الأربعاء، 20 يناير 2010

سوق المباركية

أمس الحمدلله قعدت من النوم وانا بكامل نشاطي

فقلت حق امي ابي اروح السوق .. رحنه وشفنه تو الناس فمرينه سوق المباركيه

هذا سوق الغربللي

وكنت رايحه ابي اتمشى واتطمش


وصلت عند محل الألعاب جان ادش واحوس فيه



وشفت لعبة صيد الأسماك (الحداق)

مادري اذا انتوا عندكم قديمه او لا؟

بالنسبه لي اللعبه ليلحين عندي وانا وزعفرانه كله نلعب فيها


وهذي بعد مالت قبل

مادري شنو الهدف منها لوووول


فيووووولي يطق طبل


هذي امي اول ما شافتها جان تقولي هذي مالت قبل

قلت لها ما اذكرها جان تقولي الديايه الي تمشي وتبيض

بعدين تذكرتها


طلعنه من المحل وتمشينه ...

ميني عباية


مرينه صوب المطاعم

وشفت محل فيه حوض سمج ... رحت جابلتهم

الريال شافني اصور جان يقولي عندج بحث للجامعه؟!

قلت له اي ههههههههه

قالي خلاص راح اطلع لج حاجات حلوه راس وكراعين ولسانات !!!

انا ما تكلمت ولا كلمه @@

جان تقوله امي لااااااااا لا تطلعلها اذا طلعت شي بنمشي

لان امي تدري شنو راح يصر :$


جان اقول حق امي بشتري ربيان مشوي حق الغدا


وامي قالت بتشتري سمجه مشويه حقها وحق اختي


طلع جم وحده وامي نقت هذي

اسمها سـبـيـطــــي


بعدها يه ريال ثاني وقاله سو لها خصم لانها تبيه حق البحث ههههههه

يابلي حمسة ربيان عشان اصورها حق الجريده! لول

بس لوعت جبدي .. قالي اختاري الحمسه الي تبينها .. قلت له ابي مشوي


قالنه بعد ربع ساعه يخلص الأكل جان تقولي امي امشي نتمشى

وودتني كشك قديم بس حسافه كان مسكر


جان توديني مكان ثاني

اول ما دشيت قلت: رقيه وسبيييييييييجه!


يحليله سوق الحريم ما تغير من ايام رقيه وسبيجه نفس الي نشوفه بالتلفزيون!

بس راحوا حريم قبل الحين كله هنديات الي يشتغلون


ولقيت بعد كشك قديم داخل سوق الحريم


وعنده فيول يمشي ويطلع صوت

بس ماشريته لان عندي نفسه


بطه وديايه يبيضون


ولقيت عنده اللعبه الي ابيها

وخليته يشغلها اشوف فيها تيترس او لا


هذا المسدس ما احبه كان عند ولد خالتي نفسه اخاف منه


لووووول تذكرونه؟


بعدها خذينه الأكل

هذي السمجه .. مادري وينها!

ما اشوف الا بصل وطماط

بس يقولون لذيييذه ومافيها زفره كلش كلش


انا كنت احاتي ريحة السمج لاني ما احبه بس والله ما شميت زفره

وهذا الربيان المشوي

خفيف ولذيذ ومافيه زفره


خبز إيراني


وآخر شي بس شريت هذي اللعبه عشان لما تيي زعفرانه ما تاخذ لعبتي


الي يبي يطلب من المطعم عندهم خدمة توصيل

مطعم ملك الصاج للمأكولات الإيرانية

فرع المباركية: 22410688 - 22474690

فرع السالمية: 25615666

وطق يا مطر طق بيتنا يديد ومرزامنا حديد

هناك 34 تعليقًا:

q8mirror يقول...

عليكم بالف عافية
خوش جولة شعبية
اكيد اسم السمج سبيطـــي؟؟صح والا لأ

بس عفوااول صورة هذه سوق الغربللي..يم سوق المباركية
عشان نحفظ الاشياء بمسمياتها ..ارجو انج معاي في هالشي؟؟
خوش صور..تسلم ايدج

اذا تحبين نقترح عليج جولة بسوق الصفافير،، راح تعجبج وتبدعين فيها انشالله

تقبلي مروري

شاي الضحى يقول...

q8mirror

الله يعافيك :)

اي صح توني سألت امي وقالت اسمها ""سبيطي""

والله انت ادرى انا كل شي اسميه المباركيه

الله يسلمك

سويت جوله قبل فتره بسوق الصفافير بس ما عجبني المكان ما يونس :)

حياك الله اخوي

وان شاءالله راح اعدل البوست

ومنكم نستفيد :)

Engineer A يقول...

بوست عجيب :)

امووت على سوق المباركية .. احب وايد اتمشى فيه بس عاد وين؟؟ وين وين يالا اروح له :(

وسوق الحريم يهبل صج وين أيام قبل ..

الصور روعة .. شكل السمجة ما يشجع لول

وكشك الألعاب "تحفة" ..

