الأحد، 19 فبراير، 2012

كشخوا صابونكم

كنت اتمشى في 

Bath & Body Works 

جان اشوف الصابون وفوقه نحله شكلها غريب 


سألتهم عنها وقالولي انهم يبيعونها عندهم 

وهذي الأنواع الي كانت موجوده 







خذيت ٣ 

النحله - ام علي - الفيونكه 

وكشخت صابوني


سعر الوحده بدينار 

الثلاثاء، 14 فبراير، 2012

Waffle Co


امس شفت هالوافل بالجمعية بالثلاجات 

خذيت كل الأنواع عشان اجربهم 

وافل بلجيكي 
وافل انجليزي 
وافل بالتوت 
وافل بالككاو 

جربت الانجليزي مع نوتيلا وبلاكبيري لذيذ

تلقونه بالجمعيات 

الاثنين، 6 فبراير، 2012

War Horse

قبل سنة تقريبا رحت مسرحية 

War Horse


 واذكر لما كنت اشوفها حسيت جني قاعده اشوف فلم مو مسرحية 

او جني بموقع تصوير فلم 

وايد حبيتها خاصة الحصان شلون كانوا يحركونه 

والقصة كانت وايد حلوه 

والي ذكرني بالمسرحية فلم 

 War Horse 

نازل بالسينما عندنا 


الفلم نفس قصة المسرحية ونفس الأحداث ماكو اختلاف 

بس الفرق انه الفلم شوي ممل ومطولين بالاحداث 

المسرحية كانت مختصرة

حبيت المسرحية أكثر من الفلم 

السبت، 4 فبراير، 2012

عصير صبار ألوفيرا

كنت رايحة مركز السلطان وشفت عصير الألوفيرا

وفيه 4 انواع انا جربت 3 

تفاح: طعمة جنه جيلي ماعجبني 

خوخ: ما حبيته


ليمون: جنه سبرايت مزيود بماي 

عنب: ماجربته 


اخر شي قررت  اخذ الليمون اهوا احسنهم 

وكل واحد داخلة قطع صبار مثل الجيلي 

يفضل تشربونه بارد 

وفوايد الصبار واااااااااااااايد بكتب جم فايدة عالسريع 

التخلص من الدهون - تطهير الجهاز الهضمي 
الحموضة - حساسية الجلد - تساقط الشعر 
السكري - أمراض القلب - هشاشة العظام 
الربو - آلام الظهر - الغثيان 

تلقونه بمركز السلطان وكل الجمعيات