LOOOL

HAPPY ANNIVERSARY

امي تقول تلفزيونها وكيفها!! 

ههههههه

من راسها لي كرياسها!

لوووول تضحكني عايشه اليحيى 

بكل مناسبة وطنية 

تتسبح بعلم الــــكــــويــــت 

وكل مره شي غير مادري من وين تييبهم 

بس في شي غريب بالصوره! 

ليش لابسه ساعتين؟! 

الحمرا داخلها علم الكويت يايبينها لها هديه 

والذهبيه مالتها

ما شاءالله

3 روشات 

تراجي 

سوارين 

خاتمين

4 قلوب 

بس شماله ساعتين ... لبسي وحده كافي 

عليها بالعافيه ;q

هي وهو

هي وهو برنامج يعرض على قناة mbc

كل سبت الساعه ١١ مساء

البرنامج باختصار مادري شسالفته!!! 

ولا ادري شنو الفايده منه!

مادري متى بدا ينعرض اول مارديت من السفر شفته 

يعني بيقنعونه ان الي قاعد يصير صج؟ 

اشكرررررره مبين انه تصنع وكله تمثيل بتمثيل 

الصراحه انا اشوفه عشان اضحك هههههههه اتوقع هذي فايدته 

الي غاثني بالبرنامج اللقطات الي يحطونها 

البوس واللم وتنسدح بحضنه ويشيلها!!! 

شهالحركات

لازم يحطون تنبيه البرنامج حق الي عمره ١٨ سنه وفوق

لا وبعد تدزون لهم مسج عشان يعطونكم نصائح زوجية 

ههههههه

وريلها خوش واحد ما يغار عليها مخليها تتدلع وتتسدح جدام عوير وزوير

انتوا شرايكم؟! 

شخباري!

هالأيام كل ما احط على تلفزيون الكويت بليل مادري جم الساعه

اشوفهم حاطين أغاني سينمائية

شخباري!!!

شطاري عليهم

اذكر قبل لما كنه صغار نستانس اذا حطوه بس نشوف المقدمة والنهاية

لما الصور تتحرك وتكون بالألوان

ولما يبدي ما نشوفه لان يحطون اغاني الافلام ما نحبها

الصراحه مادري اقول شخباري على البرنامج او على

تلفزيون الكويت !!

برامجي المفضلة

من القنوات الي احب اتابعهم قناة

اهيا قناة عالمية والي اشوفها تابعة لقناة أبوظبي

عبارة عن قناة تعليمية ثقافية استكشافيه

وفيها مواضيع عديدة مثل:

علوم - جسم الإنسان - البرية - البيئة - تاريخ ومجتمعات - هندسة وتقنيات

وايد حبيت برامجهم في بعضهم للأسف كانوا حلقة وحده وعادوهم مره او مرتين

وفي برامج اسبوعيه مثل برنامج

لم أكن أعلم

وهو برنامج استكشافي ودعوه للعودة إلى الصغر

لمعرفة المزيد عن البرنامج اضغط هنا

انصحكم بمشاهدته

-----------------------------------

البرنامج الآخر هو حين يصبح الصياد فريسة

وايد حلو

والي ما شافه يقدر يدش على موقهم ويشوف فيديو الحلقة


واهوا كل مره يتكلم عن حيوان

لمعرفة المزيد عن البرنامج اضغط هنا

---------------------------------------------

بما اني احب الكوارث أتابع برنامج

تحقيقات الكوارث الجوية

لمعرفة المزيد عن البرنامج اضغط هنا

----------------------------------------------

برنامج مغامرات كريتر كام

ولا مره شفته بس شكله حلو احب اعرف عن الحياة البحريه

والحلقة القادمة راح يتكلم عن بقر البحر


لمعرفة المزيد عن البرنامج اضغط هنا

-------------------------------------------------

وآخر برنامج بتكلم عنه برنامج

حقيقة أم زيف

حبيت فكرة البرنامج

بس ترا ما يخرع هههههه


لمعرفة المزيد عن البرنامج اضغط هنا

---------------------------------------------

وانا احوس بموقعهم ابي اعرف وقت البرامج

شفت شي وايد استانست عليه

واهوا ينفع حق الي نفسي ينسون مواعيد عرض البرامج


تضغطون على "اضبط المنبه"

وتكتبون ايميلكم

ويوصل لكم ايميل للتذكير قبل عرض البرنامج

نفس طريقة الشو تايم