الجمعة، 31 ديسمبر 2010

جــك ... بــوم


كل عام وانتم بالف خير يارب 

جــك .. بــوم

 خلصت 2010 

الي حبيتها من اول يوم الى اخر يوم 

من بدايتها كانت حلوه 

احبها لان فيها رقمي المفضل واهوا 

10 

وبهالسنة تزوجت 

وصار عيد ميلادي الذهبي بتاريخ 

10/10/2010

وختامها خبر منع التدخين في الأفنيوز

الحمدلله رب العالمين 

السؤال المعتاد:

شنو أهم حدث صار لكم بهالسنة؟ 

---------------------------------------------

اجازه قصيره سنقضيها بعيدا عن الأجواء المزدحمة

اشوفكم على خير

الخميس، 30 ديسمبر 2010

Yummy Gathering

aL-NooR قالت لي عن مولتن 

gathering

وبما اني من عشاق المولتن قلت اجربه 

وطلبت منهم 


عندهم انواع وايد 

جربت 3 انواع بس

الاوريجينال + ماربل + كيندر 


رايي: 

اعجبتني الكيندر اكثر وحده 

بس بشكل عام كله لذييييييذ

شكرا النور 

خدمة التوصيل: 67667721

حل اللغز 2

الحل كان موجود بالسؤال نفسه 

بس كان يبيلكم شوي تفكرون أكثر 

واكيد في بعضكم جاوب صح 

الحل: 

اسم المدينة: الف يوم = الفيوم
اسم المرأة : آثار
اسم السائق: علي
رقم اللوحة: الف

اذا عندكم لغز يديد دزوه لي على الايميل

الأربعاء، 29 ديسمبر 2010

زهايمر


في وايد ناس ينطرون هالفلم 

توه نازل بسينسكيب

لــغــز 2

ملاحظه: الي يبي نسخة من رزنامة بيان لطب الأسنان يدز لي ايميل

واهما راح يتواصلون معاكم ويرسلون لكم نسخة منها

-----------------------------------------------------

هذا اللغز من المدونة العزيزة أنسام

"قبل ألف يوم وجدت إمرأة مقتولة ووجد آثار الحادث على زجاج السيارة"

المطلوب

اسم المدينة:
اسم المرأة :
اسم السائق:
رقم اللوحة:

شكرا أنسام 

اذا عندكم لغز يديد دزوه لي على الايميل

NEW @ Subway


Subway منزلين خبزه يديده 

وهذي صورتها


طعمها وايد احلى من الانواع القديمه

وخفيفه

خدمة التوصيل: 1849999

الثلاثاء، 28 ديسمبر 2010

Bayan Dental Calender

وصلتني هديه حلوه من 

بيان لطب الأسنان 

عباره عن رزنامتين لسنة 2011


والله طلعت خوش رزنامه ما توقعتها جذي

جنها مجلة


واحلى شي ان كاتبين العطل والمناسبات 

وهذا اهم شي


حبيت هالصوره 

الفرشة لها فوايد ههههههه


شكرا لبيان لطب الأسنان 

مدينة الكويت: خليفة تاور
العقيلة: البيرق مول
السالمية: ليلى جاليري تاور


Link

يتغير التواصل وتظل الابتسامة ... فتباهى بأسنانك

آم ننه!


كل انسان عنده اكله معينه سواء كانت مالحه ام حلوه 

اذا كلاها يحس انه قاعد ياكل احلى اكله بالدنيا 

ويتلذذ فيها وما يمل منها 

بالنسبة لي: 

احلى شي عندي السلطه الي تسويها امي 

واسمها 

سلطة أمي الحلوه 

طبعا انا مسميتها جذي

واهيا

  فـــــتـــــوش 

ما عندي مانع اكلها 24 ساعه وكل يوم مادري ليش احبها 

وجربت الفتوش بوايد مطاعم بعضهم يعجبوني بس الي تسويها امي غير احبها 


(الصور من قووقل)

ومكوناتها 

خس 
خيار
تشيري طماط 
فجل 
جرجير
بربير
رمان - ضروري 
خبز 
ليمون 
زيت زيتون 
ملح 

واحب اكل معاها روب مو بينك بيري لا نادك

شنو احلى اكله عندكم؟ 

كتبوا وحده بـــــــــــس

ملاحظه: آم ننه (بقاموسي) = اكل - طعام - Food - Pagkain

الاثنين، 27 ديسمبر 2010

Angel Star


نيفيا منزلين ديودرنت يديد 

في نوعين ازرق ووردي

الازرق ريحته ما اعجبتني 

وحبيت الوردي وايد

الخميس، 23 ديسمبر 2010

هذا مكاني!


