الاثنين، 18 يناير، 2010

تيترس عندي وانا مادري!

بعد ما كتبت البوست وتحلطمت على اللعبه لان ما فيها تيترس ...

اختي الكبيره: بلعب فيها انتي مو عاجبتج

انا: اوكي لعبي

جان تقعد تحوس فيها ولا تطلع لعبة السيارات !!!

انا: مستر بلوجي قال ان فيها سيارات يعني اكيد فيها تيترس !

اختي: اذا طلعتها لج شنو تعطيني؟

انا: ولا شي !

شوي ولا اهيا لافه اللعبه صوبي وتلعب تيترس !!!

انا: @@ شلوووون طلعتيها؟!

اختي: مو قلتي ما راح تعطيني شي خلاص ماراح اعلمج

جان اهجم عليها وابي اخمط اللعبه واقولها علميييييينيييييييييي

بعد حنه ورنه يالله علمتني

ومن الساعه 10 لي قبل لا اكتب البوست (ساعتين) وانا مجابلتها وانا حدي تعبانه

قلت حق امي يعني ماكو المباركيه؟

قالت لي بس بعد اللعبه عندج .. جان اقولها انزين ابي اروح يمكن القى العاب احلى هههههههه

باجر ان شاءالله اذا تعدل السكر وما دخت نفس اليوم بروح وبشوف يمكن الاقي سوالف مغبره

ملاحظه:
خذيتها من المعلم - حولي

تصبحون على خير

هناك 18 تعليقًا:

Engineer A يقول...

ياحليلها اختج زين سوت طلعت لج اللعبة  عليج بالعافية وما تشوفين شر ... سلامتج من السكر عزيزتي

رورو الشخبوطه يقول...

سلامات ..

واشوه لقيتيها..

طموحة مملوحة يقول...

اول شي مافهمت شي لوووووول

يبيله مباكية والله

Made n Q8 يقول...

عن خاطرج اشوه لقيتيها
وماتشوفين شر ان شاء الله

شاي الضحى يقول...

ENG

اي والله استانست امس واندمجت فيها


الله يعافيج والشر ماييج


والله يسلمج حبيبتي :)


شكرا :>

شاي الضحى يقول...

رورو

الله يسلمج حبيبتي

اي وناسه عندي تيترس :)


مشكوره :>

شاي الضحى يقول...

طموحه

يمكن ما شفتي البوست الي قبله عشان جذي ما فهمتي :)


اي والله يبيله


مشكوره :>

شاي الضحى يقول...

Made

اي الحمدلله

الشر ماييج حبيبتي :)


مشكوره :>

daloo3a يقول...

هههههه

يلاا زين ^^

المهم تستانسين =)

Chaotic pOsha يقول...

lol

cute post

شاي الضحى يقول...

دلووعه

لوووول :q


شكرا

شاي الضحى يقول...

chaotic

مشكوره :)

Fishah يقول...

اتصدقين يبيلي وحده حق الدوام العب فيها بالتخشخش ههههههههههههههه لما يطيحون علي ويكتبون فيني كتاب بعد خخخخخخ

:)

5/4 يقول...

جنج أنا أموت على الألعاب القديمة

أنا شاريه بلاي ستايشن تو ومبتلشه فيها.. ماكو لها أشرطة إهنيه وما تشغل داون لوود كله أصلي عاد بشتري أشرطة من أمازون حقها فيهم ألعاب وايد مجموعة كاملة يعني ألعاب قديمة شغل نتندو وأتاري..

ملاحظه: أنا ترا MyBooksAndMe
إخت فشه ;)

بس كنت بقولج لأني غيرت المدونة

شاي الضحى يقول...

فشه

مو جنه ممنوع عندكم ؟! ههههههه

اذا اكتبوا فيج كتاب انا مالي شغل


مشكوره :>

شاي الضحى يقول...

اخت فشه

احلى شي الالعاب القديمه العاب هالايام تلوع الجبد وسخيفه نادر ما تلقين منها فايده

وناسه لعبي ماريو ... انا عندي وي بس ما العب فيها وايد ذاك اليوم شريت لها سباق بقيات لووووول ماكو شغل

حياج الله :>

mazyona يقول...

هلا شاي الضحى
ذكرتيني بالديرة والله اشتقت لها
واشتقت حق أسواقها
تسلمين

شاي الضحى يقول...

مزيونه

ان شاءالله تردين بالسلامه :)


الله يسلمج

مشكوره :>