الخميس، 23 يوليو 2009

أنا والممشى ...

قبل اسبوعين بديت رجيم (عشتو)، والجو هالأيام متعدل شوي ماكو غبار (لا احسده بس) فقلت يالله اروح امشي

رحت المكان اللي متعوده امشي فيه كل مره ألا وهو (حلوه ألا وهو) بحر شويخ (مادري اسمه جذي ولا لا) المهم إلي جبال مجلس الأمة (ساحة الإرادة) عشان يصير عندي إرادة وأمشي ههههه ...


ويليييتني ما رحت !!!!!

انا خبري فيه قبل سنتين كان نظيييييف وشحلاته يشرح الصدر لما نمشي فيه ...

الحين الله يراويكم لووووعه أوساخ بكل مكان وفوق هذا اشكال عجيبه غريبه يتحرشون ما يخلونكم تاخذون راحتكم


والله حسافه عليه :(((


شوفوا الصور ...






لو انا من البحر اصير على طول مــــــــــد عشان اغطي البلاوي لووووول


زين لقيت مكان نظيف










انزين انقطع شيليه ليش قاطته :S



جكيتهم مواعدين ههههههه



الحجيه وايد ماخذه راحتها



الأوساخ من جديد





منو نسى مخدته بعد !!!




انا اقول روح بيتكم وايد احسن لو بتقعد تنظف من اليوم لي عقب باجر ما راح تخلص



ذكـــــــــــرى !!!


-------



واليوم قلت اروح امشي يم المركز العلمي وصوب هارد روك



والله فررررررق شحلاته المكان نظيف ويهبل تمشون فيه بدون اذيه وناس تتحرش

شوفوا الفرق ...



ودمتم سالمين :)

هناك 9 تعليقات:

رورو الشخبوطه يقول...

السلام..

اي حرام هالماكن حيل متوصخ وال2 اتوقع نظيف لانه مافي احد يقعد عند البحر..

وضحكتني تعليقاتج ام نعال وانتي بكرامه الظاهر متاثر بسندريلا :)

وان شاءالله تشوفين نتايج ارادتج..

شوقتيني ع البحر والدوارف خخ..

وخوش تغطيه ماشاءالله..

مرسي..

ميمة السبيت يقول...

** الله يعينج عالرجيم هذا درب كلنا ماشين فيه

بس نصيحه خلج من المشي و الغبار و يايتنا رطوبه

بتسيحنا عدل و بلشي سباحه وايد احسن حق الجسم و انشالله راح تلاحظين الفرق

الهنوف يقول...

قسمن كأني اشوف شاطئنا اللي عند نافورة الملك فهد
ماعمري شفته 9ـاير له مد طول عمرهـ جزر
بس والله الممشى حقكم شرح ويحمس الواحد للمشي >> تكرهـ المشي خخخخ
بس 9ـدق ذكرتيني اني ابي اسوي رجيم هالشهر :d الله يسهل علي وعليكم
وينظف شواطئنا وشواطئكم ^^

bokeh of magic * يقول...

ويي امـبي انا تـوقعت يكون وصخ بس و لي هالدرجه
حدج صدمتيني على هالوصااخه يـع !
انـزيين حتى لو ماكو غباار
شمسنا الحـلوه ما تذووبج !

شاي الضحى يقول...

رورو الشخبوطه: لوووووول شكلها سندريلا تنظر الأمير بس للأسف الأمير شاف الوصاخة وقبببببب ههههه.

ميمة السبيت: ماعندي مكان اسبح فيه :( وكل مره ادش نادي بس ما اكمل لووووول ماكو الا اسبح بالبانيو.

غرغر: والله ما ينلام البحر من يقرب عشان يصير مد وشاف الوصخ انحااااااش قال اتم جزر وايد احسن وادورلي مكان ثاني ابرك لووووووول.

Being One: والله مو حر وايد بالعكس الجو حلو انا اروح قبل المغرب تقريبا بساعه فتكون الشمس نازله وبادي المد مادري شسمونه هذا مال قبل نسيم البحر مادري شنو لووووول.

مشكورين ؛)

bhr.qadsaweya يقول...

هههه اول شي (( اعوذ بالله من شي اسمه رجيم )) p;

الممشى الأول واايد حلو بس يبييله من يهتم فيه ويمكن عشان اهوه مد طلعت الفضايح
وهم الممشى الثاني بعد حلو ..

والله يوفقج برجييييييمج حبيبتي
تقبلي مروري الأول

يعطيج العافية

شاي الضحى يقول...

bhr.qadsaweya: المشكله مو انهم مو مهتمين بالعكس في اهتمام وتنظيف بس المشكلة من الناس الي مايغرفون النظافة للأسف الشديد :( ... مشكووووره وحياج الله :)

Fishah يقول...

انا اقووووووووووووووول اشتري لج جهاز مشي نفسي وخلنا ننافس بعض :)

شاي الضحى يقول...

Fishah: والله ودي بس هم عالبحر وناسه تغيير عن البيت وهوا فريييييييش