الجمعة، 25 فبراير، 2011

اليوم عيد الكويت .. أجمل حبيباتي



في عيدها شلبس لها هذا الفرح لي ولها

بنشد لها زين الطرب واحلى

وبلبس لها كل الذهب واغلى

ولان عيد بلادي .. هذا الفرح مو عادي


كل عام وحبيبتنا الكويت بخير وأمان

الأربعاء، 23 فبراير، 2011

حــب الكــويــت


شفتوا البحر؟
هذا البحر .. فتح نوافذ للحياه لأهل لكويت 
شفتوا ألبوم؟
حمل على سطحه الأمل لأهل لكويت
اللي بنوها من بوادي و من حضر
كانوا بعيدين النظر
حب الكويت !

 يالله يالله وهذا كافي حب الكويت!.
 واللي يحبها لا يكل ولا يمل
إحضن أخوك إيدك بيديه
وعللي معاه سور الامل
حب الوطن.. حب الكويت!


واللي يحبها لا يكل ولا يمل
وتفاءلوا ياهل لكويت
وتفاءلوا لأجل الكويت
اللي بنوها من بوادي و من حضر
كانوا بعيدين النظر
حب الكويت

Bayan Dental Celebrates with Kuwait


خوش عرض يه بوقته

خذيت موعد حق اليوم

يالله لحقوووووا

الثلاثاء، 22 فبراير، 2011

P♥M

نادر ما اجرب عصير رمان يعجبني

وهالعصير وايد حبيته اسمه 

P♥M WONDERFUL


%100 عصير رمان 


عيبه: 

وايد كبير .. مادري ليش مو يايبين الحجم الي اصغر منه 

يكون بس دائرتين 


شربته لمدة 3 أيام 

كل يوم دائره

خذيته من لولو هايبر

العلم مقلوب ... ليش؟!


ما شاءالله هالسنه غير عن كل سنه 

الكل محتفل ومستانس ومزين بيته 

وكل بيت احلى من الثاني 

بس المشكله الي معلقين الاعلام غلط

نقول يمكن الي معلق لهم مو كويتي ولا يعرف شلون ينحط العلم 

انزين اهل البيت وينهم ما يعرفون شلون ينحط علم الكويت؟!!!! 

في بيت حاطين علم كبييييير مقلوب 

وفوقه 4 صغار وهم كلهم بالمقلوب! 

شي يضيق الخلق انه نشوف ناس ليلحين ما يعرفون العلم شلون ينحط 

واخر شي شفته دعاية وحده من شركات الاتصالات بالسينما 

هم قالبين العلم :(

UNKNOWN


انصحكم تشوفونه 

خوش فلم 

الأحد، 20 فبراير، 2011

Yogen Fruz

هذا البوست اهداء لشخص ما يحب اليوقرت بتويتر هههههه 

بالويك اند جربت يوقرت يديد واهوا

يوقن فروز - Yogen Fruz

المكان وايد حلو جبال الطيارات بس يبيله هدوء مو لوية 

طريقتهم غير شوي عن باجي المحلات الي جربتهم 

عندهم نوعين نجربهم 

اوريجينال - فانيلا 

وكلهم ما حبيتهم مافيهم طعم 

طلبت ميكس بيريز


عندهم انواع وااااااايد 

كاكاو - قهوه - جاي ونسيت 

تختارون اليوقرت الي تبونه وعقب اهيا تسويه لكم وتخلطه مع الفواكه 

مالي خلق اشرح 

المهم انه ما تجربونه قبل لا تشترونه 

انا افضل اني اجرب بالاول يمكن ما يعجبني 

وطبعا تختارون اذا تبونه بدون شكر - لو فات ونسيت

رايي: 

اهوا حلو عجبني بس ما اقارنه باليوقرت 

ما حسيته يوقرت جني قاعده اكل سموذي 

وجربت الكاكاو جنه برد هاجن داز 

عيبه: 

