السبت، 30 أكتوبر 2010

Jamoca Almond Fudge


أخيرًا لقيت الآيس كريم المفضل عندي 

في جيان ومركز السلطان 

اهوا الوحيد الي اييبونه فتره وينقطع فتره اطول 

مادري ليش 

انا احب اشتري العلب الي بالجمعيات عشان يكونون عندي على طول بالبيت 

واذا انقطع تلقونه في افرع باسكن روبنز 

والي احبه في هالآيس كريم انه فيه طعم القهوه

Hawaiian Spa


ميد كانت كاتبه ببلوقها عن هالفوم 


يستخدم للجسم وينعم وريحته حلوه 

لقيته في مركز السلطان 

وجربته عجييييب 

ورورو تقول في انواع ثانية غير هذا بس ما شفتهم

اضغط هنا

الجمعة، 29 أكتوبر 2010

Facebook movie


امس شفت فلم The Social Network

الفلم وايد عجبني 

توقعته راح يتكلم عن مؤسس الموقع وحياته 

بس طلع احلى لانه يتكلم عن بداية تأسيس الفيس بوك 

وشلون يتله الفكره ومنو الي ساعده 

وشلون تغيرت حياته

وماشاءالله عليه طالب بعمره قدر يوصل للعالميه ويحقق ارباح بسرعه كبيره

وعجبني لما شبه الموقع بالازياء

لان الموقع ماراح يخلص كل مره يطورون فيه شي يديد

وما اعتمد على الاعلانات في الموقع عشان يحقق ارباح وهذا الصح

بس الي مسوين الفلم وايد مطلعين صاحب الموقع بصوره مو زينه 

لو تقرون عنه راح تكتشفون اشياء وايد مو موجوده بالفلم 

انصحكم تشوفونه 

:)

الخميس، 28 أكتوبر 2010

The Social Network


اليوم نزل فلم The Social Network

والي يتكلم عن مؤسس الفيس بوك وقصة انشاء الموقع 

كنت انطره من زمان وقبل شوي حجزت حق باجر

للحجز اضغط هنا

اتمنى ما يكون مقطع واذا مقطع الله يعافي كومار وربعه

الأربعاء، 27 أكتوبر 2010

In a box !

أمس زعفرانه قالت لي عندي لج مفاجأة 

دشيت النت بشوف مفاجأتها الي وصلتلي بالايميل

اول ما شفتها ما استوعبت 

بعدها انصدمت 

اخر شي ضحكت واستانست

وهذي اهيا الهدية


عاد انتوا اقروا شنو مكتوب على العلبة 

انا ما اقدر اكتبه ههههههههههه

وهذا الي داخل


مسوينها سماد هههههه 

ومعاها بذور تباع الشمس 


الصراحه الهديه تضحك هههههههههههههه 

قالولي زرعيها يمكن يطلع لج فيل صغير

شنو تنصحوني ازرع؟ ههههه

الاثنين، 25 أكتوبر 2010

ما اشوف شر


هذا وضعي حاليًا :(

انفلونزا + ربو

السبت، 23 أكتوبر 2010

هي وهو

هي وهو برنامج يعرض على قناة mbc

كل سبت الساعه ١١ مساء


البرنامج باختصار مادري شسالفته!!! 

ولا ادري شنو الفايده منه!

مادري متى بدا ينعرض اول مارديت من السفر شفته 

يعني بيقنعونه ان الي قاعد يصير صج؟ 

اشكرررررره مبين انه تصنع وكله تمثيل بتمثيل 

الصراحه انا اشوفه عشان اضحك هههههههه اتوقع هذي فايدته 

الي غاثني بالبرنامج اللقطات الي يحطونها 

البوس واللم وتنسدح بحضنه ويشيلها!!! 

شهالحركات

لازم يحطون تنبيه البرنامج حق الي عمره ١٨ سنه وفوق

لا وبعد تدزون لهم مسج عشان يعطونكم نصائح زوجية 

ههههههه

وريلها خوش واحد ما يغار عليها مخليها تتدلع وتتسدح جدام عوير وزوير

انتوا شرايكم؟! 