بــعــض الكويتيين يبطون الجبد بالسينما 

صادفني اكثر من مره 

احجز بمكان وادش السينما اشوف ناس قاعدين في مكانه! 

لما نقول لهم هذا مكانه مو عاجبهم ولا يقومون 

يقولون روحوا قعدوا مكانه ويكون مكانهم مدعوس يلوع الجبد

طبعا انا ما يمشي معاي هالحجي

يقوم غصب عليه لان هــذا مــكــانــي

الي يبط الجبد اكثر انهم يراددون ويتحلطمون ولما يقومون

يتأففون ومو عاجبهم 

دام المكان مو عاجبكم ليش حاجزين؟! 

والي يضحك انهم يدشون السينما مبجر قبل الناس عشان يقعدون مكان غيرهم

من البدايه كل واحد عارف مكانه قبل لا يدش السينما 

انت حجزت يعني انت راضــــي بمكانك 

ولا بعضهم يحجزون ما يلقون يم بعض 

واول ما يدشون اييون ببدلون معانه وهم ما يعجبهم اذا ما رضينه

بالنهايه انا مستحيل اوافق اني اغير مكاني الي حاجزته بمكان غيري

عــادي عــنــدكــم؟!

الأربعاء، 22 ديسمبر 2010

حل اللغز

هذا حل اللغز

الي كان وايد سهل

يالله كل واحد يشوف اجاباته اذا كانت صح ام خطأ

1. اسم الزوج


 2. اسم زوجته

سهام


3. وظيفته

صح + في = صحفي


4. الدوله


5. عمره

اطار الصوره

26


اذا عندكم لغز يديد دزوه لي على الايميل

لــغــز 1



منو يعرف يحل اللغز؟

ترا سهل بس ركزوا شي 

واهم شي لا تــغــشــون

الاثنين، 20 ديسمبر 2010

Sweet'n Cup

اليوم جربت مولتن sweet'n cup


طلبت درزن


انصدمت من شكله 

مادري ليش جذي معفس ومو مرتب


والقفاش متدمرين كاكاو

الظاهر تكوكس بالطريج


رايي: 

ما حبيته وما عجبني 

توقعته نفس المولتن العادي 

داخله طبقتين بسكوت !!! وكاكاو

هذا مو مولتن !!! 

الأحد، 19 ديسمبر 2010

تجربة لــن تتكرر!


رحت احد المطاعم اليابانية الشهيره في الكويت 

وقعدت احوس بالمنيو احس اني ضايعه مادري شطلب 

ما احب الاكل الياباني خاصة السوشي والماكي 

بس قلت بــجــرب المــاكــي

ابي شي بس فيه ربيان مقلي ما لقيت 

كلهم فيهم كراب او سالمون او كافيار او ربعهم 

قلت حق الجارسون ابي شي بس فيه ربيان مقلي فقط لا غير 

ونطرت الطلب 

وكنت مييييييته من اليوع

مو متريقه ولا متغديه وكانت الساعه 8:30 بليل 

ولما يه الطلب وكان شكله تقريبا نفس الي بالصوره

بس فوقه اشيا ء وايد 

حطيتها بحلجي 

مادري شنو صار فيني 

حسيت بأشياء غريبه 

شعور لا يوصف 

الي سويته اني شربت البيبسي فوقها بس عشان ابلعها

وما احس بالطعم ههههههه 

طلعت من المطعم يوعاااااانه :(

اقرب ستاربكس واحلى فرابتشينو وكيكه 

وعلي بالعافيه ههههههههه

Ben & Jerry's


هذا اهوا حل المسابقة 

Phish food

كان ودي احط جوائز نفس كل مره بس للأسف ما عندي وقت نفس قبل :(

شكرا لجميع المشاركين ونلتقي في مسابقة اخرى 

والي مو عاجبته المسابقه لا يرز ويها ويشارك

السبت، 18 ديسمبر 2010

مسابقة


كنت قاعده اكل ايس كريم واطلعتلي هالسمجه داخله 

السؤال 

شنو هالآيس كريم؟! 

