الخميس، 28 يناير 2010

مشروع مكافحة القوارض!

قبل جم يوم كنت اكلم رفيجتي بالتلفون جان تقولي ان لازقين على باب بيتهم ورقة من وزارة الصحة

ومكتوب عليها مشروع مكافحة القوارض!

قلت لها اول مره اسمع بهالمشروع وبنفس الوقت ضحكت

وصورت لي الورقه ودزتها لي

الي مكتوب بالورقة:

وزارة الصحة
مشروع مكافحة القوارض

السيد / .......................... (2) ............................... المحترم

نحيطكم علما بأن مشروع مكافحة القوارض يجري حاليا مكافحة شاملة للقوارض بالمنطقة في الفترة من 17/1 إلى 28/ 1 /2010
يرجى تعاونكم و التفضل بتواجدكم أو من ينوب عنكم بالمنزل و ذلك حتى يتمكن فريق العمل من الدخول و إتمام عملية المكافحة بنجاح

مع مراعاة المحافظة على الأدوات المستخدمة في المكافحة و تسليمها إلى فريق العمل باعتبارها عهدة على فريق العمل

أرقام هواتف مشروع مكافحة القوارض

الشويخ (4848088)
4817922

الوفرة (3810279)
3810269

الجهراء (4555839)

-----------------------------------------

اذا اهما الي بكافحون القوارض احنه ليش نحافظ على الأدوات؟

يمكن قصدهم بوزعون فليت على البيوت والناس ترش؟!

بس الصراحه خوش مشروع مادري ليش ما الزقوا على بابنه جذي

انا ابي مكافحة الذبان

وعلى فكره القوارض مو موجوده بالبيوت يا وزارة الصحة ... موجوده بمكان ثاني وانتوا تعرفونهم زين

لو تتعاون كل الوزارات وتكافحهم جان ديرتنه بخير

تهقون جم كلفهم المشروع؟

لو خاشين هالفلوس ويايبين فيها اجهزة حديثه للمستشفيات مو احسن؟

هناك 34 تعليقًا:

NOIR يقول...

ما ادري ليش طرت على بالي محظوظه و مبروكه لما كاانو اب مستشفى الميانين: ( الفأران اااااتيــه.. احمو النس من الطاعوون)
لووووووول
اي و اللــــه
القوارض موجوده اب مكان ثانــي
الظاهر هذا الي اقدرو ايكافحونا
ههههههه ابوي ما يقدر الا على امي

ولا انا ما شفت على بيتنا شي!
KEEP UPDATING US
الله ايوفقك

شاي الضحى يقول...

NOIR

لووووووووووول يحلوهم محظوظه ومبروكه :)

حتى اقوى مبيد حشري ما ينفع معاهم

شنو هذا بعد؟!

حياج الله :>

Made n Q8 يقول...

هذوله وينهم عن دوامي خل ايون يرشون شوي يرحمونه عاد عندنا كل الانواع ذبان زيهويه ولا هذيك المره بريعصي يا كبره راهي قطع هذا غير الحشرات الي تدخل بخشم الواحد حشى قاعدين بياخور مو دوام

وهم مره وحده يرشون جم وحده في بالي من صنف الحشرات البشريه !

ساره النومس يقول...

شوفي انا اترجم لك القصد

قصدهم سلمج الله اذا عندكم يهال ولا ميانين في البيت ويتعبثون باغراضنا واحنا نشتغل فرجاء خلكم صوبهم وقضبوهم لا نرشهم بالفليت :q

مليقة ادري

بس غريبة صراحة ذكرتيني بالصرصور الي وقف مكان الذبانة بغرفتي لوووول مينون والله صرصور متين لووول

Slashy يقول...

لوووووووووووول

احنا ماكو فايده منا.. انا حاسه على يوم بيوونا زهيوية امريكا اللي شكبرهم بيوصلون عندنا من كثر ما احنا اجهزتنا ومعداتنا سكه

والحين بكافحون القوارض!! اخاف صج

هذول حتى ذبانه ما يقدرون عليها

ثلجيّة القلب والأقراط .، يقول...

يعني اهما يا ما يسون مشروع ، يا يسون مشروع ماله داعي ؟
انا اقول لو يروحون يشوفون المناطق السكنيه و الي فيها بنفس الوقت مصانع و تلوث بيئي والي قاعد يأثر على صحة السكان وايد افضل ":/

غير معرف يقول...

ويع قطيعه..على قولتج المفروض يقطونها بمعدات للمستشفيات و لا هالخرابيط .. او عالاقل يبنون مستشفيات سنعه و يجيبون دكاترة شطار مو من ذيك الديرة الفلانية اللي شهايدهم خرطي !

daloo3a يقول...

هههههههههه

بس المشروع حلو تخيلي بعد ما يجتلون القوارض يقولون لكم ادفعوا ههههههههههههههههههههههه نذاله

=)

barbar يقول...

ههههههههههه جاااااي و لا يوووونا تخيلي الورقة من يووم التاريييخ محطوطة و ما شفنا أحد طق باب بيييتنااليوم آخر يوم

لوووووووووووووووول
تحسفووا على أدواتهم ههههههههههه

مشاااريع الدولة إنما إيييه :qq

رورو الشخبوطه يقول...

السلام..

لا وطلع المشروع خرطي حبر ع ورق :\

اهو اساسا يفشل خخ..

الحشره تنطق وانتوا بكرامه بنعال طبعا انا اصرخ والخدامه تلحقها خل يعطونا دورة في القضاء ع الرعب من الحشرات :)

مادري خلصوا مابقى شي الا الحشرات !!

