الخميس، 22 ديسمبر، 2011

Bayan Dental Calender 2012

كعادتهم السنوية .. بيان لطب الأسنان 

ارسلولي رزنامتين لسنة 2012 

وهالمره غير عن سنة 2011 اضغط هنا 

هذي لعشاق الأفلام المصرية القديمة



كل شهر فيه العطل وايضا معلومات مفيدة 



شكرا لبيان لطب الأسنان 


مدينة الكويت: خليفة تاور

العقيلة: البيرق مول

السالمية: ليلى جاليري تاور



تليفون: 23824000

يتغير التواصل وتظل الابتسامة ... فتباهى بأسنانك

الثلاثاء، 20 ديسمبر، 2011

Followgram

 وايد اسألوني شلون يقدرون يشوفون الصور الي احطهم بالانستجرام 

وماعندهم اي فون 

الحل: تقدرون اتابعوني من خلال موقع 



ضغطوا عالصوره الي تحت


الاثنين، 28 نوفمبر، 2011

Instagram



لعشاق التصوير ولمحبين الطماشة تابعوني في برنامج 

Instagram 


السبت، 29 أكتوبر، 2011

عصير أمريكانا


أمريكانا منزلين منتج يديد واهوا عصير 

مانجو - ليمون ونعناع 

جربت الليمون ما عجبني 

الاثنين، 10 أكتوبر، 2011

الأربعاء، 7 سبتمبر، 2011

الثلاثاء، 6 سبتمبر، 2011

شنو هذا؟!!!

Strawberry Cream


من الكافيهات الي ما احبها كوستا 

كل مره اطلب شي يطلع مو حلو 

هالمره قلت بجرب شي غير القهوه وطلبت 

Strawberry Cream

والحمدلله طلع حلو عجبني بس نسيت اطلبه بدون الكريمه الي فوق ما احبها 

How it's made .. Ice-cream Cones


شوقوووووني 

الاثنين، 5 سبتمبر، 2011

Mini Fruit Tart


وين احسن مكان بالكويت يبيعون 

ميني تارت نفس الي بالصوره؟؟؟ 

الأحد، 4 سبتمبر، 2011

شوكليت سوفليه


جديد دومينوز بيتزا 

Chocolate Souffle 

شفت اعلانهم وذكرني برورو 

الخميس، 1 سبتمبر، 2011

تورا بورا - TORA BORA


بطولة: سعد الفرج - خالد أمين - عبدالله الطراروة - عبدالله الزيد 

اخراج: وليد العوضي 

القصة: اب وام يروحون لافغانستان عشان يدورون ولدهم الي رايح يجاهد في تورا بورا

رايي: 

الفلم أكثر من راااااائع ونفتخر انه فلم كويتي شي يشرف الصراحة

وااايد حبيته ... والمخرج ما شاءالله عليه مبدع 

وان شاءالله نشوف اعمال المخرج القادمه وتكون نفس هالمستوى واحسن 

انصحكم تشوفونه 

نعمان وملسون

اخر يوم رمضان وانا بسابع نومه 

فجأة ... 

يطمر بويهي شي! انا عبالي قطوه واقوم مخترعه 

اخر شي طلع نعمانووووو!!! 


عاد انا مو من محبين 

نعمان وملسون 

وبرنامج افتح يا سمسم!