يعطيج العافية :)

شاي الضحى يقول...

ENG

انا ما احبه لان الي يشتغلون يبطون جبدي يلحقونج وطول الوقت تفضلي وتفضلي مابي اتفضل مو غصب!

راحت ايام قبل :)

اي شكلها يضحك لووووول بس يقولون طعمها لذيذ اهيا منخشه تحت هالدثره

هذا أثري لووول

الله يعافيج

مشكوره :>

barbar يقول...

الله شوقتيني على الروووحة صااارلي مدة طويلة مو رايحة المباركية :)

صج من الصور السووق نفسه ما تغير :)
بس حساافة على سووق الحريم إللي صار تحت إيد الهنود الله يرحم أيام رقية و سبيييجة :q

بس كله كوووم و لعبة الحداااق كووم ثااني :qq لوووول قبل فترة ماما شرتلي وحدة ياات بنت إختي و لعنت خيرها .. اللعبة كانت صاحية تدور بس عقب ما لعبت فيهاالهانم أشوف اللعبة بنجرت ما تتحرك شكلي بشتري وحدة ثاانية:q

و علييكم بالعافية الغداا :)

و شكلي بمرج يووم من الصبح نروح المباركية نعيد أيام الطفولة:q

غير معرف يقول...

يعطيج العافيه

والله هالمباركيه فيها فناتك وكل ما أروح اتذكر يدتي اله يرحمها برحمته

خو الحريم الكبار يموتون على هالاماكن اما بنات هالوقت يا الصالحيه يا الزهرا يا الأفنيوز

مو مال سمج وربيان مشوي من ايد هالمصري :-)

وبالعافيه الاكل

شاي الضحى يقول...

بربر

اي هذا اهوا بس صار كله هنووود

ههههههه يحليلها عيل تعالي لعبي معاي قبل سوجاتو بنت سوما قانت تشقنه شق شكينه فيها انها حداقه بالهند لووووول

الله يعافيج

لا مو مال المباركيه مريني ونروح نطلع مكان ثاني قبل الوظيفه :q

حياج الله :>

الوتيــــــــــن يقول...

آنا أقرا وعيوني جذي #_# من الوناسه

شيشتيني عقب الامتحانات اودي عيال اختي اهناك والوالده بعد .. تموت عالسمجه ..
ومبروك عاللعبه زين حصلتيها

متى اخلصصصصصصصصصصصصصصص ابي اعطّللللللل طلع ميخي من التصحيح والرصد

شوشو.. تعالي اخذيني ياخيتي :|
وسلمي على زعفرانه :) شخبار اختباراتها؟

مسالورد والياسمين

شاي الضحى يقول...

ابو فلان

الله يعافيك

الله يرحمها

لان مافيها شي يسوه كله سوالف هنود وبكل زاويه حواي مو نفس قبل يعني شنو راح نشتري منه؟

ليش عادي مشوي كل الجراثيم تروح ... وانت تدري عن المطاعم الثانيه منو يطبخ فيها؟ او شفت مطابخهم وشلون يخزنون الأكل؟!

قبل شهر او اقل حاطين بالاخبار البلديه قاعده تخالف المطاعم وكلهم مطاعم معروفه بالكوت والسالميه والدياي الي عندهم معفن واللحم مثلج ومخترب وحاطين شي فوق شي والمطبخ يلوع الجبد

الله يعافيك

شكرا

شاي الضحى يقول...

الوتين

مساء النور

نسيت اييبلج لعبه وياي :q

اي روحي الجو حلو قبل لا اينه الحر

الله يبارك فيج

والله يعينج

متى تعطلين عشان امرج :q

الله يسلمج يوصل ان شاءالله ... الحمدلله خلصت امس ونستني :)

مشكوره :>

رورو الشخبوطه يقول...

السلام ..

وناسه انا ودي اروح الحواي اللي هناك وابي سوالف ايران خخخ لي الحين :)

وسوالف البطاط مالنا اول ..

وبالعافيه عليكم الاكل والعاب ..

ومشكوره..

شاي الضحى يقول...

رورو

اكو وايد مو بس حواي واحد

ههههه ليلحين ... نسيت لو ذاكره جان يبتلج

الله يعافيج

العفو

حياج الله :>

Made n Q8 يقول...

وااي احب هالسوق يوونس

ولعبه السمج ذيك الايام طرت على بالي قلت باخذلي وحده عشان العب فيها بالدوام بس مزعجه وفضيحه

وعلييكم بالعافيه :)

شاي الضحى يقول...

Made

لا من صجج بالدوام فيها صوت لوووول

قبل كان عندي وحده مافيها صوت بس الي عندي الحين مزعججججججه


الله يعافيج

مشكوره :>

Hashimoto يقول...

وينه يسوف المباركية عن هالبوست !

لوووول

خوش رحلة .. مادري طلعة .. مادري مشوار .. مادري .. الي اهو !
بس خوووش
لوول

وعالبركة حصلتي تترس
xD

وترى يعت يوم شفت الاكل
وشكرا !

