الاثنين، 31 مايو 2010

Tagged

I was TAGGED by 5/4

Last beverage

مــاي

Last phone call

هندي داق بالغلط


Last instant message

مادري نسيت

Last song you listened to

الطير - حسين الجسمي


Last time you cried

اتوقع من زمان


Last text message

دعاية مصبغة


LIST THREE FAVORITE COLORS

أبيض
أزرق
اي لون فاتح

THIS MONTH HAVE YOU
Made a new friend

لا

Fallen out of love

كل يوم احب

Laughed until you cried

لا

Met someone who changed your life

زعفرانه يت وبينعفس يومي هههههه

Found out who your true friends were

امي

Found out someone was talking about you

ناس وايد خاصة هالأيام ههههه

Have you kissed anyone on your Facebook friends list

ما احب الفيس بوك وما عندي اكاونت فيه

How many people on your Facebook friends list do you know in real life

قلت ما عندي

How many kids do you want to have

4

Do you have any pets

اي عندي سلحفاة اسمها "سميره"

Do you want to change your name

اكيد لا

What did you get for your last birthday

هدايا وايد وكيكه

What time did you wake up today

11 ونص الظهر

What were you doing at midnight last night

اقرق مع زعفرانه

Name something you CANNOT wait for

يوم الثلاثه هذا !

Last time you saw your father

قبل 21 سنه .. ابوي متوفي - الله يرحمه

What is one thing you wish you could change about your life

همممممم مع الأيام يبين

What are you listening to right now

صوت التلفزيون

Have you ever talked to a person named Tom

لا توم ولا جيري

Who’s getting on your nerves right now

الاسئله هذي !

Most visited webpage

بلوقي

what’s your real name

نسيته

Nicknames

شاي الضحى

وامي تقولي "شمس" الضحى

Status

Single

Zodiac sign

برج الميزان

Male or female

سؤال صعب .. بس جني مايله للأنثى ههههههههه

University

جامعة الكويت

Hair color

اسود

Long or short

السؤال حق منو انا ولا شعري؟! هههههه

طويل

Are you a health freak

لا

Height

165

Do you have a crush on someone

لا ما دعمت احد ولا احد دعمني هههههههههههههه

لا

What do you like about yourself

كل شي .. الا شي

What don’t you like about yourself

العناد

Righty or lefty

يمين

FIRSTS
First surgery

عملية لوز ولحمية

First piercing

تراجي

Your first best friend

تــوفــه

First award

ريال بالطياره عطاني علج و زعفرانه خزته تبي علج

First sport you joined

سـبـاحـه

First pet

طيور وذبحتهم بقفشه !

First vacation

الامارات

First concert

حفلة فرقة ميامي !

First crush

اول حب امي

WHAT ARE YOU
Eating

حلاو سويت فاكتوري

Drinking

ماي

I’m about to

اخلص البوست وافتك منه واروح العب مع زعفرانه دومينوز

Listening to

التلفزيون

Waiting for

ناطره ادوخ وانام

YOUR FUTURE
Want kids

ان شاءالله اي

Want to get married

ان شاءالله في القريب البعيد

Careers in mind

اي

WHICH IS BETTER WITH THE OPPOSITE SEX
Lips or eyes

eyes

Hugs or kisses

hugs

Romantic or spontaneous

spontaneous

Nice stomach or nice arms

نايس كرشه !!

Sensitive or loud

loud

Hook-up or relationship

relationship

Trouble maker or hesitant

ولا وحده منهم

Lefty or Righty

righty

Shorter or taller

taller

Older or Younger

younger

ههههههههههههه يحليلي وانا شيرت كل شي عن الشخص المجهول !

HAVE YOU EVER
Lost glasses/contacts

اي بس مو وايد

Ran away from home

لا

kissed a stranger

لا قطع

بس بالعيد اي .. امشي واسلم حق العيادي هههههههههه

Drank Pepsi

اي بس افضل عصير رمان

Broken someone’s heart

وعليه ... لا

Been arrested

لا بسم الله علي

Turned someone down

اي

Cried when someone died

اي


Liked a guy/girl friend

صديقه

DO YOU BELIEVE IN
Yourself

اي

Miracles

نعم

Love at first sight

ما اعترف بالحب من اول نظره هذا اعجاب

Heaven

نعم

Santa Claus

اي ... لما كنه بالروضه امي تنومنه بليل وتقول قبل لا تنامون طلبوا شنو تبون من بابا نويل اييب لكم

واحنا نطلب نقعد الصبح نلقى جيس الجمعيه تحت المخده وفيه كل الي طلبناه

ما كنه ندري ان بابا نويل اهوا "ماما" نويل (امي) هههههههه

وليلحين نسميها ماما نويل

Kiss on the first date

عيب

ANSWER TRUTHFULLY
Are you happy with your life

الحمدلله اي

Is there one person you want to be with right now

اي

Had more than one boyfriend/girlfriend at one time

عندي صديقات وايد

Do you believe in God

اكيد

Posting this as 100 Truths

اي وتعبت

I'm tagging

رورو الشخبوطة
جندله
ابوفلان
جاكليته
ديكاتي
المباركية
ميد
ميمة السبيت
قلم ومساحه
Me Blogging
lil.D

