الجمعة، 23 أبريل 2010

لا تُغضب غالياً . . ثم تؤجّل إرضاءه إلى الغد

هذا البوست تلبية لطلب احدى صديقات المدونة


في هذه الايام للاسف اصبحت الصداقة عملة نادرة، فقلة أولئك الذين يحرصون على أواصرها فبات من السهل جدا التأثير على الاصداقاء والعمل على التفريق بينهم

على الرغم من ان الصداقة قد تصل الى درجة الاخوة لكن نتيجة لعوامل دخيلة قد تكون غير واضحه للطرف الاخر تفتر هذه الصداقة مع محاولة الاصلاح وكشف الامور دون جدوى

لذا انصح كل صديق بمصارحة صديقة عن أي سوء يصل الى مسامعه عن الطرف الاخر والحرص على عدم التغير

دون توضيح اسباب هذا التغير او منح الطرف الاخر فرصة للتعديل

فقد قال النبي صلي الله عليه وسلم: "خير الاصحاب عند الله تعالى خيرهم لصحابه"

الزبدة اللي أبي أقولها:

لاتقولون باجر ولا عقب باجر بروح أتسامح من صديقتي/صديقي ( اختي – امي – أبوي – أخوي ) لأن إحنا ماندري لي ذاك الوقت شنو بيصير، إذا عندك او عندج احد مضايقينه روحوا كلموه وتسامحوا منه ترى ماراح يقل من قدركم

لاتعلمون قلوبكم القسوه ولاتنامون وفي احد شايل عليكم

والله لاييب ضيقة الخلق والزعل بين أحد ويخلي قلوبكم بيضه للأبد إن شاءالله

هناك 22 تعليقًا:

Seldompen يقول...

صباح الورد ..

:)

موضوع جميـل , ومهم جداً ,,

عن نفسي , لا أستطيع أن أغضب شخص ما وأظل مستقرة نفسياً لساعة فقط !

وإذا طالت المده ليوم آخر ...

الكوابيس لا تفارقني , والدموع تأخذ مجراها في منتصف الليل ..

:(

أقسى شيء أن ننام وقد أغضبنا آخرون , أو تسببنا في جرحهم , أو حتى أن نحمل في قلوبنا حقداً على أحد بسبب كلام قد سمعناه من الغيـر " إحمل أخاك على سبعين محمل " ..

هذا ما يجب أن نفعله , أن نضع المبررات لأحبابنا دائماً ..
حتى وإن كانوا حقا قد أخطئوا في حقنـا .. لكننا بوضعنا للمبررات , سوف نشعر بالراحة النفسية أكثر من لو أننا أسأنا الظن ..

شكراً لكِ عزيزتي

:)

تحياتي ..

daloo3a يقول...

حلااته الانسان يرقد و يكون مرتاح و مب مزعل أحد
دايما احط في بالي انه لو زعلت حد و ماراضيته و أجلت هالشي افكر لو مات و هو مب راضي علي
فأخاف و غصبن عن ويهي اراضيه ^^

يثلموووو على الموضوع الحلوو

غير معرف يقول...

مااجمل الصداقه والصله بين الاقارب المبنيه ع الحب والوفاء والتسامح والالفه والاخاء

موضوع جميل كجمال روحك الطيبه

وفقك الله

رورو الشخبوطه يقول...

مادري شقول اللي ابي اقوله كتبته بالبوست :\

عموما الله يصفي النفوس يارب :)

ومشكوره..

AM.SA.CHANNEL يقول...

ساعات يكون الكلام سهل شاي الضحى، لكن الفعل هو المشكلة، و بالذات إذا صاروا ربعي واااايد، و آخر شي يطلعون من حياتج بسرعة البرق و مب عارفه شو السالفة، أو لمصلحة معينه في فترة معينه، مثل اللي يرابعون بس في الجامعة و عقب خلاص إنسي.. تحسين صعب لين ما تنسين، و دايما أقوول ليش؟؟

هم ضامنين بسهولة يلقوون ربع، أنا عندي واايد ربع لكن اللي وايد وايد وياهم 4 .. و الصراحة هالزمن نادر ما تلقين حد وياااااج للآخر ..

و الحمد الله، أنا قبل كنت افكر و أحط في خاطري، لكن الحين الحال تغير وايد، يعني صرت اهتم باللي هم معاي، لأنه ساعات تكونين قريبه من صديقة و صديقة لا، عقب تكتشفين اللي قريبه منها هي مب قريبه منج و الثانيه العكس.. و موضووع الصداقة هذا أصلن يباله مواااضيع مب واحد .. !!

