الأحد، 1 أغسطس 2010

مواقف خاصة للسيدات

قريت في وايد بلوقات عن المواقف الخاصة للسيدات

والي تلقونهم في مرينا مول


الاسبوع الي طاف رحت مرينا مول وكان زحمة

جان اشوف اللوحه والحقها لما وصلت عند مكان مسكر

دييييييد دييييييد

وتبطل هههههه


الهدف من البوست:

اتوقع ان هالمواقف مالهم سالفه

ليش مواقف خاصة للنساء؟!

ما نقدر نمشي يعني؟

ولا بريحونه؟

صج اني استفدت منهم وقت الزحمه

بس ما حبيت فكرتهم كلش

شنو الفرق بين المرأه والرجل؟

والرياييل ما يبون مواقف خاصه لهم؟

ولا بس احنا الي نحتاج السوق ويخصصون لنه مواقف والرياييل لا؟

او بميزونه او بدلعونه؟

الظاهر بعد جم شهر المواقف راح تتقسم

موقف المرأه الحامل (موجود) - موقف للعائلة
(موجود) - موقف للمرأه المحجبه

موقف للمرأه السفور - موقف للمنقبه - موقف للمرأه المتزوجة - موقف للمطلقة

موقف حق الي شعرها فيه شيب - موقف حق الي صابغه شعرها اخضر

موقف للمتحنية - موقف للمرأه الفسفورية - موقف حق الي فيها عطسه!

سمعت جم شخص علقوا على هالمواقف وقالوا:

تــخــلــف!

رايكم ...

هناك 31 تعليقًا:

جاكليته يقول...

انا انطر مواقف خاصة للخدم .. متى ؟؟ هههههه
صج ما عندهم سالفه .. يبون يسون حركة ودعايه لهم مو عارفين ..
انا اقول هذي هبة وفتره وتعدي .. واكثر الناس ما تدري عنهم ..
وتزيد الطين بله ... اذا صارت هالاعلانات حق الشباب .. جنهم يقولون لهم روحوا غازلو هناك .. اريح لكم لانه ما فيه ريايل تمنعكم ..
صج شر البليه ما يضحك :))

مـي يقول...

ضحكتيني على موقف اللي بتعطس...

^_^

يبيله موقف حق اللي مستأذنة من الدوام ! عشان ما يخلص الاستئذان وأنا أدور موقف

;)

Unique Girl يقول...

كااااااااااااااااااااااااااك


والله اني مت ضحك

بس صح كلامج مايصير جذيه بس قلتيها احسن عشان الزحمه

نمووول يقول...

عنصرية ,,
والي يقول حق الحامل اقوله, غلطان احنا نبيها تمشي وتتحرك ..

المفروض يسوون مواقف حق النمل المسكين ,,

شكراً

أبوفلان يقول...

الهدف طال عمرج لان الحريم اذا مالقوا مصفط يسوون زحمة بالمكان تقعد تمشي 20 وتخوزز عبالها قاعده تشوف بدل بمحل والناس وراها منبعصين

اما الشباب سريعين التصرف مو نفسكم تتمقلون بالموقف

Hopeless Sight يقول...

ليش زعلانة؟ :p
جزاهم الله خير عالأقل ريحونا

ebtsamh يقول...

شخصيا ما رح اصفط غير لما يحطولنا موقف

للبنات الحلوات :)

تصدقين استغربت شنو الهدف من الفصل

بالمواقف ؟

lil.D يقول...

انا اشوف ان شي حلو وطيب :)
اتمنى يطبوقنه عندنا!

she is me يقول...

لا مو تخلف
بس ماله داعي

أتمنى أعرف وجهة نظر صاحب/صاحبة الفكرة..
إذا يبون يخففون الزحمة .. أقترح يمنعون السواويق انهم يصفطون بالمصافط سواء سوق أو أي مكان ..
فنلاقي مثلا بالمصافط الي بالسرداب زحمة والمصافط الي بره (الي ابلاش) كلها سووايق ..

maram يقول...

ههههههه

في بعض الحالات مثل الحوامل و غيرها اللي لهم ظروفه مؤيده لها .. بس صج الموضوع زاد عن حده

رورو الشخبوطه يقول...

يمكن لانه المارينا وايد صترت مشاكل للبنات بمواقف حسب اللي اسمعه فقالوا نسوي لهم مواقف خاصة جود نحل المشكله..

:)

Twinkle يقول...

اهم شي موقف للحامل وللمحجبات
هههههههه
ضحكتيني والله ..

مشكورة عالبوست
وخلاص لازم يفرقون بينا هههههه
خلصنا من قصة العائلات وجات قصة النساء الحين

DoDoq8 يقول...

بالعكس شوي حلو

واكيد فيه فرق بين الريال والمراه

يعني لو مره وريال يدورن مسفط ومالقو منو بيتعب اول واحد

هديــل يقول...

ماله داعي

بس يريحنا :>

alB6h يقول...

امممم باجر بخلون شارع حق النساء وشارع حق الريايل !!
انا مع وضد الفكرة !!

يعطيج العافية

le Koweit يقول...

شهالمصخرة @_@

واحنا بالله عيال العبدة
ليش ما يحطولنا مواقف خاصة

ولا لازم نقاطع مجمعاتهم البايخة
عشان يعرفون منو يربّح مطاعمهم وقهاويهم غيرنا
<<< ما نشتري بس ناكل ونشرب ونرد

انا اطالب بمواقف خاصة للرجال :@

Hashimoto يقول...