DoDoq8
Pink Girl
fyonkat
Frankom

وكل الي عندي بقائمتي المفضلة

السبت، 29 مايو 2010

Strawberry Melfe

الظاهر انا حالفه اجرب كل كيك لورنزو ههههه

جربت كاراميل جيز كيك اضغط هنا

وجربت جوكليت جيز كيك اضغط هنا

واخر شي جربت ستروبيري ميلفيه

والي موجوده بس في الصالحية و 360

والوحده تكفي حق 3 اشخاص او اكثر


طعمها حلو وخفيفه

بس ماكو على الكاراميل جيز كيك

آيس كريم شريك

اليوم رحت شريت الآيس كريم من ماكدونالدز

شكل الصلصه يلوع الجبد وفيها قطع جيلي ههههههه


طعم الصلصه نفس طعم الجيلي مال قبل الاخضر


يعني زوين مو وايد حلو

اكيد العادي وايد احلى

امي اول ما شافته وشافت لون الصلصه قالت:

"يمكن عاصرين شريك داخل البرد"

ههههههههههههههه لوعت جبدي

الجمعة، 28 مايو 2010

نورت الديرة

اليوم الصبح زعفرانه وصلت بالسلامه



وناسه صار عندي اخت يديده

عاد هالمره مطوله ... اشوه عشان يمدينا نلعب مع بعض هههههههه

كنه مخططين لأشياء وايد بالصيف نسويها بس شكل الخطط بتخترب

كل ما تيي نحط "أجندة" نطبق 10% منها هههههه

ولازم من تيي تييبلنا صوايغ واغلبهم انا موصيتها عليهم

كل مره تقولي هذي صوغه ما يصير تطلبين

وهالمره وصيتها على اشياء وايد مو لاقيتهم هني

اشوه يابلتي كل الي ابيه

بحط لكم شويه من الي صورته والباجي ما اقدر احطه

هذا الكوب حق امي فيه مثل لوحة طباشير

زعفرانه اكتبت عليه حق امي


وهذا من الجهه الثانيه


مادري ليش مسويه دعاية حق الكافيهات ههههههههه

---------------------

وهالحلو اكيد تعرفون حق منو !


ميدالية فيول حقي وعلى زرافه (ما صورتها) حق اختي

عندنه نفسها جنطه


هذا انا موصيتها عليه ههههههههه

ماعون للبوب كورن


بوك مارك على كب كيك

(مغناطيس)


بوك مارك على بنيه والجهه الثانيه بنيه شكلها غير

(مغناطيس)


بوك مارك على بنيه ذكرتني بصديقة ماروكو الي تعرفت عليها

لما راحت هاواي مع يدها


m&m's Dominoes


عشان نلعب فيها مع بعض

وداخلها جيسين كاكاو


كاكاو من بتلرز

"هوت جوكليت"

موصيتها عليه

اهيا جربته وقالت وايد حلو

عاد يابتلي كراتين شكثر تبرعت بواحد حق اختي هههههههه


ان شاءالله بجربه وبقولكم عنه اذا حلو او لا

وهذا جزء بسيط من الصوايغ

خمت السوق لنا ونست نفسها

يالله بروح العب معاها

بدليه

في شي غلط بالعلبة؟!


هههههههه الي كتب شكله كان مستعيل

او ريحة الشواء ضربت بمخه!


بنكـــمـــة = بنكـــهـــة

الخميس، 27 مايو 2010

كلينكس للبنات فقط!

جديد

مناديل كلينكس - مــرآتــي


غلاف الكلينكس فيه منظره

وهذا اليديد الي فيه


السعر .....؟

مادري جم اختي شرته لي

جديد ماكدونالدز

اليوم امي قالت لي ان ماكدونالدز منزلين برد يدي على تفاح اخضر

وانا احب البرد واحب التفاح الاخضر

ومن قبل مجربته كان وايد حلو

بس هذا غير لان عن الي جربته لانه سانداي والصلصه تفاح اخضر

عاد قلت بجربه والي يطلع


بس للأسف اني مريضه وما راح اجربه اليوم

الي جربه يقولي عن طعمه حلو او لا؟

المصدر

فناجيل القهوة

شفت بجمعية قرطبة علبة جنها علبة برينجلز

بس داخلها فناجيل قهوه

عبارة عن بسكوته مطلية بكاكاو


تصبون داخلها القهوه ولما تخلص اكلوها

وبجذي توفرون الحلو ههههههه


السعر 2.350 دينار


ما شريته

الأربعاء، 26 مايو 2010

التاج السلطاني


قوانين التاج السلطاني كالآتي:

- اذكر اسم من طلب منك حل هذا الواجب.
- اذكر القوانين المتعلقة بهذا الواجب.
- تحدث على ستة أسرار قد لا يكتشفها من يقابلك للمره الأولى.
- حول هذا والواجب إلى ستة مدونين، واذكر اسماءهم مع روابط مدوناتهم في موضوعك.
- اترك تعليقا في مدونة من حولت الواجب عليهم، ليعلموا عن هذا الواجب.

