السبت، 29 يناير 2011

هالو كايرو

اليوم اول مره ادش فلم كويتي بالسينما 

لاني ادري راح يكون المستوى ZERO

ولان كل الافلام الي بالسينما شفتهم فماكو الا هالفلم


باختصار

  ويـــــــع 

وتوني ادري انه في مسرحية لعبدالعزيز المسلم قديمه 

نفس اسم الفلم


ما انصح احد يروح الفلم 

هناك 27 تعليقًا:

Unique Girl يقول...

حددددددددده وييييييييييييييييع الفلم

يابلي القامت صراحه

صج انه في لقطات تضحك بس في لقطات ودي اقولهم انزين وبعدين

واخر الفلم مافهمت يعني شنو ماراح يتذكر خلاص ماراح رد الكويت

le Koweit يقول...

انا اكتشفت ان عندي نظرة ثاقبة P:

فيلمه اللي طاف معتوق في بانكوك
ما رحتله وتوقعت انه مليق وبايخ
وفعلا طل بايخ من شهادة الربع اللي راحوله

وهالفيلم اول ما شفت البوستر توقعت انه بيكون اسوأ
وفعلا كلامج الحين يقول انه سيء :)

طارق العلي حرق كرته
وقام يكرر نفسه
ويكرر الوجوه اللي معاه
واعتقد انه خلاص ما عنده شي جديد يقدمه
بل بالعكس قاعد يخرب على نفسه وتاريخه
ولو يعتزل ويتفرغ حق الانتاج ابركله

ساره النومس يقول...

بصراحة من شفت الصورة مالته الاسبوع الي فات قلت ويع لووول

sa5er يقول...

يقولج طارق العلي يوم عدى عمر ال40 سنة صار ثقيل دم !

Bint ilKuwait يقول...

LOOOOOOOL asra3 review :P

رورو الشخبوطه يقول...

ماشفت شي لطارق العلي حلو غير مسرحية صح لسانك والجزء الاول بس ومو قصه كثر مهو تنكيت:\

ومرسي..

شاي الضحى يقول...

يونيك

انا ما اشوف انه فيه لقطه تضحك

طول الوقت متملله اخر شي طلبت لي كابتشينو وقعدت استمتع بالقهوه ههههه

شاي الضحى يقول...

الكويت

ما يحتاج نظره ثاقبه فلم كويتي يعني فاشل ههههه

معتوق في بانكوك ما فكرت اروح له بس شفته جم لقطه بالتلفزيون وكان فاشل

هذا من قرادتي شفته لان ماكو شي بالسينما غيره وطلع هم فااااااشل

اي صح كلامك ما عنده شي يديد بس يكفخ ويتطنز

شاي الضحى يقول...

طموحه

ههههه كافي تشوفين الصوره لا تشوفين الفلم

شاي الضحى يقول...

ساخر

اهوا الي خرب نفسه ولا قبل شزينه

شاي الضحى يقول...

بنت الكويت

لان ماله داعي اضيع وقتي واكتب على شي تافه!

شاي الضحى يقول...

رورو

صح لسانك حلوه بس شنو فيها جزء ثاني؟!!

رورو الشخبوطه يقول...

وي خخ..

جزء مادري فصل 2 ..

cheese 7cake يقول...

حسااافه عاد كنت ناويه اروح له بس انتو اجمعتوا انه بايخ بس انا متردده وفعلا على قولتج ما في شي بالسينما كل الافلام تقريبا صارلها اكثر من شهر تنعرض ...


ثانكيوو على البوست حبي ..

شاي الضحى يقول...

رورو

لووول في فرق بين الجزء والفصل

صح لسانك الجزء الاول احلى قبل لا تيي متى شداد مليقه

شاي الضحى يقول...

جيزكيك

لما كنت بالسينما في جم وحده وراي يكركروووون مستانسين على الفلم

يمكن يعجبج

صح ماكو افلام حلوه بس كلهم احلى من هالفلم

Made n Q8 يقول...

طارق العلي مال مسرحيات وبس
احنا وين والافلام وين

Nowair يقول...

الفلم مليق و دون المستوي... بغيت اشق اهدومي من كثر ما الفلم بايخ ...و لاعب بحسبته... و الميك اب الطيني و الحمرة اشكرة!!! استهزاء بالمشاهدين...صراحة حرام ان الواحد يضيع وقتة علي فلم من هالنوع

sw2lf bn2t يقول...

اي والله حيل الفلم موحلو ويلوع الجبد

Unknown يقول...

