War Horse

قبل سنة تقريبا رحت مسرحية 

War Horse

 واذكر لما كنت اشوفها حسيت جني قاعده اشوف فلم مو مسرحية 

او جني بموقع تصوير فلم 

وايد حبيتها خاصة الحصان شلون كانوا يحركونه 

والقصة كانت وايد حلوه 

والي ذكرني بالمسرحية فلم 

 War Horse 

نازل بالسينما عندنا 

الفلم نفس قصة المسرحية ونفس الأحداث ماكو اختلاف 

بس الفرق انه الفلم شوي ممل ومطولين بالاحداث 

المسرحية كانت مختصرة

حبيت المسرحية أكثر من الفلم 

تورا بورا - TORA BORA

بطولة: سعد الفرج - خالد أمين - عبدالله الطراروة - عبدالله الزيد 

اخراج: وليد العوضي 

القصة: اب وام يروحون لافغانستان عشان يدورون ولدهم الي رايح يجاهد في تورا بورا

رايي: 

الفلم أكثر من راااااائع ونفتخر انه فلم كويتي شي يشرف الصراحة

وااايد حبيته ... والمخرج ما شاءالله عليه مبدع 

وان شاءالله نشوف اعمال المخرج القادمه وتكون نفس هالمستوى واحسن 

انصحكم تشوفونه 

|| Who Am I ||

كل يوم سبت مدونة من أكون تسوي مسابقة 

وبالصدفة شاركت وفززززززززززززت 

اضغط هنا

ووصلتني الهدية لي البيت

عبارة عن تذكرتين سينما VIP

واخترنا فلم

 X-Men: First Class

وايد حبيت طريقتها ما شاءالله عليها 

ومو غريب عليها التفنتق 

مشكوره وايد من أكون على الهدية الحلوة استمتعنا بالطلعة

The Beaver

كنت انطر هالفلم من زمان مادري انه نازل 

امس شفناه بالسينما

الفلم نوعا ما ممل 

بس الي حبيته القندس او الـ Beaver

لما رديت البيت جان اتذكر عندي فيول جان البسه بيدي واقلده هههه 

IMDb Rating 6.9/10

موقع السينما

في يوم من الايام كنه بنروح السينما 

دشيت على الموقع واخترت الفلم وييت بحجز

وكانت السينما زحمه 

وكان فيه بس 7 اماكن 

المشكله انه لما ييت بحجز كرسيين مو راضي يتم الحجز 

ويطلع لي انه لازم اخلي كرسيين بينه وبين الي حاجزين 

انزين اذا اهما بس 3 كراسي وانا بحجز 2

شلون اخلي كرسيين؟!!! 

غـــبـــاء

دقينه عليهم وقلنالهم السالفه 

كلمنه الموظف وقال الحل انكم 

تحجزون الـ 3 كراسي !!! 

بالله هذا حل؟! 

احنا 2 ليش نحجز 3 ؟! 

والحل الثاني انه نروح شباك تذاكر السينما الي نبيها ونحجز 

بالاخير هونه عن السينما وعن موقعهم الغبي

اتمنى من سينسكيب انهم يردون الموقع القديم وايد احسن من هذا

Rosie the Elephant

وااااااااااااي روووووزي تهبل تينن 

ابيهاااااا :(

تهبل لما باقت الملفوف ولما تسمع الكلام 

بس فيها شي مو زين .. تحب الويسكي :(

روزي اهيا بطلة فلم 

Water for Elephants

انصحكم تشوفونه وتشوفون البطلة الحلوه 

روزي بنت فيول الحبوب

Water for Elephants

الله شوفوا شنو نزل بالسينما 

مو شايفه الفلم بس شفت دعايته 

احلى شي انه فيه فيوووووولي حبيبي 

لازم اروحله وانصحكم فيه ههههه 

IMDb Rating: 7.0/10

برد على قلبك

صارلي 3 ايام مو مبطله اللابتوب

ذاك اليوم كنه رايحين السينما وجربت السلاش 

في عندهم 3 انواع 

فراوله - كوكتيل - مادري شنو 

جربت الفراوله ما عجبني 

وحبيت الكوكتيل 

عيبه: 

شفطه ويخلص العصير يبقى الثلج :(

واقعد طول الوقت 

اخلط

اخلط

اخلط

اخلط

اخلط

لما يذوب الثلج اشرب شوي وارد

اخلط

اخلط

اخلط

اخلط

اخلط

لووووول مادري عن الفلم 

والمشكله انه ازعااااج وانا اخلط هههههههههه 

شنو الحل؟! 

