السبت، 30 يناير 2010

مجرد سؤال!

تذكرون قبل كنه نلعب لعبة

انا سندباد أصلي من بغداد
أختي ياسمينه فتاة جميلة
عمي علي بابا رئيس العصابة
...إلخ

وبعد لعبة ثانيه

سسسيه ممميه أختي يا أختي
وين القطوه القطوه ماتت
وين دفنوها تحت الشجره
...إلخ

السؤال هو ...

شنو يعني "سسسيه ممميه" ؟!

الجمعة، 29 يناير 2010

عريضة موجهة إلى أعضاء مجلس الأمة!

وصلني اليوم إيميل جميل بعنوان

مقترض

بقلم نبيل الخضر

بكى المقترض نصف ساعة أمام مكتب أحد النواب، فكسر خاطر سكرتيره، فخرج وطلب منه ان يكتب عريضة للنواب يشكو حاله، فقال المقترض: لو سمحت أعطني (رولا) طويلا من الورق.. أمسك القلم وكتب التالي: أنا عربي من بني(عدنان) عشت بفيللا كبيرة في (سلوى) ،ألعب بالفلوس لعب، لما خسرت ذهب (السلطان) وعشت الفقر،

فاقترضت من بنك كنت أظنه (عادل)، قرأت الشروط ووجدت أمرها (هايف) وبإمكاني تعويض كل ما خسرته، واستغربت كيف انا الإنسان (الراشد) أصبت بـ(الحويلة) فلم أقرأ ما بين السطور ووقعت بالفخ.. و(العدوة) التي أصابت البعض وصلتني وأصبحت من المطلوبين والملاحقين، ولما اشتكيت عند مستشار مصري وشّه (سعد) قال ان الجهة التي اقترضت منها ليست (معصومة) من الخطأ ولكن القانون لا يحمي المغفلين،

أصبت بـ(الزلزلة) التي هزت كياني وعرفت أنني مو( ناجي) وانني ما كنت (مرزوق) و(غانم) أصبحت مطاردا من (عسكر) الدولة ،ولقب الحوت الذي كانوا يطلقونه علي صار (نملان)، بعد ان كنت أظن ان عمري كعمر (شعيب) أصبحت أعد أيامي خوفا من (بو رمية) و لأني (مسلم) سلمت أمري لله و كتبت تظلما فقالوا: كلامك (خرافي ) إذهب إلى شيخ دين اسمه (علي) ليقرأ عليك ، ادخلني عليه مساعده (حسين) ليفك النحس،

و بعد أن قرأ علي قال: إنت رجل (صالح) لكنك محسود ، هات منقار الديك (الرومي) ، و سأكشف لك العمل بعد الكورس (الصيفي) بالجامعة ، و لأن الموعد بعيد ذهبت إلى ( الملا) ليقرأ علي فقال: إذبح (وعلان) و وزعهما على الفقراء ، و بعد (جمعان) راجعني. و لأن الوقت قاتل و لا يمكنني الانتظار ذهبت إلى دجال فقال: هات تيس (وليد) و صورة (بنيه) و خاتم من (الصواغ) و مسامير من (القلاف) و 3 حبات (خنفور) و 10 غرامات (زنيفر)، إن قرأت و صرت (صرعاوي) راح تتكلم الجن ، أما أن صمدت فإنت (سعدون).

خفت من الاعيبه ، ف(المسلم) يعرف ربه و هو (حسن) الجوه . ذهبت إلى ( المطوع) فقال لي: (السعدون) اللي يتعظ بأخطاء غيره ، لا تفرد ريشك ك(الطاحوس) أقصد الطاووس، فيدوسونك فتصبح (دويسان). (العمير) يركض و لا (مخلد) إلا الله ، و العمل الصالح (فيصل) بين الحق و الباطل،

إذهب لنائب (زاهد) و قل له إنك خير (خلف) لخير سلف ، و لا تنحشونا من ديرتنا و تصبح (الهاجري) في بلاد الله، وإذا سمعك إستخر ربك و أطلب (مزيد) من المال ، و إن دارت الأمور عليك قل: سوف (أسيل) ما تبقى من ممتلكاتي لأعيش ، و سيوعضك الله في (روضان) الجنة.

