جريدة الدار كاتبين عن بلوقي في "حديث المدونات"
بالعدد الصادر بتاريخ 4/نوفمبر/2009!
بالعدد الصادر بتاريخ 4/نوفمبر/2009!
طبعا انا ما كنت ادري
قبل شوي زعفرانه حطتلي لنك الجريده وقالت شوفي شنو كاتبين عن بلوقج
اضغط هنا لقراءة الموضوع
حرام عليكم يا جريدة الدار ليش سويتوني صبي؟! ههههههههه
شــكــراً لجريدة الدار
-----------------------------------------
اليوم الجو كان يهبل فقررنه نروح مجمع الكوت
ودشينه فلم A Perfect Getaway
السينما كانت فاضيه
تصدقون طاحت من عيني سينما الكوت صارت قدييييييمه وايد وكراسيها مو مريحه
احلى سينما 360 والأفنيوز
لا يطووووووفكم الفلم حده عجيب
لي اخر الفلم وانتوا ما تعرفون منو الزين ومنو الشين!
وعقب ما طلعنه رحنه المنشر وتغدينه في شيليز
وطلبت هذا مادري شسمه اول مره اجربه بس كان حلو
عقبها ردينه الكوت وتمشينه بعدها صار وقت الـشـاي
وانا ما احب اي جاي لازم ليبتون وبمطارة امي ههههههههه
المهم قعدنه نحوس عند الكافيهات جان اشوف ريال قاعد يشرب جاي ليبتون
قلت خلاص ابي هالكافيه
يا حلو الجويهه
بس الي بمطارة امي احلى
وقعدنه لي المغرب وردينه
بس خوش رحله ماكو زحمه وهدووووء
------------------------------------
صورة أخرى من زعفرانه
محاولة فاشله يا اختي العزيزه ههههههههههه
سويتيه مدربح
هناك 34 تعليقًا:
هي هي هي مبروك حطوج بالجريده
عقبال يحطوني لوول عاد من زين مواضيعي
اخيه صج على هالجو مو بس مال جاي مال درابيل بعد لول
و مجمع الكوت حده على اذا كان الجو صافي
بالعافيه
السلام..
ماكنت ادري انه الدار تحط عن البلوقات بس كنت اعرف الجريدة و الحين الوطن هبت تحط ..
بس ع البركه تستاهلين عقبال التوب ون خخخ:P
والصورة الاولى حلوه ماشاءالله..
ودي اروح السينما بس مالي خلق اطلع + مفلسه + خواتي عندهم امتحانات :\
وبالعافيه يارب..
ورجل الثلج خخخ خطير ..
مشكوره..
شاي الضحى ممكن توقيع؟ هههههههههه
دبي قامو يقلبون شيكاغو مادري اليابان .. عقالنا يا جيرانّا
ويامعوده هاذا يسمونه المحاولة والخطأ .. ان شالله على ما تخلص دراستها بتشوفون سنو مان عجيب .. بتقولين وتين قالت :)
حبي
مبروك وجود مدونتج على جريدة الدار تستاهلين :)
وشلون الموفي؟ تنصحين فيه؟
عليكم بالعافية خوش غدا و خوش شاي :)
المباركيه
الله يبارك فيك :q
ما تدري يمكن حاطينك دور اسم بلوقك في قوقل
هههههههههه شوقتني بس الدرابيل ممنوع حاليا :(
الله يعافيك
شكرا :)
رورو
اي انا بعد استغربت لما قالت لي زعفرانه
الله يبارك فيج حبيبتي .. واذا على التوب ون ماني قايله انتي تعرفين ههههههههه :q
افا عليج انا امرج
الله يعافيج
اي حده خطير
العفو
حياج الله :>
الوتين
هممممممممم افكر بالموضوع :q
الله يهنيهم
يمكن ليش لا كل شي جايز
حياج الله :>
ENG
الله يبارك فيج والفال لج :)
اي والله انصح فيه وايد حلو صج ان مقطع واااااااااايد بس هم حلو
الله يعافيج
مشكوره :>
مبروووك
انشالله الفال لنا
My Books
الله يبارك فيج :)
ان شاءالله
شكرا
مبـــروووك نزول مدونتج الجميلة بالجريدة
فعلاً خبر مفــرح ...
حلوة رحلة يومج .. بالعافية عليكم هاليوم الحلو
و انشالله كل ايامج حلوة :)
تحياتي
Mabrouk :) You're blog deserves to be mentioned 9ara7atan :)
مبرووووك تستاهلين كل خيير ما شاءالله علييج متميزة :)
عــــلــــى البــــركــــة:***
يلا بمناسبة الاصدارر نبي رحله كلناا الكــوت الي مارحتله الا 3 مرات يمكن
ههههه تستاهلين يالغالية تستاهلين
و هني الغدا هني السينما و هني الشاااااي
و على طاري الشاي و جربي تحطين فيه "مراميه" و شــوفي الطعم!