الخميس، 16 ديسمبر 2010

Kleenex Décor

خلصنه من كلينيكس بو منظره اضغط هنا الحين بو ليت

رمضان الي طاف كانوا يحطون دعاية كلينيكس 

الي يشب ليت 

ومادري متى يابوه بالجمعيات 

الاسبوع الي طاف شفته وشريته اجربه 

قلت يمكن نوفر لمبات ههههههه


سحبت اول واحد ماشب 

الثاني تشقق 

الثالث ما شب 

يالله الرابع جان يشب 

ترااااااااااا


لووول يونس الحين كل شوي بمش فيه 

مره خشمي مره حلجي 

مره بمش الطاوله عشان يشب 

بس للأسف ما راح نوفر لمبات ههههههه 

سعره مادري جم لاني شريته مع ماجلة البيت

في منه لون وشكل ثاني

وبالنت تلقون اشكال وايد احلى مو يايبينها عندنه

رسم الخرائط


اسألوني سؤال قبل فتره وضحكت لان مادري شالطاري 

شنو الهدف / الفايده من رسم الخرائط؟! 

ورق شفاف 

قلم رصاص

قلم حبر 

الوان خشبيه 

الوان شينيه 

صمغ 

هذي الادوات الي نحتاجها لرسم الخريطه

لما كنه بالمتوسط والثانوي بمادة الاجتماعيات نرسم خرايط 

وكل وحده تهتم في خريطتها وتلونها وتفنتق فيها 

انا كنت ما احب ارسمها امي ترسمها لي هههههه 

بس انا الونها بالخشبي 

اذكر في بنات وايد يحددونها بالشيني ويلونونها بالخشبي

يبطون جبدي مادري ليش هههههه 

تتوقعون الفايده انه نعرف شكل كل دوله؟

او وين موقعها؟

ومنو الدول المجاوره لها؟

ليش ما نحفظهم بدون ما نرسم؟

ولا اذا رسمناها تركز بالمخ اكثر؟

انزين والي مثلي ما يرسمهم يعني ما يعرف شكل الدول ووين موقعهم؟

انتوا شرايكم؟ 

كنتوا تحبون ترسمون الخريطه؟ ولا مثلي؟

الثلاثاء، 14 ديسمبر 2010

Dreams Unlimited


بودي شوب نزلوا ثاني عطر لهم والي اهوا 

Dreams Unlimited

الأول كان اضغط هنا 

السعر 

الحجم الكبير: 12 دينار
الحجم الصغير: 8 دينار

السؤال الصعب 

اي عطر احلى الأول / الثاني؟

يمكن الأول احلى بشوي بس كلهم اعجبوني

Toy Story 3

لما كنت صغيره ما اواطن شي اسمه توي ستوري 

كل ما يحطونه ما اشوفه 

احس انه سخيف وشي ما ينفهم مادري ليش

ولما كبرت نفس الشي ما احبه 

بس احب اشكال البطاطا 

يمكن لاني احب البطاط وايد هههههه

وانا مسافره شفت  توي ستوري الجزء الثالث بالطياره 


وكان باقيلي اخر نص ساعه او اكثر 

بس ما كملته لانه وصلنه 

واول ما رديت الكويت شريته وشفته بالبيت

كل ما اقول الحين بخلص واتوقع شنو بصير يطلع العكس 

احداثه وايد حلوه خاصه بالاخير 

حبيت الفلم 

وحبيت توي ستوري 

الي شاف الجزء الاول والثاني يسوى اشوفهم؟ 

واي جزء احلى

 الأول - الثاني - الثالث؟

الاثنين، 13 ديسمبر 2010

ويني عن هالتسريحه؟!

