الثلاثاء، 20 أبريل 2010

حلو بيضة كندر + مسابقة

وصلتني بالإيميل وعلى طول طبقتها

بس المقادير كانت غير ما اعجبتني فغيرتها

وتقدرون تحطون داخلها الي تبونه وتسوون نفس الفكره

المقادير:
بيض كندر (الكمية حسب الرغبة)
2 أوريو
2 دانيت شوكولاتنه
3 دانيت فانيلا
كيك سارالي (فانيلا - كاكاو) حسب الرغبة
2 ظرف دريم ويب
1 ظرف كريم كاراميل
2 قيمر كي دي دي
1 جبن فيلاديلفيا
مارشميلو للتزيين


الطريقة:

نخلط الاوريو مع 2 دانيت كاكاو و2 دانيت فانيلا


لما يصير جذي

(الصورة تكوكست)

في الخلاط الكهربائي

2 قيمر + 2 ظرف دريم ويب + 1 ظرف كريم كاراميل + 1 جبن فيلاديلفيا


نخلطه إلى ان يتماسك


نفتح البيض بالنص ونحطهم بالصحن

بس ديروا بالكم لا تصير ذايبه وتخترب


نحط داخلهم الكيك انا خلطت نوعين

ونضغط شوي شوي عشان ما تنكسر البيضه


بكل بيضه نحط فيها قفشه كبيره من خليط الاوريو


بعدها نحط قفشه من خليط القيمر

يفضل انكم تييبون جهاز التزيين وتحطون خليط القيمر داخله

عشان يصير شكله مثل الورده ويكون ارتب

انا ما كان عندي وقت كنت بطلع فسويته بسرعه بسرعه وعفست الدنيا


بالنسبة للتزيين اخترت مارشميلو لان امي تحبه

تقدرون تحطون كاكاو او حلاو او اوريو مفتت


باجي علب البيض كان ذايب فما قدرت اكمل عليه

يبت قراطيس الكب كيك وكملت عليه

يفضل انكم تحطون الزايد بكاسات زجاج صغار وتسوونه مثل الطبقات

يطلع احلى


وعطوني الألعاب اركبهم على ما تخلصون من الكيكه

هههههههههه

عاد الألعاب صايرين سخيفين مو نفس قبل


بالعافيه

بس "ويــن فــيــول؟"

ملاحظه: موجود بصورة وحده فــقــط

اضغط على الصوره لتكبيرها

لمعرفة شروط وقوانين المسابقة اضغط هنا

هناك 35 تعليقًا:

رورو الشخبوطه يقول...

انحولت مالقيته خخخ..

وبالعافيه يارب شكله يشوق ماشاءالله..

مشكوره..

وتسلم ايدج..

Sami يقول...

الصوره السادسه ..بين الصف الاول و الثاني ..على اليسار

Hi Kuwait يقول...

على يمين علبه كندر اللي فوق خدود البنات :)
حلوه مسابقتج .. ابداع والله يا شاي الضحى :)

Hashimoto يقول...

انشالله ماتاخرت
باول صورة

http://4.bp.blogspot.com/_x1WchNEeaP4/S82qV5Jxm3I/AAAAAAAAD98/8RVAlh9VY-U/s1600/IMG_4791.jpg

على ثاني قوطي كندر الي بالعرض
P=

أبوفلان يقول...

والله خطلته وأغراضه حلوه

لكن مع بيضة كندر بيصير حلى أقششششر يعني صار كله حلو بحلو بحلو مافي شي يكسر الطعم شوي

يعطيج العافيه

Hashimoto يقول...

عندي تعليق تحلطمي ..
ليش البلوق رول الي عندي وايد متاخر
يعني كل ما يطلعلي عندج موضوع يديد اجيك
ولا طايفني 16 الف موضوع قبله !

وشكرا

سمو الأميرهـ ..ツ يقول...

يمي يمي ..ِكله لذيذ..
بحاول أسويه جريب ان شاء الله ..:)

امممم
فيوول موجود فالصورة الأولى
ع علبة الكندر ...
http://img717.imageshack.us/img717/576/18621409.jpg


لووووووووول

shiry يقول...

ازيك يا شاي الضحى
وصفة جميلة قوي
وعلى فكرة الفيل على علبة كندر من اليمين في اول صورة خالص تحت علبة القيمر
وعايزة اقولك اني بحب البلوج بتاعك قوي

ebtsamh يقول...

يادي فيول .. والله بدورلج معرس يشبه

فيول ..

اعتقد فيول في اول صوره على علبه بيض

الكندر ..

وهالمره لابسه نظارات :)

فاطمة الابراهيم يقول...

الله يسامحج أنا نقطة ضعفي الككاو :/

ليه بس ..!

عاد المقادير كلش ما تزود وزن ؛)

عليج بالعافية
الاحظ تسوين بس سويت مو ؟

mazyona يقول...

