الاثنين، 29 أغسطس 2011

مسرحية: زين إلى عالم جميل

اهلا اهلا مرحبتين ... نورت المكان يا زين 

تمت دعوتنا لحضور البروفه النهائية لمسرحية 

زين إلى عالم جميل 

من وحي أوليفر تويست

واهيا مسرحية غنائية باللغة العربية

كتابة: هبة حمادة 

ألحان: جاد الرحباني

بطولة: شجون الهاجري - علي كاكولي - فاطمة الصفي - مبارك سلطان

حمد أشكناني - فاطمة الطباخ - فهد باسم - طلال باسم

للمخرج: سمير عبود

قصة المسرحية: 

طفل اسمه زين يعيش في دار الأيتام ولما حس بظلم انحاش منها وراح للمدينة والتقى بالعصابة وخلوه يبوق بعدها انسجن وتتم محاكمته ويطلع براءة وتتبناه سيده غنيه ويعيش عندها 

شوفوا الصور
















































لما خلصت المسرحية حسيت جنها دعاية من دعايات زين الي نشوفهم بالتلفزيون


بس طويله لوول 


اعجبتني المسرحية وحبيت الاضاءة واااااااايد والديكور كان جميل


ما شاءالله في تطور كبير بمسرح الطفل


واتمنى من زين انها تستمر كل سنه وما تكون هذي اخر مسرحية منهم


واكثر شي عجبني اداء 


علي كاكولي + شجون 


تمثيلهم كان عجييييب خاصة علي كاكولي بدع بحركاته وتعابير ويهه


شكرا للسيد محمد المهيني وشركة زين للاتصالات على الدعوة


مكان المسرحية: صالة التزلج


للحجز: 90007773 - 90007774


راح تنعرض من باجر وتستمر لمدة 10 أيام

هناك 5 تعليقات:

Now or Never يقول...

فعلا محتاجين تطوير لمسرح الطفل

آآآآه يا مسرحيات قبل

الاغاني ليومنا هذا عالقة بالذهن

بس أملنا كبير بالجيل الجديد من الفنانين بحماسهم وحبهم للعطاء راح يقدمون الافضل للكويت وشعبها ولمسيرتهم الفنية

بس ملحوظة : اذا كانت قصة المسرحية مستوحاة من رواية اجنبية وتم تغير اسم الطفل الى زين .. ليش ماغيروا البطل وخلوها بطلة ..؟؟؟؟؟؟

غير معرف يقول...

زين مبدعين بهالمجال نتمنى يستمرون

Made n Q8 يقول...

شجون اهيا الي تسوي دور الولد زين؟!

يعطييج العافية

فاطمة عبدالمحسن يقول...

باين انها حلوة

عليك بالعاقية المتابعة

AM.SA.CHANNEL يقول...

شكلها المسرحية تجنن و حلوة .. و تبين نفس دعايات زين

بس تدرين هبة حمادة من مسلسل بو كريم قلت ما بتابع مافي تجديد، و سوته فلم هندي على أصوله و شفت لين النص و ودرته و نفس الأبطال، و اللي يقهر أكثر فاطمة الصفي وايد متقمصة شخصية شوجي صح إنتو ربع لكن مب لهالدرجة نفس الحركات و أسوي نفس حركاتها، مع إنه تمثيلها حلو ..