تسريحته عجيييييييبه 

مادري اي صالون رايح


ويني عنها ما سويتها بعرسي ههههههه


شكرا barbar

Nachos

جربت هالناتشوز وعجبني 

وقلت اقولكم عنه


العلبة داخلها الناتشوز + 2 صلصة


طريقته جدا سهله 

طلعوا الناتشوز من الجيس وحطوه بالصحن 

وفوقه الصلصة 

وانا حطيت جبن شيدر مبشور 

او اي صلصه تبونها


وحطوه بالفرن لما يذوب الجبن

العلبة تكفي لـ 4 أشخاص أو أكثر 

ملاحظه: استخدمت صلصة وحده بس والثانيه للمره الثانيه

وين تلقونه والسعر ما ادري لان امي شاريته لي

بس اتوقع في كارفور او لولو هايبر

السبت، 11 ديسمبر 2010

Tangled


كلولولولووووووولييييييييييييييييييش

اخيرا شفت هالفلم الي كنت انطره من زمان

الصراحه الفلم وايد حلو استانست عليه

احب افلام ديزني

والي ما شافه طافه 

الجمعة، 10 ديسمبر 2010

جديد فرايديز

اليوم شفت اعلان لمطعم فرايديز عندهم اشياء يديده ومن ضمنهم 

فـــونـــدو 

بس اكتشفت ان اهوا نفسه الي عند باسكن روبنز 

لانهم يستخدمون نفس الايس كريم فيابوا الفوندو 


كنت مجربه الي في باسكن وكان لذيذ 

والي تلقونه في باسكن مرينا وباسكن لولو هايبر

السعر في فرايديز: 3.250 دنانير

السعر في باسكن روبنز: 4 دنانير 

ملاحظه: خبري في سعره بباسكن من جم شهر مادري اذا تغير السعر الحين او لا 

White Doll x Black Doll

حرااام اكسروا خاطري :(

الأربعاء، 8 ديسمبر 2010

Zazzle

اخيرا وصلت الطلبيه الي طالبينها

عاد طلبت اشياء عبيطه حق البيت 

تي شيرت فيه العلامات الي موجوده بالكاميرا 

عجبني لاني احب الكاميرات


مريول للمطبخ وفيه جيبين (مخباتين) من جدام 

حبيته وايد احلى من الي على كب كيك (اضغط هنا

ولانه على فيول


الحلو بالموقع ان تقدرون تصممون الي تبونه وتختارون رالشكل واللون والصورة

واذا ملابس تختارون نوع التي شيرت قصير طويل  واللون ...الخ

وياخذ اسبوع تقريبا على ما يوصل الى البيت

الثلاثاء، 7 ديسمبر 2010

الأحد، 5 ديسمبر 2010

حكمة زرقاء


مهما ارتفعت الأشجار الخضراء ... تبقى السماء 

زرقـــــــــاء

هذا الكاس يلمع والعيون تدمع



مبرووووووووووووووووووووووووووووك

الف الف مبروووووووووووووووووووووك

والله من الوناسه مادري شكتب وشقول 

مشكورين يا منتخبنا 

مشكوووورييييييييييييين 

مبروك للكويت بطل خليجي 20 للمره العاشره 

وتلوموني ليش احب رقم 10


ويا متكتك الكاس لك 

دعواتكم


دعواتكم يا أهل الكويت 

الله يوفق المنتخب 

الله يعيني على الاعصاب والصراخ 

المباراة الي طافت ياني شد عضلي شكيت بنفسي اني لاعبه معاهم 

ولا تنسون الحب والنفيش والجاي والماي والحلو  والباندول

وهالله هالله بالتشجيع  

يارب الكأس كــويــتــي

الخميس، 2 ديسمبر 2010

الكويت x العراق

مبروك فوز قطر باستضافتهم كأس العالم 2022


مشكوووووووورين يا منتخبنا بيضتوها


الـــكـــويت الى الــنـــهـــائـــي

الحمدلله الحمدلله 

الحمدلله الحمدلله 

الحمدلله الحمدلله 

الحمدلله رب العالمين 

مبروووووك للكويت 

مبرووووك للأزرق

مبروووك يا اهل الكويت 

وان شاءالله يارب الكأس كويتي بإذن الله

وهذا الازرق حبيبي 

وهذا الازرق يالله حيووووووه 

الله كريم

مادري ليش قاعده اكتب بوست 

يمكن من القهر 

:(

خلص الشوط الاول 

مادري شفيهم اللاعبين اليوم 

نــواف الــخــالــدي ... عسى مــا شـــر؟

اللهم آمين


اللهم اجعل منتخب العراق يحل محل ريال مدريد

وانصر منتخب الكويت كما انتصر برشلونه 

اللهم ثبت خطى فهد العنزي 

واستر مرمى الخالدي

وسدد رمية بدر المطوع 

وانر عقل غوران 

اللهم نشف ريق لاعبين العراق 

وانزل عليهم بوزليقه 

وصب حوله لعين حارسهم 

وقفل عقل المدرب 

امين يارب العالمين 

------------------------

قووووووووووووول اول ٢٠ ثانية 

الحمدلله يااااارب 

يااااااارب الفوز للكويت

الثلاثاء، 30 نوفمبر 2010

حوض للسمك

الي عندهم هواية تربية الأسماك 

ويحبون يهتمون فيهم ويدلعونهم

ويبون يغيرون عن الأحواض العادية 

لقيت في THE One هالحوض 

شكله وايد حلو وله استخدامات عديده 

- حوض للسمك 
- ديكور 
- ويصير طابقين 


كل جهه شكلها مختلف عن الثاني


وهذي طريقة الحوض شلون يصير طابقين

لازم تشترون 2


ما شريته لاني ما احب السمج 

السعر:  12.950 دينار