الجمعة، 22 يوليو 2011

منو الحرامي؟!

شفت برنامج عن كينيا ولا حاطين هالأغنية 



بس شوي اللحن غير ... البداية نفسها 

وعااااااااشوا عااااااااااااشوا 


السؤال 

منو الي بايق من منو؟! 

الأربعاء، 13 يوليو 2011

All Natural Ice-Cream

هالايس كريم عجبني اسمه 

Breyers Ice Cream 

اول مره اجربه 

شريت نوعين 

Creamy Vanilla 

الي عجبني فيه انه وايد خفيف بس عيبه شوي حالي 

مره ثانيه بدور اذا فيه بدون شكر


والثاني اهوا 

Dark Chocolate Velvet

عجبني هم خفيف ومافيه وايد شكر 

واحلى من الفانيلا


شريتهم من مركز السلطان

شعب ممل


الوضع الي صاير بالكويت يملل 

بكل شي طبعا 

الزحمه الي بكل مكان وماكو اماكن يديده وغيرها 

بس انا بتكلم عن الهبات 

قبل لما نسمع بيفتح شي نستانس لانه نقدر نروح ونجربه 

حتى لو من اول يوم او اسبوع 

لا زحمه ولا لويه 

بس الحين لما اسمع شي بيفتح مايهمني ولا استانس 

لانه ادري بيصير طوااااااابير 

لمدة اشهر وما يخفون عنه الا لما يفتح شي ثاني يديد 

ويحولون 

خلصنه من بينك بيري يانه الفيشن برجر 

والحين شيك شاك 

اتوقع الطوابير بحولون عقبه على جيز كيك فاكتوري لما يفتح 

مادري متى راح نخلص من هالسالفه 

ونقدر نروح اي مكان على راحتنه من غير زحمه! 

وترا مو بس على الاكل لااااا بكل شي 

هدوم - ميك اب - مجمع يديد ... الخ

شعب بو هبه ... شعب ممل

الأحد، 10 يوليو 2011

شيك شاك - Shake Shack

(الصوره من قوقل)

بما ان شيك شاك فتح بالكويت 

والناس طق عليه 

قلت اكتب لكم تجربتي بالمطعم 

جربته في مول الامارات بــدبــي 

كان يوم الاحد الظهر فكان فااااااااااضي 

لا طابور ولا نطره اول ما دشينه طلبنه على طول 

ورحنه قعدنه بالطاوله ننطر على ما يهز الجهاز 

زززززززززززز 

خلص الطلب 

خذيناه وردينه طاولتنه 

الطاولات شويه مو وايد ففي ناس يقعدون بالفود كورت 

راينا: 

البرجر حبيته ترررررف ويذوب بالحلج وحتى الصمونه خفيفه

بس مو الي وااااااااايد لذيذه لا في احلى منها

والبطاط عادي سواء كان مع جبن او بدون

ويسوى تجربونه 

الاثنين، 4 يوليو 2011

Ice cream Diet Center


في احد جرب ايس كريم دايت سنتر؟! 

ودي اجربه بس اخاف يكون مالق

4th of July - ALL AMERICAN TREATS


لقراءة تجربتي السابقة اضغط هنا

الأحد، 3 يوليو 2011

مطار الكويت الدولي


في شي يبط جبدي وما شفته الا بمطار الكويت! 

الزحمة في صالة القادمين 

مليون واحد ايون عشان يستقبلون شخص واحد 

ويوقفون كلهم اول شي وما يخلون الناس الثانيين يشوفون اهلهم 

اوكي تعالوا بس واحد يوقف والباجي نطروا بعيد 

وغير الي يدشون داخل وينطرون بالنص 

واليهال الي يسوون سباق ويلعبون ويبسطون بالارض

كل هذا بالممر 

وواحد توه راد من السفر وقاعد بالكرسي واليهال يقحصون فيه!!! 

الي ايي الكويت اول مره ويشوف هالبلاوي بينصدم 

وغير الورود والزينه والحلاو عادي تمشون وتنفلعون 

واذا لقيت مكان اول شي عادي تيي وحده او واحد ويدزونك وياخذون مكانك

لوووول والله شي يضحك بلاوي بالمطار 

وفوق هذا كله الي ايون بس يتمشون ويتسوقون 

افنيوز مو مطار

وعقب هاللويه كلها يوصل الي راد من السفر 

ويبدون بالبجي والنواح 

هههههههههههه 

المهم شلوووووووونكم؟!