الاثنين، 25 يناير 2010

Welcome Back

يوم الجمعة الي طاف كنت قاعده مع امي واختي بالصاله ونسولف ما عندنه شي

وبنفس الوقت امي كانت شابكه وتكلم اختي زعفرانه بالـ MSN

واختي توصل الكويت يوم الأثنين الفير

المهم امي قاعده تكلمها جان تقولها اختي باجر الصبح بركب الطياره !!

امي استغربت قالت لها شلون السبت الصبح تركبين الطياره وتوصلين الأثنين؟!

جان تقولها اختي انا باجر الفير عندكم!

المهم احنه توهقنه لاني كنت طالبه لها كيكه حق الاثنين

وما زهبنه دارها لان مغيرينها يعني مفاجأه هههههههه

اول شي سويته دقيت على الخباز وقلت لهم ابي الكيكه يوم الأحد اشوه قالوا اوكي

قصدي اوقي ههههههههه

وامي راحت تغسل الستاير وانا اخم وامسح

باختصار صارت حالة استنفاااااااار لووول

ورحت بشتري لها بالونات لقيت المحل مسكر

جان ادش الجمعيه وهذا الي لقيته

يوم الأحد خذيت الهديه وحطيتها فوق فراشها بعد ما رتبنه

وبخرنه وحطيت لها Happy Birthday عند الباب

وسكرت دارها

دقت الصبح لما كانت بالمطار وقالت حق امي واختي شنو تبون من المطار؟

قالولها سلامتج كالعاده

جان اقول حق امي قوليلها انا ابي

قالت لي اختي انتي محرومه من الصوايغ !!!

لاني كله اطلب لووووووول

بعدها قالت حق اختي شنو تبين عطر

وشرت حق اختي وامي وانا طلبت غصب غصب غصب لول :q

المهم رحنه المطار ولا الطياره متأخره وما وصلت الا الساعه 3 الفير

كنت حدي دايخه والمطار زحمه كله شباب يحوسون

المهم صارت 3 وشي ما بغت تطلع .. ولما وصلنه البيت قطت الجنطه علي وراحت

خلتني اشيلها وطاحت على ركبي وااااااااااااااااااااه :(

الظاهر كانت حاطه فيها قنابل!

بحط لكم صور الصوايغ الي يابتهم

هذي الباربي حق امي لووووول :q لا لا اقص عليكم هههههه

عطر كلوي حق اختي


وهذي هدية امي


صوايغ اختي الكبيره

تحب البطاريق


وهذا العطر حقي من المطار :q ههههههه


قبل لا ترد بيوم قالتلي شنو يكتبون بكرت عيد الميلاد

نقلتها جان تكتبه كله بكرتي !!!!

لوووووول قصت علي جني انا كاتبه الكرت حق نفسي

الكرت يعور العين يتحرك


باجي الاغراض صوايغ وهدايا عيد ميلادي !

وهذا الدلاغ تقولي حق الممشى


ستاند نظاره ... عاد انا ما البس نظاره بخليه حق الشمسيه

تقول كان في على فيل بس لما راحت خالص :(


هذا الهامستر الغبي داخله شي تحطونه بالميكرويف ويصير حار


تراجي + سوار + قلب مع جارمز


فيووووووووووووووووووووووولي

بيجامه + دلاغ + نعال بيت (وانتوا بكرامه)

يهبلون يهبلون


وامس احتفلنه بعودتها وبعيد ميلادها مع بعض



وناسه صار عندي اخت :q

هناك 44 تعليقًا:

DoDoq8 يقول...

ونااسه اهي وين تدرس ؟

خووش صوايغ

الاوركيده يقول...

الحمد الله على سلامتها وقرة عيونكم

كل عام وهي بخير وانشاء الله تفرحون بردتها مع الشهادة

")

Hope يقول...

الف الحمد لله على سلامتها .. تو ما نورت الديره
قرة عينج
و كل عام و اهيا بخير .. الله يخليكم لبعض

شاي الضحى يقول...

