Libelula Nail Spa

بعيد ميلادي الي طاف (اوووله) رفيجتي يابتلي كبون من 

Libelula للعناية بالأظافر 

واختارت لي 

LOCO PAPAYA 

وايد عجبني شغلهم نظاف ومرتبين 


ويوصلون بالوقت

(الصورة من الفيسبوك) 

للحجز: 55106611

Facebook 

Twitter 

شكرا صديقتي :*

OCTOBER 10

Clown Balloon

زعفرانه كانت رايحه المكتبه 

شافت هالارجوز وعجبها 

خذته وبسطت جابلته

وتعابل فيه 

هذي دثرتها

هني جسمه بده يركب

وهذا ويها 

الحلج ما لزقته عدل

وشقت وحده من عيونه لوووول 

وانا ركبت الكبوس لزقته عدل 

اخر شي لما يت بتوقفه ما وقف من طوله هههههههههه

مادري شسوت فيه 

صار اطول ارجوز في العالم 

جان تاخذه وتقعده على الكرسي وما قعد يطيح

ييت انا وقعدته وربطته بسيم يالله ثبت 

وعليه كسر خاطري هههههههههه 

سعره: 2.750 دينار

The November Bakery

قبل عيد ميلاد اختي قعدت ادور بفلكر صور كيك 

لقيت جم وحده بس اكثر وحده حبيتها 

هذي

خذيت التصميم ورحت وديته 

نوفمبر بيكري

وقالت لي نقدر نسوي نفسها

وسألتني اي كيكه تبين قلت لها ابي 

هارت بريكر 

The Heartbreaker

وهذي النتيجة

وايد حبينه الكيكه بالصج شكلها وااااااايد احلى من الصور 

شغلهم عجيب اول مره اجربه 

والكيكه طعمها لذييييييييييذ

واشوه اعجبت خواتي

الكيكة عباره عن 3 طبقات 

شوكليت - فالفيت - فانيلا

 السعر: 45 دينار

مكانه: الشويخ - مجمع التلال

خدمة التوصيل: 97313310

Facebook

Blog

Happy Birthday to "BAYAN" Dental

وناسه خوش عرض 

10/10/2010

كلولولولووووووليييييييييييش

اخيرا لابتوبي اليديد صار فيه عربي

الحين اقدر انزل بوستات

-----------------------------------------------

ادري هالبوست جدًا متأخر 

بس شسوي ما فضيت ولا عندي عربي 

من زمان وانا انطر هاليوم لان التاريخ ذهبي

ويصادف عيد ميلادي

اول ما رديت من السفر اهلي سوولي مفاجأه 

واحتفلت بعيد ميلادي وصار عمري 

23

وهالعيد ميلاد كان غير عن كل سنة

لاني اول مره احتفل فيه مع ريلي

كان يوم جدًا ممتع واستانست فيه وايد

مشكورين وايد امي واختي وريلي

--------------------------------------------------

من تزوجت وانا احس صرنه عايله مشتته :(

انا بالكويت وامي واختي مسافرين وزعفرانه بديره ثانيه :(

الله يردهم بالسلامة يارب

20 يوليو 2009

الحمدلله رب العالمين

ماشاءالله جني امس مسويته!

بسرعة مرت الأيام

وما توقعت اني بتعرف على ناس واااايد من خلاله

ناس اعرفهم ويعرفوني

ناس احبهم ويحبوني

وصار جزء مهم في حياتي!

ورفيجة افتخر اني عرفتها واهيا رورو الشخبوطة
اليوم بلوقي صار عمره سنه

وبهالمناسبة حابة اشكر كل متابعيني

ولو ما انتوا جان ما استمريت بالبلوق

الف شــكــر لكم جميعاً

16.3.2010

بعد ما رديت من حفلة التخرج والعشا كنت حدي تعبااااانه

وبطلت اللابتوب عشان ادز حق زعفرانه صور الحفله

لما صارت الساعه 12 بليل شغلنه اغنية

Happy Birthday

وقمنه نصفق ونغني لان صار عيد ميلاد اختي الكبيره

وانا وامي مشتطين ومطولين الأغنيه

بس هل من مجيب؟!!!!

