الخميس، 28 أبريل، 2011

استعد .. وعد نفسك!

الي اعرفه انه التعداد يعدون الناس 

وكل منطقة سكنية يشوفون شكثر فيها

واول مره اشوف تعداد نفس هالسنة

اسئلة غريبة 

يمكن بشوفون استهلاك الكهربا والماي بس هم احس الاسئلة مالها داعي 

او النتيجة الي راح يوصلون لها من هالأسئلة مو دقيقة 

مثلا: 

عدد خطوط الهاتف النقال 

يمكن باسمي وايد بس استخدم 1 والباجي مادري عنهم

شلون بعرفون؟!

عدد أجهزة الحاسب الآلي 

عندنه واااايد وساعات نتم ايام ما نبطل حتى جهاز واحد

فشنو الهدف من هالأسئلة؟! 

السؤال الي صج استغربت منه 

مجموع عدد الغرف في المسكن 

مجموع عدد غرف النوم فقط

!!!

غرف النوم شكو بالتعداد؟!!!! 

بعد زين ما اسألوا جم ثلاجه وغساله وجوله عندكم

الي يعرف شنو هالدف من هالأسئلة يوضح لي



ملاحظة: العنوان شعار حملة التعداد في السودان عام 2010 

الجمعة، 22 أبريل، 2011

في العجلة الندامة

كنت رايحه الجمعية ومستعيله 

شريت اغراضي بسرعه ومن بينهم هالشكر 


لما استخدمته مع الجاي حسيت بطعم غريب 

والجاي يلوع الجبد ما ينشرب 

عبالي اني مو مسويه الجاي عدل 

عقب فتره اكتشفت انه العيب من الشكر طلع 

سكر ابيض بطعم الهيل 

!!!


وااااي ما احب هالموقف اني اشتري شي وما انتبه 

بس هم ما انلام اشدراني انه فيه شكر بطعم الهيل :(

في العجلة الندامة .. وفي التأني السلامة

طاح بجبدي بسوي عليه سحب

الأربعاء، 20 أبريل، 2011

برد على قلبك

صارلي 3 ايام مو مبطله اللابتوب


ذاك اليوم كنه رايحين السينما وجربت السلاش 

في عندهم 3 انواع 

فراوله - كوكتيل - مادري شنو 

جربت الفراوله ما عجبني 

وحبيت الكوكتيل 

عيبه: 

شفطه ويخلص العصير يبقى الثلج :(

واقعد طول الوقت 

اخلط
اخلط
اخلط
اخلط
اخلط

لما يذوب الثلج اشرب شوي وارد

اخلط
اخلط
اخلط
اخلط
اخلط

لووووول مادري عن الفلم 

والمشكله انه ازعااااج وانا اخلط هههههههههه 

شنو الحل؟! 

الأحد، 17 أبريل، 2011

THIS NOT THAT

هالكتب تقدرون تسمونهم كتب الاحباط ههههه 

ما يقولون لكم لا تاكلون بالعكس يحطون لكم بدائل

ساعات البدائل حلوه وساعات لا 

ويحطون لكم بعد فرق السعر ودائما البديل ارخص

شريت كتابين وكنت ابي الثالث بس كان خالص


الأول اسمه 

COOK THIS NOT THAT 


هالكتاب احسنهم لانه كله وصفات طبخ 

والباجي بعضهم فيه مطاعم او منتجات مو موجوده بالكويت

فيه ريوق - مقبلات - سلطات - وجبات رئيسية - ستيكات 

حلويات - مشروبات

بهالصفحه حاطين 

مولتن جوكليت كيك - تشيليز 

وفيها 

1070 calories
51 g fat
28 g saturated
143 g carbohydrates

يا ويلي وييييلاه كل هذا فيها واحنا ناكلها عقب الاكل ههههههه


بدل ما تاكلونها اكلوا الي اهما كاتبين وصفتها نفسها بس سعراتها اقل 

360 calories
26 g fat
13 g saturated
34 g carbohydrates


شفتوا الفرق!

