الجمعة، 29 يناير 2010

Totally Fish

زعفرانه من ردت واهيا مجابله بلوقي وتشوف الامكان الي رحنا لها واهيا مو موجوده

يوم الاربعاء قالت بتتغدى بره وتبي واحد من المطاعم الي كنت حاطتهم بالبلوق

دشت على
المطاعم وبدت تنقي وكل ما تقولي واحد اقولها انا مابي

وقعدت ساعه اقنعها انها ما تنطرني ولا راح اقولها اي لاني ماراح اكل

وبالأخير اتفقنه ان اهيا وامي يروحون مطعم وانا واختي الكبيره نروح مطعم ثاني لووول

قالت لي مو وناسه جذي ... قلت لها بهالجم يوم الي بتيين فيهم ناويه تتفخيني؟ هههههه

ورحنه الأفنيوز واهيا وامي راحوا تغدوا بروحهم وانا واختي رحنه

توتالي فيش

هذي التجربه الأولى لي بالمطعم


لما ييت بصور هاللقطه .. جان اييني المدير وقالي لازم تاخذين تصريح عشان تصورين!

قلت له انزين انا باخذ تصريح بس انت وخر شوي وخر

واول ما دنه شوي جان اصور والتفت عليه واقوله .. شكرا ..

مو حاله هذي عسى ما طلعت كامرتي صارت حالة رعب عند الأوادم


وهذا السمج الفريش


قباقب وربيان وامهم :q



وهذي صديقة اختي قاعده معانه بالطاوله

تلوع الجبد ماحب السمج ولا حتى سمج الزينه


المنيو


خبز معاه شي مادري شنو اختي جربته تقول مو حلو


بيبسي


فاهيتا الربيان


توابع الفاهيتا



ربيان مشوي


وبعد ما خلصنه التم شمل العائله مره اخرى ورحنه تمشينه وتسوقنه وشربنه كوفي

وامس عوضناها ورحنه مع بعض فرايديز بعدها مرينا مول وعقب رحنه ليفينغ روم

كان برررررررررررد واهيا الا تروح الاماكن الي رحنه لها لوووول

بعد ما طلعنه قالت تبي جرير وصلنه جان نشوف المحل الي يبيع حيوانات

مسكتها عشان ما تدش لاني ما احبهم ... بس شفت شي خلاني ادش معاها ههههه

شفت ارنوبه لابسه نفنوف

حدها تضحك خاصة لما تمشي ... زفيتها عشان توقف احقرتني

غصب قدرت اصورها صوره واضحه


وهذي بعد كاشخه بالأحمر ياحلوها


وهذي كاشخه بالأصفر ماتعطي ويه


وهذا الأرنوب كسر خاطري ما عنده هدوم


هامستر


لقيت جم كتاب بجرير عجبني سجلتهم بورقه وقلت بعدين اروح اخذهم

اول اخلص غلطة الشاطر بألف

والي يتكلم عن أكبر الأخطاء السياسية في التاريخ

في كتاب كنت باخذه بس قلت بدور بعد يمكن القى احلى منه واهوا عن

الحرب العالميه الأولى


وبعد ما طلعنه من جرير كنه بنلعب بحولي بارك ههههههه

بس للأسف البزران لوعوا جبدنه يهالوا ويتحرشون اذا كبروا شنو بسوون اتوقع بيعقلون!

وقلنه نيي وقت ثاني ونلعب على راحتنه :q

ردينه البيت كنت حدي مقفله من اللويه من الظهر لي بليل ... والحين بعد ورانه لويه لي بليل

بروح اسوي كشتي قبل لا ينحاشون عني :q

هناك 22 تعليقًا:

Unknown يقول...

عليكم بالعافيه

شكله خوووش مطعم يبيله نجربه

بس سالفة كل واحد يروح مطعم هاذي ابيخ سالفه

حلات الأكل يكونون مجتمعين مع بعض وسوالف وترسة بطن :-) عشان تصير كويتي 100%

شاي الضحى يقول...

