السبت، 27 فبراير 2010

!Again to Dubai

اليوم مادري شفيني ما بقى بوست ما كتبته هههههههه

يالله حطيت الي عندي كله قبل لا اسافر

والي ما شافهم يضغط على:

Post 1

Post 2

Post 3


اشوفكم على خير ان شاءالله

NOW in Discovery Mall

اليوم الصبح لما طلعت الشوارع تضيق الخلق

ورحت السالميه كانوا قاعدين يخمون ومعاهم جياس يالله يلحقون

وهذا جزء بسيط من الوصاخه


--------------------------------------------------

تم افتتاح Sugar and Spice في الديسكفري مول

وفرعهم القديم في جمعية الشويخ ق 2

بالنسبه لي هذا احلى محل للحلويات خاصة لكيكات أعياد الميلاد

شكل المحل يونس جنه كب كيكه كبيره


ما كنت ابي اشتري شي

بس اول ما شفت هالفيول حدي ينيت عليه وقلت بشتريه


شكله يشوووووووووق

وطول الوقت كنت مجابلته والريال ايي يكلمني وانا ما ادري عنه

بعدها اختي قالت تبينه؟ قلت لها اي

لما قالت حق الريال نبي الفيل

جان ينصدم ويضحك

قالنه هذي ديقوريشوووووون (ديكوريشوووووون)

واااااااااي حده فشلني وضيق خلقي

ابيها :(

قلت له بشتريها بس حقرني

عاد امي كانت حاجزه الخرطوم بتاكله ههههههه


واختي شرت valvet cup-cake

الي صورته فوق

طعمه لذيذ وخفيف

أمي بدعت!

الصيف الي طاف لما كنه حاجزين في فندق النخيل

الجزء الأول

الجزء الثاني

وعقب ما سبحنه بالبحر ردينه السويت بنتسح وكانوا حاطين لنه روبين واحنا 4

والريال الي يشتغل كان موجود ينظف الغرفه

فأمي كانت تبي تقول حق الريال اييب لها روب

جان تسألني شنو اسم "الروب" بالانجليزي؟

قلت لها ما اعرف

سألت زعفرانه وهم قالت ما اعرف

جان تقولها الحين تدرسين بره وما تعرفين انجليزي ههههههه

واختي الكبيره كانت بالدوام

عاد امي ما شاءالله عليها ما تعطل بالترجمه

قالت حق الريال:

!!! I want bathroom YOGURT

لوووووووووول

والي يضحك اكثر ان الريال فهمها وياب لها الي تبيه

لما ردت اختي من الدوام امي سألتها شنو يعني روب

جان تقولها:

!!! ROBE

طلعنه صج اغبيه ما استوعبنه انها كلمه انجليزيه مو عربيه

هههههههههههه

McDonald's Cinnamon Melts

اليوم قعدت من الساعه 8 ورحت ماكدونالدز

عشان اشتري سينامون ميلت حق امي لانها تحبها

طلعت وضاق خلقي على الشوارع :(


الصراحه انا ما جربتها لاني ما احبها

بس امي تقول ان طعمها حلو

ولما قلتلها انها لفترة محدوده ضاق خلقها هههههه


السعر 600. فلس

الافطار من الساعه 6 - 11 صباحاً

الجمعة، 26 فبراير 2010

اللعبة - الحيتان - الطير!

تذكرون اوبريت نيللي اسمه اللعبة

قبل لما كنه صغار انا وزعفرانه كنه نموت عليه

واذكر كنه نشغله بالفيديو الصغير بدار يدي ونجابله وكنه ننبهر بحركاتها وبالشخصيات

ما كنت اعرف اسمه كنه نسميه "يـــــااااه"

لان اول ما تطلع نيللي من اللعبه يقولون لها يــااااه هههههههههه

هذا الشي الوحيد الي شفته حق نيللي

الجزء الأول



الجزء الثاني



----------------------------------------------------

وهذا الفيديو عجتبني طريقة الحيتان بالصيد

سبحان الله شوفوا شلون يسوون خطه ويصفون صف واحد عشان يكسرون الثلج



------------------------------------------------------

سبحان الله

شلون فكر هالطير ان يفتت الخبزه ويقطها بالبحر عشان يصيد السمك



لا إله إلا الله

الخميس، 25 فبراير 2010

شكرا لجريدة الوطن!