كاااااااك

والله ضحك ..
موقف للمرأة
xD !!

----
يلا بعد بيريحونكم .. ويخلون الحريم يتطاققون على المصافط بينهم و بين بعض
لوووول

قلم ومسّاحة يقول...

اعتقد الغرض من هالمواقف حماية للبنات من التحرشات. بس هم انا ماعجبتني السالفة، على كل شي قاموا يسوون مواقف مخصصة.. مو حلو جذي

قلم ومسّاحة يقول...

انا بعد أطالب بمواقف معقمة ونظيفة لوول أو حق الوسواسيين بالنظافة.. اعتقد الغرض من هالمواقف حماية للبنات من التحرشات. بس هم انا ماعجبتني السالفة، على كل شي قاموا يسوون مواقف مخصصة.. مو حلو جذي

نهــــــــــار يقول...

السلام عليكم...
تبين الصراحه وناسه ..
بس الله يعين الحريم وايد يسيرون السوق
أكيد بتصير هالمواقف زحمه ....
وبعدها بتكون مكان مميز والشباب مرتزين حذالهم ...
كل شي له وجهين ..
خير وشر
الله يعين
..
في أمان الله

ROro Mania يقول...

ماكو سالفه غلى هالموقف
اوكي حق ذوي الاحتياجات الخاصه بس حق الحريم ليش ؟ :\

مها يقول...

دامج معارضه الفكره وتحسين انها تخلف ليش استخدمتي الموقف !
الانسان لازم يكون له رأي واضح .. مو لانج احتجتي الموقف استخدمتيه !!!وفادج وبعدين تذمين فيه

Ansam يقول...

This is done in Germany and Switzerland long time ago, having special parking for ladies next to stairs, exits, and elevators

Why? Because they do not have resources and enough security guards to look after them but in Kuwait el security em7athifeen kel soob fa killish mala da3i o la azeedich min el she3er beit tara hatha el mokan yemkin eyeeb mashakil shabab yalbidoon o ma3raf aish

killish mala daa3i aslan

Engineer A يقول...

ههههه اتصدقين مره رحت للمارينا وشفت العلامات واستغربت مارحت وقفت صوبهم علبالي مسوينهم بس مؤقتاً قلت يمكن في عندهم شي احتفال والا شي فحاطين هالمواقف بس مادريت انهم حاطينها بس للسيدات !!

صج انا بعد أحس مالهم سالفه :)

Made n Q8 يقول...

ممم

انا اقول يمكن حق الي يلبسون كعب او حاطين مكياج عشان مايسيح حاطين المواقف لهم قريبه للمدخل!

Queenalwazzan يقول...

هالمواقف قالنا عنهم الدكتور كان في وايد سوالف تحرش و يتلوون البنات من السيايير او شي جذي قبل شهر تقريبا
و عشان جذي حطوهم ان to feel safe
حق الحريم
اهو مو تخلف تخلف بس حق صبياننا اللي ما يخلوون احد بحاله لازم ;)

بس احلى اذا رايحه و زحمه عندج افضليه تلقين مسفط :P

و يعطييج العافيه ^_^

فـ(المطيري)ـدكـ يقول...

والله سالفة الموقف اهنيهم عليها ..

لان في امهات كبار بالسن باليالله ايون المجمع بس عشان بناتها ..

او انها تفتر تفتر لين تلقالها مصفط

اما الريال يصفط اي مكان وخلاص ما همهه بعيد او قريب ..

قواج الله ^_^

sღღʍγ ℓღνєℓγ يقول...

LooooooooL

I ROFL :P

& it seems that they doing this to put off elmashakil aw elta7arshat I think

Amal Kh يقول...

اهم شي للي بتعطس لووووووووووول
صح صراحه ما عندهم سالف
اوكي بتسوون مواقف للاسره يعني عشان مو ايي السايق ويصفط 4 او 5 ساعات وفي عوايل بيون وما يلقون مكان
وموقف للحوامل هم اوكي عشان ما يبونهم يمشون مسافات طويله يعني حفاظا على صحتهم هذي هم اوكي
بس مواقف للسيدات هذي مو صج لووول
لازم اروح مرينا واشوفها عشان اضحك
يعني ماادري شهالعبط خو كلها مواقف
ومشكوره ع البوست :)

6umasha يقول...

Ana akhalifich ilray tamamaaam ya3nii ilmarra il7amel t7taaj ena ykoun Lana mawgef has o ilmarra Ethan manat ray7a brou7a ilmujama3 mall da3ii tasfe6 akheer ildenyaa 7atta a7san lahha ehyaa shmalla tsfe6 warra aw tamshee masaffa 6weela o fe harem bar eyoun ilsoug ma3a banathoum kiliiiishhh ma ashoufa takhalouf bel 3aks ilwalad ydaber nafsaa o tarragon fe mwageef 7ag ilmarra il7ameel in descover loool  

غير معرف يقول...

حركه ذكيه

اولا اغلب الشباب يروحون للمغازل او التمشي

اما البنات للتسوق

والمول تفكيره صح يريح البنات ويكون هو الافضل لانه ما فيه زحمه ومريح لهم