دودو

في دوله من الدول :q

احلى شي فيول صح؟ هههههه

مشكوره

شاي الضحى يقول...

دمعة المقهور

الله يسلمج ... بويه نبيج

وانتي بخير وصحة وسلامه


ان شاءالله .. الله يسمع منج :)

مشكوره حبيبتي :>

NOIR يقول...

قـــرة عينج :**

اللـــه ونـــاســــه! عندج اخـــت يـــديـــدة

الحمد لله على السلامه
و على الصوايغ ايقولج
shqring is caring!

ههههههه
عليح بالعافية و تستاهليــن :*

شاي الضحى يقول...

هوب

الله يسلمج حبيبتي :)

بوجوووودج ... بويه نبيج

وانتي بخير وصحه وسلامه ... تسلمين حبيبتي


مشكوره

شاي الضحى يقول...

NOIR

بويه نبيج ;)

اي لوووووول

الله يسلمج حبيبتي

هههههههههههه لااااااا :q

الله يعافيج .. مشكوره

حياج الله :>

barbar يقول...

ألـف ألــف الحمد الله على سلامتهـا و قرت عييينكم ..
توه ما نورت الديييرة :))

و كل عاااام و اهيااا بخييير و عقبااال المليووون :**

عليييكم بألف عااافية على الصوااايغ حلوووة :))

الله يحفظكم و يخليييكم حق بعض قووولي آميييييين :**

شاي الضحى يقول...

بربر

الله يسلمج حبيبتي ... بويه نبيج :)

بوجوووودج

وانتي بخير وصحه وسلامه

الله يعافيج :*

ويخلييييييج حبيبتي آميييين مشكوره :)



حياج الله :>

Crazy Girl in aGood Way يقول...

الف الحمدلله على السلامه وقرت عينكم

الله يوفقها والفال لرجعتها مع الشهاده


وعليكم بالعافيه الصوايغ ......

احساس الرجعه من الغربه ونااااااااااسه وكل عام واهي بخير

شكرا على البوست

chandal/danchal!! يقول...

قرة عينكم وكل سنة وانتوا طيبين

يا حلوكم ويا حلو استعداداتكم... الله لا يخليكم من بعض

وبالعافية الصوايغ... ترى تعاديت منج يا اخيتي... بادية احب الفيل!

:)

رورو الشخبوطه يقول...

السلام..

الحمدالله ع سلامتها..

خوش احتفال كنت عايشته لحظه بلحظه بس ماعطتيني من الكعكه خخخ ..

بالعافيه عليكم يارب..

والحين بعد ماراح انشوفج :p

فنطالب زوزو بصوغة لنا بعد نبي بوستات :)

وشنو بعد ..

اي كل عام واهي بخير ..

واجازه موفقه ان شاءالله..

وبالعافيه مره 2..

Engineer A يقول...

الحمدلله على سلامتها وقرت عينكم ..

عليكم بالعافية الصوغة .. وكل عام واهي بخير خوش كيكة ..

والله يخليكم لبعض يارب :)

Frankom يقول...

قرت عينكم والحمدلله على سلامتها
وخوش كيكة :)

Hashimoto يقول...

قرة عينكم .. والحمدلله عالسلامة

يلا وناسة رجعت ابجر
=)

الكيكة عجييبة

والهامستر عبييط
لووول

شاي الضحى يقول...

كريزي

الله يسلمج حبيبتي ... وبويه نبيج :)

آميين يارب

الله يعافيج

اي والله .. وان شاءالله انتي تردين بالسلامه :*

وانتي بخير وصحه وسلامه ... العفو

مشكوره :>

شاي الضحى يقول...

جندل

بويه نبيج ... وانتي طيبه :)

آمين مشكوره

الله يعافيج ... لانهم ينحبوووون

حياج الله :>

شاي الضحى يقول...