وبهالصفحه حاطين 

 Fried Mozzarella - فرايديز

وفيها 

770 calories

والوصفه الي حاطينها فيها 

160 calories


فيه وايد وصفات حلوه ان شاءالله بجربهم

الكتاب الثاني اسمه 

DRINK THIS NOT THAT


نفس طريقة الكتاب الاول بس ماكو وصفات 

يحطون بدائل مثلا بالغلاف حاطين 

DRINK THIS: Starbucks Coffee Frappuccino 

(340 calories)

NOT THAT: Dunkin' Donuts Coffee Coolatta with Cream

(600 calories

وحاطين اسوء المشروبات بأمريكا

مــثــل 

McDonald's Triple Thick Chocolate Shake

(1160 calories

والشكر الي فيه يعادل 13 ابل بايز من ماكدونالدز

@@ 

اووووله


نيي حق ستاربكس 

DRINK THIS: Venti Caramel Cappuccino 

(180 calories)

NOT THAT: Vente Caramel Latte

(320 calories



الكتابين مليئين بالمعلومات المفيده 

تخليكم تعرفون تطلبون وما تحرمون نفسكم من شي 

اخر كتاب اسمه 

EAT THIS NOT THAT

فيه 4 اصدارات من سنة 2008 إلى 2011


وهذا اخر واحد نزل

للأسف ما حصلته كان خالص

زعفرانه عندها هالكتاب تقول يحبط ههههه 


حبيت كتاب

COOK THIS NOT THAT

اكثر من الباجي لانه فيه وصفات صحيه نقدر نطبقها

انصحكم فيهم 

THE NO-DIET WEIGHT LOSS
SOLUTION

ماعندي فكره اذا موجودين بالكويت او لا 

الأربعاء، 13 أبريل، 2011

The Lion King

هالمسرحية كلمة عجيبه شويه عليها 

اهيا قديييمه اول عرض لها كان بسنة 1997

ولانها وايد ناجحه ليلحين تنعرض بجم دوله 

نيويورك - لاس فيغاس - لندن - مدريد 

هامبورغ - طوكيو - سنغافوره


انا رحت الي بلندن 

المسرحية كل يوم تنعرض 

هذا المسرح من بره

Lyceum Theatre


ما شاءالله زحمممممممه ماكو ولا كرسي 

احنا حجزنا قبلها بـ 3 أيام واشوه حصلنه مكان زين 

تدرون شنو اكثر شي حبيته فيها؟! 

واحنا قاعدين فجأه جان يمر يمنه فيووول كبيييير يههههههههبل 

وغير الطيور الي فوقنه تطير والحيوانات الي يطلون من فوق (كلهم مو صجيين طبعا هههه)

يعني صج ما تدرون وين تشوفون فوق تحت او المسرح 

ابهاااااااااار

هذي دعاية المسرحية 



خلف الله على مسرحياتنه

Link

الثلاثاء، 12 أبريل، 2011

الشكل يغر!

مشكله الي يشتري الشي بدون ما يشمه ههههه 

شكلهم يوحي انه ريحتهم حلوه


شاور جيل

المفروض ريحته فانيلا 

بس الصج ناريل :(


عطر للجسم 

المفروض ريحته سويت بيريز

والصج ادوووول :(


وفي بعد ليب جلوس بس ما صورته اهوا احسنهم

خذيتهم من H&M بره الكويت

الخميس، 7 أبريل، 2011

Absolutely Salad


هالايام هابه بمطعم ابسلوتلي سالد 

ما جربت ولا سلطه من الي عندهم بالمنيو 

كل مره اسويلي سلطتي الخاصه وهذا الشي الي حببني بالمطعم 

مكانهم: بنيد القار على خط فحيحيل 

خدمة التوصيل: 22571418

الثلاثاء، 5 أبريل، 2011

حل اللغز 4

الجواب 

يقص جرام من الـ 7 

يصير عنده 1 و 6

والقصه الثانيه تكون من الـ

يصير عنده 2 و 4

اول مره يعطيه 1

ثاني مره يسحب منه الواحد ويعطيه 2

ثالث مره يعطيه واحد مع الـ 2 يصيرون 3

رابع منه يسحبهم كلهم ويعطيه 4

خامس مره يعطيه فوق الاربعه واحد 

سادس مره يسحب الواحد ويعطيه 2 مع الاربعه يصيرون 6

سابع مره يعطيه كل الي عنده ويصيرون 7 

--------------------------------------

اذا عندكم لغز يديد دزوه لي على الايميل

الاثنين، 4 أبريل، 2011

لــغــز 4


واحد ركب مع تاكسي وعنده سبيكة ذهب وزنها 

٧ كيلو جرام 

على كل كيلو متر يعديه مع التاكسي لازم يعطيه كيلو جرام من الذهب 

وعنده مرتين بس يقص السبيكه 

شنو الحل؟! 

-----------------------------------------

اذا عندكم لغز يديد دزوه لي على الايميل

الأحد، 3 أبريل، 2011

الحمدلله على سلامتنه

السلام عليكم ورحمة الله وبركاته 


هذي حالتنه كل ما نرد من السفر 

لازم جناطنه يولدون او يتكاثرون 

قبل السفر لما اصفط الجنطة كل شي يكون سهل وبسرعه 

ولما ارد اثقل شي عندني الجنطة وترتيبها واني ارد كل شي مكانه :(

شلونكم؟