امي راحت تشوف اختي ولا اهيا نااااااايمه لأن وراها دوام ههههههههه

جان نسكر كل شي ماكو فايده :q

صارت الساعه 9 الصبح قعدت من النوم وانا متكسره ومالي خلق ابي انام

بس قمت عشان ازهب المفاجآت

ورحت مع امي يبنه الكيكه والبلونات

طبعا قاعده اسوق وما اشوف شي وراي ههههههه

وامي ركبت هذي الزينه يونس شكلها فيها خيط تتعلق من فوق تصير جنها طايره

خذيناها من بارتي لاند


وانا جابلت الزينه وامي راحت تغير كفر فراش اختي سوينه نيو لوك لدارها

وهذي الزينه حطيتها على الستاره

(الصوره تكوكست)

وشريت لها قلب على بطريق لانها تحبهم من توب شوب

وحطيته بعلبه خربوطه شريتها بـ 100 فلس

وكنت شاريه معاه ورده خربوطه بس الظاهر الريال ما حسبها

عشان تكمل الجذبه

ولقيت هالأرنوب في بارتي لاند

فكرته وايد حلوه

بطنه بيضه تبطلونها وتحطون داخلها الهديه

عاد انا تحسفت على العلبه جان احطها داخل البيضه هههههههههه

وعقب ما رتبنه دارها وزيناها حطينه الارنوب على فراشها

وفوق فراشها البلونات

وسكرنه دارها

ودقينه عليها وقلنالها لما تطلعين من الدوام روحي الأفنيوز

قلت لها بنحتفل بعيد ميلادج بالطريقه الهنديه ههههههههههههه

طبعا اهيا ما تدري عن شي

قصينه عليها قلنالها ما سوينه لج شي عشان جذي بنطلع نتغدى

ورحنه مطعم أشاز

هذا نسيت اسمه اول مره اطلبه بس كان حلو

جوشت فاندالو

باتر جيكن

بالاو رايس

بعد ما خلصنه من الغدى جان انادي الجارسون

قلت له شب لنه الشمعه عشان اليوم عيد ميلاد اختي!

وابيكم تغنون لها

طولوا على ما ايوون وكل شوي انادي واحد واحن عليه

اخر شي اختي قالت لهم لا مابي شي بس شب الشمعه وخلاص!

جان اقوله لا ابيكم تغنووووون

وقلت حق اختي بعد عيد ميلادج لازم نحتفل

تمينه شوي ولا ايي الجارسون واييب صحون وسجينه وجم شوكه

وقال لنه عشان تقصون الكيكه !!

انا استغربت قلت ما طلبنه كيكه! !

يابوا الكيكه وقالوا حق اختي اوقفي وطفي الشمعه وقاموا يغنون لها

استانسنه على الكيكه مزينين الصحن وكاتبين اسم اختي على الصحن

واختي تقولي صوري كيكة عيد ميلادي عشان احطها بتليفوني

مسكينه عبالها هذي كيكتها هههههههههه

بعد ما كليناها وخلصنه

جان تقول امي: "يزاهم الله خير خلونه نحلي"

ههههههههههههههههههههههههههه

عاد امي تضحك

يحليلهم عطونه الكيكه ببلاش

عقبها تمشينه وتسوقنه ولما خلصنه ردينه البيت

انا شخطت وسبقت اختي

ودشيت دار امي وقعدت اطل من فتحة الباب عشان اذا دشت البيت اشوف ردت فعلها واصورها

امي اول ما شافتني جان تقول: "حشى خطة حرامي!!!"

