الثلاثاء، 9 أغسطس 2011

كوزمودوم - Cosmodome

وصلتني دعوه من صالون ومعهد كوزمودوم 

وكانت جلسة تنظيف عميق وتغذية للبشرة 



خذيت موعد ووصلت بالموعد وكلمت الاستقبال وكان تعاملهم جيد 

ويتني الخبيرة ورحبت فيني ودشينا للغرفة 

بدت تسولف معاي او بالأصح تقرق معاي

وطلعت مليون عيب ببشرتي بالنهاية فهمت انها تبيني اشتري منتجاتهم 

وقالت كل الي تستخدمينه بالبيت مو زين !!! 

بالله شدراج انا شنو استخدم وانا ما قلت لها شي 

بعدها بدت بتنظيف بشرتي 

وتقرررررررررق 

انا طفارتي الي جذي صج تنرفزت 

بعدها سوتلي سنفره لويهي 

وقامت تفرك فيه جنها تفرك زووووولية

اول مره اروح مكان واسوي تنظيف لبشرتي واحد يفركها جذي 

وكل شوي تقولي تبين احط لج انبوله - كريم ومادري شنو 

ترا ببلاش ما راح تدفعين! 

صج بطت جبدي 

جان اقولها شنو باقي الحين ما سويتيه؟ 

قالت لي بحط لج انبوله وماسك ونسيت شنو واخر شي مرطب 

قلت لها لو سمحتي حطيلي مرطب 

اهيا انصدمت قالت لي ما تبين الباجي ترا ببلاش

رديت عليها لو سمحتي حطيلي مرطب 

حطت لي مرطب وشلت قشي وطلعت

شكرا كوزمودوم على الدعوة

عنوانهم: حولي - شارع بيروت - مجمع المهلب - اخر دور

هناك 11 تعليقًا:

رورو الشخبوطه يقول...

نعيما وملبوس العافيه مغيره نفنوف البيت ..

اول ماشفته ضيعت :\

انا مااحب كوزمودوم ماديييييييييييين كلشي عندهم بفلوس عسى ماقلتي شي قالت دفعي واذا قلتي اوكي وبسوي بعد شي قالت لا مافي وقت :\

Unknown يقول...

اولا مبروك على الشكل اليديد
ثانيا .. تنظيف البشره انا اكرهه احس الي تسوي مجرمه تفقص بالوي عوار و اخر شي ويهج يتعب و يلتهب

شاي الضحى يقول...

roro

الله ينعم عليج ويعافيج

ههههه كشخته بدراعة رمضان

اي وايد ماديين انا انصدمت من تعاملها معاي وكل شوي تقولي ماراح تدفعين بطت جبدي

شاي الضحى يقول...

loving

الله يبارك فيج

لا بالعكس تنظيف البشره ما يعور كلش ولا يفقصون البشره

بس للاسف بالكويت ماكو مكان سنع اغلبهم ما يفهمون

جربي تسوينه باي ديره وشوفي النتيجه لا التهاب ولا عوار وويهج يصير لون واحد

Dear Romeo يقول...

وي تعاملهم مو شي
ما يسوى عليج

سلة ميوّة يقول...

اصلا تعاملهم معفن
انا جربتهم مره غير انهم باقو فلوسي
فوق هذا مديرتهم المصريه قلت ادبها
ونوعهم يزفونج اذا تاخرتي خمس دقايق
وعادي اطلعج من الجلسة حق زبون ثاني
يعني وقحين
وانعدام نظافه...
ما انصح فيه كلش...


صباحج خير

Made n Q8 يقول...

نعييما

اذا الي سوتلج المصريه صج نرى حدها قرقه المغربيه ارحم منها ساكته وتسوي شغلها بهدوء

عــــــابره يقول...

من تجربتج حسيتها فاشله
على اني احب تنظيف البشره في الصالونات دلع

غير معرف يقول...

أسلوبج أسلوبج هههههههه
والله ما ينفع مع هالحنه والقرقه إلا جذي :)
ومن التعليقات يبين إنهم مو شي.

purpleyah يقول...

اوه بغضي في حياتي من اللي في مراكز التجميل اللي يتفلسفون ويسوون نفسهم فاهمين وهم للاسف من ابسط معلومه تعرفين انه ماعندهم سالفه عشان جذيه ودرت شغل الزلمات والعرب ما احب اسير عندهم اسير اسوي فيشل عند تايلنديات و اجانبيات ما عندهم هالخريط الزايد

صدق حاسه فيج لايمكن تستمتعين ووحده تتفلسف على راسج يعنني فاهمه وبعلمج

Unknown يقول...

نعيماً و وانصحج بسنفرة كلين اند كلير اليومية ولا هالمعاملة الجنتل على بشرتج