شاي الضحى يقول...

هاشم

يوسف خلص امتحاناته وشكله ما يقعد بالبيت من مكان لي مكان ههههههههه :q

وصلت لووول

الله يبارك فيك

بعد شوي اطرشلك بالـ DHL هههههههه :q

عفوا

حياك الله :>

Slashy يقول...

لوووووول أهم شي خليتيه يشغلها تشوفين فيها تيترس او لأ :))))

شوفي انا فاصله على الألعاب القديمه من زماااااان

بروح بشتري سيجا وبدور لها أشرطة ألعاب من تحت القاع

لازم نلقى الألعاب القديمه, كل اليدد مو شي

BookMark يقول...

وناسة ذكرتيني بأيام الألعاب!
عاد بالويك اند رحت المباركية وديت جاندرا تبي تشتريلها جم شغلة قبل لاتسافر .. اخر شي اطلعت تبي ساري حق المطار وودتني سوق الوطنية كله هنوود :S

يعطيج العافية

chandal/danchal!! يقول...

خوش تقرير

:)

انزين اخيتي شاي... انا خابرة تيترس كنت العبها بالناينتيندو!... شنو هالجهاز اللي عندج!

وهم احب اسجل حبي وتعلقي الشديد بلعبة السمج مع السنارة... بس مسرع ما تتكسر وحلجها ما يمسك بالسنارة!


وبالعافية السمج والربيان

:)

الاوركيده يقول...

عليكم بألف عافية

ذكرتينا بالألعاب شوقتيني العب فيهم

:)

شاي الضحى يقول...

5/4

اي بعد لازم اتأكد

ليلحين ما لقيتي ... تهقين ليلحين موجودين الأشرطه؟

لان الاغلب قاموا يبيعون اشرطة البليستيشن

واذا لقيتيهم كتبي بوست عنهم :)

حياج الله :>

شاي الضحى يقول...

بوك مارك

يحليلها جاندرا اي الوطنيه كله هنود يلوع الجبد

تروح بالسلامه

الله يعافيج

مشكوره :>

شاي الضحى يقول...

جندل

اي صح بس انا احبها بهذي اللعبه .. نفس الي موجوده بالصوره ما اعرف اسمه

لعبة السمج تهبل شوفي اهما في انواع شي في مغناطيس وشي بدون مغناطيس ... بس لازم تعرفين متى تدخلين السناره وتمسك :)

الله يعافيج حبيبتي :)


مشكوره :>

شاي الضحى يقول...

دمعة المقهور

الله يعافيج حبيبتي

يا حلوهم العاب قبل ... اذا كبروا عيالج علميهم على العابنه :)


حياج الله :>

ثلجيّة القلب والأقراط .، يقول...

الله وناسه ، يبيله رحله إلى سوق المباركيه p=
أمبيه التيترس و لعبة السمج ألعابي المفضله شوقتيني بروح اشتري ":/

شاي الضحى يقول...

ثلجية

تيترس احلى شي السمج بعد حلوه بس لازم معاج احد تبارينه :)


حياج الله :>

Slashy يقول...

مادري! بدور

لأني سمعت بالرحاب حتى في محلات تبيع ال 3D0
تتذكرينها؟ لووووول

بشتريها و بدور أشرطتها بال eBay

أنا لي قفلت على شي أقفل عدل..

في أكو emulators
اللي تلعبين الألعاب القدم في كمبيوترج أنا بسوي سكانينج وداون لود وأشوف شيصير معاي وأكتب بوست إنشالله

نمووول يقول...

انا احتج وين عرض الشاي ؟

بعدين شنو سالفتج مع الفيلة من زمان ودي اسألج
وبعد جنج ادمنتي على هاذي اللعبة الحي مو عندج وحدة ؟

تحياتي

شاي الضحى يقول...

5/4

اي مكن بالرحاب ... لا والله ما اعرفها

شكلج حدج مصممه على هالاشرطه :q

ان شاءالله اذا لقيتيهم ناطره بوستج :)

حياج الله :>

شاي الضحى يقول...

نمووول

همممممممم اي جاي؟

مثل سالفتك مع النمل :q

لووووول اي والله صرت ما انام مبجر والسبه هاللعبه ... اي عندي بس شريتها حق اختي لما تيي عشان ما تاخذ لعبتي

حياك الله اخوي :>

غير معرف يقول...

عليج بالعافية .. أعرف المصري اللي ماسك السمجة ..اهو اللي ياخذ طلباتنا دايما lol :p

شاي الضحى يقول...

حنان

الله يعافيج

لووول :q

حياج الله :>

Frankom يقول...

ليش لما الواحد يسوي رجيم الكل يكتب عن الاكل ؟

حرام عليج :)

شاي الضحى يقول...

فرانكوم

كلنا بالهوى سوى

ليش حرام علي انا نفس حالتك ... المشوي ما يمتن :q


شكرا :>