مولتن كيك

صارلي فتره ادور شنو احسن طريقة للمولتن كيك

ولقيت 4 طرق وسويت تصفيات واستقريت على هذي الطريقه الي خذيتها من منتدى كويتيات

المقادير:
4 بيضات
8 ملاعق طحين
ملعقتين كاكاو بودر
1 ملعقة صغيره بيكينج باودر
6 آرو الحجم المتوسط
آيس كريم فانيلا

نخلط البيض والطحين والبيكينج باودر وكاكاو بودر في الخلاط الكهربائي

نذوب الآرو بحمام مائي

بعد ما تختلط المقادير نضيف عليهم الآرو


ونخلطهم مع بعض


ندهن الاكواب بالزيت والقليل من الطحين والكاكاو

نصب الخليط داخل الأكواب بس ما نترسه

ندخله الفرن لمدة 10 دقائق فقط لاغير

ونضيف له الآيس كريم

مادري ليش صار شكلهم جذي ههههههههههههه

الكاكاو يكون ذايب داخل

ملاحظه:

1. تقدم ساخنة

2. انا ما لقيت الآرو الكبير فاستخدمت الميني وحطيت 14 واحد

3. كمية الطحين اعتقد انها وايد لو تكون اقل تصير احلى

4. طعمها شويه صار ماصخ يفضل انكم تضيفون عليها القليل من السكر

5. الأكواب شريتهم من سيتي سنتر وخذيت الحجم المتوسط

6. اذا عندكم طريقه ثانيه ومجربينها كتبوها لي إذا ما عليكم أمر :>

الفورنو

اليوم ريوقنه كان في الفورنو

اول ما دشينه الأفنيوز ولا لويه وعفسه وناس متيمعين

جان اخذ كاميرتي واتليقف لان لفت نظري هالحصان هههههه

اخر شي طلع مطعم يديد اسمه P.F.CHANG'S

بيفتح يوم الأربعاء 9/12/2009

ستاف المطعم مستانسين وقاعدين يصورون

دشينه المطعم على الساعه 10:45 باقي ربع ساعه ويخلص الريوق زين لحقنه ههههههه

احلى شي ان المطعم مافيه ولا احد الا احنه

هذا المنيو

طلبنه نص المنيو :q

لما يه بعيد لنه الطلبات طبعا الاسامي ابداع لووووول

واحنا متنحين جان اقوله خير انشاءالله مادري صح او لا بس اشوه طلع صح

كاستينو دي بانيه كون مارميللاتا إي بوررو

الي يقول اسم هالطلب 3 مرات اعزمه على الريوق :q

توست وخبز مع زبده ومربى وعسل

كابتشينو

عصير ليمون ونعناع

فريتاتا اسباراجي إي فونغي

اومليت جبن ومشروم

يقولون حلوه (انا مو صوب البيض)

فوكاشيا الفورماجيو بومودوريني

بس طلبناها بدون طماط

لذيييييييييييييييييييييييييييييييييييييييذه

بانوززو فارسيتو الأورينتالليه

حلوم مشوي وخيار وطماط وخس وزيتون

لذييييييذه

روتولو كون تاتشينو إي موزاريلا إي بومودورو

فوكاشيا مع الديك الرومي وجبن الموزاريلا وطماطم

هم لذيييييذه

الأكل كان كله لذييييذ ماكو شي ما عجبني

هذي المره الأولى الي اروحله ريوق قبل كنت كله اروحله غدى او عشا

وهذا الريوق كان عباره عن 3 وجبات (ريوق - غدا - عشا)

-------------------------------

بعد ما طلعنه مرينه ستي سنتر جان تقولي اختي شوووووووفي

@@

وطبعا بدووووون تفكييييير خمطتها ومشيت

والحين ترستها ماي وكل شوي اصب منها لما حصلت لي زفه من امي

لاني مو حاطه قلاص تلفت الدنيا ههههههههههه

وسلامتكم

البيرق

رحلتنا اليوم في مجمع البيرق

وايد سمعت عنه انه مو حلو وما يسوى تتعنون له

بس قلنه نروح ونشوف خاصة ان ما كان عندنه شي قلنه نتطمش

يالله تعالوا معاي نتمشى فيه

رحنه اليوم "الخميس - الساعة 3 العصر"

وناسه كان هدوووووء


نافوره

سينسكيب متواجده ايضا


المطاعم الي موجودين كلهم فاست فود ومو ذاك الزود

وفي بعد وايد مطاعم ما افتحوا

أوصخ مطعم بالدنيا

سنتر بوينت

هذا المحل صورته حق رورو

لو فيه قدج جان يبته هههههه

وما شريت الا تاج وشباصات حق البيت

هالشباصه باللبس حدها عبيطه

ما اعجبوني المحلات الي فيه والمطاعم كلهم فاست فود

والممرات الي تمشون فيهم في الادوار صغيره وكل دور فيه فتحه كبيره وايد تطلون على الي تحت

لو مصغرين الفتحه ومكبرين الممرات احسن يعني بالزحمه ناس تدز ناس

تقييمي للمول 40%

عصير الموكا!

المقادير:

1 كوب عصير مانجو
1 كوب فراوله
1/2 كوب عصير جوافه
موزه (او ثنتين على حسب الحجم انا استخدمت 1)
1/4 كوب ماء

ملاحظة: يمكن اضافة القليل من السكر

تخلط المكونات مع بعض في الخلاط الكهربائي

وبالعافيه


حطيته بقلاصي المثلج جان يصير آيس كريم لوووووول

لذييييييذ


شكرا المباركية على الوصفه


بس وين الموكا؟ @@

سليمان الطيب!

انا مو من المتضامنين بالحمله راح اكتب واكتب واكتب :q لوووول

ما اعتقد ان في احد يقدر يمنع المدونين (مو انا طبعا) ولا انتوا شرايكم؟

-------------------------------

المهم ما علينه

من المسلملات الي احبها والي حفظتها من كثر ما شفته ولا امل منها مسلسل

سليمان الطيب

امس كنت قاعده اقول جان زين يحطونها

وحاليا قاعدين يعرضونها جنهم اسمعوني ههههههه

اليوم الحلقة الأولى

مقدمة المسلسل

انا ميس باتمان انا ام سليمان

دايما مني تيك كير بالنهار وبالليل

ابيع حتى البياجر كله كاش ما انطر باجر

الفلوس هي عز وامان وبكل شي انا اتاجر

الي يبي يشوفها تعرض على قناة فنون الساعه 4 عصرا