ريولي كان فيها جرح وما اقدر البس الجوتي - وانتوا بكرامه
وعندي انواع وايد من البلاسترات
كل يوم اجرب واحد ما ينفع
لما البس الجوتي ما اقدر امشي من العوار
فرحت Boots ولقيت هذا البلاستر
واهوا اساسا مسوينه للجوتي
وفيه علاج للجروح
ويكون شفاف شكله حلو ما يبين
ومن حطيته قمت امشي عادي بالجوتي ما يعور
ولا يفج بالماي
خليته ٣ ايام على ما طاب الجرح
ووايد عجبني
والعلبة فيها ٥ بلاسترات
وسعره جريب الدينارين
وفي منه انواع وايد
هناك 14 تعليقًا:
إستعملت هذا النوع من البلاسترات، فعلاً أفضل من غيره. وطبعاً الخيار الآخر هو لبس النعال (وأنتو بكرامة) إلى أن يلتأم الجرح.
انزين واذا العوار من جدام على الاصابع
:(
اكره ماعندي انه ريلي تتزلق اوف عذاب استغفرالله..
المصيبه هالمره منجرحه بمكان غريب :\
ومشكوره..
EEEEEEEEEEEEEEEH allah e3efeeeeeech abiii wa7ed chithii!!! thanx;**
جايونه مشكروة بروح اشتري لي منه
حدي محتاجته الله يسلمج هالأيام ريولي ما ادري اشعلامها الجوتي يديد البسه أول الطلعه كبري عقب ساعه يخقل و يعور ريولي و اتجرح و حاله :(
مشكوووورة وايد جد محتاجته أمشي و اجرب في هالأنواع
basees
اي وايد زين
النعال ما ارتاح لها الجوتي اريح
دودو
مادري اذا ينفع او لا روحي شوفي في انواع وايد يمكن تلقين
رورو
اي والله عذاب وتتشوه الريل
روحي الصيدليه عشان ما يطول الجرح
العفو :)
بنت الكويت
جربيه واااايد زين ما تحسين بالعوار
الجودي
العفو حبيبتي :)
انا نفس حالتج كل الجواتي اليدد جذي يكونون يابسين ويعورون يبيلهم فتره على ما يتوسعون
وكله ريلي متشققه منهم بس والله هذا وايد نفعني كان بريولي اثنينهم جرحين كبار ما اقدر امشي من حطيت هذا وانا ما احس بشي الحمدلله
العفو وان شاءالله ينفعج :)
انا استخدم الجل مااذكر اسمه بس موجود بالجمعية
خل اجرب هذا يمكن احسن
يعطيج العافية
شكله وااايد حلوووو
عاد وايد تصير فيني هالحركه الله يعين
ميد
جربت الجيل ما منه فايده
الله يعافيج
يونيك
كلنه نفس الحاله وهذا الي نفعني
إرسال تعليق