الطلب الأول:

- اذكر اسم من طلب منك حل هذا الواجب.

رورو الشخبوطة

الطلب الثاني:

- تحدث على ستة أسرار قد لا يكتشفها من يقابلك للمره الأولى.

بالله عليكم اسرار شلون تبوني اقولها؟ !!!

الصراحه عندي اسرار وايد اكثر من 6

واسفه ما راح اقول ولا شي منهم

هالطلب ملغي !



الطلب الثالث:

- حول هذا والواجب إلى ستة مدونين، واذكر اسماءهم مع روابط مدوناتهم في موضوعك.

انا بختار واهما على راحتهم اذا يبون يجاوبون او لا

لان الصراحه انا ما اعجبتني فكرة التاج وما حبيتها

قـلـم ومسـّاحة


هـديـل Q8

Her

ShaYmoOoNa

chandal/danchal!!

Happened in Kuwait

يالله طلعوا اسراركم

تجربتي مع تساقط الشعر

شهر ابريل الي طاف كتبت لكم بوست عن معاناتي مع تساقط الشعر

ورحت الصيدلية وشريت العلاج

والي يبي يعرف المنتجات بالضبط

اضغط هنا


امس خلصت اخر انبلوله

بالبداية استمريت عليه وكنت استخدمه يوم وترك

بعد فتره راسي بدا يحكني بشكل مو طبيعي

اكتشفت امي انه يابلي حساسيه فقالت خلاص وقفيه فتره وردي عليه بعدين

هذا الي سويته

وقفت فتره وبعدها رديت وهم رد يحكني ماكو فايده

شريت حمام زيت وقمت على طول احط ووقفت العلاج

لما خفت الحكه وقمت احط كل اسبوع انبوله وحده بس

وبعدها شريت شامبو كلير

"ينظف بعمق ويقضي على الحكة"

ومن استخدمته راحت الحكه وكملت العلاج

النتيجة:

الي شفته ان التساقط وقف 99%

وصار يتساقط بشكل طبيعي جدا


قبل لما امشط شعري بعد كل خصله لازم انظف المشط من كثر الشعر الي يطيح

الحين امشط شعري كله وجم شعره بالمشط

قبل اي مكان اقعد فيه يعرفون اني قعدت فيه والسبة الشعر الي يطيح بشكل مو طبيعي

وامي مبتلشه تمشي وتخم ههههههه

الحين الحمدلله وايد احسن من قبل ورد طبيعي

وامس لاحظت ان الفراغات الي كانت موجوده بسبب التساقط نبت فيهم شعر صغاااار

حتى صوب يبهتي كان طايح الحين صار عندي قذله



ولا تنسون اني كنت استخدم انبولات + شامبو + حبوب

واذا تبون تجربونه لا تشترون نفس الي شريتهم بالضبط

لان كل شخص يختلف عن الثاني ونوعية الشعر تختلف

فلازم تسألون

الثلاثاء، 25 مايو 2010

Vitalgaufre

الاسبوع الي طاف رورو مادري شسالفتها على الوافلز

المهم راحت وكلت الي بخاطرها

وانا ما احبه ... بس شوقتني وقلت بجربه

وقالوا ان الي موجود بالشامية مول احلى شي

فرحت مع اختي نجربه واسمه

Vitalgaufre

واهوا بلجيكي

وله فرعين بالشاميه مول والمهلب

تحديث: تم افتتاح فرع بجمعية العديلية


وهذا الكشك


وتختارون اذا تبونها لينه او يابسه

احنا اخترنا بالنص


العلب


تلف الشوايه عشان ينزل الشكر منها


هني كانت لينه وايد قلت لها سويها بعد شوي


قصتها بعد ما خلصت


الصلصات:

strawberry - maple syrup - caramel

dark chocolate - raspberry - nuetella


انا اخترت nuetella

واختي maple syrup


وخلص الطلب


هذي طعمها حلو وخفيفه


والنوتيلا حلوه بس شوي ثقيله


سعر الوحده ديـــنـــار

خدمة التوصيل: 65688819

خدمة الحفلات: 97868777

الموقع الاكتروني

جان زين يسوون لهم كافيه

Bananas bracelet

خلصنه من موضة الحذاء العجيب

اضغط هنا

نيي حق سوار الشواذي ههههههههههه


هذا فيه ميزه اذا يعتي اكليه!

وهم الي عاجبها ومستحيه تقول

ضغطي هني