لقيت فيول
اول صوره فوق علبه الكندر اللي يم كريم الكراميل
بس هديتي فيول
طمعت عبالي بفوز

Seldompen يقول...

مساء الخيـر ..

امممممم شكل الحـلآ لذيذ ..

لكـن قـاتل ..

ما أقدر على الحلآ الزايد ..

:|

تسلم إيدك , وبالعافية عليك وعلى اللي أكل الحلآ يارب ..

بالنسبة لمسابقة البحث عن فيول
أعجبتني ؛)

وكنت بسأل شنو قصه حبك لفيول :)

يلا المره الجايه رآح أشترك فيها

=)

كوني بخير ..

أرق التحـايا ..

joe يقول...

يمييي لذيييذ جربي سووي حق هالحلو مشروع تبيعين و انا اول زبون لووول

بالعافيه

وبالنسبه حق فيول عيني طلعت من مكانها ومالقيتها

شاي الضحى يقول...

رورو

هههههه شوفي مكانه وين :q

الله يعافيج

والله يسلمج

مشكوره :>

شاي الضحى يقول...

سامي

الصوره السادسه؟ شلون شفته

غللللللللللللللللللللط

شاي الضحى يقول...

Hi

صححححح

تسلم اخوي :)

شاي الضحى يقول...

هاشم

لا ما تأخرت

جوابك صح بس ما فزت :)

شاي الضحى يقول...

ابو فلان

تقدر تسوي الخلطه بدون كندر وتحطه بقالب الكيك انا قبل كنت اسويها جذي

الله يعافيك

شاي الضحى يقول...

هاشم

تحلطم

مو بس انت الكل جذي

دش على اي موضوع من مواضيعك عشان يصير له ري فريش ويتغير

او اذا كتبت تعليق ببلوقك يتغير البلوق رول

اهوا غبي شوي


عفوا

شاي الضحى يقول...

سمو

صححححححححححح

ومبروووووووووووووووووك انتي الفايزه


:)

شاي الضحى يقول...

شرين

انا كويسه :)

وجوابج صح


حبتج العافيه :)

شاي الضحى يقول...

ابتسامه

اي اي دوري :q ههههههههههه

جوابج صحححححححح

شاي الضحى يقول...

Lotus

تزيد الوزن الا شوي هههههههه


الله يعافيج

تقريبا ... لان الحلو اسهل بالنسبة لي :)

شاي الضحى يقول...

مزيونه

هههههههه مااااكو فيول :q


وجوابج صح بس هالمره مو انتي الي فزتي

شاي الضحى يقول...

pen

اذا ما تحبين الحلو لا تجربينه لان شيره :)

الله يسلمج ويعافيج


هممممممم في اسباب بس مو قصه :)

شاي الضحى يقول...

المباركيه

مشروع فاشل هههههههههه

خلاص اسويلك وادزه بالايميل ههههه :q


شوف البوست الي قبل وتعرف وين مكانه :)

cheese 7cake يقول...

الله شنو هالفنتق صراحه اول مره يمر علي بس حسافه ما احب كاكاو البيضه

وتسلم ايديج

شاي الضحى يقول...

Cheese

شيلي البيضه وحطي المقادير في قالب الكيكه :)

الله يسلمج :)

Just A Bunch يقول...

شكله حلوووو وااايد! ما يذبح؟ كندر بروحه ثقيل!! هالدور بعد حاطين فوقه بلاوي!!! شلون طعمه؟؟

بس هم ودي اجربه! لوول
بس شكثر نحط جبن فيلادلفيا بالضبط؟ ترى انا بهالسوالف طفارتي لمن ما يقولون مقادير بالمللي! ماعرف أقدر بروحي!!!

Made n Q8 يقول...

بالعافية يارب

ويسلموو الايادي

شاي الضحى يقول...

Just

لا تحطين كندر حطيه في قالب كيك والطبقه الاولى تكون الكيكه هم يطلع حلو

قبل كنت اسويه جذي

العلبه الصغيره كلها .. المقادير وايد تصلح حق قالب كيك

شاي الضحى يقول...

ميد

الله يعافيج ويسلمج :)


مشكوره

غير معرف يقول...

قولتي أيه يالدلعادي؟ اسمالله عليكي ياختي
ماشميللو ايه ياولية انتي!!!

اسمها ششششبدة فرس :p
والله بعد قولي جبدة فرس شدعوه مستحية من اسمها؟
هذي لهجتنا وانا ابوج

شاي الضحى يقول...

غير معرف

والله انت الي مو عارف جبدة الفرس اصلا

جبدة الفرس غير والمارشميلو الي اهوا خدووووووود البناااااات غير !!!!


اتمنى انك تصلح معلوماتك

maha يقول...

روووعه والله انج فنااتك شلون طرى علبالج بيض الكندر عاد انا غرااام مع الكندر ضروووري اسويها اليووم
تسلمييين عالوصفه