اوافقج ان الفلم مليق بس اختلف معاج بنقطة"فلم كويتي يعني فاشل" انتي بجملتج هذي هضمتي حق مخرجين كويتيين شباب مبدعين.. انا رحت مهرجان الخليج السينمائي بدبي مرتين وكان في مجموعة افلام عجيبه الي مسوينها كويتيين ولاتشوفين الناس هناك شلون مستانسه منهم ومن شغلهم لكن هني للاسف محد داري عنهم..الي بوصله ان طوول ما هذي نظرة الناس للسينما الكويتيه ومافي تشجيع يتراوالي ماراح تشوفون الا هالافلام الغير هادفه لومهما حالوا الشباب انهم يبرزون مواهبهم وانهم يغيرون هالنظره الدونيه للسينما الكويتيه!! ولازم ماتنسين ان بداية السينما الخليجيه الكويتيه الي على اصولها كانت من الكويت بس لو الله يفكنا من الاشكل الي مخربه الفن احن بخير

شاي الضحى يقول...

ميد

حتى مسرحياته مالهم هدف

شاي الضحى يقول...

نوير

انا ما بقى شي ما حست فيه بجنطتي اضيع وقتي

شاي الضحى يقول...

سوالف

حسافه فيه فلوس التذاكر

شاي الضحى يقول...

7abebtek

وين الشباب المبدعين؟!

انا ماني خبيره بالفن ولا بالاخراج ولا اعرف المخرجين بس الي اشوفه بالتلفزيون الافلام الكويتيه الصراحه تلوع الجبد وتييب اليهد

الممثلين اي شي والقصه اي شي

نتحسف انه ضيعنه وقتنا وشفناه

ولو اسمع انه في فلم كويتي حلو اكيد بكون اول وحده تشوفه

عمري ما سمعت احد مدح لي فلم كويتي

الافلام الكويتيه الي انزلت بالسينما الحمدلله اني ما دشيتهم الكل يذمهم

شفت شويه منهم بالتلفزيون ما قدرت اكمل من سخافتهم

عشان جذي بتكون نظرتنه سلبيه

الشباب المبدعين لازم يبرزون نفسهم ويقدمون اعمال حلوه عشان نقدر نغير نظرتنه

وانا ما احظر مهرجانات عشان اشوف اعمالهم

فشلون اقول ان السينما الكويتيه ناجحه وانا مو شايفه شي زين فيها؟!

شكرا :)

Unknown يقول...

العفو :)

والله قاعده اشوفهم يحاولون يبرزون نفسهم بس هالنظره من المجتمع لازم تتغير ،، شلون تبين يبرزون نفسهم والناس تدري عنهم اذا انتي وغيرج يقول "الافلام الكويتيه الي انزلت بالسينما الحمدلله اني ما دشيتهم الكل يذمهم "

شوفي طويلة العمر كان في فلم رحتله بالخليج ونزل عقب بالكويت طبعا كويتي،،لاتشوفين الناس بالسينما شلون مستانسه من كبار ويهال..
موبس جذي،، الفلم حاز على جائزة الكويت التشجيعيه من بين اعمال لعمالقة الفن على قولتهم وهذا يعتبر انجاز وتشجيع من الدوله بس للاسف البعض مايقدر هالمبدعين..

بسألج سؤال جذي بيني وبينج :) ليش رحتي الفلم؟ لان فلم كويتي ولا لأن البطل طارق العلي؟ من ردج الاول اقدر اقولج ان اغلب الناس تدش مو عشان الفلم كويتي وتشجع الشباب بس لان الفنان معروف ويضحك ولان الناس تحب تشوف الافلام الي من بطولة الاسامي المشهوره وتالي تنصدم من المستوى ف خلاص تكون فكره عن باجي الشباب ان افلامهم بتكون مو احسن من افلام العمالقة وبالتالي محد يروحلهم ويشجعهم او حتى بيدري عنهم!!

Unknown يقول...

امبيه شنو هذا لووول ترى والله موقصدي اناشبج او اناجرج بالعكس ودي بس الناس يكون عندها فكره شقاعدين يسوون الشباب مو اكثر :) وعساج عالقوه

شاي الضحى يقول...

7abebtek

اي مو المشكله شلون تتغير نظرتنه واحنا ما شفنا شي؟!

هم ارد واقول لازم نشوف اعمالهم بالسينما او التلفزيون او حتى بالنت عشان نقدر نغير نظرتنه ونقول انه في مجال ان السينما الكويتيه تكون الافضل

شنو اسم الفلم الي ماخذ جائزه؟! لاني ما سمعت عنه

ماكو شي بيني وبينك/ج اهني كل الناس تشوفه ههههههه

وجواب سؤالك/ج ترا انا كاتبته بالبوست بثالث سطر

بس هم بجاوب عليه

دشيت الفلم لاني كنت كل الافلام الي بالسينما شايفتهم ما بقى الا فلم طارق العلي

يعني ما دشيته علشان اهوا فلم طارق حتى لو كان الفلم لممثل ثاني جان هم دشيته لان وقتها بنروح سينما وماكو شي غير هالفلم الي مو شايفينه ويناسب وقتنه

وطارق العلي قبل قبل قبل قبل كان يضحك الحين للأسف كل كلامه مكرر ما عنده شي ييديد

واخذ/ي راحتك/ج

شكرا :)