الثلاثاء، 23 نوفمبر 2010

Blister Plaster

ريولي كان فيها جرح وما اقدر البس الجوتي - وانتوا بكرامه

وعندي انواع وايد من البلاسترات 

كل يوم اجرب واحد ما ينفع

لما البس الجوتي ما اقدر امشي  من العوار 

فرحت Boots ولقيت هذا البلاستر 


واهوا اساسا مسوينه للجوتي 

وفيه علاج للجروح 

ويكون شفاف شكله حلو ما يبين 


ومن حطيته قمت امشي عادي بالجوتي ما يعور 

ولا يفج بالماي 

خليته ٣ ايام على ما طاب الجرح 

ووايد عجبني 

والعلبة فيها ٥ بلاسترات 

وسعره جريب الدينارين 

وفي منه انواع وايد

هناك 14 تعليقًا:

basees@bloggspot.com يقول...

إستعملت هذا النوع من البلاسترات، فعلاً أفضل من غيره. وطبعاً الخيار الآخر هو لبس النعال (وأنتو بكرامة) إلى أن يلتأم الجرح.

DoDoq8 يقول...

انزين واذا العوار من جدام على الاصابع

:(

رورو الشخبوطه يقول...

اكره ماعندي انه ريلي تتزلق اوف عذاب استغفرالله..

المصيبه هالمره منجرحه بمكان غريب :\

ومشكوره..

Bint ilKuwait يقول...

EEEEEEEEEEEEEEEH allah e3efeeeeeech abiii wa7ed chithii!!! thanx;**

الجودي يقول...

جايونه مشكروة بروح اشتري لي منه

حدي محتاجته الله يسلمج هالأيام ريولي ما ادري اشعلامها الجوتي يديد البسه أول الطلعه كبري عقب ساعه يخقل و يعور ريولي و اتجرح و حاله :(

مشكوووورة وايد جد محتاجته أمشي و اجرب في هالأنواع

شاي الضحى يقول...

basees

اي وايد زين

النعال ما ارتاح لها الجوتي اريح

شاي الضحى يقول...

دودو

مادري اذا ينفع او لا روحي شوفي في انواع وايد يمكن تلقين

شاي الضحى يقول...

رورو

اي والله عذاب وتتشوه الريل

روحي الصيدليه عشان ما يطول الجرح

العفو :)

شاي الضحى يقول...

بنت الكويت

جربيه واااايد زين ما تحسين بالعوار

شاي الضحى يقول...

الجودي

العفو حبيبتي :)

انا نفس حالتج كل الجواتي اليدد جذي يكونون يابسين ويعورون يبيلهم فتره على ما يتوسعون

وكله ريلي متشققه منهم بس والله هذا وايد نفعني كان بريولي اثنينهم جرحين كبار ما اقدر امشي من حطيت هذا وانا ما احس بشي الحمدلله

العفو وان شاءالله ينفعج :)

Made n Q8 يقول...

انا استخدم الجل مااذكر اسمه بس موجود بالجمعية

خل اجرب هذا يمكن احسن

يعطيج العافية

Unique Girl يقول...

شكله وااايد حلوووو

عاد وايد تصير فيني هالحركه الله يعين

شاي الضحى يقول...

ميد

جربت الجيل ما منه فايده

الله يعافيج

شاي الضحى يقول...

يونيك

كلنه نفس الحاله وهذا الي نفعني