هههههههههههههه

بعدها قعدنه بالصاله انطرها تروح دارها ماراحت

يالله عقب مده قامت راحت واستانست لما شافت اللويه الي بدارها

واعجبتها الهديه (البطريق)

عقب ما اطلعت من دارها شافت كيكتها الصجيه

طبعا انا ما بقى شمعه مو شاريتها كل شوي احط وحده ههههههه

ولازم اضيف لمساتي السحريه على الكيكه

وحطيت عليها فيولاتي

مو صارت احلى؟

طبعا اهيا ما عجبها فيول ههههههههههههه

بس انا حطيته وصورت معاه يهبل يهبل

وعقب ما كلينه الكيكه وقعدنه لما صار وقت صلاة المغرب

دشت تتوضى جان اروح دارها والف هديتها الصجيه بالسياده

لما يت تصلي وبطلت السياده جان تشوفها وحدها استانست عليها لان كان شي بخاطرها

... وخلص اليوم ...

Welcome Back

يوم الجمعة الي طاف كنت قاعده مع امي واختي بالصاله ونسولف ما عندنه شي

وبنفس الوقت امي كانت شابكه وتكلم اختي زعفرانه بالـ MSN

واختي توصل الكويت يوم الأثنين الفير

المهم امي قاعده تكلمها جان تقولها اختي باجر الصبح بركب الطياره !!

امي استغربت قالت لها شلون السبت الصبح تركبين الطياره وتوصلين الأثنين؟!

جان تقولها اختي انا باجر الفير عندكم!

المهم احنه توهقنه لاني كنت طالبه لها كيكه حق الاثنين

وما زهبنه دارها لان مغيرينها يعني مفاجأه هههههههه

اول شي سويته دقيت على الخباز وقلت لهم ابي الكيكه يوم الأحد اشوه قالوا اوكي

قصدي اوقي ههههههههه

وامي راحت تغسل الستاير وانا اخم وامسح

باختصار صارت حالة استنفاااااااار لووول

ورحت بشتري لها بالونات لقيت المحل مسكر

جان ادش الجمعيه وهذا الي لقيته

يوم الأحد خذيت الهديه وحطيتها فوق فراشها بعد ما رتبنه

وبخرنه وحطيت لها Happy Birthday عند الباب

وسكرت دارها

دقت الصبح لما كانت بالمطار وقالت حق امي واختي شنو تبون من المطار؟

قالولها سلامتج كالعاده

جان اقول حق امي قوليلها انا ابي

قالت لي اختي انتي محرومه من الصوايغ !!!

لاني كله اطلب لووووووول

بعدها قالت حق اختي شنو تبين عطر

وشرت حق اختي وامي وانا طلبت غصب غصب غصب لول :q

المهم رحنه المطار ولا الطياره متأخره وما وصلت الا الساعه 3 الفير

كنت حدي دايخه والمطار زحمه كله شباب يحوسون

المهم صارت 3 وشي ما بغت تطلع .. ولما وصلنه البيت قطت الجنطه علي وراحت

خلتني اشيلها وطاحت على ركبي وااااااااااااااااااااه :(

الظاهر كانت حاطه فيها قنابل!

بحط لكم صور الصوايغ الي يابتهم

هذي الباربي حق امي لووووول :q لا لا اقص عليكم هههههه

عطر كلوي حق اختي

وهذي هدية امي


صوايغ اختي الكبيره

تحب البطاريق

وهذا العطر حقي من المطار :q ههههههه

قبل لا ترد بيوم قالتلي شنو يكتبون بكرت عيد الميلاد

نقلتها جان تكتبه كله بكرتي !!!!

لوووووول قصت علي جني انا كاتبه الكرت حق نفسي

الكرت يعور العين يتحرك

باجي الاغراض صوايغ وهدايا عيد ميلادي !

وهذا الدلاغ تقولي حق الممشى

ستاند نظاره ... عاد انا ما البس نظاره بخليه حق الشمسيه

تقول كان في على فيل بس لما راحت خالص :(

هذا الهامستر الغبي داخله شي تحطونه بالميكرويف ويصير حار

تراجي + سوار + قلب مع جارمز

فيووووووووووووووووووووووولي

بيجامه + دلاغ + نعال بيت (وانتوا بكرامه)

يهبلون يهبلون

وامس احتفلنه بعودتها وبعيد ميلادها مع بعض

وناسه صار عندي اخت :q