الأربعاء، 7 أبريل 2010

جديد السينما

فلم DATE NIGHT


قصة الفلم:

2 متزوجين وتعودوا يطلعون يوم واحد بالاسبوع بدون اليهال، واختاروا انهم يروحون مطعم راقي وماكانوا حاجزين لما اوصلوا سألهم الي يشتغل بالمطعم عن حجزهم قالوا انهم مو حاجزين، واهما قاعدين ينطرون الي يشتغل ناده اسم ناس حاجزين، جان يتليقفون ويرزون ويهم ويقولون انهم اهما، واقعدوا بطاولتهم جان ايونهم 2 قالولهم تعالوا بره، واهما ما يدرون شالسالفه اطلعوا بره ولا يبون يذبحونهم!!!

الفلم كوميدي وشكله يونس


Trailer

--------------------------------------------------------

فلم The Hurt Locker


هم شكله حلو ودي اشوفه

-------------------------------------------------------

الي شاف أوبريت الكويت لمن أحبها أو حتى الي ما شافه

انا ماراح اتكلم عن ولا شي بالأوبريت الا شي واحد

شماله البنات اخر شي يبوسون الأمير؟!!!!

ومو يهال كل وحده اطول من الأمير

هناك 40 تعليقًا:

رورو الشخبوطه يقول...

وي ماسوت عليهم هذا جزات الملاقيف خخخ..

والفيلم ال2 عجبتني فكرته..

اي امبيه شفتيهم انا قلت الظاهر يصيرون له فجاءه طلعت وحده غامجه قلت يمكن عبدتهم خخخ استغفرالله عقب لما شفته مره 2 طلع للي يغنون ..


مشكوره..

bokeh of magic * يقول...

ايي انا استانست على دعاية الفلم و حدي بشوفه ^^

امبي و الله شاي نففس تعليقي مشالله البنات كبار ينقال عنهم حريم حتى مو بنات !

و ثانكس

drabel يقول...

الفلم الاول شكله حلو

بالنسبة للاوبريت يبا عادي ترى مافيها شي !!

شاي الضحى يقول...

رورو

اي تليقفوا وكلوها هههههه

انا ودي اشوفهم اثنينهم

حلوه غامجه هههههه اي الي يغنون بس امبيه وين قاعدين عيب !


العفو حياج الله :>

شاي الضحى يقول...

Being

قصدج الأول؟ لان اهوا دعايته تونس .. انا بعد ودي اشوفه

اي بالضبط يعني ما يجووووووووووووز


حياج الله :>

شاي الضحى يقول...

اعلامي

اي فكرته حلوه

عادي؟ لا مو عادي ما يجوووز حرام عيب احنا مسلمين يعني عيب البنت تبوس واحد مو من محارمها!

والبنات مو يهال كل وحده ما شاءالله عليها طول وعرض !

بوساره يقول...

ما انصحج تشوفين The Hurt Locker ممل وفي فترات هدوء طويله وما خذ اكبر من حجمه اذا تبين تشوفين فيلم من نفس النوعيه شوفي Green Zone افضل وايد الفلم الاول شكله حلو

@alhaidar يقول...

شخباري السينما .. شوقتونا


هذي اخرة اللقافة .. اكيد سامع شور مرته :P

coïncidence يقول...

اممم الفلم الاول شكله حلو
اما الاوبريت شفت بس اللي سلمو عالامير فالبدايه وغيرت القناه
لا تعليق عالبنات
XXD ع تعليق رورو

daloo3a يقول...

وناسه عيل بروح السينما ...

خخخخخ يقولون لكم لازم تحبون الامير هههه

Made n Q8 يقول...

اول مبين يضحك والثاني بطلبه ان شاء اله ديفيدي بس قريت بالجرايد ان مايمدحونه الاحداث وايد امططينها بس هم بطلبه :d

والاوبريت انا كنت ماخذه خروجيه وشفته بالبيت وااي فشله هذا الي خبونا فيه وصارلهم فتره يستعدون له!!

الي يرقصون كل وحده بوادي وحده ترفع ايدها اليمين والثانيه يسار وحده تصفق والثانيه تلفح والي تكفخ رفيجتها يعني سوي الحركه عدا!