مبــــــرووك مره ثانيه و منها لالعلى انشالله
وناسه...
فرحت لك اختي...
و تستاهلين
عقبالنا :)
ما أحب اروح السينما هنا ف قطر... احيانا كثيرة يكون اللي حواليك يسولفون..و بعضهم ما يحطون جوالاتهم ع الصامت..و لا...يردون ع الاتصال لو رن...
الله يؤنسكم بكل خير..
تحياتي
ساره
الله يبارك فيج مشكوره
الله يعافيج وان شاءالله ايامنه وايامكم كلها حلوه :)
حياج الله :>
notmartha
الله يبارك فيج :)
مشكوره وما قصرتي
حياج الله :>
Made
الله يبارك فيج حبيبتي :)
تسلمين مشكوره
حياج الله
NOIR
الله يبارك فيج :)
خلاص الويك اند الياي ازهب الباص ونروح كلنه مع بعض هههههههه
والله يهنيج بالإيمان وطاعة الرحمن
ما احب احط فيه شي ... بس جربت المراميه مع الجاي الاخضر قبل فتره كان طعمه حلو بس ان شاءالله بجربه
مشكوره وماقصرتي
حياج الله :>
جنون عاقل
تستاهل الطيب اخوي :)
ان شاءالله
اكره شي الي يسولفون مادري ليش يدشون السينما بتسولفون طلعوا بره
الموبايل ما صادفني وايد ان يرن نادر جدا
احلى شي تروح بوقت السينما تكون فاضيه
مشكور
وحياك الله اخوي :)
ماشاءالله شعليج حاطين بلوقج بالجريده
وعقبال التوب تن والله تستاهلين
عليج بالعافيه الغدا والشاي
حدج شوقتيني أروح الكوت أتغدا بالهجو :)
q8-lawyer
الفال لبلوقكم انشاءالله
الله يعافيج
اي والله روحي ياحلو القعده جبال النافوره بهالجو :)
مشكوره :>
مبروووووووك تستاهلين كل خير
وخووش طلعه ماشاالله عليكم بالعافيه
وقولي لزعفرانه اذا حطو بلوقنا تقولنا ههههههههههههه
إختيار جريدة الدار لبلوقج إختيار موفق ، البلوق و صاحبته يستاهلون كل خير p=
و لول الطلعه تشوق و الكويت هالأيام تمر بهدوء جميل بسبة الإمتحانات ، إستغلي هالفرصه و طلعي ، أما احنا فـ دعواتج لنا بالتوفيق بهالإمتحانات :×
كريزي
الله يبارك فليج :)
الله يعافيج
ههههههه زعفرانه عندها امتحانات الحين ولقت الموضوع بالصدفه .. سوي سيرج باسم بلوقج وشوفي المواضيع الي تطلعلج :)
حياج الله :>
ثلجيه
حبيبتي وانتي تستاهلين الطيب :)
اي والله احلى شي لو يسوون الامتحانات على طول احسن :q ههههه
وموفقه بالامتحانات :)
شكرا :>
لوووول
قالوا "ناشر المدونة "
يعني ما حددوا صبي ولا بنت
P=
-----------
بس وناسة لووول حاطين موضوعج
P=
================
اهم شي السينما فاضية
ها رحتي فلم شرلوك هولمز ولا لأ ؟
P=
==================
الله يعت .. بروح اكل من تشيليز
وصورة الثلج تحر ترى !
ابي ثلج !
xP
====================
خوش بوست
=)
لووووووووووول الله يعطيج العافية
بس الواحد يحتر يعني ناس تلعب بالثلج وناس تطالع ملابسها الشتوية بالكبت تقول متى راح البسكم!!
والله وناااسه ^^
هاشم
لااااااا مابي مابي لازم يقولون ناشرةةةةة المدونه :q
لا حسيت ماراح يعجبني مادري ليش بس روح هالفلم وايد حلو :)
اكو ثلج صناعي اخذلك علبه وسولك سنو ببيتكم والعب فيه :q
مشكور اخوي :>
اعلامي
الله يعافيك اخوي
ههههههههههه الملابس الشتويه هالسنه مالهم دور كلش سلم عليهم وقولهم اشوفكم السنه اليايه :q
حياك الله :>
دلووعه
وناسه الجريده ولا الطلعه ولا الثلج؟ هههههه :q
مشكوره :)
:)
يا سلام .. صرتي مشهوره ..
ثبتي موضوعك هذا ..
:)
أميره
احم احم تبين توقيع ولا صوره؟ :q
هممممممم لا ماله داعي
مشكوره :>
إرسال تعليق