و السلام عليكم و رحمة الله و بركاته

تبون الصراحه؟

مـــبـــدع

Totally Fish

زعفرانه من ردت واهيا مجابله بلوقي وتشوف الامكان الي رحنا لها واهيا مو موجوده

يوم الاربعاء قالت بتتغدى بره وتبي واحد من المطاعم الي كنت حاطتهم بالبلوق

دشت على
المطاعم وبدت تنقي وكل ما تقولي واحد اقولها انا مابي

وقعدت ساعه اقنعها انها ما تنطرني ولا راح اقولها اي لاني ماراح اكل

وبالأخير اتفقنه ان اهيا وامي يروحون مطعم وانا واختي الكبيره نروح مطعم ثاني لووول

قالت لي مو وناسه جذي ... قلت لها بهالجم يوم الي بتيين فيهم ناويه تتفخيني؟ هههههه

ورحنه الأفنيوز واهيا وامي راحوا تغدوا بروحهم وانا واختي رحنه

توتالي فيش

هذي التجربه الأولى لي بالمطعم


لما ييت بصور هاللقطه .. جان اييني المدير وقالي لازم تاخذين تصريح عشان تصورين!

قلت له انزين انا باخذ تصريح بس انت وخر شوي وخر

واول ما دنه شوي جان اصور والتفت عليه واقوله .. شكرا ..

مو حاله هذي عسى ما طلعت كامرتي صارت حالة رعب عند الأوادم


وهذا السمج الفريش


قباقب وربيان وامهم :q



وهذي صديقة اختي قاعده معانه بالطاوله

تلوع الجبد ماحب السمج ولا حتى سمج الزينه


المنيو


خبز معاه شي مادري شنو اختي جربته تقول مو حلو


بيبسي


فاهيتا الربيان


توابع الفاهيتا



ربيان مشوي


وبعد ما خلصنه التم شمل العائله مره اخرى ورحنه تمشينه وتسوقنه وشربنه كوفي

وامس عوضناها ورحنه مع بعض فرايديز بعدها مرينا مول وعقب رحنه ليفينغ روم

كان برررررررررررد واهيا الا تروح الاماكن الي رحنه لها لوووول

بعد ما طلعنه قالت تبي جرير وصلنه جان نشوف المحل الي يبيع حيوانات

مسكتها عشان ما تدش لاني ما احبهم ... بس شفت شي خلاني ادش معاها ههههه

شفت ارنوبه لابسه نفنوف

حدها تضحك خاصة لما تمشي ... زفيتها عشان توقف احقرتني

غصب قدرت اصورها صوره واضحه


وهذي بعد كاشخه بالأحمر ياحلوها


وهذي كاشخه بالأصفر ماتعطي ويه


وهذا الأرنوب كسر خاطري ما عنده هدوم


هامستر


لقيت جم كتاب بجرير عجبني سجلتهم بورقه وقلت بعدين اروح اخذهم

اول اخلص غلطة الشاطر بألف

والي يتكلم عن أكبر الأخطاء السياسية في التاريخ

في كتاب كنت باخذه بس قلت بدور بعد يمكن القى احلى منه واهوا عن

الحرب العالميه الأولى


وبعد ما طلعنه من جرير كنه بنلعب بحولي بارك ههههههه

بس للأسف البزران لوعوا جبدنه يهالوا ويتحرشون اذا كبروا شنو بسوون اتوقع بيعقلون!

وقلنه نيي وقت ثاني ونلعب على راحتنه :q

ردينه البيت كنت حدي مقفله من اللويه من الظهر لي بليل ... والحين بعد ورانه لويه لي بليل

بروح اسوي كشتي قبل لا ينحاشون عني :q

الخميس، 28 يناير 2010

مشروع مكافحة القوارض!

قبل جم يوم كنت اكلم رفيجتي بالتلفون جان تقولي ان لازقين على باب بيتهم ورقة من وزارة الصحة

ومكتوب عليها مشروع مكافحة القوارض!

