال كلمتنا تكون احزمه ناسفها ندك فيها عروش امريكا والمرتدين وعملاءهم

ارد واعيد واكرر التعميم لغة الجهل
وبخصوص الارهاب فهو مشروع بالاسلان لان الله سبحانه وتعالى يقول(وأعدوا لهم مااستطعتم من قوه ومن رباط الخيل ترهبون به عدو الله وعدكم)
فالله سبحانه وتعالى قال ترهبون به عدو الله اي يعني الارهاب مشروع بالاسلام

اما بخصوص علاج الشعر انا لم افتي واقل ان الشعر ليس لها علاج وذكرة لج ايه او حديث
انا اللي اقصده ان تساقط الشعر ليس له علاج في وقتنا الحاضر وان كان في علاج مجرب وفعال فأعطيني اسم العلاج وفيديني لان انا شعري فيه تساقط

وبخصوص ان الاسلام في وادي وحنا في وادي
فأتمنى ان نعلم ان الاخت هل هي علامه في علوم الدين الاسلامي لكي تحكم علينا

او انتي ممن يخالفون قول الله تعالى (وان اختلفتم في شي فردوه الى الله ورسوله) فتردين جميع الامور الى عقلج وليس الى الله ورسوله

يتبين لي انج فيج غضب وحقد على اهل الدين اتمنى ان نعلم الغضب الذي في داخلج

اما بخصوص شاي الضحى
فأعتقد ان الفاضي هو الانسان اللي يدخل مدونه ويكتب لي موضوع عن شامبو او صابونه او عن ستار بكس

اما بخصوص اني افتر على مدونات البنات
انا اللي الاحظه ان جميع الشباب يدخلون مدونات البنات ويطرحون اراءهم
هل حلال على الشباب الا بوعبدالملك حرام

اما بخصوص العمليات الاستشهاديه
فلا اعلم مادخل هذا الموضوع
لكن الظاهر ميته قهر على اسيادج الامريكان الذين قتلوا عن طريق العمليات الاستشهاديه

Crazy Girl in aGood Way يقول...

كنت بعلق بس خفت من الارهاب :(

شاي الضحى يقول...

ابوعبدالملك

لوووووووووووول

حسبي الله عليك ضحكتني وكلهم نايمين اقعدوا والسبه انت

انا مو قايلتلك لا تعلق؟!

بلوقي مو ساحة معركه

بالضبط انا فاضيه منو قالك اني اشتغل؟!

انا وحده بطاليه وما سويت بلوقي الا لما دشيت عالم البطاله

واكتب الي ابيه فيه ان شاءالله لو اكتب عن كلينيكس او شباصه او حتى عن علج .. بلوقي وكيفي

والشباب حياهم الله يدشون ويعلقون ويقولون رايهم بس انت لاااااااااا

انت شخص غير مرغوب فيه

اي كل يوم ابجي على اسيادك الامريكان واتحسر عليهم واقول ليش ما خذوك معاهم

اعتقد انك قلت الي عندك

فرجاء مابي اشوفك مره ثانيه ببلوقي


جرب الدوا صناعه "امريكيه" خوش شي وقف التساقط




جم مره قلت "اما بخصوص" ؟!

شاي الضحى يقول...

كريزي

هههههههههههههه


ديري بالج البلوق مستهدف :q

ابو عبدالملك يقول...

شاي الضحى
ماعرفت لج تقولين لاتعلق

واخر التعليق تقولين جم مره قلت اما بخصوص

شاي الضحى يقول...

ابوعبدالملك

ما نخلص يعني؟

اقول الي اقوله لا تعلق ترا اذيتني

روح نام ما بقى شي على صلاة الفير

ولا دوامك بالنت اليوم شفت الليل

cheese 7cake يقول...

الشعر ومشاكله ما تخلص بس فعلا انا

طاح فتره وكان السبب حبوب منع الحمل

ولما قطعتهم وقف التساقط.

وترى التغذية لها دور اساسي تغذيه صحيه مو خرااابيط : )

Frankom يقول...

هالماركة وايد زينة

ما جربت تساقط الشعر
بس شعري كان في شوية قشرة خفيفة وخفت انها تزيد رحت وعطوني واحد من هالماركة

أستخدام أسبوع الى اسبوعين والحين مافيش حاجة
):

شاي الضحى يقول...

cheese

اهوا اهم شي تعرف السبب الي يخلي يشعرج يطيح عشان تقدرين تعالجينه

وانا مشكلتي من التغذيه والرجيم

:)

شاي الضحى يقول...

فرانكوم

انا اول مره اجربها

ان شاءالله ما اييك التساقط

والحمدلله راحت القشره وان شاءالله بلا رجعه

:)

ابو عبدالملك يقول...

(الصراحه هذا انسان تافه ومو محترم ولا يعرف يرد على الناس بكلمه حلوه )

اول شي تعلمي انتي شلون تردين على الناس بكلام حلو علشان ارد عليج

شاي الضحى يقول...

الي ما تتسمى

الحمدلله اعرف شلون ارد واعرف شلون اتكلم مع "الناس" ... بس معاك غير

ومن قال ابيك ترد علي


وبعدين انا مو قايلتلك لا تعلق ولا ابي اشوفك في بلوقي

شفت تعليقات الناس وكلهم ما يواطنونك فقوم شيل قشك وفكنه من ويهك

صج انك تافه وفاضي

5/4 يقول...

واللي يقول لج أنا طلعت لي صلعه صغيرونه :(((

بس أنا لأنه نفسيتي وايد تعبانه, يمكن من جذي

إنشالله تلقين الحل :*

شاي الضحى يقول...

5/4

اي ديري بالج النفسية وااااايد تأثر على الشعر والجسم كله

الحمدلله لقيت الحل وشعري ما قام يطيح من هالمنتجات الي استخدمتهم

روحي الصيدليه وسأليهم عنهم لان فيه حق الفراغات بين الشعر

وان شاءالله تتعدل نفسيتج ويوقف التساقط

purpleyah يقول...

هلا شاي الضحى

اذا الحديد يتعب معدتج (طبعا لازم تكونين ماكله زين لانه الحديد قوي عالمعده ممكن تستبدلينه ب easy iron بتحصلينه في الصيدليه وهو حديد خفيف عالمعده بس بعد لازم تكونين ماكله زين وعن منتجات الفايتو ان شاء الله تفيدج انا استخدمتها فتره بس ما حسيت باي نتيجه بس ان شاء الله انتي تحصلين هي ماركه زينه ومعروفه بس ما ايبت ويايه نتيجه للاسف