BATTLE LA

اليوم رحت مع رفيجتي فلم 

Battle Los Angeles

الفلم خربوطه 

مخلوقات فضائية ما احب هالسوالف 

مادري ليش كل ما اروح فلم معاها يطلع فيه مخلوقات فضائية 

اليوم قلت لها توبه اروح معاج افلام ههههههههه

الي يحب هالسوالف يشوفه

I Am Number Four

الفلم يبجي من كثر ما اهوا مليق :(

مع انه في ناس مادحينه مادري على شنو! 

بس حسافه ما شفت دعايته قبل لا اروح واعور راسي 

فلم مزعج

UNKNOWN

انصحكم تشوفونه 

خوش فلم 

THE WAY BACK

مقتبس من قصه حقيقية 

بس مغيرين بالاحداث شوي

وايد عجبني 

هالو كايرو

اليوم اول مره ادش فلم كويتي بالسينما 

لاني ادري راح يكون المستوى ZERO

ولان كل الافلام الي بالسينما شفتهم فماكو الا هالفلم

باختصار

  ويـــــــع 

وتوني ادري انه في مسرحية لعبدالعزيز المسلم قديمه 

نفس اسم الفلم

ما انصح احد يروح الفلم 

Hours 127

قصة الفلم 

مغامر رايح يتسلق الجبال وتطيح عليه صخره وتعلق ايده 

وعنده حلين: يقص ايده او يموت! 

رايي: 

عجبني الفلم لانه قصة حقيقية وأحداثه واقعية 

الي ما عجبني الاخراج مززززززعج خاصة ببداية الفلم

تقييم الفلم حسب موقع IMDb 

  8.5 من 10 

والي يبي يقرا القصة الحقيقية 

والأحداث الي صارت عقب الفلم 

اضغط هنا

زهايمر

في وايد ناس ينطرون هالفلم 

توه نازل بسينسكيب

Tangled

كلولولولووووووولييييييييييييييييييش

اخيرا شفت هالفلم الي كنت انطره من زمان

الصراحه الفلم وايد حلو استانست عليه

احب افلام ديزني

والي ما شافه طافه 

The Next Three Days

نبذة عن الفلم:

تنقلب حياة زوجين رأسا على عقب عندما يتم اتهام الزوجة بارتكابها جريمة قتل

رايي بالفلم: 

استانست على الفلم احب هالنوعية من الأفلام  واتوقع احسن الموجود حاليا

نوع الفلم:

جريمة ودراما

Trailer

للحجز 

اضغط هنا

Facebook movie

امس شفت فلم The Social Network

الفلم وايد عجبني 

توقعته راح يتكلم عن مؤسس الموقع وحياته 

بس طلع احلى لانه يتكلم عن بداية تأسيس الفيس بوك 

وشلون يتله الفكره ومنو الي ساعده 

وشلون تغيرت حياته

وماشاءالله عليه طالب بعمره قدر يوصل للعالميه ويحقق ارباح بسرعه كبيره

وعجبني لما شبه الموقع بالازياء

لان الموقع ماراح يخلص كل مره يطورون فيه شي يديد

وما اعتمد على الاعلانات في الموقع عشان يحقق ارباح وهذا الصح

بس الي مسوين الفلم وايد مطلعين صاحب الموقع بصوره مو زينه 

لو تقرون عنه راح تكتشفون اشياء وايد مو موجوده بالفلم 

انصحكم تشوفونه 

:)

The Social Network

اليوم نزل فلم The Social Network

والي يتكلم عن مؤسس الفيس بوك وقصة انشاء الموقع 

كنت انطره من زمان وقبل شوي حجزت حق باجر

للحجز اضغط هنا

اتمنى ما يكون مقطع واذا مقطع الله يعافي كومار وربعه

Killers

شاركت بمسابقة في مدونة HiKuwait

وربحت جائزة عبارة عن تذكرتين لدخول السينما

وايد استانست على الظرف فيه لوقو البلوق

واخترت فلم Killers

قصة الفلم:

شابة اثناء قضاء اجازتها السنوية تتعرف على شاب تراه بانه هو رجلها المثالي، مما يؤدي الامر إلى زواجهما بشكل سريع. وفي بداية حياتهما الزوجية في البيت تتعكر حياتهما المثالية عندما يكتشفا بان جيرانهم قد يكونوا قتلة مأجورين وقد تم التعاقد معهم لقتل الزوجين

النوع:

أكشن + كوميدي

trailer

للحجز

اضغط هنا

------------------------

رايي بالفلم:

الفلم حلو ويونس يعني مو ممل

عجبني فيه اشياء تضحك

وعيبه الوحيد "التقطيع" كل شوي مقطعين

اشكر الاخ مــبــارك على الهدية واستمتعنه بمشاهدة الفلم