قلت لها اول مره اسمع بهالمشروع وبنفس الوقت ضحكت

وصورت لي الورقه ودزتها لي

الي مكتوب بالورقة:

وزارة الصحة
مشروع مكافحة القوارض

السيد / .......................... (2) ............................... المحترم

نحيطكم علما بأن مشروع مكافحة القوارض يجري حاليا مكافحة شاملة للقوارض بالمنطقة في الفترة من 17/1 إلى 28/ 1 /2010
يرجى تعاونكم و التفضل بتواجدكم أو من ينوب عنكم بالمنزل و ذلك حتى يتمكن فريق العمل من الدخول و إتمام عملية المكافحة بنجاح

مع مراعاة المحافظة على الأدوات المستخدمة في المكافحة و تسليمها إلى فريق العمل باعتبارها عهدة على فريق العمل

أرقام هواتف مشروع مكافحة القوارض

الشويخ (4848088)
4817922

الوفرة (3810279)
3810269

الجهراء (4555839)

-----------------------------------------

اذا اهما الي بكافحون القوارض احنه ليش نحافظ على الأدوات؟

يمكن قصدهم بوزعون فليت على البيوت والناس ترش؟!

بس الصراحه خوش مشروع مادري ليش ما الزقوا على بابنه جذي

انا ابي مكافحة الذبان

وعلى فكره القوارض مو موجوده بالبيوت يا وزارة الصحة ... موجوده بمكان ثاني وانتوا تعرفونهم زين

لو تتعاون كل الوزارات وتكافحهم جان ديرتنه بخير

تهقون جم كلفهم المشروع؟

لو خاشين هالفلوس ويايبين فيها اجهزة حديثه للمستشفيات مو احسن؟

الاثنين، 25 يناير 2010

Welcome Back

يوم الجمعة الي طاف كنت قاعده مع امي واختي بالصاله ونسولف ما عندنه شي

وبنفس الوقت امي كانت شابكه وتكلم اختي زعفرانه بالـ MSN

واختي توصل الكويت يوم الأثنين الفير

المهم امي قاعده تكلمها جان تقولها اختي باجر الصبح بركب الطياره !!

امي استغربت قالت لها شلون السبت الصبح تركبين الطياره وتوصلين الأثنين؟!

جان تقولها اختي انا باجر الفير عندكم!

المهم احنه توهقنه لاني كنت طالبه لها كيكه حق الاثنين

وما زهبنه دارها لان مغيرينها يعني مفاجأه هههههههه

اول شي سويته دقيت على الخباز وقلت لهم ابي الكيكه يوم الأحد اشوه قالوا اوكي

قصدي اوقي ههههههههه

وامي راحت تغسل الستاير وانا اخم وامسح

باختصار صارت حالة استنفاااااااار لووول

ورحت بشتري لها بالونات لقيت المحل مسكر

جان ادش الجمعيه وهذا الي لقيته

يوم الأحد خذيت الهديه وحطيتها فوق فراشها بعد ما رتبنه

وبخرنه وحطيت لها Happy Birthday عند الباب

وسكرت دارها

دقت الصبح لما كانت بالمطار وقالت حق امي واختي شنو تبون من المطار؟

قالولها سلامتج كالعاده

جان اقول حق امي قوليلها انا ابي

قالت لي اختي انتي محرومه من الصوايغ !!!

لاني كله اطلب لووووووول

بعدها قالت حق اختي شنو تبين عطر

وشرت حق اختي وامي وانا طلبت غصب غصب غصب لول :q

المهم رحنه المطار ولا الطياره متأخره وما وصلت الا الساعه 3 الفير

كنت حدي دايخه والمطار زحمه كله شباب يحوسون

المهم صارت 3 وشي ما بغت تطلع .. ولما وصلنه البيت قطت الجنطه علي وراحت

خلتني اشيلها وطاحت على ركبي وااااااااااااااااااااه :(

الظاهر كانت حاطه فيها قنابل!

بحط لكم صور الصوايغ الي يابتهم

هذي الباربي حق امي لووووول :q لا لا اقص عليكم هههههه

عطر كلوي حق اختي


وهذي هدية امي


صوايغ اختي الكبيره

تحب البطاريق


وهذا العطر حقي من المطار :q ههههههه


قبل لا ترد بيوم قالتلي شنو يكتبون بكرت عيد الميلاد

نقلتها جان تكتبه كله بكرتي !!!!

لوووووول قصت علي جني انا كاتبه الكرت حق نفسي

الكرت يعور العين يتحرك


باجي الاغراض صوايغ وهدايا عيد ميلادي !