ابوفلان

الله يعافيك :)

عدل كلامك بس شسوي اختي تبي بيتزا او باستا واحنا شنو ناكل؟ لوووول

ان شاءالله الايام اليايه راخ نكون كله مع بعض :)

واحلى شي اليمعه مع الاهل

حياك الله اخوي :>

joe يقول...

عليج بألف عافيه
اي صح ملاحظ هالشغله كل ما اصور احس مادري شنو يصير فيهم خاصه بالمطاعم
عبالهم لاقي شي وصخ بالاكله وبفضحهم

لووول شوقتيها انتي بالبوستات الي طافت لأنه حتى انا الي قاعد بالكويت تشوقت لول

يعطيج العافيه

شاي الضحى يقول...

مباركيه

الله يعافيك اخوي :)

اي الظاهر جذي خايفين ... بس انا قاعده اصور اول مادشيت يعني ليلحين ما قعدت شلون لاقيه وصخ؟ اهوا شكله بيتفلسف فوق راسي مو عارف شلون

لووووول

الله يعافيك

مشكور :>

Slashy يقول...

عليج بألف عافيه :**

لووول ضحكتيني عن الأرانب وأكثر شي اللي زفيتيها والثاني اللي ما عنده هدوم لووول

جرير أنا كله ودي أروح حق البارك لمن أخلص بس اليهالو صح نفس ما قلتي يلوعون الجبد

ماكو يبي لها يوم الأحد الصبح لمن يكونون مداومين مدارسهم نفتك منهم وأحنا نلعب :))

لووول أنا الحين عطله بس بخلي فشه تغيب عشان نروح نلعب بس شدعوه بتوافق ;P

على طاري جرير مر عليج كتاب إسمه يوميات خادمة بالخليج, او شي جذي؟؟

يبيله تصورين كتبتج ومكتبتج بعرف الكتب اللي تحبين تقرينها, تحبين تقرين انجليزي؟؟

رورو الشخبوطه يقول...

هلا جايونه..

بالعافيه يارب ..

خخ زين سويتي احلى طريقه عشان ماتكلين تروحين مطعم يقدم شي ماتحبينه..

و سالفة التصوير في مطعم دشيته وخذيت راحتي اصور الفيو ولما بنصور المنيو قال لنا القرسون ممنوع عاد منيوهم مو اللي سبيشل :\

وحتى اطباق مثل الاوادم مافيه نطرناه يوخر وطلعنا ..

وناسه العاب بس حسافه مالعبتوا قطع اليهال صايرن نزغ الله يهديهم ..

وتقرين ماشاءالله توقعت لا الكتاب الاول عجبتني فكرته ..

جنه علقة ع كل شي ؟؟

خخ ومرسوو ..

militco يقول...

ياحلو الزبيدي والصبور وربيان الوالدة وبس:)

يعني صرحتي ان هناك انقسامات داخلية:)

هههههه.

احب آكل بروحي:)

قوليله شدعوة بصور البيت الأبيض واوباما!! كلك على بعض مطعم!!.


الربيان ملك اكل البحر.

ارانب عندي حساسية منهم!!.


الهامستر يبطون جبدي!!.

تحيات ميليتكو مدون جديد.

Frankom يقول...

هالمطعم جربته مرة وحدة قبل ثلاث سنوات أو أكثر وشكلي ماراح أعيدها مرة ثانية الاكل كان زفر للغاية

daloo3a يقول...

عيل ليش همتاارو شكله غير عن هذيل ؟؟!! خخخخخخ

بس المطعم كله سمج و أكل بحري =(

بس اهم شي استانستوا

Engineer A يقول...

بوست يهبل :)

المطعم شكله نايس نفس طريقة fish market?

اختياراتج للكتب حلوة والارانب يشوقون ..

جان شريتيلج ارنبه؟:/


بانتظار البوست الياي :)

شاي الضحى يقول...