رورو

الله يسلمج حبيبتي :*

هههههههه اي انتي تعرفين الاحداث بتفاصيلها :q

افا عليج انا اسويلج كعكه (على قولتج) من ايدي :)

الله يعافيج

ههههههه اي شسوي بعد بكون لاهيه :q

امس رفيجتي دقت علي جم مره ماشفت موبايلي اليوم رديت عليها معصبه علي تقولي الي لقى احبابه نسى اصحابه؟ لوووووول

ان شاءالله اذا صار عندها وقت لان عطلتها قصيره :(

وانتي بخير وصحه وسلامه

ويعافيج مره 2 :q

مشكوره :*

شاي الضحى يقول...

ENG

الله يسلمج .. وبويه نبيج :)

الله يعافيج

وانتي بخير وصحه وسلامه :)

آمين ما قصرتي

مشكوره :>

شاي الضحى يقول...

فرانكوم

بويه نبيك .. والله يسلمك :)

ماراح اعطيك رجيم :q


مشكور :>

شاي الضحى يقول...

هاشم

بويه نبيك .. والله يسلمك من كل شر :)

اي وناسه :q

اي شكلها حلو

الهامستر حده عبيط ههههههه

مشكور اخوي :>

Slashy يقول...

الحمدالله على سلامتها

mazyona يقول...

الحمدالله على سلامتها
وعقبال مية سنه
والصوغة تونس عساج تتهنين فيها

aL-NooR . يقول...

الحمدلله على السلامة
و قرت عينكم
خوووووش صوايغ
حبيبتي ما خلت شي ما شرته
:*



********************

Made n Q8 يقول...

الحمدالله على سلاامتها وان شاء الله تفرحون برجعتها بالشهاده الكبيره على قولتهم خخ

وكل عام واهيا بخيير


والصوايغ تهبل مشالله عليكم بالعافية

شاي الضحى يقول...

5/4

الله يسلمج

مشكوره :)

شاي الضحى يقول...

مزيونه


الله يسلمج :)


مشكوره :>

شاي الضحى يقول...

النور

الله يسلمج ... وبويه نبيج :)


اي مسكينه هههههه :q


مشكوره :>

شاي الضحى يقول...

Made

الله يسلمج حبيبتي ... آميييين

وانتي بخير وصحه وسلامه

الله يعافيج


مشكوره :>

نمووول يقول...

حمدلله على سلامتها والله يحفظكم لبعض
خشيلنا شوي من الكيكة ..

ومساء الورد

شاي الضحى يقول...

نمووول

الله يسلمك من كل شر ... آمين الله يسلمك

ان شاءالله اطرشلك بالايميل :q

ياهلا .. حياك الله :)

sweetya يقول...

حمد الله على سلامتها

وقره عينج
بس خوش فيول عندج :p

عليج بالعافيه

شاي الضحى يقول...

sweetya

الله يسلمج :)

وبويه نبيج

اي يهبل احبه

الله يعافيج ... شكرا

ثلجيّة القلب والأقراط .، يقول...

قرّة عينج و الحمدلله على سلامتها ،
وناسه الصوايغ يشوقون :×
عليكم بالعافيه p=

اقصوصه يقول...

الحمدلله على سلامتها

اكثر شي عيبني الكيكه والبيجاما

:)

ساره النومس يقول...

ماشاء الله

حدج تونسين تدرين :D

ANGEL HEART يقول...

حمدلله على سلامتها الله يخليكم حق بعض يارب:)

شاي الضحى يقول...

ثلجية

بويه نبيج ... والله يسلمج :)

الله يعافيج حبيبتي

مشكوره :>

شاي الضحى يقول...

اقصوصه

الله يسلمج

الكيكه شكلها وايد احلى من الصور :)

والبيجامه اكيد حلوه لانها على فيول :q

مشكوره

شاي الضحى يقول...

طموحه


لوووووول :q


حياج الله :>

شاي الضحى يقول...

انجل

الله يسلمج ويخليج

آمين مشكوره :>

jonoon 3aqel يقول...

الله يسعدكم..و لا يدخل بينكم خصيم
و يبلغ اميمتكم فيكم

تحياتي

شاي الضحى يقول...

جنون عاقل

آمين الله يسلمك ... وان شاءالله ترد بالسلامه مع الشهاده وتفرح اهلك :)


حياك الله اخوي :)