الثلاثاء، 14 ديسمبر، 2010

Toy Story 3

لما كنت صغيره ما اواطن شي اسمه توي ستوري 

كل ما يحطونه ما اشوفه 

احس انه سخيف وشي ما ينفهم مادري ليش

ولما كبرت نفس الشي ما احبه 

بس احب اشكال البطاطا 

يمكن لاني احب البطاط وايد هههههه

وانا مسافره شفت  توي ستوري الجزء الثالث بالطياره 


وكان باقيلي اخر نص ساعه او اكثر 

بس ما كملته لانه وصلنه 

واول ما رديت الكويت شريته وشفته بالبيت

كل ما اقول الحين بخلص واتوقع شنو بصير يطلع العكس 

احداثه وايد حلوه خاصه بالاخير 

حبيت الفلم 

وحبيت توي ستوري 

الي شاف الجزء الاول والثاني يسوى اشوفهم؟ 

واي جزء احلى

 الأول - الثاني - الثالث؟

هناك 20 تعليقًا:

غير معرف يقول...

Salam

galbty 3alay el mawaje3 ..

Ana meen jeel toy story awal ma 6ela3 I was about 7 or 8 years old ya3ni men 6agat Andy ...
Now I'm 22 years old ... fa it was very dramatic to watch Toy Story 3 because i saw myself in Andy,
how we grew up went to college and left our toys
and childhood behind

For me I liked Toy Story 2 the best .. fee 7amas
and lots of good memories

Sorry to write in English and Anglo-Arabic but I dont have an Arabic Keyboard now...

Wayed tekalmt :p

Thanks
Farah

طموحة مملوحة يقول...

انا ماشفت الثالث لان ام خرفان الثلاث مومعاهم فتضايقت المفروض يحطونها :@

اول جزء اعشقه وحافظته صم يهبل احلا من الثاني بصراحة

Abd-alrhman يقول...

انا شخص اعترف عاشق ولد ديزني
وبالحرا الانمي بكره

وشفت توي ستوري لكه ,, وقصصه مرطبته ببعض
بس مش الي يحتاج تشوف الي قبله عشان تفهم
يعني عادي

والاخير ,, استمتعت فيه ثري دي
وفي لقطه اندمجت بشكل غير طبيعي
يوم كانو في النار وبيحترقون
وجون الثلاثي المرح هع

مشاهده ممتعه

تقبل طلتي

Yellow group يقول...

لااااااااااااازم تشوفينهم كلهم وراح تحبينهم ,, اكييد

وكل الاجزاء حلوه وحيل ممتعه وانا
Big Fan

رورو الشخبوطه يقول...

انا مااحبه وشفته بس من زمان فمو ذاكرته عدل :\

aL-NooR . يقول...

انا احب الاول كل بيتنا حافظه
بس اختي الصغير اذكر كانت تسمعه حرف حرف ... والله اهوا ونيس
انا حبيت الاول و الاخير اشوقون الصراحة ..

candy cotton يقول...

انا مثلج ما احبه بس صج شجعتيي بشوفه مشكوره وايد

شاي الضحى يقول...

فرح

انا بعد من جيل هالفلم بس ما شدني وانا صغيره ما حبيته

الحين حبيته وان شاءالله بشوف كل الاجزاء

عادي اخذي راحتج وكتبي باللغه الي تريحج :)

شاي الضحى يقول...

طموحه

لوووول منو هذي ما اعرفها

الثاني مادري متى نزل ما سمعت فيه

شاي الضحى يقول...

عبدالرحمن

كلنه من عشاق والت ديزني

اي لما كانوا بالنار اكسروا خاطري كانوا خايفين وعليه :(

شاي الضحى يقول...

ييلو

اي بشوفهم تشوقت هههه :)

شاي الضحى يقول...

رورو

انتي نفسي

شوفي الثالث بتحبينه نفسي

شاي الضحى يقول...

النور

الاول شايفه منه لقطات وايد لما كنت صغيره

الحين برد اشوفهم من اول :)

شاي الضحى يقول...

كاندي

اي شوفيه وايد حلو بس الباجي ما شفتهم برد اشوفهم :)

oyoon al maha يقول...

انتي من صجج هالسؤال شاي الضحى

طااااافج

اشتري الجزء الأول والثاني رووووعة

اصلا توي ستور سابقة في هوليود ماراح يتكرر

شاي الضحى يقول...

عيون

لووول اي من صجي

اي ان شاءالله بشوفهم

شوقتويني :)

Remal يقول...

الأول
و الثالث حلوين و يونسون

بس الثاني حده سخيف
أصلا ما تشجعت أشوف الثالث بسببه

بس في النهاية طلع خوش فلم :)

شاي الضحى يقول...

رمال

انا ما سمعت عن الثاني ولا ادري متى نزل

يمكن ما كان ناجح

Made n Q8 يقول...

لوول توي ستوري يذكرني بسينما غرناطه يمكن لان اول جزء شفته هناك

شاي الضحى يقول...

ميد

عاد حلو؟؟