انا من ربع سنبوك ومريم وشاهين 

شخصيات افتح يا وطني أبوابك 


==============

تصبحون على خير


ابي سنبوووووووووووووووووووك :(

الاثنين، 29 أغسطس، 2011

مسرحية: زين إلى عالم جميل

اهلا اهلا مرحبتين ... نورت المكان يا زين 

تمت دعوتنا لحضور البروفه النهائية لمسرحية 

زين إلى عالم جميل 

من وحي أوليفر تويست

واهيا مسرحية غنائية باللغة العربية

كتابة: هبة حمادة 

ألحان: جاد الرحباني

بطولة: شجون الهاجري - علي كاكولي - فاطمة الصفي - مبارك سلطان

حمد أشكناني - فاطمة الطباخ - فهد باسم - طلال باسم

للمخرج: سمير عبود

قصة المسرحية: 

طفل اسمه زين يعيش في دار الأيتام ولما حس بظلم انحاش منها وراح للمدينة والتقى بالعصابة وخلوه يبوق بعدها انسجن وتتم محاكمته ويطلع براءة وتتبناه سيده غنيه ويعيش عندها 

شوفوا الصور
















































لما خلصت المسرحية حسيت جنها دعاية من دعايات زين الي نشوفهم بالتلفزيون


بس طويله لوول 


اعجبتني المسرحية وحبيت الاضاءة واااااااايد والديكور كان جميل


ما شاءالله في تطور كبير بمسرح الطفل


واتمنى من زين انها تستمر كل سنه وما تكون هذي اخر مسرحية منهم


واكثر شي عجبني اداء 


علي كاكولي + شجون 


تمثيلهم كان عجييييب خاصة علي كاكولي بدع بحركاته وتعابير ويهه


شكرا للسيد محمد المهيني وشركة زين للاتصالات على الدعوة


مكان المسرحية: صالة التزلج


للحجز: 90007773 - 90007774


راح تنعرض من باجر وتستمر لمدة 10 أيام

عيد سعيد


صلاة العيد الساعة: 5:39 صباحا

الأحد، 28 أغسطس، 2011

LUSCIOUS

باول رمضان كانت رفيجتي واهلي مسيريين علي 

عاد فكرت شنو اييييييييييب 

وتذكرت هالمحل 

دقيت عليهم وطلبت ومريتهم على الساعة 3 العصر 

ومشاءالله كان كل شي خالص

طلبت ميني صاج


فيه انواع 

دجاج مسحب - فلافل - بيديان 

ونسيت


العلبة واااايد طويله بس شكلها حلو حق التقديم 

ومعاه خبز مادري شسمه نوعين 

وصلصتين الاولى زعتر والثانيه البيضة مادري شنو اهيا بالضبط


طعمه حلو بس في انواع ما حبيتها مثل البيديان لاني ما اكله

ونسيت شنو الباجي لوول 

السعر: 18 دينار 

=================

والنوع الثاني الي طلبته اسمه 

فطاير بولز 


هذا وايد استانسنه على فكرته غريبه 

الصلصة تكون بانبوله تضغطونها وتدش داخل الفطاير

فيه انواع 

جبن - لحم - خضار - بيديان - سبانخ 

وهم نسيت 


حبيت العجيبه ترفه 

الي ماحبيتهم البيديان والسبانخ واذكر في شي بعد ما عجبني 

بس كالعادة نسيت لوول

السعر: 18 دينار 

العنوان: شرق - شارع احمد الجابر - جبال دار العوضي

تليفون: 22398912 - 22498913

""اتمنى انهم يسوون خدمة توصيل"" 

السبت، 27 أغسطس، 2011

Mini Cherriez

اول رمضان كنت رايحه بيت امي وله طالبين ميني تشيريز 

حبيت الفكره وقلت اطلبها لما ايون رفيجاتي

طلبت الساعه 6 ووصل 7

وشكله عجيب جنه هدية 

والعلبة فلين داخلها ثلج


وتقدرون تختارون الانواع الي تبونهم 

انا اخترت نص اوريجينال ونص مانجو


واييبون معاه القفاش 

وايد اعجبتني فكرتهم احلى من الحجم العادي 

بس العيب انه ماكو اضافات فرحت الجمعية وشريت فواكة

وقصصتهم ووزعتهم بالصحون


السعر 

درزن اوريجينال: 4.950 دينار

درزن نكهات: 5.950 دينار


خدمة التوصيل: 22474888