5/4

الله يعافيج :)

شسوي بعد اذتني بس تحوس ما تركد ..اي وعليه مادري ليش مو ملبسينه

ما تفتح الصبح سألتهم قالي من الساعه 4 فقلنه نروح 4 او قبل عن الزحمه

اول مره اسمع فيه .. بس من اسمه شكله حلو

لا ما احب بس احب الكتب السياسيه اكثر شي :)

شكرا :>

شاي الضحى يقول...

رورو

هلا فيج والله يعافيج

اي بعد شسوي هههههه

يخاف تفتحين مطعم وتقلدينهم لوووول

ان شاءالله بنلعب عن قريب :q

اي انا بعد .. احب الكتب الي جذي :)

حياج الله :>

شاي الضحى يقول...

militco

الله يخليلك الوالده :)

لا ماكو انقسامات داخليه ولله الحمد :q

صج؟ ليش؟ ما تحب احد ياكل معاك؟ ولا تخاف ياكلون الاكل عنك؟ ههههههه

اي والله ههههه

انا ما احب الحيوانات الا شي واحد بس ... ههههههه ليش يبطون جبدك؟

حياك الله اخوي :>

شاي الضحى يقول...

فرانكوم

زفر؟ وللغايه بعد؟ وععععع

عاد اكره شي الزفره وريحة الزفره حتى لما تكون بالدياي

الحمدلله ما شميت ريحة زفره والاكل ماكان زفر :)

شكرا :>

شاي الضحى يقول...

دلوعه

لانه كارتون :q

اي ما ينفع حق الي ما يحبون السي فود :)

الحمدلله

شكرا :>

شاي الضحى يقول...

ENG

اي نفس الطريقه ... بس مادري اي مطعم احلى لاني لما رحت فيش ماركت طلبت بس خس لوووول :q

لا وع ما احبهم يهبلون بالمحل بس مو عندي لووول

حياج الله :>

NOIR يقول...

هني هني .. بالعافية انشالله

عاد حسافه حلاته الطلعه باليمــعه:))

احلى شي عجبني اااخر بارت من الطلعــه
جريـــر.. مكان المفضل دائما و ابد
و بعد عمري.. كسرو خاطري الارانب الي محسرين فيهم:(

اكو كتاب مال علياء الكاظمي " بلا هويه" جنج شاريته. اذا قريتيه قوليلي رايج شاريته من زمااان و ما ادري شنو لادني اقراه ليلحين!

و يعطيــج العافيه على هالبوست الحلو :**

شاي الضحى يقول...

NOIR

الله يعافيج

صح بس اذا اليمعه فيها تتفخ لا ما نبيها ههههه

قريت قصتين منه ليلحين ما كملت الباجي .. الكاتبه مادري شفيها على الكآبه لوووول كله المرأه مظلومه والريال ظالم ! يمكن بالـ 3 قصص الباجي غير :)

الله يعافيج .. مشكوره :>

غير معرف يقول...

انا مادري ليش لما اشوف الاكل البحري تصك فيني الدنيا ..كللش ما اطيقه الحمدلله :S
عليكم بالعافية و الله بقول لأمي و أخوي و أبوي يروحون له لأنهم ادمان اكل بحري اما انا وخواتيي نشمئز منه لووول

شاي الضحى يقول...

حنان

انا جذي ما احب السي فود ولا احب ريحته بس شسوي شي لابد منه فقمت اكل ربيان (نصايح الدكتور) :)

غير معرف يقول...

هااااااي

وانا أفرفر بالمدونات زلقت جهة المدونات الكويتية ومن ضمنها مدونتك
حلوه ماشالله والصور وااااو
عارفة من زمان أخطط اجي عالكويت و الصور زادتني شوق
بالتوفيق ياشاي الضحى
XOXOX

شاي الضحى يقول...

لولو

ياهلا

هذي الساعه المباركه ... وان شاءالله تنورين الكويت باقرب وقت :)

اجمعين يارب

وحياج الله :>