كيكة الكاكاو والبسكويت

المقادير:
1 علبة كيكة كاكاو سويسرول
2 علبة صغيره بسكويت دايجستيف
1زبده كامله
1/2 كأس ماء
1 علبة حليب كاكاو
3 ملعقة كبيره حليب بودره
1 ملعقة كبيره كاكاو بودره
2 ظرف كريم كاراميل
1 علبة كاملة بسكويت بيتي بور
1 ظرف دريم ويب
1/2 كأس حليب بارد
صلصة كاكاو

الطريقة:

نذوب الزبده ونخلطها مع الدايجستيف في الخلاط الكهربائي

انا ماكان لي خلق اذوب الزبده فحطيتها جذي وأذتني

نرص الدايجستيف في ماعون الجيز كيك بشكل متساوي

نقطع السويسرول ونصفها على اطراف الماعون

نخلط

1/2 كأس ماء
1 علبة حليب كاكاو
3 ملعقة كبيره حليب بودره
1 ملعقة كبيره كاكاو بودره
2 ظرف كريم كاراميل

على النار حتى تغلي

نطحن البيتي بور في الخلاط الكهربائي

ونضيف فوقه خليط الكاكاو الحار

ونخلطه الى ان يتماسك

نصب الخليط على الدايجستيف ونحطها بالثلاجه لما تبرد

انا ما كان عندي وقت كنت مستعيله فما حطيتها بالثلاجه

في الخلاط الكهربائي نحط

1 ظرف دريم ويب
1/2 كأس حليب بارد

ونخلطهم عدل لما يصير مثل الكريمه

(الصوره تكوكست)

ونصبها فوق خليط الكاكاو

ونزينها بصلصة الكاكاو

او اي شي تحبونه

ونحطها بالثلاجه لما تبرد وتصك

بعدها نفج عنها ماعون الجيزكيك

وتقدم

يفضل انكم تحطونها بالثلاجه وقت اطول عشان ما تكون ذايبه

وبالعافية