أمس فرانكوم حطلي لنك جريدة الوطن

لما دشيت ولا حاطين بلوقي بالجريده

طبعا حدي استانست


لمشاهدة الموضوع اضغط هنا

أحلى شي الي كاتب تعليق عن فوائد الحجاب ههههههههه

اعتقد ان النقاب اهوا الي يحمي من الغبار مو الحجاب!!!

يا وطن حبنا يا اجمل وطن
يا غلا يكبر مع مر الزمن

يا حب الروح يا علم غالي
في سما العز عالي فوق

وين ما انروح تبقى انت حبنا
و اللي له ياخذنا الشوق


شكرا لجريدة الوطن

وطني الكويت .. سلمت للمجد

نتقدم بأسمى آيات التهاني والتبريكات لشعب الكويت

بمناسبة الذكرى الـ 49 للعيد الوطني

والذكرى الـ 19 لتحرير الكويت



دامت أفراحج يا كويت

عسى الله لا يحرمنا منج يا ديرتنه

وحفظ الله الكويت وشعبها من كل مكروه

الثلاثاء، 23 فبراير 2010

الهنود مو أحسن مني!

اليوم الظهر كنت بطلع مع امي عندنه جم شغله لازم نخلصها والجو مثل ما انتوا عارفين كان مغبر

عقب ما خذيت الكمام وريحت طلعنه

بس قبل لا نطلع امي قالتلي لحظه الهنود مو احسن منج!!!

جان تروح وتييبلي كمام البسه ههههههههههه

وكشخت فيه وركبت السياره ولا في واحد مار بسيارته يطالعني ويضحك

المهم ما كنت عارفه اي جهه فوق وأي جهه تحت لبسته وبس

اول ما ركبت قطيته وامي تقولي ليش قطيتيه خليه

قلت لها يعني بسوق وانا لابسته؟!!!


وطول الطريج اشوف الهنود شلون لابسينه عشان اعرف اي جهه فوق

لما عرفت هههههه

المهم ليش الهنود والأجانب يلبسون الكمامات ومحد يضحك عليهم .. واحنا اذا لبسناه الكل يطالعنه ويضحك علينه؟!