الميكس بيريز والكاكاو واااايد ثقال

مكانه: مطار سعد او مطار الوطنية - الدور الأول 

قريبا: ديسكفري مول + الجابرية 

السبت، 19 فبراير، 2011

صالون تريبل - Triple Salon

يا امييييمه هاتي الحنه حني ادياااااتي 

بالدنيا ماكو انسان فرحان مثلاااااااااتي

يوم الثلاثه الي طاف يتني هديه حلوه من 

صالون تريبل

واهيا دسوس الحنه - Henna Gloves

طبعا انا ما اقدر احط حنه 

فخليت اختي تروح بدالي

ورحنه يوم الاربعا

وهذا الصالون



هذا من داخل 

ما صورت الباجي في بنات اخاف انطق هههههههه عيب عيب 


المعامله وايد حلوه بالصالون 

وصاحبة الصالون وايد حليوه 

وبالنسبه للنقشه اي ديزاين انتوا تبونه تقدر تسويه لكم 

وما شاءالله الهنديه شغلها مرتب ومضبوط 

تقول بالهند من زمان كله يسوون هالدسوس مو شي يديد 

اهني قاعده تنقش لاختي


وطبعا على ما تخلص اختي انا كنت مجابلة قوطي الكوكيز واتريق ههههه 

لقيت محل الكوكيز الي احبه الي يبيعونه كاريبو يمهم وعلى طول خذيت لي

تراااااا هذي النتيجه


وايد حبيت النتيجه 

حلوه ومرتبه وكان ودي احط 

عليها بالعافيه اختي


الحنه تظل لمدة اسبوع تقريبا

الف شكر لصالون تريبل على الهديه حلوه 

عنوانهم: السره - ق 6 - ش 11  - مجمع مبارك - الدور الأول

تليفون: 25346488 - 25346454 

الأربعاء، 16 فبراير، 2011

لحقووووووني ... سوالفي ما تخلص!


هالأيام هابه بتويتر مع انه مسويه اكاونتي من 2009 

بس كان وقتها ماكو احد هدوء وملاقه جان انساه 

الحين رديت له 

سوالف التويتر اكيد غير عن سوالف البلوق 

يالله لحقوووووووني 

Angelina Ballerina




يحليلها هالشخصيه ما عرفتها الا من دعاية تلفزيون الوطن لحفلتها مع بارني 

وكل ما اشوفها اتذكر اختي زعفرانه مادري ليش

يمكن لانها تحب الفيران او يمكن تشبهها!!! ههههههه

ولهت عليها من رمضان مو شايفتها :(

الله يردها بالسلامه

الثلاثاء، 15 فبراير، 2011

Me Time Nail Spa


الاسبوع الي طاف ريولي كانت تعورني 

ما اعرف اسم المكان بالضبط لووول 

يم الاصابع فوق مادري 

المهم تذكرت وحده فلبينيه تشتغل في مي تايم نيل سبا 

لما كنت رايحه قبل شهر 

قالت لي جربي الهوت ستون مساج وايد زين 

وكل مره ابي احجز ماكو وقت يناسبني ونسيت 

ولما عورتني ريولي تذكرت وحجزت ورحت 

اسمه 

Zone Out Pedi

سعره 12 دينار 

لمدة ساعة كامله 

سوت لي بديكير وسنفره واخر شي يابتلي الصخر الحار 

وسوتلي مساج 

والله اني دشيت السبا اعري وريولي تعورني 

طلعت امشي طبيعي ومافيني شي الحمدلله 

بس المشكله اني كنت مواعده اختي بالافنيوز

وقعدنه نتسوق لما رد العوار ههههههه 

والحمدلله اول ما رديت البيت ريحتها وطابت 

انصحكم تجربونه 

مكانه: الافنيوز - المرحلة الثانية - الدور الأول

تليفون: 22598025

7up بس مو شي


تذكرون لما كتبت عن سفن اب الي شريتيه من مركز السلطان


امس رحت الجمعية ولا يايبين نفسه 

فيه ليمون ولايم 

جربت الدايت او الفري 

ماي مايووووووه 

لا لون ولا طعم ولا رائحه 

الي من مركز السلطان الذ

المزيد من الفيولات ينضمون لغابتي الصغيره!

