الثلاثاء، 20 أكتوبر، 2009

INGLOT

قبل جم اسبوع فتح محل INGLOT في مجمع الأفنيوز

وطبعا هالمحل متخصص بالميك اب

انا دشيته مع اني مالي شغل بالميك اب ولا اعرف شي عنه بس عجبوني الالوان

عندهم كل درجات الالوان وفي الوان غريبه

وفي عندهم Lip Gloss يقط الوان لووووول

والي لفت نظري صبغ الأظافر عندهم الوان وااااايد حلوه والوان غريبه مثل ازرق واصفر واخضر .... الخ

واحترت اي لون اخذ انا ما احط الا الاحمر ودرجاته او الوردي ودرجاته

فقررت اخذ وردي صج توهقت عندهم درجات تكون متقاربه من بعض يعني ما تفرق وايد

وفي نوعين مطفي او لمعه

واحترت بين 2 وخليت امي واختي ينقون ولما اختاروا جان اخذ الثاني ليش مخليتهم ينقون مادري هههههههههه



واسعارهم تعتبر مو غاليه

خذيت الصبغ بـ 3 دنانير

عندهم موقع بس ليلحين ما خلص

واذا بتشوفون صور عن المحل (بس مو بالكويت)

اضغط هنا

هناك 12 تعليقًا:

٣٧٠ درجة يقول...

بس بقول لج انه عاجبني اسم المدونه و القوري اللي حاطته .. يعطيج العافيه، اسلوبك ممتع :)

شاي الضحى يقول...

370 درجه

مشكور اخوي ... الله يعافيك :)


حياك الله ونورت :>

رورو الشخبوطه يقول...

السلام..

بالعافيه يارب ..

جربتي اصباغ كليرز حلوين ..

وانجلوت بروح اخذ قلوس بو الوان وقطرة العين و شنو بعد بشوف حمر طبيعيه ..

مرسوو..

ميمة السبيت يقول...

** جنج انا كلش ماكو علاقه بالميك اب يبيلنا ندش دورة ، عليج بالعافية بس سؤال صبغ اظافر اخضر ، ليش ؟

شاي الضحى يقول...

رورو

الله يعافيج .. لا ماجربتهم كله اشوفهم بس مادري ليش ما افكر اشتريهم شكلهم خربوطه ... انتي جربتيهم؟

قلوس بو الوان قالت الي تشتغل حق اختي انه حلو لما تحطينه بس مادري انا مو صوب المكياج كلش واختي ما خذته :)

مشكوره :>

شاي الضحى يقول...

ميمة

لا انا مابي دوره لاني ما احبه ولا اواطنه واحس جني حاطه ماسك بويهي :))

الله يعافيج ... اي في اخضر لما تحطينه شكل اظافرج جنه فيهم عفن ههههههه ... في بنات يحطون كل لون عادي عندهم انا حدي احمر ووردي غيره لا مستحيل :)

حياج الله :>

اجتماعي يقول...

مالي شغل بالميك أب وغيره ..

بس تعليقي هني ..
عشان أبلغج إني متابع المدونة ..

وطول الفترة اللي طافت كنت ما أقدر أعلق ..
الحين بعد ما غيرتي شكل المدونة ..
صارت التعليقات أسهل ..

مبرووووك عليج ..
ويعطيج العافية ..

وشكرا على الامبراطور : )

شاي الضحى يقول...

اجتماعي

البلوق معفوس لووووووووول ... كل شوي يطلع شكل

قبل شنو كان يطلع لك لما تعلق؟

الله يعافيك ... عفوا ما سويت شي بس عسى جربته؟!

حياك الله :>

اجتماعي يقول...

كنت أكتب تعليق بعدين ما يوصل ..
والبلوقات كلها تعلق ولازم أسوي رستارت

الحين الحمدلله كل شي تمام ..

والامبراطور مجربه بمحلات العصير ..
أما وصفة البيت ما جربتها

بنجربها هالويك إند :)

شاي الضحى يقول...

اجتماعي

يالله زين دامه تعدل الله يتمم عليه انشالله :)))

انا ما كنت مجربته بس لما قلت لي تبي الطريقه دورتها وسويته وطعمه لذيذ :)

رورو الشخبوطه يقول...

بااج..

يس جربته خيتو مامدحته لج الا مجربته وحطيت عنه ببلوقي بس من زمان واللون اللي جربته احمر وماخذه بنفسجي غامج لاختي وردي لي و ازرق خخ ويع حطيته كنت ببجي ..

بس الاحمر عجيب حتى اللي بالدوام مدحوه وحده منهم يبت له اياه 2 يوم تصبغت فيه :)

انا بس احط بالمناسبات وناعم بعد بس هذا شفته ع وحده وعجبني لو مو شايفته جان ماعجبني لانه شكله بروحه بالغرشه شفته وحسيته اوفر بس ع البنت حلوو ماشاءالله..

العفو ولو..

كنت بقولج حياج الله حسبالي بلوقي خخ كل اخربط بين بلوقي وابلوقج لانه الخلفيه بيضا ..

شاي الضحى يقول...

رورو

ولكم باج على قولتج ههههه

عاد الاحمر الي كل ما اشتري واحد يطلع خايس ومره شريت واحد من نيفيا والثاني مادري شسمه كان لونه وايد حلو بس تدرين شنو المشكله الي عندي اني كل ما اشتري صبغ اصبغ فيه وبعدين بصبغ الشهر الي وراه القاه يتمغط وصاير ناشف شوي يبطون جبدي يعني كل واحد اشتريه اصبغ فيه مره

اعتبريه بلوقج وقولي الي تبينه انتي اخت عزيزه :)))