صباح الغبار

صارلي دهر مو فازعه من الصبح خبري بقعدة الصبح ايام الجامعه

اليوم قعدت من النوم الساعه 6 وعلى ما قمت غسلت وبدلت رحت طبيب الأسنان

لما طلعت الجو كله ضباب على غبار مادري شلون صاير

بعد ما خلصت من الطبيب ركبت سيارتي وحسيت بخشمي بده يسكر من الغبره

على ما وصلت البيت الا حدي مختنقه من الغبار لأن فيني ربو

لما دشيت البيت ما قدرت اتحمل خشمي تسكر واختنقت

على طول امي راحت يابت ألعابي (الكمام) وركبت كل شي وحطيته وانا متملله

اوووف رديت عليه عاد صارلي جم شهر ما استخدمته لاني ما اطلع بالغبار

بس لما اخلص منه اييني شعور حلو اني قمت اتنفس نفس الناس ههههههه

شوفوا القراده لما صار عندي موعد وطلعت الجو اعتفس وغبر

كل يوم قاعده بالبيت ماعندي شي والجو يهبل

السبت، 20 فبراير 2010

Sonia Rykiel pour H&M

من قبل فتره سمعت ان H&M راح ينزلون كوليكشن من تصميم Sonia Rykiel

وكل مره لما ينزلون كوليكشنز من مصممين اروح وما احصل شي

الا اشياء تلوع الجبد

هالمره شفت نفنوفين اعجبوني وقلت لاااااااااااااازم اروح بنفس اليوم واخذهم

وبالبروشور مكتوب ان راح ينزل بـ 20 فبراير

وسمعت ان اول ما يفتح يكون زحمه وعفسه

قلت حتى لو دز مدازز بروح يعني بروح والا اخذ النفنوفين الي ابيهم

عاد انا مو زين يصير بخاطري شي ههههههههههه

وقبلها بجم يوم دشيت السايت وحفظت كل الاشياء الي عندهم

وعرفت شنو الي ابيه وشنو الي ما ابيه (جنه امتحان) هههههه

قعدت من الصبح ورحنه انا واختي وامي

وكان باقي ربع ساعه ويبطل امي قالت تبي قهوه رحنا ستاربكس

انا كنت يوعانه بس قلت مابي اكل لما اخلص اكل على راحتي

وقفنه نشوف المحل من بعيد ولا بنات وايد واقفين عند الباب وغير الصحافه والعفسه

وطبعا كعادتي في هذه المواقف الصعبه اسوي خطط لاني ام الخطط والدوابير ههههههههههه

والحمدلله اغلب خططي تنجح

جنه داشين حرب

والخطه درستها اختي قلت لها اول ما ندش انا اروح على طول عند النفنوف الأول

وانتي روحي عند الثاني واخذي قياسين مو واحد لان اذا بتخلينه وبعدين بتردينه ماراح تلقينه

عاد احنا طفارتنه الزحمه والتخمط واللويه بس هالمره قلت راح اقتحم ساحة المعركه

واصارع لاجل البقاء لا قصدي عشان النفنوف ههههههههههههه

وقلت حق اختي لا تقوليلي فشله ولا حركات عقد ولا هلاقه مالي شغل

اول ما وصلنه في ريال مع مرته دشوا معانه الريال اول ما شاف الوضع قال حق مرته دشي خمطي معاهم

اول ما دشينه الناس كانوا توووووهم داشين ماصارلهم نص دقيقه


جان انصدم @@

لاني شفت وحده حاطه السله تحت الطاوله وتخم كل الاكسسوارات الي بالطاوله وتحطهم بسلتها !!!

المشكله ان الاوادم كانوا كلهم سنعين يعني مو عقد بس تصرفاتهم اصدمتني

اول مره ادري انهم جذي لا ويعيبون على العقد والهلاقه

اليوم بينت الصوره هههههههههههه

طبعا اول ما شفت جذي جان اقول هجووووووووووم

السالفه صارت مخامط انا بصير نفسهم او اكثر منهم ههههههههه

بعد ما يصير كل مره ينزلون كوليكشن واحنا اخر من يعلم وينادون ربعهم!

جان اخذ سلتي وانطلق بجهة الغرب واختي بجهة الشرق

وعلى طول رحت حق النفنوف الي ابيه جان اخذ 2 كل واحد سايزه غير

جان تيي اختي وقالت ان النفنوف الثاني خلص !!!

توه المحل فاتح 5 دقايق خلص!

