السبت، 23 أكتوبر 2010

هي وهو

هي وهو برنامج يعرض على قناة mbc

كل سبت الساعه ١١ مساء


البرنامج باختصار مادري شسالفته!!! 

ولا ادري شنو الفايده منه!

مادري متى بدا ينعرض اول مارديت من السفر شفته 

يعني بيقنعونه ان الي قاعد يصير صج؟ 

اشكرررررره مبين انه تصنع وكله تمثيل بتمثيل 

الصراحه انا اشوفه عشان اضحك هههههههه اتوقع هذي فايدته 

الي غاثني بالبرنامج اللقطات الي يحطونها 

البوس واللم وتنسدح بحضنه ويشيلها!!! 

شهالحركات

لازم يحطون تنبيه البرنامج حق الي عمره ١٨ سنه وفوق

لا وبعد تدزون لهم مسج عشان يعطونكم نصائح زوجية 

ههههههه

وريلها خوش واحد ما يغار عليها مخليها تتدلع وتتسدح جدام عوير وزوير

انتوا شرايكم؟! 

هناك 31 تعليقًا:

Abd-alrhman يقول...

اسمحلي برنامج مصخره

اوكي فكره حلوه ,, بس اشياء بايخه

وين احنا يرقص وضمها ,, احلف يا بوي

تهذب يا اخ انت في قزازه الكل يشوفها

مش بروحك ,, وين الخصوصيات ,, خلف الله عليهم

بس اعطيه سيء من سيء ,, هدم للامه بطريقه غير مباشره >_<

وشكرا

DoDoq8 يقول...

مايعجبني الا ويهه اسيل احسها ناعمه


واحلى شي انه شقتهم انه شقتهم بالجميرا بيتش بدبي

والشي الي صج مااحس انه فيه تصنيع شوفيهم ساكنين بالجميرا بيتش وكل من ماسك له جنطه ماركه واخر الشهر ماكان عندهم حتى يطلبون من المطعم وهذا واقع وايد من الناس

ويمكن منهم تتعلمين

وانا معاج بسالفه التلزق والتلملم الي ماله داعي خصوصا وانهم خليجين

نمووول يقول...

اذا حطوا تنبيه ربعنا بيهتمون فيه
خليه جذي فاشل ,,

ساره النومس يقول...

اليوم شفت لقطات صج صج صج صج تقليد اعمى للاجانب حده مو لايق عليهم

مادري شالطبخة .... في وقت فاضي بالقناة قالوا نحط هالبرنامج السخيف

ساره النومس يقول...

على سالفة التسدح ماشفتها بس شفت لقطة يقول اي هذي الرجولة .... قلت واضح رجولة ديوث درجة اولى

شاي الضحى يقول...

عبدالرحمن

ماكو خصوصيات بالمره

مادري شلون يرضه يخلي مرته جذي تطلع جدام الناس

شاي الضحى يقول...

دودو

اي لو يبادلون هههههه

اي بس هذا مو شي مهم بالبرنامج انا اقصد سوالفهم وحركاتهم والافلام الي يسوونها بكل حلقه

والله ما اتوقع اني بتعلم شي فيه فايده منهم

شاي الضحى يقول...

نمووول

اي والله تصدق

مادري شنو الهدف منه

شاي الضحى يقول...

طموحه

الظاهر جذي

بس سالفة المسجات بدعوا فيها ههههه

اي والله صدقتي اي رجوله هذي

Abd-alrhman يقول...

الله يهديه هذا كل الي عندي

والله عجب هـ البشر

ع قولت امي [فصخوا الحيا]

^_^

شاي الضحى يقول...

عبدالرحمن

الله يهدي الجميع

ههههه يحليلها امك الله يخليها لك :)

رورو الشخبوطه يقول...

سبقتيني كنت باكتب عنه ..

اي مبالغه بقلة الادب ..

واحس ماصدقوا انه ام بي سي عطتهم ويه كل شي بيسون فيه مذيع بالاذاعه -الاخبار << اهو ..

اهي بتغني وغير برنامجهم :\

ماعندهم سالفه فلسوا مالقوا شي يسونه :\

كله بصوب ولما يتبجبج بصوب خخخ ونعم الريل لو انه جان شته يفشل :\

cutemum يقول...

البرناامج واايد سخيف انا من شفت الدعاايه قلت هذيلا من صدجهم
الله يستر علينا

كوكتيل يقول...

صباح الخير :)
ماعجبني كليش
بصراحة خطوة غير موفقة ل mbc

والتصنع مبين لا يستخفون بالمشاهد لهذي الدرجة

ويسلمو :)

ام الحفيز يقول...

وووعوووووووااااا ،،،،شنو الجديد طول عمرهم تافهين متفهين بتفاهه ،،،،بعرف شنهي الاستفادة من هالبرنامج المبتذل خلووووووه تخليهم اقلبت جبدي

AM.SA.CHANNEL يقول...

هو أكيييد البرنامج بكبره تمثيل، و يبين بس ياليته لو يا على شي طبيعي أكثر من تمثيل لأنه أحس كاتبيلهم السيناريووو .. بالذات أسيل يبين إنه تمثيل ..

=========
عاد المناكر كلها أحين بيسووونها في دبي

Unknown يقول...

انا راي من رايج ما ادري شنو الهدف و لا المقصود و على قولتج ما ادري احسها اشياء خاصة و المشكلة تنعرض بدون هـــــــــــــــدف

شاي الضحى يقول...

رورو

عاد انا ما كان ببالي كلش مادري بس من كثر ما اهوا غاثني كتبت عنه

اي والله ماكو لا سالفه ولا هدف

وقلة ادب بشكل مو طبيعي يعني عشان انهم متزوجين عادي!

شاي الضحى يقول...

كيوت

سخيف جدا جدا جدا

اللهم امين

شاي الضحى يقول...

كوكتيل

ما يهمهم المشاهد المهم انهم حطوا هالمسجات ويربحون من هالبرنامج

شاي الضحى يقول...

ام الحفيز

المشكله انهم توهم دادا اغو وعبالهم خبره بعلمونج شلون التفاهم صاير وكله جذب

شاي الضحى يقول...

شانيل

اسيل وخالد كلهم مبين انه تمثيل من طريقة كلامهم وكل حلقة كاتبين لهم موضوع ويتكلمون عنه

شاي الضحى يقول...

اميره

شوفي حلقة امس وضحكي على سالفة الفيس بوك وشلون تزعل اسيل ههههههههه

يعني من صجهم ههههه

chandal/danchal!! يقول...

ما ادري عن التلفزيون, الكمبيوتر وبس!

شاي الضحى يقول...

جندله

ويييه عيل طافج البرنامج المفيد ههههههه

Shaikha يقول...

باختصار
انا ماعجبني بعد :(

لج وحشة :)

مهرة سالم يقول...

السلام عليكم ..
شحوالج حبوبه ...
بالنسبه للبرنامج ما بقول غير
الله يهديهم ويصلحهم ...
..
في حفظ الله

fofo يقول...

اهلين اصلا البرنامج موجه لعمر 18 واقل كيف تبغينهم يجطون فوق 18 بس من جد الي يبيع كرامته يصير بالحضيض

شاي الضحى يقول...

توينكل

مشكوره وكاني رديت :)

شاي الضحى يقول...

نهار

والله اخباري مو زينه مع المرض

آمين :)

شاي الضحى يقول...

فوفو

بس اللقطات الي تطلع مو زين يشوفونها المراهقين