وشفييج الله يهداج هذا بابا سباح لازم يبوسونه :P

chandal/danchal!! يقول...

LOL

هذي حوبة عيالهم, ليش ينحاشون عنهم؟

خوش قصة



مافيها شي اذا حبوا الأمير... هذا ولي أمر

:)

Engineer A يقول...

امبين خوش افلام ان شاءالله تصير لي فرصة واروح لواحد منهم على الأقل :)

وعلى ليش يبوسون الأمير عادي .. بحسبة أبوهم!!! لووول

مهرة سالم يقول...

السلام عليكم ...
الصراحه مالي بارض سينما بترياهم ينزلونه بالتلفزيون ...
..
في أمان الله

نمووول يقول...

شفت الثاني وايد حلوو
وناطر الاول ينزل ..

انصحك بفلم ليوناردو شوتر ايلند خاصة ان احداثة تدور داخل مستشفى للطب النفسي والقصة كلها علم نفس بطب نفسي , ههههههههههه

تحياتي

قارئه فـ حسب,, يقول...

شكله اول فلم حلو

^_^

Hope يقول...

مساء الخير

اول فلم شكله يونس

ما شفت الاوبريت!!
يمكن عندهم عادي s= !!

اقصوصه يقول...

الفيلم الاول عيبني

شكله حلو ويستق المشاهده :)

Ms Botamba يقول...

اول شي : ان شاء الله بروح حق اول فلم او بسويله دااونلود اذا مارحت :/
الثاني ماعجبني :p


ثاني شي : بخصوص البنات
انا تنحت كل وحده اشكبرها ابغله و يحبونه .. والله عيب !!!!!
و الشي الثاني اللي حرني كلهم طوفوا الشيخ نواف .. مسكين ليش اهوا ولي عهدنا :/

شاي الضحى يقول...

بوساره

صج؟ عاد مادحينه يقولون وايد حلو

والي قلت عنه نفس فكرته بس ليلحين ما شفتهم

شفت فلم Date Night وايد مقطع كالعاده والفلم يضحك بس فيه قلة ادب :(

شاي الضحى يقول...

احمد الحيدر

ههههه لا طلع اهوا الي مخطط وطالع فيها وكلوها :q

شاي الضحى يقول...

ريم

حلو ومو حلو مادري شلون صاير لوول

لو بس مصافحينه تنبلع السالفه :s

شاي الضحى يقول...

دلووعه

اخذيني معاج :)


منو قال؟! :q

شاي الضحى يقول...

ميد

صج عيل ليش قالولي انه حلو ويه عيل ماراح اشوفه

الاول شفته يضحك بس عادي

اي لاحظت هالشي لانهم تدربوا بسرعه (شهر) فما مداهم يدربونهم عدل المفروض يستعدون هذا اوبريت على مستوى الدوله المفروض يكون احسن من جذي

الديكورات متعوب عليها

الاغاني والرقصات ما اعجبوني

لازم؟ محد قالي انه لازم هههههههههه

شاي الضحى يقول...

جندل

بعد مايصير عيالهم 24 ساعه معاهم لازم يطلعون بروحهم :q

من قالهم يتليقفون وياخذون طاولة غيرهم

ولي الأمر حلال؟! :q

شاي الضحى يقول...

ENG

ياهلا ياهلا من طول الغيبات

شفت الاول يضحك ومقطع ههههه بس بشكل عام الفلم عادي

والثاني ناس تمدحه وناس تذمه ما ادري


ويه شفيكم كلهم صار عندكم عادي :q

شاي الضحى يقول...

نهار

بارض؟ ذكرتيني برفيجتي البحرينيه الله يذكرها بالخير كانت معاي بالجامعه كله تقول مالي بارض ههههه

اكيد تلقينهم بالنت نزليهم وشوفيهم

شاي الضحى يقول...

نمووول

انا شفت الاول

صج ييعني تنصحني فيه؟! ليش يقولون مو حلو؟

قريت عنه بس ما شوقني .. اي عاد تخصصك اكيد بتحبه هههههه

حياك الله

شاي الضحى يقول...