وكل وحده فينه قامت تحوس واي شي اشوفه احطه بالسله وساعات احط 2 كل واحد قياس غير

لان كلهم قاعدين يسوون جذي وكل وحده بيدها اقل شي سلتين متروسيييين

وفي وحده يايبه 7 سلال اهيا معاها وحده الموظفين قاموا يشيلون معاها

شوي ولا اشوف لويه عند واحد يشتغل ولا يايب من النفنوف الثاني الي خلص

اهوا لاعت جبده جان يقطهم عند المره الي تشتغل جان يضبون عليها الحريم والبنات

جان اروح وراهم وكلهم يبون سايز M او L ماكو خالص

قالت ماكو الا اخر واحد S والباجي كلهم XS

جان تيي مره وتاخذ السمول من الي تشتغل بسرعه عشان محد ياخذه واهيا كانت تبي لارج

وانا النفنوف حده بخاطري من زمااااااان قلت الا اخذه

جان اخمطه من ايدها وانحاش بين الحريم جني ما سويت شي هههههههههههههههههه


السالفه كلها مخامط كل وحده تير الهدوم من ايد الثانيه فليش ما اصير نفسهم؟

المهم خذيت كل الي ابيهم والي ما ابيهم وخذيت سكارفات وتيجان وبروشات

وترسنه السله انا واختي

بس اول مره اشوف بالكويت يصير جذي كله اشوف دول بره وقت السيل

وهم ولا مره تخيلت اني راح اكون منهم بس هالمره قلت لازم اخوض المعركه هههههه

المهم خلصنه بسرعه لاني مثل ما قلت لكم اول شي اني حافظه الدرس عدل

فدشينه نقايس قبل الزحمه

عقب 5 دقايق غرف القياس انترسوا

وامي بره كل شوي تييب لنه شي

وكل ما اطلع اوري امي الي لابسته انصدم اكثر

لاني قاعده اشوف بلاوي من بعض البنات والمشكله ان في رياييل يدشون مع ان ممنوع

واهما مو هامهم الي مبطله الباب والي تطلع بالفانيله تروح تييب شي وترد

والي يضحك واحنا داخل الغرفه نقيس اسمع بنات يقولون لا تقطين شي كل شي اخذيه

نجربهم كلنه والي ما نبيه نقطه او الي يشتغل ايي يقول حق وحده اذا ما تبين هذا ييبيه عندي

في وايد ينطرون ... الوضع كان عفسه عفسه عفسه

سوينه جرد انا واختي وخذينه الي نبيه والي ما نبيه حطيته بالسله ورحت عند الي تشتغل

قلت لها هذوله ما ابيهم ما مداني كملت كلمتي ولا ايوني بنتين يخمطون السله

وينبشون فيها حسيت الوضع جني رايحه لمجاعة افريقيا وماسكه سله فيها كيك وبيض (لا هذي مالت ليلى)

سله فيها اكل واهما يايين بياكلون

المهم رحنه حاسبنه بعد ما خذينه احلى شي موجود

وخذيت 3 نفانيف ومادري جم بلوزه وسكارف وبروشات وتاجين

والكوليكشين ربيعي


واول صورتين صورتهم بعد ما طلعت لما خفت الزحمه شوي

واعجبتني الزوليه الي عند الباب نفس الكوليكشن

عقب ما خلصنه رحنه نتريق ولما خلصنه بعد نص ساعه

مرينه صوب H&M جان اشوف شي ضحكني وايد

الي يشتغلون كانوا لابسين وكاشخين من كوليكشين سونيا بس البنات ما خلوهم بحالهم

وحده يت وتلت السكارف الي لابسته الي تشتغل وخذته منها هههههههه

وبعدها قطوا الهدوم وخذوهم البنات

واختي قالت تبي تدش مره ثانيه لان رفيجتها موصيتها تشوف اذا في شي حلو او لا عشان تيي

لما دشينه ولا الارفف والاستاندات فضت ويابوا الهدوم القديمه وحطوهم مكان سونيا

والاشياء الي بقت تلوع الجبد

عاد شفت دلاغ عجبني وخذيته نفس البلوزه والنفنوف ههههههههه

ما شاءالله خلصوا بساعه بس من اول ما فتح

والي وصلوا على الساعه 11 ما حصلوا شي

هم في شي ضحكني في بنات يايين شعورهم مدهنه وهدومهم معفسه وشكلهم قاموا من النوم ويو ركض

وفي جم وحده يايين شكلهم تعبانين طلعوا مواصلين مو نايمين ليلحين لما خلصوا قالوا بنرد انام ههههههه

يحليلنه جنه اول مره نشوف هدوم او الي يشوفنه يقول مفصخين ماعندهم هدوم

لوووول

والحمدلله بالنهايه خذيت كل الي بخاطري

والأهم ان خطتي انجحت وكسبت المعركه ههههههههههه

كل هذا في سبيل النفانيف :q

الي شروا عليهم بالعافيه

هارد لك للي ما حصلوا شي

الجمعة، 19 فبراير 2010

تفاح مخصر!

