الجمعة، 4 ديسمبر، 2009

البيرق

رحلتنا اليوم في مجمع البيرق

وايد سمعت عنه انه مو حلو وما يسوى تتعنون له

بس قلنه نروح ونشوف خاصة ان ما كان عندنه شي قلنه نتطمش

يالله تعالوا معاي نتمشى فيه

رحنه اليوم "الخميس - الساعة 3 العصر"


وناسه كان هدوووووء


نافوره


سينسكيب متواجده ايضا


المطاعم الي موجودين كلهم فاست فود ومو ذاك الزود

وفي بعد وايد مطاعم ما افتحوا


أوصخ مطعم بالدنيا


سنتر بوينت




هذا المحل صورته حق رورو


لو فيه قدج جان يبته هههههه


وما شريت الا تاج وشباصات حق البيت


هالشباصه باللبس حدها عبيطه


ما اعجبوني المحلات الي فيه والمطاعم كلهم فاست فود

والممرات الي تمشون فيهم في الادوار صغيره وكل دور فيه فتحه كبيره وايد تطلون على الي تحت

لو مصغرين الفتحه ومكبرين الممرات احسن يعني بالزحمه ناس تدز ناس

تقييمي للمول 40%

هناك 26 تعليقًا:

Hanan يقول...

المجمع مو ذاك الزود بس أحلى شي السينما قريبة عندنا و ما نتعنا نروح الكوت أو الافنيوز .
و عجبتني أوصخ مطعم بالدنيا خخخخ

شاي الضحى يقول...

حنان

اي ما عجبني

السينما مادشيتها بس تعتبر بعيده من بيتنه

شكرا :)

رورو الشخبوطه يقول...

هلا جايونه..

ماشاءالله خوش تقرير ..

خخ اتخيل شكلي بالتنكري متقلقصه وكاش ..

عندي نفنوف تنكري بس مال بنات :)

وماشاءالله يونس التاج احب هالسوالف خخ ملبوس العافيه يارب..

انا حاطه هالمجمع بلستتي بس المحلات اللي فيه مو سبشل :\

جني بهون خخ عقب تقريرج..

مرسي..

Made n Q8 يقول...

حلو التقرير يسلمووو

بس الي لاحظته ان مكياج المنصور مطور يحليله عكس الي بالديره

وعلييج بالعافية

شاي الضحى يقول...

رورو

لوووول عجيب اللبس شكله مو بوطقه يالله اخذيه حق عيالج

عندي تيجان من هالطقه وايد واشكال عبيطه استانس عليهم

لا روحي يمكن يعجبج :)

حياج الله

شاي الضحى يقول...

ميد

والله مادري مو رايحتله بس اختي تقول هذا اصغر من الي بالسالميه وارتب

الله يعافيج ... مشكوره :)

رورو الشخبوطه يقول...

خخ اخاف اخذه افقر عمري وعقب اطلع مثل الله لايبلانا سلوى المطيري ..

بشوف ع يوم نزرق له اذا دليناه طبعا :)

وناسه راوينا اياهم وبالعافيه عليج يارب..

انا كان عندي واحد ايام رابع ثانوي اهو مال اختي بس انا احبه فكله البسه يونس في قرون سبرنغ تتحرك خخ..

والله يحيج و مكه يودينا ويوديج يارب..

شاي الضحى يقول...

رورو

لووووول سلوى احسن منج؟ ههههه


ترا ما يضيع احنا رحنه بدون ما ندل طلعي على خط الفحيحيل وكله سيده صعدي جسر الفنطاس بعدين يمين مو اول اشاره الثانيه اخذيها يسار وتلقينه على يمينج واهوا يبين من بعيد انتي لحقيه ههههه :q

آميييين ... ذاك اليوم امي قالت بتحجز حق العمره الحين جنها هونت :(

شكرا :)

رورو الشخبوطه يقول...

خخ ..

لا وي استغفرالله ..

خل اسال لجمي بيه اذا يدله..

ومرسي ع الوصف ..

ان شاءالله بتروحون مع زعفرانه وانا وياكم لزقه خخخ..

شاي الضحى يقول...

رورو

اذا ما دله انا اوديج :q

انشاءالله ... الله يسمع منج :)

daloo3a يقول...

زين والله ^^

Fishah يقول...

خوش تقرير .. احلى شي التاج اللي شريتيه ههههه :))

نبض الأدب يقول...

الصراحة ما تشجعت أروح له .. يقولون زحمة ودز مدازز و تخمط =/

يعطيج العافية عالتقرير ^^

اجتماعي يقول...

عرفي المنطقة .. تعرفين المجمع : d

كان ودي أشوفه ..
بس اللي عرفته إنه بس للعوايل

فـ شفناه عن طريق مدونتج : )
و زين إني ما رحت ..

شكرا لج ..

"ثالث مرة أعلق بدون متاعب"

شاي الضحى يقول...

دلووعه

لا والله زوين :q

شاي الضحى يقول...

فشه

مشكوره ... اي عجيب :q


شكرا

شاي الضحى يقول...

نبض الأدب

الي يقولون زحمه يمكن يروحون بليل انا رحت من الساعه 3 لي الساعه 6 وشي كان هدووووووء مثل ما انتي شايفه بالصور ماكو احد


الله يعافيج ... حياج الله :)

she is me يقول...

أمي وخواتي راحوله الضحى .. يقولون حلو
راحتله خالتي مع إختي الي ماراحت مع خواتي بالليل .. يقولون يلوع الجبد

صراحة ما تشجعت أروحله .. يمكن بسبب موقعه..

شاي الضحى يقول...

اجتماعي

لووول لا رحنه مبجر ماكو احد :)

اي صح مادري ليش عوايل صج فكونه من بعض الشباب بس في بعظهم ماعندهم هالسوالف ... لما طلعنه شفنه وايد شباب عند الباب يبون يدشون مو مخلينهم

حياك الله اخوي :)

شاي الضحى يقول...

She is me

اي اهوا حلاته مبجر وهدوء وهم مو ذاك الزود لان محلاته بعد مو حلوه ماكو شي يديد :)


شكرا :)

Engineer A يقول...

عليج بالعافية .. يلا تغيير

أنا مارحت له .. مو قريب يمنا ومادري تقرير خلاني أحس انه ما يسوى العنوة!

معطيته 40% الله يهداج كلش ما تشجعين :)

شاي الضحى يقول...

Engineer

الله يعافيج ... احب التغيير واروح اماكن مارحت لها من قبل :)

اي اهوا عيبه بعيد طريج شطوله جنه سفر ههههه

%40 لان مثل ما قلت المحلات ما اعجبتني والمطاعم والممرات الي فوق وايد صغيره يعني وقت الزحمه شنو بيصير :)


شكرا

SHAHAD يقول...

شكله حلو
بس ما شوقتيني لوول

6umasha يقول...

ana wlaa marra ree7tlaa , t9aadgen shwqtenii chena wede arou7 aftaar feeeeh :P

شاي الضحى يقول...

شهد

اي لانه مليق ما يشوق هههه :)

شاي الضحى يقول...

طماشه

روحي يمكن يعجبج :)