وهذا الدلاغ تقولي حق الممشى


ستاند نظاره ... عاد انا ما البس نظاره بخليه حق الشمسيه

تقول كان في على فيل بس لما راحت خالص :(


هذا الهامستر الغبي داخله شي تحطونه بالميكرويف ويصير حار


تراجي + سوار + قلب مع جارمز


فيووووووووووووووووووووووولي

بيجامه + دلاغ + نعال بيت (وانتوا بكرامه)

يهبلون يهبلون


وامس احتفلنه بعودتها وبعيد ميلادها مع بعض



وناسه صار عندي اخت :q

الخميس، 21 يناير 2010

معرض القهوة والشوكولاتة

تم افتتاح معرض القهوة والشوكولاتة اليوم

المقام بفندق النخيل من تاريخ 21 - 24 يناير 2010

رحت المعرض اليوم الصبح مع اني ما كنت ناويه اروح له

بس ما كان عندي شي قلت حق امي يالله نروح

وصلنه على الساعه 12 الظهر ومو كل البوثات فاتحين وبعضهم قاعدين يحطون اغراضهم


هذا نسيت اسمه


جيلاتو ايتاليانو - آيس كريم


شركة المرسال التجارية

عندهم مواعين للحلو واستكانات وفناجين للقهوه

ومسوين خصم بالمعرض

ت: 66323882


لي جورميه - حلو التقديم


وعندهم ستاندات للحلويات

الي على اليمين مصنوع من
شكر واليسار مصنوع من كاكاو


fundelina

نفس نوتيلا


COCOA LOCO

عندها كوكيز

و كاكاو بلجيكي نفس مال اروسا ولاكادو بس تبيعه ارخص

وعلب هدايا داخلهم كاكاو وزعفران ولقاح

ت: 97179993




Cookies Bouquet

تسوي كوكيز على الشكل الي تبونه

وتكتب الاسامي على بيض الصعو

شغلها حلو مرتب

ت: 55997654

Website

قروب الفيس بوك



كوكيز للأعراس

وكوكيز على بلاك بيري


تسوي على فيول وللأطفال


كوكيز للأعياد الوطنيه


وللمواليد



Blossoms Bakery


تسوي كب كيك وكوكيز

ت: 99388530


قروب الفيس بوك


هذا للتجربه


وأسعارها حلوه مو غاليه


Lowcarb. No sugar

كل الاشياء الي عندهم صحيه

وبدون شكر

موجودين في مجمع المهلب

ت: 22612001


Website


هذا الكاكاو حق الي يسوون رجيم او مرضى سكر

بدون شكر


كوكيز بدون شكر


أرياف طيبه

عندهم جميع أنواع التمور

وبعد عندهم تمريه بنكهات مختلفه

مكانهم في حولي شارع بن خلدون مجمع زاويه

ت: 22649899 - 55779311



تمور ساده - بالمكسرات - بالفواكه الجافه - مانجو

فراوله - كراميل - بندق - شوكولاته



هذا محل يبيع شاي (بس مو انا هههههه) وقوري وقلاصات


قوري شفاف


Tea bag


صحون وقلاصات ديزني للأطفال


دانكن دونتس


جلوريا جينز كافيه


كوفي ريبابليك


ميني ديلايتس

جيزكيك

مكانهم بجمعيه الخالديه - والمنقف مقابل سوق العزيزية

خدمة التوصيل: 24910019 - 23710400

Website


هالمحل يبيع مكاين للقهوه

وعنده اول ماكينة للقهوة التركية


ستاربكس


Nut Tree

فواكه مجففه وغيرها

مكانهم في حولي شارع بن خلدون مجمع زاوية



العميد


اليسره للأغذيه

ما عندهم مكان بس منتجاتهم تلقونهم بأغلب الجمعيات

ت:22249124

هذا كاكاو للرجيم بدون شكر

وفي انواع دارك وبالحليب ووايت


وعندهم حليب مافيه اضافات خارجيه ولا بروتين كله طبيعي تلقونه بالجمعيات

وبعد عندهم انواع وايد من الشاي

اخضر - احمر - ابيض - بالنعناع - بالبابونج


وعطونه هذا الجيس هديه وداخله

قهوه بالكافيين - شاي بالنعناع - شاي أخضر - شاي يساعد على النوم بسهولة

دارك شوكليت - وايت شوكليت


وشريت هذا الكاكاو حقي وحق اختي بدون شكر


يفتح من الساعه 9 ص - 1 م

ومن 4 م -
10 م