توني يايه من السينما دشيت فلم My Name is Khan

الفلم عجيب وقصته وايد حلوه لحد يقولي ما احب الافلام الهنديه

روحوله ولا يطوفكم صج طويل بس ما يملل

شاروخ خان ضابط الدور لان في مقابلته قال انه زار الي فيهم توحد ودرس تصرفاتهم

عجبني جورج بوش بالفلم يايبين واحد نفس شكله (ميك اب طبعا) بس ضابطينه

وباراك اوباما من ورا نفسه ونفس اذونه هههههه بس الويه غير

والي مشى عنه الباص ماراح اوديه مره ثانيه هههههه

المهم بعد ما طلعنه من السينما او من المول رحت بركب سيارتي ولا حده زحمه داخل المواقف

الناس اغلبهم بيطلعون وكلهم بوقت واحد

فلما وصلت عند الدفع ولا الأمن واقفين ويطوفون كل السيارات

الظاهر من كثر الزحمه خلوا المواقف FREE

وناسه عاد واقفين مده طويله هههههههههههه

وهذي التذكره خشيتها لانهم كاتبين

"في حالة فقدان التذكرة يتم دفع مبلع 10 دنانير"

خفت يهونون وينادونه ندفع الا التذكره معاي ههههههههه


!My Name Is CHAY and I’m Not a Terrorist

----------------------------------------------------

قبل جم يوم اختي يايبه معاها عرموط (كمثرى أو اجاص) كوري يايبينه لها هديه من كوريا

طعمه لذييييييييذ وداخله ماي يترس البطن

صارلي جم يوم ادوره بالكويت ماكو رحت كارفور وجيان ماعندهم الا الصيني

جربته كان عادي مو نفس الكوري


تذكرت عبدالحسين عبدالرضا في مسلسل "زمان الاسكافي" لما قال عنه

تفاح مخصر

بس هذا وين والمخصر وين ههههههههههه

ما مر عليكم مني مناك؟

الأربعاء، 17 فبراير 2010

NOW in Cinescape


اضغط هنا

Engineer A ترا الباص جاهز هههههههه

الثلاثاء، 16 فبراير 2010

فوندو كيك

من قبل كنت مسويه مولتن كيك

وهذي طريقتها

كانت زينه بس الفوندو اطعم منها

المقادير:
3 بيضات
40 جرام طحين
60 جرام سكر
1 ملعقة صغيره فانيلا
90 جرام زبده
180 جرام شوكولاته دارك
آيس كريم فانيلا



الطريقة:

نخلط باليد طحين + سكر + 3 بيضات


إلى ان يتماسك


نذوب الكاكاو مع الزبده بحمام مائي


نضيف الكاكاو على الخليط ونخلطهم باليد بشكل خفيف


نضيف الفانيلا ونخلطهم لمدة 10 ثواني


ندهن الماعون بالزبده

ملاحظه: خلوا شويه من الزبده حق الدهان


نصب الخليط في المواعين


وما نترسه


ندخل الكيكه داخل الفرن لمدة 10 - 15 دقيقه

ملاحظه: الفرن يكون مبطل من اول ما تحظرون المقادير


وبالعافيه

هذي سويتها قبل لا تسافر زعفرانه بساعات

خليتها تحلي قبل لا تسافر ههههههه

الطريقه خذيتها من أحد المطاعم في الكويت

Cinema

اليوم رحت فلم The spy next door

قصة الفلم باختصار

بوب جاسوس سابق كان يعمل في وكالة المخابرات المركزية والذي تسند له أصعب مهمة حتى الآن ، حيث انه يعتني باطفال صديقته الثلاثة. ولكن عندما يقوم احد الاولاد وبالخطأ تنزيل برنامج ذات سرية عاليه، مما يتسبب بان يقوم احد اعداء بوب وهو إرهابي روسي بزيارة الأسرة.

الفلم اكشين كوميدي وايد استانست عليه ... لازم تروحون له

---------------------------------------------------

الفلم الثاني My Name is Khan

شفت دعايته بالسينما والمفروض انه ينعرض هالشهر (فبراير)

