الجمعة، 5 أغسطس 2011

Kuwait Flight Simulation Center

امس رحنا نجرب الطيران التشبيهي 

واشوف اذا انفع اصير كابتن او لا 

طبعا حجزنا قبلها بيوم 


الصور مو واضحة لاني مصورة من موبايل 

هني من داخل



الدرايش


وفيه محلين 



كافيه



وفي انواع وايد من الطيايير 


هيليكوبتر


طيارة حربية 

F-18
F-16 



واحنا اخترنا 

A-320 

الساعة: 35 دينار

وهذي الكبينة


وانا الكابتن وزوجي المساعد 

وطرنا من لوس انجلوس الى لاس فيغاس 


طبعا اكو مليون دقمه واشياء غريبه وانا مادري شالسالفه 

اول ما دشيت جان اهون هههههههه 

بعدها قلت يالله اطير والي فيها فيها 


وما قصر صاحب المركز كان معانه من الاقلاع الى الهبوط 

وشرح لنا كل شي بالتفصيل 

وعلمنا شنو نسوي خطوة بخطوة 

الاقلاع كان سهل 

بس لما ييت بنزلها لووووووول 

صارت لوووووويه وانا مو عارفه شسوي 

واذا قالولي يمين لفيتها حيل يمين 

المفروض الفها على الخفيف 

انا عبالي سياره هههههه 

اول مره كانت محاولة فاشله والطيارة طاحت 

بس عادوه لي ورديت نزلتها احسن من المره الاولى 

بس هم غلط مايله ويمكن جناحها انكسر والتاير انفش

ههههههههههه

المهم انه وصلنه بالسلامة 


الصراحة كانت تجربة ممتعة جدا جدا 

وانصح الي يحبون الطيران يجربون 

وراح تعرفون اشياء عن الطياره ماكنتوا تعرفونها من قبل 

وتعرفون شسوي الكابتن عشان يطيرها وينزلها 

وشلون يدخل بيانات الرحلة وخط السير والوزن وغيره 

وان شاءالله بروح مره ثانية واجرب الهيليكوبتر

واخر شي يعطونكم شهادة

مكانه: ديسكفري مول - السرداب

تليفون: 22913700

هناك 9 تعليقات:

رورو الشخبوطه يقول...

الحمدالله ع سلامة لطياره اشوه يت سليمة خخخ..

وناسة الديسكفري في شغلات غريبه..

شاي الضحى يقول...

رورو

الله يسلمج اي والله اشوه ما صار بالركاب شي هههههه

انا صارلي فتره مو رايحه ولما رحت تغير علي وايد فيه سوالف يديده

cheese 7cake يقول...

الحمدالله على السلامة
خخخخخخ واي والله اشوا ان الطيارة مافيها ركاب جان علووووم وصراحة استمتعت وانا اقرا الموضوع لان من زمان وانا اسمع عن هاللعبة او المغامرة بس كنت متخوفة شوي بس ان شاء الله اجربها عقب رمضان بس جم خذوا عليكم رسوم ؟؟ ولازم حجز ؟؟

شاي الضحى يقول...

جيز كيك

الله يسلمج

لو فيها ركاب جان الله يرحمهم هههههه

لازم تجربينها جنها صجية تينن

انا كاتبه بالبوست

خذينا بس ساعه لل اي ٣٢٠ ب ٣٥ دينار

والباجي جنه بعشر دنانير

ولازم تحجزين الوقت الي تبينه عشان ما تروحين وتلقين في ناس وما تقدرين تدشين

wleadan يقول...

هاهاها لفت سياره ها لوفيها ناس جان أعلوم...... شكلة عجيبة بس لازم أحجز قبلها بيوم ؟ وشكثر أطول الرحله ؟  

شاي الضحى يقول...

wleadan

لو فيها ناس جان الله يرحمهم هههه

لا مو شرط قبلها بيوم وعلى حسب الزحمه ساعات تدق عليهم نفس اليوم ماكو حجز

انت دق وشوف اي وقت يناسبك وان شاءالله تلقى حجز

والرحلة انت تختار مدتها اقل شي جنه ساعه

على حسب الرحلة من اي دولة لي اي دولة او من مطار لي مطار

Me & my Husband يقول...

خوش تجربه
شكله وناسه :)
يعطيج العافيه

غير معرف يقول...

وناسة والله توني أدري إن عندنا جذي.
مشكورة :*

Kawkawii يقول...

اللــــــــــــــــــــــــــه
ابيييييييييييييييييييييييييي!!!