الجمعة، 11 ديسمبر، 2009

التاج

الحلوة دلوعة الإمارات اهدتي التاج

فلازم اجاوب على الأسئلة

وعقبال ما يهدوني تاج الملكه ههههههه

اسمك واسم مدونتك؟

اسمي على اسم مدونتي ... شاي الضحى


احب الالوان؟ الايام؟ الارقام؟

الأبيض ... الخميس ... 10


برجك وتاريخ ميلادك؟

الميزان ... 10/10/1987م


اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

سألت أمي قالت لي حليوه ومرحه ومحبوبه لووووول

وسألتها بعد عن عيوبي قالت لي تتنرفزين بسرعه ... وانا اشوف اني عنيده وايد

اتمنى اني اعرف شلون اجامل الناس


ماهو مكانك المفضل؟

أي مكان هادي وفيه لعب ووناسه


ايه هى هوايتك المفضله؟

العزف على البيانو


ما المقوله اللى تؤمن بها؟

يوجد دائماً من هو أشقى منك، فابتسم

أن تكون فرداً في جماعة الأسود خير لك من أن تكون قائداً للنعام (هالمثل يذكرني بمادة حقوق إنسان)


اجمل هديه قدمت لك من مين؟

كل هديه لها وقتها ولها حلاوتها :>


اسعد يوم فى حياتك؟ واتعس يوم فى حياتك؟

كل أيامي سعيده الحمدلله :)

ما عندي يوم تعيس ... عندي لحظات تعيسة


موقف طريف لا ينسى من ذاكرتك؟

حياتي مليئة بالمواقف الطريفة ... الموقف الي اذكره حالياً

آخر كورس كنت متأخرة على محاظرتي وقعدت اركض وانا اصعد الدري لحقني واحد وطول الوقت يناديني لو سمحتي لو سمحتي!! وانا حاقرته مادري منو هذا اخر شي جان التفت عليه قلت له نعم!!! وانا معصبه جان يمد ايده ويعطيني شي لما شفت شنو ولا ترجيتي طاحت وانا اركض ههههههه


معاك ثلاث وردات لمين تهديهم ؟

الوردة للأولى لأمي

الوردة الثانية لخواتي ورفيجاتي الي مثل خواتي

الوردة الثالثة لــــكـــم :>


معاك ثلاث رصاصات على من تطلقهم؟

الصراحه ما يكفوني 3 ابي أكثر ههههههه

الأولى القطاوه الي بالشوارع

الثانية الأغبيه الي ما يسوقون عدل

الثالثة لكل شخص ما تهمه مصلحة الكويت


ايه رايك فى الحب؟ ولمن تقول اجمل كلمه حب؟

الحب هو الشعور الدائم بالسعادة والارتياح ... وهو أجمل وأحلى شعور بالدنيا

لأمي ... ولشخص عزيز علي


هل من السهل ان تمثل الحب لشخص يحبك لعدم جرح مشاعره؟

أكيد لا ... ما تهمني مشاعره ولا احب التمثيل هههههههههه


المراه فى نظر الرجل ।لحظة الحنان ......... أكمل ؟

بحر من العواطف


الرجل فى نظر المراه...الآمان ..........أكمل؟

طفل بهيأة رجل


ماهو اسعد خبر سمعته هذا العام؟ وماهو اتعس خبر؟

اسعد خبر: تخرجي من الجامعة

اتعس خبر: حل مجلس الأمة 2009م لأن الدكتور غير موضوع بحثي وصار عن الحل :(


لمن تهدى التاج؟

رورو الشخبوطة

Made n Q8

{~المباركية~}

DoDoq8

هناك 14 تعليقًا:

رورو الشخبوطه يقول...

السلام..

لا تتعلمين المجامله الصراحه حلوه :) مي تو مااعرف اجامل ..

عندج ميزه انج وايد خدومه ..

و صج تتنرفزين بسرعه احم احم يبيلنا نتعلم شلون نخففها خخخ..

و خخخ وكسر خاطري الصبي ..