كنت موصيه رورو تييبلي ماعون الفوندو 

وما قصرت يابتلي 2


نفس الي ابيه وكنت ادوره من مكان لي مكان 

واخر مره رحت A2Z ما اعجبوني 

ومع الماعون عطتني جيس فيه .........؟


فيووووووولاتي احبهم 

فيول كبير 
وبوك خرده على فيول 
ودبله ههههه هم على فيول 
وحلاو


وكوب على فيول مع قفشته داخله كاكاو 

جنها تدري انه الكوابه الي عندي كسرتهم ومحتاجه واحد


مشكوره حبيبتي رورو 

وراح ينضمون لغابتي الصغيره

الأحد، 13 فبراير، 2011

NEW @ Cherriez

اختي قالت لي انه تشيريز يايبين نوعين يدد 

فقلت لاااااازم اجرب 

خاصه هالأيام كل ما اجرب شي ما يعجبني 


اوريجينال تارت


رازبيري


طلبت ميكس الاثنين مع بعض 

عيب الرازبيري شوي حالي 

بس لما خلطته مع التارت صار يمييييي


احب تشيريز لانه عندهم 

رمان وخوخ وعنب للتوبينغز

احلى شي 







وكنه طالبينه تيك اوي 

فحط لنه ثلج 

هذا بعد شي يديد اخر مره رحت ماكان عندهم ثلج فبسرعه يذوب


والشي الثاني الي يحببني بالمحل

الستااااااف

وايد يونسون وحبوبين وحليوين

بس الصراحه حروووووني تدرون ليش؟

عقب ما طلبنه انا واختي وخلصنه جان يوريني فيديو

وهذا اهوا الفيديو



حدي احتريييييييت

لانه شكله يشووووووووووووووووووووووق

ابي ابي ابيييي

قلت له عقب ما طلبت وريتني هههههههه

هذا المحل الوحيد بالكويت الي يحطون 3 انواع بعلبه وحده

المره الي طافت طلبت 3 انواع بعلبه بس مو نفس هالطريقه

كانوا فوق بعض

مره ثانيه بروح وبقوله ابي 6 بعلبه وحده هههههه


وشكرا للستاف (ما اعرف اساميهم) على الفيديو 


لمشاهدة البوست السابق اضغط هنا 




ملاحظه: ارجو من اصحاب Cherriez يترجمون هالبوست للستاف

خاصه للي كان زعلان مني هههههههههه ترا مو قصدي 

الجمعة، 11 فبراير، 2011

THE WAY BACK


مقتبس من قصه حقيقية 

بس مغيرين بالاحداث شوي

وايد عجبني 

الخميس، 10 فبراير، 2011

جوري سبا - Joury Spa

تم افتتاح جوري سبا في الافنيوز 

لخبيرة التجميل والمساج جوري المطيري




اهوا صالون وسبا 

انا مو مجربته 

بس قريت عنه وتصفحت المنيو مالهم 

وفي اشياء اسعارهم مبالغ فيها 

وعندهم حوض الأسماك للقدمين يممممممه هههههههه

وسعره 10 دنانير


العنوان: حولي، ق 6، شارع المعتصم، عمارة المعتصم، الدور 1 + 2

الافنيوز، المرحلة الثانية، الدور الأول، بجانب مي تايم نيل سبا

تليفون:

حولي - 22625355 - 22626561
الأفنيوز - 22597084

الأربعاء، 9 فبراير، 2011

Chocopolis

وصلتني دعوه من محل 

Chocopolis 

لتجربة الحلويات والكيك وحلو القهوه الي عندهم 

في محلهم الي بالراية 

هذا المحل من بره


وهني من داخل 



افكار حلوه للهدايا



كب كيك وكيك ومافن



حلو القهوه


جربت المانجو المجففه 

وفي شي غريب بعد مادري شسمه جربته 

والاثنين طعمهم حلو 


كاكاو بلجيكي


للهدايا والتوزيعات


كيك لأعياد الميلاد والأعراس والمناسبات



وشوفوا شنو لقيت 

فيوووووولي حبيبي


وهذي الكيكه حق رورو الي عيد ميلادها بعد يومين 


المهم 

عقب ما خذيت جوله بالمحل 

البياع يابلنه صحن وفيه حلو القهوه عشان نجربه 


جربت الي على فانيلا - مانجو وفراوله

ونسيت شنو بعد هههه 

المهم كل الي جربتهم كانوا وايد حلوين 

وفي أشياء على فستق انا ما احبه 

امي جربته وعجبها وهم جربت وحده فيها جيرمن كيك

وجربت الماكرون هم حلو

وياب لنه صحن ثاني فيه كاكاو بلجيكي 

قلت له تبيني اكل كل هـــــذا؟!!!

هههههه 

لو ادري انهم بخلوني اجرب كل شي 

جان ما كليت حلو لمدة اسبوع 


بقولكم شنو جربت 

الويفر كانت لذيذه 

وشوفوا الي فيها ابيض وفوقها فراوله مجففه الابيض اهوا 

يوووووووقرت !! 

لووول اول ما قالي على طول كليتها واعجبتني طعمها غريب 

واستغربت انه في حلو على يوقرت

وامي جربت الي فيها كوكيز 

ووحده فيها تمر هندي 

وبعد جم وحده تقول كلهم حلوين 

خاصه الكوكيز والي على تمر هندي

وياب لنه بعد كوكيز كاكاو يميييييي 


وهم جربنه كب كيك فالفيت والثانيه فستق 

انا جربت الفالفيت حدها لذييييذه 

حجمها حلو

وانا ما احب الكب كيك الي يكون وايد حالي 

الي عندهم الايسينج مو حالي وايد عجبني 

وامي جربت الفستق تقول حلوه 

واخر شي عطانه هديه 



هذي الهديه 

والعلبه الي تحت امي شرت كيك

الوان العلب تشووووق 


ما اعرف شنو اسم هالكيكه 

يمكن انجليش كيك 

جربناها كلنا اعجبتنا خاصه مع الجاي


تيرمسو 

ليلحين ما جربوها


وهذي الهديه




كل الشكر للاخت فوزية من

 Chocopolis

على الدعوه الصراحه ما توقعت انهم بخلوني اجرب كل شي 

وكانوا وايد كريمين معانه 

ومشكورين على الهديه الحلوه 

ملاحظه: هذا البوست يعبر عن رايي وراي الي جربوا معاي بدون اي مجامله 

كل الحلو الي جربته عجبني لاني ما جربت الحلو الي فيه شي ما احبه 

مكانه: الفرع الأول - حولي، زاوية سنتر، ميزانين ١ 

الفرع الثاني - مدينة الكويت، مجمع الراية، ميزانين ٢، مقابل بنيتون

تليفون: 22997902 - 66232474