و الدنيا ما تسوى، خلنا كلنا راضين عن بعض لانه بنكبر و بننسى ..

ebtsamh يقول...

كلام جميل جدًا ..

ولكن من يعتبر ؟

شاي الضحى يقول...

pen

الله يبعد عنج الكوابيس

بس للأسف في ناس ما تحس ولا يهمها

اهم شي انج تسوين الي عليج وتنامين وانتي مرتاحه :)

عفوا

حياج الله :>

شاي الضحى يقول...

دلووعه

عدل ... بس المشكله لما تراضينها وما ترضى ولا تبين لج سبب الجفاف في معاملتها!

الله يـ"ث"لمج :q

شاي الضحى يقول...

رندا

ما نستغنى عنهم :)


اجمعين يارب

شكرا :>

شاي الضحى يقول...

رورو

مشكووووره على الموضوع :*

آمين

العفو

شاي الضحى يقول...

AM

هممم هذيله ما يصير تسمينهم صديقات لازم تفرقين لان الي يكونون فتره معينه معاج مثل الجامعه هذيله زميلات لا اكثر ولا اقل ولو بعدهم لج ما اخلص

بس الصديقات ينعدون باصابع الايد الوحده ما يتعدون الـ 3 او 4 بالكثيييير

والحمدلله ان عندج حتى لو 1 فاهمتج هذي نعمة بس في ناس ما تحس فيها

وان شاءالله الكل يكون راضي عن الثاني

مشكوره على مشاركتج :)

شاي الضحى يقول...

ابتسامه

والله في ناس تقدر هالشي وفي ناس ما يهمها


شكرا :>

AM.SA.CHANNEL يقول...

شاس الضحى أنا اللي أقصده إنه في الجامعة مب الزميلة، الزميلة غير عن الصديقة، المشكلة اللي في الجامعة تكون معاج في السراء و الضراء و الطلعات تنتهي الجامعة تنتهي العلاقة عندها ..

شاي الضحى يقول...

AM

اها ... فهمتج الحين

صح هذي مشكله وهالزمن نادر الي يلقى صديقه طول العمر

بس هم ما تدرين الحياة تلهي وكل واحد وعذره

مونى يقول...

مافى أجمل من الصداقة
شكرا لك أخى
وضعت رابط مدونتك بمدونتى
لوممكن التبادل
شكرا لك

الجودي يقول...

جزاج الله خير على هالكلام الحلو ...

و الله صاجبه يا الغاليه أحنا انام ما ندري نصبح أو لآ فمو حلو الواحد يكون بينه وبين أي أحد عداوة الدنيا ما تسوى ... إشلون إذا بعد اصدقاء

وربي يصفي النفوس و هالجلمه للي أطلبت منج البوست

دمت برضى الرحمن :)

chandal/danchal!! يقول...

الله يواليج العافية على هالبوست

بس حسيت انه مكون من موضوعين منفصلين


يعني لما تتغير علي صديقة او عادة ما تكون زميلة بسبة انها سامعة كلام وما تحققت من مصداقيته فهذا شي يغث ويردها عقلها اللي على قدها وما اقول غير بركة يا جامع بهالحالات!


لكن الغالين والمقربين لما يصير بينا خلاف لازم على طول نتصافى وما نكابر لأن الدنيا ما تسوى والبني آدم ما فيه الا لسانه

مادري شلون يحطون راسهم وينامون وهم مغاضبين الكل!


تسلمين عالموضوع

rawan يقول...

ياسلام موضوع الى الوتر :)
ومن القلب للقلب

العلاقات الاجتماعيه بين الاقارب والصديقات اهي ملح الحياة , وسعاده القلوب

^^
الحمدلله نعمة الضمير!
هو الي يدفعنا نروح نعتذر ان كنا مخطئين


يعطييييييج العافيه
:) ياحلو بوستاتج

شاي الضحى يقول...

مونى

العفو :)


وان شاءالله لي زياره :)

شاي الضحى يقول...

الجودي

الواحد ما يدري شنو بيصير له لي بعد شوي

وان شاءالله مافي عداوات بين احد والكل يكون راضي على الثاني :)

شاي الضحى يقول...

جندل

لا مو موضيعين

في صديقات (مو زميلات) يكونون احسن من الاهل وما تبين تزعلينهم

وفي اهل ما يستاهلون الصراحه


الله يسلمج :)

شاي الضحى يقول...

نبراس

ما نعيش بدونهم

بس مو الكل عنده ضمير


الله يعافيج

مشكوره :)