الجمعة، 22 أكتوبر 2010

في بيتي ستاربكس

يوم عن يوم قاعد يزيد ادماني للقهوة 

وماكو امي عشان اتدلع عليها واقولها

"يمااااااااااااه سويلي قهوه

وعليه علي هههههههه 

انصحتني زعفرانه اشتري مكينة الاسبريسو وافك ريلي من حنتي

وشريت المكينة 


ورحت ستاربكس وشريت الاسبريسو

مع Hazelnut Syrup - بندق


وقعدت احوس بالمكينة 

زعفرانة عطتني فيديو باليوتيوب عشان اتعلم واهيا بعد علمتني

والي تشتغل بستاربكس علمتني

بس الصراحة عفست الدنيا 

سويتها اول مره شربتها لاعت جبدي ماي مايوه

المره الثانيه الحمدلله اضبطت

وهذي النتيجة


طبعًا الي سويته كابتشينو 

(hazelnut syrup + اسبريسو + حليب + رغوه)

الطعم نفس الي اطلبه بستاربكس

يبيلي اتعلم عليها عدل لاني اليوم سويتها ٣ مرات يالله اضبطت 

هناك 32 تعليقًا:

Unique Girl يقول...

الله ابيييي ونااااسه

علييج بالعافيه حبيبتي

شاي الضحى يقول...

يونيك

خلاص الحين اسويلج :)

الله يعافيج

رورو الشخبوطه يقول...

بالعافيه يارب..

خخ اي عقب فتحي كافيه نافسي ستاربكس فيه خخخخ..

شاي الضحى يقول...

رورو

الله يعافيج

اي قلت حق الي تشتغل بنافسكم ههههههه

DoDoq8 يقول...

نطري لمه ينزلون التوفي نت لاتيه سيرب

عشااان تستمتعين عدل

وبالعااافيه ;)

AM.SA.CHANNEL يقول...

الله حمستيييييييني ..

ما شاء الله شكله يشهي
يالله عزمينا على كووووووب كاباتشينو ..

غير معرف يقول...

روعه والله .. يمي يمي

عليك باالعافية شايونه ..

موفقه يارب بحياتك .

الجودي يقول...

شايونه كوبج مو على فيل @@

؟؟؟


بالعافية

شاي الضحى يقول...

دودو

اي والله فكرت بروح اسآلهم

ونسيت اشتري الكاراميل

الله يعافيج :)

شاي الضحى يقول...

شانيل

هههههه ان شاءالله اعزمج لما تيين الكويت :)

شاي الضحى يقول...

رندا

الله يعافيج

مشكوره :)

شاي الضحى يقول...

الجودي

ههههههه

عندي وايد على فيول كله اشرب فيهم

بس وقتها هذا كان نظيف فشربت فيه

مالي خلق اغسل هههههه

الله يعافيج :)

هديــل يقول...

ونااااسة تشوق

صارلي فترة احوس بشتري ماكينة للقهوة < مدمنة قهوة بعد لول

بس ما شريت لما الحين

بالعاااافية =)

غير معرف يقول...

بالعافية إن شاءالله:*
شرايج بالمكينة ومن وين خذيتيها؟

V I E W يقول...

شكلها يّونس D:
عليج بالعافيه ..

شاي الضحى يقول...

هديل

مشكله الادمان هههههه

يالله اشتريلج وفتحي كاريبو في بيتكم :)

الله يعافيج

شاي الضحى يقول...

حنان

الله يعافيج

خذيتها من الغانم في انواع وايد بس قالت لي هذي احسن وحده

شاي الضحى يقول...

فيو

الله يعافيج :)

ri7ana يقول...

يه يه حركات
عليج بالعافيه يالله اخذيلج كتاب للوصفات وطبقي الشتا داش علينا وعليج بالعافيه

Unknown يقول...

حدج روعة يبيلي اشتريها من 360 صح بس شوقتني بالعافية شاي الضحى

شاي الضحى يقول...

ريحانه

الله يعافيج

اي والله حلاته بالبرد شي حار :)

شاي الضحى يقول...

اميره

لا الي بـ ٣٦٠ غير عن هذي

انا ما حبيتها لان عيبها لازم تستخدمين قهوتهم فقط لا غير

اما المكينه هذي تقترين تشترين القوه من اي مكان وتسوينها وكل مره تغيرين بالطعم

الله يعافيج :)

ROro Mania يقول...

احنا عندنا مكينه نسبرسو
انا احب اسوي فيها لاتيه او كابتشينو :)

شاي الضحى يقول...

رورو

نيسبريسو اسهل من هذي بوايد

بس هذي اقدر اغير القهوه

Mohamm3d يقول...

عاد انا احب هالسوالف اسويها

من وين شريتي المكينه وبجم اخذتيها

واذا كلش هاتيها اجربها لمدة سنه واقولج رايي فيها لووووول

لا لا اضحك عليج بالعافيه وهالله هالله بالسوالف الحلوه

الهوت شوكليت والموكا والفربتشينو نبي ابداااع
حركاااااات

شاي الضحى يقول...

محمد

شريتها من الغانم سعرها جنه ١١٥ بس كان عليها خصم وخذيتها بـ ٥٧

سنه عاد؟ جايده ههههه

ما تغلى عليك

الله يعافيك

هوت جوكليت مايصير فيها اما الباجي ممكن بس ما اعرف :)

كوكتيل يقول...

صباح الخير :)

حلو مع الوقت بتعرفين بس شوية محاولات و يظبط إن شاء الله :)

حلوه الفكرة العادة أدري أنه يبيعون القهوة بس ما أدري إن يبيعون باجي السوالف بعد
شكرا على المعلومة :)

Frankom يقول...

آثار الزواج
:)


لا لا غشمرة هههه

شاي الضحى يقول...

كوكتيل

اي لازم بالبدايه اخوره

لازم تقولين لهم اييبونه لج من داخل

العفو :)

شاي الضحى يقول...

فرانكوم

ويه الحين كل شي بيصير اثار الزواج ههههه

fofo يقول...

يم يم يم يم يمي يمي يمي نفسي اشتري الماكينه هذي بس اخاف اصير مدمنه رسمي للقهوه عشان كذاحارمه نفسي مشكله الي ماعنده كنترول :(

شاي الضحى يقول...

فوفو

اذا ما تقدرين تمسكين نفسج ما انصحج تشترينها لانج ٢٤ ساعه بتجابلينها هههههه

انا الحمدلله عندي كنترول