وبسايت السينما مو كاتبين متى ينزل مشوقني شكله حلو


الموضوع الرئيسي للفلم: التمييز ضد المسلمين و قصة حب

أبطال الفيلم: شاروخ خان وكاجول

قصة الفيلم: تدور احداث القصة من خلال أحداث 11 / سبتمبر 2001 وضرب برج التجارة العالمي في نيويورك، ويحكي الفيلم قصة رجل مسلم اسمه رضوان (شاروخ خان) يعيش في الولايات المتحدة الأمريكية مع زوجته (كاجول) والصعوبات التي يجدها بعد هذه الأحداث الارهابية، خاصة وانه يعاني من مرض التوحد وهو ما يجعله انطوائي وغريب بالتصرفات التي ستثير شكوك السلطات الأمريكية وتدخله في متاهات مع السلطات، وهناك سيناريو يقوم على سوء الفهم الذي يهدف لإدانة الخلط بين الإرهاب والإسلام، سيناريو الفيلم سوف يعتمد على قصة حقيقية.

Trailer

المصدر

---------------------------------------------------

وآخر فلم بتكلم عنه اهوا Alice in the Wonderland


المفروض ينزل في 5 مارس في أغلب الدول .. اتوقع بالكويت ينزل 4 مارس

وسايت السينما بعد مو كاتبين متى ينزل .. واحلى شي انه راح يكون 3D

قصة الفلم: تعود أليس بعد بلوغها سنّ المراهقة إلى وندرلاند التي سبق أن زارتها عندما كانت طفلة صغيرة، فتجتمع مجدداً بالشخصيات المألوفة التي تسكن هذا العالم الساحر.


الأحد، 14 فبراير 2010

دجاج مشوي مع الخضار


المقادير:
صدور دجاج بدون عظم ولا جلد
1 ملعقة كبيره بابريكا
2 ملعقة زيت زيتون
1 ملعقة اوريغانو
فلفل أسود
ملح
½ ليمونه
صلصة الشواء
3 فلفل بارد مقطع شرائح (أخضر + أحمر + أصفر)
1 بصله كبيره مقطعه شرائح

الطريقة:
نتبل الدجاج بـ 1 ملعقة كبيره بابريكا + 2 ملعقة زيت زيتون + 1 ملعقة اوريغانو + فلفل أسود + ملح + ½ ليمونه

نخليهم بالثلاجة لمدة ليله كامله

نحط زيت زيتون بالمقلاة مع الدجاج والتتبيله

لما يحمر بعدها نقلبه الجهه الثانيه ونضيف عليهم صلصة الشواء الى ان ينضج

بعدها نشيل الدجاج ونحطه في صحن بروحه

ونضيف الـ 3 فلفلات مع البصله بنفس المقلاة ونحمسهم ونضيف عليهم شوية ملح مع فلفل أسود لما يذبل شوي

ونحطه بالصحن يم الدجاج

ملاحظه: الي يحب الليمون نفسي يقدر يحط اكثر وقت الاكل

وبالعافيه

شكرا أمي الحبيبه على الوصفه :*

شصاير؟!


يا جماعه

الدنيا صايره حمره شالسالفه؟!

الخميس، 11 فبراير 2010

عبطييييين!

زعفرانه لما كانت بالكويت مادري شطاري عليها تبي طين!

عاد امي راحت المكتبه وشرت 2 واحد حقها وواحد حقي

قبل لما كنه يهال على طول نشتري وما نعرف نسوي شي غير السله الي داخلها كور!

هالمره تطورنه قمنه نتفنن



بما ان زعفرانه احسن مني فبحط الي سوتهم اول

تويتي


دونت مع شاي

الدونت الصفره مالتي :$


شاي الضحى


اخطبوط


قطوطه


كلوب


طيور الحب


هامبرجر

ذكرتني بالحلاوه الي كنه ناكلها قبل


الحين دوري احم احم

الرغيف العجيب

(الصوره تكوكست)


البطه السوده


ماروكو :$


اهني بعد ما تطورت وخذيت دوره

عبقور


هذي البنيه مادري شلون طلعت عفست الدنيا جان تصير حلوه

ههههههه


شعرها مدرج بعد ههههههه


خلص الطين الاسود

نص راسها اقرع


وزعفرانه سوت هديتين وحده حق اختي الكبيره

بطريق


والثانيه حقي

فيوووووولي :*


ملاحظه: عبطين = العب بالطين

قبل كنت كله اقول عبطين وليلحين