ومشكوره عالتاج بلبسه الحين :)

شاي الضحى يقول...

هلا رورو

صح مو حلوه بس بعض المرات نحتاجها ولا بننحط بموقف محرج وانا كله منحطه بهالموقف وياخذون عني فكره

صج؟ توني ادري هههههه

لووووول انتي بعد نفس حالتي :q

اي وعليه خخخخ

العفو يالله ناطره بوستج :)


مشكوره

DoDoq8 يقول...

لووووووووووووووول

انا عكس رورو اقولج لازم تتعلمين تجاملين احنا بزمن مجاملات

ولحظه مافهمت شسالفه التااج انا حدي شبااصه

هل المفروض اجاوب على الاسئله

شاي الضحى يقول...

دودو

اي عشان جذي انا قلت ابي اتعلم لان الي صاير كله مجاملات في مجاملات

لووووول لا هالمره كشخي بالتاج

لازم تجاوبين على الأسئلة نفسها ببلوقج :)


مشكوره :>

رورو الشخبوطه يقول...

جايونه عدلبموزوعي حطيتلج اهداء..

والمجامله بالنسبه لكم شلون ؟؟

انااذااحد سالني عن شي عاجبني اذا اي بمدحه واذكر الله..

اذا لا برقع عشان ماحطمه صج ساعات اخوره بس الاغلب اقول انت عاجبك ؟؟ او عسى مو غالي و الخ..

بساني اجامل بتشلخ و ادهنسيرالمدير وغيره لا طبعا :\

من جذي اقولج الصراحه حلوه باسلوب راقي و العفويه احلى ..

شاي الضحى يقول...

ولكم رورو

الحين اشوفه

اي اذا احد سألني وايد ادقر بالأوادم لووووول

واذا كان في يمعات من اهلنه او حتى ناس ما اعرفهم اذا مو عاجبيني وايد ادقر فيهر وعلى كل شي اعلق واقطها بالويه ... بالعيد الي طاف صارت مواقف تفشل من هالنوع لوووووول عشان جذي اقول ابي اجامل الناس عشان ما انحط بموقف محرج

التشخلع هذي قلة ادب ودهان سير المدير هذي تمصلح مو مجاملات

:)

Made n Q8 يقول...

مبروك التاج

وخلج بعييد عن المجاملات ما راح تفيدج

وصدقتي عن الي مايعرفون يسوقون والي يقهر انهم غلطانين واهم الي يعصبون خخخ

شاي الضحى يقول...

Made

الله يبارك فيج عاد حلو علي؟ هههههههه

تهقين؟ لوول

اي وساعات يلحقونج ويزفون ومعصبين الحمدلله والشكر


يالله ناطرتج تجاوبين على الأسئلة :)

مشكوره :>

{~المباركية~} يقول...

عقبال تاج الرئاسه لول
بالكويت مايكفي 3 رصاصات
يه يه سويتيني ملك لول

شاي الضحى يقول...

المباركية

الله يسمع منك هههههههه

اي والله ... الله يعين :)

اي من قدك يا ملك ... يالله ناطره اجوبتك :>


حياك الله :>

رورو الشخبوطه يقول...

تشلخ =الجذب..

مو تشخلع خخخ..

شاي الضحى يقول...

لووووووول قريتها تشخلع :q

اي الجذب نوع من المجامله بس مو هذا الي قصدي



شكرا للتوضيح :)

سايق باص يقول...

آخر كورس كنت متأخرة على محاظرتي وقعدت اركض وانا اصعد الدري لحقني واحد وطول الوقت يناديني لو سمحتي لو سمحتي!! وانا حاقرته مادري منو هذا اخر شي جان التفت عليه قلت له نعم!!! وانا معصبه جان يمد ايده ويعطيني شي لما شفت شنو ولا ترجيتي طاحت وانا اركض ههههههه





لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

شاي الضحى يقول...

سايق باص


دوم الضحكه


اخاف انت الي يبتلي الترجيه ههههههههههههه


شكرا :)