الخميس، 22 أكتوبر، 2009

Brownies

المقادير:
1 و 4/1 كوب طحين
4 بيضات
1 زبده
3/4 كوب كاكاو بودر
1 و 4/3 كوب سكر
رشة فانيلا
1/4 ملعقة صغيره بيكربونات
1/4 ملعقة صغيره ملح

للتزيين:
صلصة الكراميل
كاكاو هيرشيز
آيس كريم

الطريقة:

نسخن الفرن

ونذوب الزبده


ندهن صينية الجيزكيك بالقليل من الزبده


وباقي الزبده نخلطها مع الكاكاو البودر

لما يصير الخليط ناعم


نخفق البيض بالخلاط الكهربائي على السرعه الكبيره




ونضيف له السكر بشكل تدريجي لما يصير مزيج محبب




نغير سرعة الخلاط ونخليها على السرعه الخفيفه

ونضيف له خليط الزبده مع الكاكاو + رشة فانيلا




نخلط الطحين مع البيكربونات والملح



بعدها نضيفه في المقادير الي بالخلاط الكهربائي

لما يتجانس


نضع القليل من الهيرشيز على الخليط

ويخلط باليد



نصب الخليط في صحن الجيزكيك


ونحطه بالفرن من 35 إلى 45 دقيقه

بعدها طلعوها بره لمدة ساعه خلوها تبرد


وتزين بالآيس كريم مع صلصة الكاراميل والهيرشيز



وبالعافيه

هناك 14 تعليقًا:

chandal/danchal!! يقول...

يا سلام عليج "شطورة"


مع قهوة وساعة صفا


تسلمين عالوصفة واجازة نهاية اسبوع سعيدة

:)

شاي الضحى يقول...

chandal

الله يسلمج ... مشكوره


حياج الله :>

Hope يقول...

Nice =]
بس انا اسويه بطريقه ثانيه
شوي مختلفه عن طريقتج
احسج وايد مستخدمه سكر و زبده
بس شكلها يشهــــــــــــي
عليج بألف عافيه و تسلم ايدج

شاي الضحى يقول...

Hope

اهيا لها طرق وايد ... انا جربتها مره عند رفيجتي تصير وايد لينه وتحسين بطعم المقادير الي فيها ووايد شيره ... بس هذي الطريقه اعجبتني انه لما تاكلينها تحسين صج براوني ... وما تصير شيره

الله يعافيج وسلمج ... حياج الله :>>

mazyona777 يقول...

واااااااااااااااو
شهيتيني
تسلمين
انشاءالله نصير اصدقاء

شاي الضحى يقول...

mazyona777

الله يسلمج :) وانشالله نكون اصدقاء

مشكوره وحياج الله :>

رورو الشخبوطه يقول...

السلام..

بالعافيه يارب..

غرامي البراوني اللي عليها ككاو سايح كنت اخذها من كايبوو بالجامعه اما بالباجي مافي :(

ولما اطلبها الغي البرد :) ماحبه وايد..

وتسلم ايدج يارب..

مرسو..

شاي الضحى يقول...

رورو

الله يعافيج ... انا ما احب اكله بروحه لازم مع برد :)))

الله يسلمج حبيبتي .. مشكوره :>

نمووول يقول...

وعقدني يا معقدني
زين لما اخلص من كل هالشغل
اكله ولا اعرضة بالبيت ؟
شكراً

شاي الضحى يقول...

نمووول

لووووول لا اعرضها ساعه كامله وصور معاها بعدين اكلها وبالعافيه ههههههههههههه

عفوا ... حياك الله :)

ميمة السبيت يقول...

** يله نقدر نطلب يبيله حق الدوام مع القهوة


تسلم ايدج شكلها وايد حلوه

شاي الضحى يقول...

ميمة السبيت

الله يسلمج ... مشكوره :>

Hanan يقول...

ماشاءالله عليج .. تصدقين صار لي فترة ببالي اسوي بروانيز ، والحين دشت ببالي و ان شاءالله بشتري المكونات اليوم اذا قدرت..يعطيج العافية :)

بسألج سؤال خارجي p:
مدونة طماشة تبطل عندج؟
انا صار لي فترة احاول ادخلها بس ما تبطل !!

شاي الضحى يقول...

Hanan

انا مسويتها لانها كانت ببالج هههههه ... جربيها وعطيني رايج .. الله يعافيج :)

لا طماشة شكله اعتزل مهنة التدوين :>


مشكوره :)