سارونه

شكله :)

شاي الضحى يقول...

هوب

انا شفته بالسينما وايد مقطع لان فيه قلة ادب بس يضحك

شدعوه كلهم عندهم عادي!

شاي الضحى يقول...

اقصوصه

الصراحه الفلم يونس بس عادي انا توقعته اقوى من جذي

:)

شاي الضحى يقول...

مس بوتمبه

انا شفت الاول بس الثاني لا ما شفته

اي مادري ليش ما سلموا عليه المفروض يسلمون على الشيخ صباح والشيخ نواف

Her يقول...

i saw date night last night,,, kelish mu mga6een oboo!
lol nazlee mn elnet a7san

شاي الضحى يقول...

هير

ابوه ويده ويده الأول بعد :q

للأسف شفته بالسينما بس ماراح انزله لان مو وايد عجبني :)

'3ShMrGiaH يقول...

سلام عليج..

الفيلم الاول ..شكله يشوق.. لا مو شكله ..قصدي قصته تشوق.. ان شاءالله اشوفه

وهمن الفيلم الثاني.. .. ان شالله بشوفهم كلهم...


اما سلافة التبوس..

حدي انصدمت ..شدعوه ماشاءالله كل وحده ياشطولهااا..

واللي يحر .. ليش ما يسلمون على ولي العهد..
دامكم بايسين بايسين..

شاي الضحى يقول...

غشمرجيه

قصته عاديه ومتوقعه بس يضحك ويونس

على قولتج بايسين بايسين لووووول


يقولون صار عادي :q

Bor8y يقول...

اختي شاي الضحى انا ماعندي تعليق الا على اخر كلامج مستغربه ليش البنات باسوا الامير

اولا البنات كلهم شكلهم بالمتوسط ولا وحده من الثنويه

ثانيا بنات المتوسط تتفاوت اعمارهم وبنية جسمهم تختلف من وحده لي وحده

ثالثا شنو ذنب البنت اذا بلغت بسرعه يعني البنت تبلغ من عمر ٩ سنوات هل معقوله ابهالعمر بتقولين لها هاذه عيب وهاذه حرام ماراح تستوعب هالشي بسرعه البنت اقصى عمر لها للبلوغ مابين ١٢ و ١٤ يعني ليلحين فيها برائه حته لو بلغت بهاذه السن

خامسا خير يا طير باسوا الامير ترا بنات صغار حته لو فيهم بالغه كل وحده فيهم تعتبر حفيده للأمير وهوا ابوهم

سادسا البنات فيهم برائه لي عمر ١٥ ياله يستوعبون الي حواليهم

ــــــــــــــــــــــــــــــــــــــــــــ

بس عندي رد على المدونه رورو الشخبوطه

منتقده البنات الي باسوا بس ماحاسبتي على كلامج لمن قلتي وحده غامجه يمكن عبدتهم

شاي الضحى يقول...

Q8

حبيبتي لا تقولون ما يستوعبون من صجج البنت ما تستوعب الا لما يصير عمرها 15 سنه او اكثر!!!!

بنات هالوقت كل شي يعرفون خاصه الي بالمتوسط

اكيد مالها ذنب اذا بلغت بسرعه بس هم لازم تعرف الحلال من الحرام والشرهه على الأهل الي ما علموهم

على ايام قبل بهالعمر كانوا يتزوجون وعندهم عيال فلا تقولين ما يعرفون

لو تييبين اي وحده بعمرهم وتسألينها عن الي يصير والي ما يصير بعد ما تبلغ راح تجاوب وتلقينها تعرف كل شي

خير يا طير؟ يعني اي ريال كبير يشوفونه باي مكان يبوسونه عادي حسبة يدهم؟!

لا والله انا ما اشوفها عادي ويوم كنه بعمرهم ما كنه نبوس الا من محارمنه

ورايج احترمه

Crazy Girl in aGood Way يقول...

شكله خووش افلام :)

اي والله اشماله هالتبوس على اي شي لوووول


شكرا

شاي الضحى يقول...

كريزي

الاول لا تشوفينه بالكويت او نزليه من النت احسن

الثاني ما شفته

لو يهال يمكن


عفوا :)