ومرسو مرسوو..

SHAHAD يقول...

لوووول خوش مشرووع
شفيكم عليهم ! كلله داقرينهم ومو عاجبكم لووووول
عطووهم فرصتهم لوووول

شاي الضحى يقول...

Made

لووول من صجج شنو هالوزاره الله يعينج

ماكو الا انا اطرشلج بيف باف وريد وبايجون لان مشروعهم جنه طلع خرطي لووول


حياج الله :>

شاي الضحى يقول...

طموحه

همممم يمكن ليش لا بس اهما خل اييون شكلهم نسوا المشروع لووول

صرصور متين اكيد من اكل المجابيس الكل يمتن بهالديره حتى الصراصير هههههه

حياج الله :>

شاي الضحى يقول...

5/4

صدقتي والله ههههههههه

مشكوره :>

Fishah يقول...

مو جنه هذا مشروع السنعوسي قبل؟ مره قالوا انه كافح الفيران .. اعتقد كانوا يوزعون فلوس على كل فار تصيدينه خخخخخخخخخخخ مو متأكده ترا

مو خوش مشرووع .. من رايي الفلوس يبنون فيها مستشفى سنع بس حق الاسنان بدال العيادات المطشره :<

وشنو يعني السيد 2 ؟ هههههه

شاي الضحى يقول...

ثلجيه

التلوث من قالج انه مضر بالصحه بالعكس لما الناس تشم هالريحه تعطيها طاقه هههه .. بعد شنسوي هذي مشاريعنه

شكرا :>

شاي الضحى يقول...

حنان

مستشفيات ماراح تكفي الفلوس لان الفليت شارينه بالجمله وطالع لهم ارخص لووووول

لو بس يفعلون قانون منع التدخين ابرك من هالمشروع

حياج الله :>

شاي الضحى يقول...

دلوووعه

لووووووووووول يسوونها :q

مشكوره :>

شاي الضحى يقول...

بربر

اكيد خلص فليتهم

لا لا الظاهر السالفه فيها واسطه راحوا حق معارفهم وانتوا خل ياكلونكم القوارض هههههههههههه

مشكوره على الصوره :*

شاي الضحى يقول...

رورو

يا كثر المشاريع الي تكون حبر على ورق حت الحبر جف

لا اهما قصدهم قوارض مو حشرات ... يعني فيران وربعهم

والحشرات انتوا كيفكم تصرفوا معاهم لوووول

اهما اختصاصهم الاشياء الجايده لوول

شكرا :>

شاي الضحى يقول...

شهد

جان زين صج .. طلع المشروع خربوطه بس حجي وحجي فاضي بعد

شكرا :>

شاي الضحى يقول...

فشه

اي صح ذكرتيني بالسنعوسي لووووووول امبله كان عنده حمله للفيران

الظاهر بيمشون على خطاه هههههههههه

مستشفى جابر بتاكله الفيران :q

2 اسم ابوها هههههههههههه

لا لا 2 رقم بيتهم :)

حياج الله :>

Frankom يقول...

قوارض ؟
صارت ؟؟؟؟

شاي الضحى يقول...

فرانكوم

شكلهم اجلوا الموضوع وبينطرون بارني عشان يكافحونه ههههههههههههه :q

حياك الله :>

Engineer A يقول...

والله مادري شاقولج هذي ديرتج وكل يوم طالعين لنا بطلعة!!


خليني ساكته بس لأني لو نطقت ماراح اسكت!!

joe يقول...

زين في احد يهتم بالكويت

سعد المحطب يقول...

نغزتج على الوزارات شكبرها : d
بس زين تسوين .. حيلج فيهم

بطلع عن الموضوع ..
وأهنيج على تعديل صفحة التعليقات ..

عشان نقدر نعلق نفس الناس : )

شاي الضحى يقول...

ENG

خل يسوون الي يبونه بس ليش ما يكملون او ما يطبقونه؟ كله حجي فاضي

شكرا

شاي الضحى يقول...

المباركيه

يهتم؟ ما اتوقع ... الكل يهتم بنفسه


شكرا :>

شاي الضحى يقول...

اجتماعي

شدعوه احد بيفهم او بحس او بيستوعب !

الله كريم

سمعت نصيحتك ... وسويت الي قلت عليه :q


حياك الله :>

lil.D يقول...

مب عساس القوارض يعني الفيران -ـ-
اعتقد انه شي طيب وحلو وبالعكس عشان المناطق اتكون نظيفه ليش لا
ع قولتج وبالمره الذباب لان هالسنه الذباب طغى -ــــ-
يالله قووود لك فالحمله لووووووول

مُـجـرد أُنـثى ،، يقول...

اللي يضحك بالسالفة!

ان اغلب الحملات والمشاريع المصروف على اعلانتها ومنشوراتها اكثر من المصروف على مادتها وانتاجيتها!


وكثروا من هالحملات دام الكل مستفيد من عروض المناقصات حكومة وشركات ..الا الشعب فعزاه الوحيد هو التشجيع لدعم الوحدة الوطنية : )

شاي الضحى يقول...

lil

اهما طبقوه؟ جان زيم صج كله حجي فاضي مسوين نفسهم مهتمين

اي والله هالسنه ما يانه برد عشان يروح الذبان :(


شكرا :)

شاي الضحى يقول...

مجرد انثى

صدقتي قطوا فلوس على الاوراق والحمله ما طبقوها

وخلينه بوحدتنه احسن لوول


حياج الله :>