ليش .. غيرتوا تصميم المدونة؟


بلوق ليش غيروا تصميم المدونة 

وهالتغيير يعتبر هديه صغيره من أصحاب المدونة لكل زوارهم 

لمشاهدة المدونة 


موفقين يا شباب

غسيل الصحون

بعرفكم على هوايتي اليديده 

غسيل الصحون 

اكره شي بالدنيا عندي الصحون 

حاولت احب هالهوايه مو قادره حتى مع الدسوس هههههه 

كل مره اسوي شي عشان احبها 

اخر شي لقيت في دبنهامز اللبس مال الطبخ مادري شسمه 

ومع الي تلبسونه عشان تشيلون الصحون الحاره على كب كيك 

خذيته وقلت يمكن يفتح نفسي شوي وانا اغسل الصحون



وبعد مالبسته جني تعودت عالوضع شوي! هههه 

الجمعة، 22 أكتوبر 2010

في بيتي ستاربكس

يوم عن يوم قاعد يزيد ادماني للقهوة 

وماكو امي عشان اتدلع عليها واقولها

"يمااااااااااااه سويلي قهوه

وعليه علي هههههههه 

انصحتني زعفرانه اشتري مكينة الاسبريسو وافك ريلي من حنتي

وشريت المكينة 


ورحت ستاربكس وشريت الاسبريسو

مع Hazelnut Syrup - بندق


وقعدت احوس بالمكينة 

زعفرانة عطتني فيديو باليوتيوب عشان اتعلم واهيا بعد علمتني

والي تشتغل بستاربكس علمتني

بس الصراحة عفست الدنيا 

سويتها اول مره شربتها لاعت جبدي ماي مايوه

المره الثانيه الحمدلله اضبطت

وهذي النتيجة


طبعًا الي سويته كابتشينو 

(hazelnut syrup + اسبريسو + حليب + رغوه)

الطعم نفس الي اطلبه بستاربكس

يبيلي اتعلم عليها عدل لاني اليوم سويتها ٣ مرات يالله اضبطت 

الخميس، 21 أكتوبر 2010

معرض الكتاب

رورو شوقتني على المعرض 

عاد ما كنت حاطه لسته ببالي 

قلدتها ببعض الكتب والباجي خذيتهم بعد ما امدحوهم لي ناس قارينهم


شريت ٨ كتب 

١. رواية فسوق - عبده خال

٢. آخر أيام غرناطة - د/ محمد رضوان الداية 

٣. مذكرات بنت بطوطة - أبرار الغصاب

٤. رواية كان صرحًا من خيال (أم كلثوم) - سليم نصيب

٥. رواية وراء الفردوس - منصور عزالدين

٦. القلادة إياها (قصص قصيرة) - سارة المكيمي

٧. موسم الهجرة إلى الشمال (الطيب صالح) - رجاء النقاش

٨. رواية مدن تأكل العشب - عبده خال

وكنت بشتري رواية هذي آخرتك ونسيت :(

وسلامتكم

الأربعاء، 20 أكتوبر 2010

10/10/2010

كلولولولووووووليييييييييييش

اخيرا لابتوبي اليديد صار فيه عربي

الحين اقدر انزل بوستات

-----------------------------------------------

ادري هالبوست جدًا متأخر 

بس شسوي ما فضيت ولا عندي عربي 

من زمان وانا انطر هاليوم لان التاريخ ذهبي

ويصادف عيد ميلادي


اول ما رديت من السفر اهلي سوولي مفاجأه 

واحتفلت بعيد ميلادي وصار عمري 

23


وهالعيد ميلاد كان غير عن كل سنة

لاني اول مره احتفل فيه مع ريلي


كان يوم جدًا ممتع واستانست فيه وايد

مشكورين وايد امي واختي وريلي


--------------------------------------------------

من تزوجت وانا احس صرنه عايله مشتته :(

انا بالكويت وامي واختي مسافرين وزعفرانه بديره ثانيه :(

الله يردهم بالسلامة يارب

الأربعاء، 13 أكتوبر 2010

انا يييت!

السلام عليكم ورحمة الله وبركاته

شلونكم؟ وشخباركم؟

عساكم بخير؟

ولهت عليكم وعلى بلوقاتكم وعلى بلوقي بعد

قبل 3 ايام رديت من السفر الي كان مدته 31 يوم ورحنا 3 دول

احس نسيت شلون اكتب بوست عفست الدنيا عشان اتذكر الباسوورد

هقوتي كبرت وخرفت هههههه

طبعا لابتوبي العزيز ليلحين خربان او بالاصح مــات

وعندي واحد يديد ماك بس ما اعرف له وبقت لابتوب امي عشان اكتب البوست

ليلحين مو حابته خبري فيه برمضان كنت ابطله واطلب فطور او سحور

شسوي بعد مطبخي مافيه الا جدر واحد و 6 صحون!

جني قرقت وايد

من زمان ما سولفت معاكم

وان شاءالله ارد نفس قبل واحسن بس بالأول تستقر حالتي الصحية

وأطيب وافتك من المليون دواء الي عندي

الحمدلله رب العالمين

صج اني كبرت :(

اي صج مشكورين .. وايد استانست على تعليقاتكم

:)