الثلاثاء، 20 أبريل، 2010

مزيونة

مثل ما انتوا عارفين الي فازت بأول مسابقة المدونة مزيونة

واختارت جائزتها والي اهي احط احلى المواضيع الي اكتبتها بمدونتها حسب اختيارها

بس اول اعرفكم عليها


كويتية حتى النخاع و إنسانة عاطفية جدا ورومانسية تعيش بعالم خيال و أحلام دلوعة لأبعد الحدود ولا تخاف أن تجرب وتستكشف الحياة وتحب أن يكون لديها مغامرات وتجارب تكسبها خبرات في الحياة

وهذي مواضيعها

لكل انسان ذكريات ومواقف جميله

وفي بعض الأحيان قد تكون محرجه او مثل ما نقول تفشل

خاصة في الأيام الأولى للزواج

لقراءة مواقف مزيونه
اضغط هنا

----------------------------------------------

باركولها على المولود الجديد

تدرون شنو يابت؟

تنين صغير!


لحضور حفل استقبال الولاده
اضغط هنا

----------------------------------------------

هذي صورة فنان مزيونه المفضل


بس ليش حاطه صورته واهوا صغير؟!

لمعرفة السبب
اضغط هنا

---------------------------------------------------

وفي يوم من الأيام حبت مزيونه تفنتق بالأكل

وقعدت تحوس بالنت تدور أفكار غريبه

وهذا الي لقته

هممممممم البحث سهل بس يا ترى طبقته ام لا؟

لمعرفة الإجابة
اضغط هنا

----------------------------------------------------

هذا الله يسلمكم بيض .. بس مو بيض عادي!


فيه مزايا عديده

1- ما يخيس
2- ريحته حلوه
3- له الوان عديده

تبون تعرفون شنو سالفته؟
اضغط هنا

-------------------------------------------------

في الآونة الأخيرة لاحظت مزيونه ان نواب مجلس الأمة قاعدين يطالبون بزيادة الرواتب واسقاط القروض


هل يا ترى صاحبة المدونة مع ام ضد؟!

لمعرفة وجهة نظرها
اضغط هنا

-----------------------------------------------

بما انها كانت متطوعه في كندا بأكثر من مكان

حبت تساعد الناس الي يبون يتطوعون بالكويت وسهلت عليهم وايد


تبون تعرفون شلون؟ اضغط هنا

----------------------------------------------

الصيف على الابواب والي يبي ينحاش من الحر وين يروح؟


رحلة جميلة لمزيونه وعائلتها الكريمه في كوبيك سيتي

لمعرفة المزيد عن هذه الرحلة
اضغط هنا

------------------------------------------------

شريتي بدله ومتوهقه ما عندج لها اكسسوارات؟

الحل بسيط وموجود بثلاجتكم!


ومنها تحافظين على البيئة لأجل يوم الأرض

تبين افكار؟
اضغط هنا

---------------------------------------------

والي عنده ارنوب ويبي يكشخه

ترى مزيونه ما قصرت وساعدتكم


والي يبي يبوق موديلات ويفصل نفسهم
اضغط هنا

----------------------------------------------

في موقف صار لمزيونه بس مو قادره تنساه

واهوا يضحك ويبجي بنفس الوقت

وصار لها بمكان كلنه دشينه فيه وقعدنه فيه سنين!

تبون تعرفون شنو هالموقف؟
اضغط هنا

------------------------------------

هذي اهم المواضيع الي اكتبتها مزيونه في مدونتها حسب اختيارها

نطروني في المسابقة القادمة

هناك 18 تعليقًا:

coïncidence يقول...

omg طافتني المسابقه، يالله مبروك للفايز واليايه لنا

عين بغزي يقول...

نبارك لمزيونه

و لكن السؤال المهم تقدمين تذاكر للفايز في مسابقتج ؟؟

اذا اي ممكن اختار تذكرة الاسكندريه رايح جاي ؟؟ :)

بدون تعليق يقول...

انه احتج :( لقيت الفيل بس مالقيت الثاني قصيتي علينا قلتي لنا في فيل بالصورة الثانية وطلع مافي ..

مالي خص ابغي دعاية لمدونتي ^_^

Flowera يقول...

chayoona
shufay elma7al esma
desingual ib 360
eljan6a 7awalt adawerha bil net malegait-ha
teshbah hathe bs 3leha fayool

http://www.chemical-records.co.uk/stk_img_pthb/A/M/B/AMBROSIA.JPG

شاي الضحى يقول...

ريم

ان شاءالله في المره اليايه :)

شاي الضحى يقول...

عين

ههههههههههه

ان شاءالله لما اشتري لي طياره اوزع تذاكر :q

شاي الضحى يقول...

بدون تعليق

والله اعتذرت لكم

والمره اليايه شارك وراح تلقاه بعد بصوره وحده

وان شاءالله اذا فزت اسوي لك دعاية لمدونتك :)

شاي الضحى يقول...

FLOWERA

اييييي انا شايفه وحده كبيره عليها فيول

بس ما شفت الصغيره ... عاد تصدقين تونس حق السفر مريحه

لازم اروح اشوف :)


مشكوره :*

mazyona يقول...

هلا شاي الضحى
والله خوش دعاية لمدونتي
تسلمين خوش هدية
خلاص راح أتنازل عن فيول

شاي الضحى يقول...

مزيونه

هلا حبيبتي تستاهلين :)

الله يسلمج

ههههههه ليلحين حاطه امل انج بتاخذينه :q

Made n Q8 يقول...

مبروووووك تستاهل كل خيير
مشاءالله خووش موااضيع

شاي الضحى يقول...

ميد

اي والله :)

رورو الشخبوطه يقول...

مبروك مره 2 لمزيونه..

وعجبتني طريقة عرض المواضيع..

ماشاءالله..

ومشكوره جايونه..

شاي الضحى يقول...

رورو

انقص ظهري على ما كتبته ههههههه

العفو حبيبتي :)

she is me يقول...

استانست على مزيونة ومدونتها .. ياحليها

أشكرج لانج عرفتيني عليها^^

ويعطيج العافيه على الموضوع .. أحسنتي حبكه*^

شاي الضحى يقول...

She

اي ما شاءالله مدونتها متنوعه وحلوه :)

الله يعافيج

شكرا :)

cheese 7cake يقول...

اللـــه وناااسه استانس على المدونات المفرفشه جذي يعطيج العافيه اللي عرفتينا عليهاااا

شاي الضحى يقول...

cheese

الله يعافيج

وتستاهل مزيونه :)