اسألوني سؤال قبل فتره وضحكت لان مادري شالطاري
شنو الهدف / الفايده من رسم الخرائط؟!
ورق شفاف
قلم رصاص
قلم حبر
الوان خشبيه
الوان شينيه
صمغ
هذي الادوات الي نحتاجها لرسم الخريطه
لما كنه بالمتوسط والثانوي بمادة الاجتماعيات نرسم خرايط
وكل وحده تهتم في خريطتها وتلونها وتفنتق فيها
انا كنت ما احب ارسمها امي ترسمها لي هههههه
بس انا الونها بالخشبي
اذكر في بنات وايد يحددونها بالشيني ويلونونها بالخشبي
يبطون جبدي مادري ليش هههههه
تتوقعون الفايده انه نعرف شكل كل دوله؟
او وين موقعها؟
ومنو الدول المجاوره لها؟
ليش ما نحفظهم بدون ما نرسم؟
ولا اذا رسمناها تركز بالمخ اكثر؟
انزين والي مثلي ما يرسمهم يعني ما يعرف شكل الدول ووين موقعهم؟
انتوا شرايكم؟
كنتوا تحبون ترسمون الخريطه؟ ولا مثلي؟
هناك 23 تعليقًا:
رسم الخرايط جدا مفيد بالنسبة لي اشوفها طريقة تمهيدية الي كنا ناخذها بالابتدائي والمتوسط حتى الثانوي والجامعة .
الواحد لمن يتعود يرسم الخريطة على ورق شفاف كذا مرة تالي لمن يكبر راح يرسمها بدون ورق شفاف وبيرسمها بدقة بعد انا اشوف هذا اهو الفايدة من هالشي ومثل ماقلتي نعرف الدول الي يمها بعد ...
بس على فكرة خريطة الكويت سابقا الجنوب كان اكبر من جذي :d
على فكرة رسم الخرايط يخليج بعدين تعرفين لمن تدافعين عن قضية سياسية تخص ديرتج وخاصة لمن تكون في اطماع باراضيها وخاصة الكويت على فكرة من كل الجهات تييها الاطماع يبيلها شعب كامل يفنح عينه على كل شبر من ارضها
شطاري عليج هسؤال ؟
كنت ارسم بس مااحب ارسم الدول الي يصيرون وايد يم بعض احب ارسم خريطه دوله وحده اتكيسل مااحب التلوين
akayef 3ala teresim il 5araye6 ;) bil 3aks a7is wauid efeed!I know 5are6at il q8 by heart now
I also know 5are6at eurpoe and africa bethab6 kil dawla shlon shakelha o mino yamha :p my major is science 100% have nothing to do with art bs I just love 5raye6
بتاريخ الاسلامي كنت لازم نرسم خريطة شبه الجزيره بشكل يومي وللي ماترسمه , الابله تعاقيها تخليها تنسخها 5 مرات ولما تسلمهم البنت الابله تشقهم جدامها واي قهر ..
وذكر التاريخ الساعه ال2 كنت ارسم الخريطة بساعة الاولى ساعة :\
ومن كثر مارسمتهم مره خلص الشفاف استخدمت اورق الa4 ولاني حافظه الخريطة رسمتها بس طلعت ميني خخخ استحيت احطها وسويت مره 2 والميني حطيتها بالواجب لما الابله صلحت دفتري كتبت ع الخريطة ماهذا ؟!
مادري شرد عليها اكتب لها مجبوس دياي خخخ..
والفايده من الخرايط اتوقع مثل ماقلتي تثبت معلومات اكثر مع انه اغلب الدوال في صراع ع ترسيم الحدود :\
ومرسي ..
كنت احب ارسهم والونهم على قولتج
عشان بالثانويه كنا نرسم بدون ورق شفاف وبالامتحان الفاينل رسمنا بريطانيا وامريكيا بعد لول بالامتحان وكان السؤال عليه 15 درجه
طموحه
لو شنو ما ارسمها بدون ورق شفاف هههههه
يمكن لانج رسامه وتحبين الرسم
انا مو صوب الرسم كلش
مادري منو الي كان يوعان وقرم من ديرتنه شوي هههه
الاطماع بنعرفها من الخريطه؟ الاطماع درسناها وتشوفين مكانها بالخريطه بس مو اله ارسمها عشان اعرف :)
دودو
مو انا ناس اسألوني مادري شطاري عليهم
وقلت اسألكم
انا احب الون بس ما احب ارسم
ويبطون جبدي خرايط المعارك!
نوره
عيل ويني عنج جان خليتج ترسمين بدالي ههههه
يمكن منه فايده بس انا ما حبيت الفكره
في وايد دول ما رسمناها بس اعرف موقعها ومنو الدول الي يمها بدون ما ارسمها
رورو
اي اذكر نرسمها وكل مره فيها شي زياده
@@ لووووووووووول شنو هالعقاب
لو انا تشق خرايطي جدامي جان ذبحتها ومصعت رقبتها
لووووووول حلوه ما هذا؟
قوليلها ميني خريطه نفس الميني كب كيك لا صج وقتها ماكو هية الميني عشان جذي الابله استغربت وقالت ما هذا
ريحانه
تصدقين ما اذكر اذا مر علي هالسؤال بالامتحان
اتوقع ما مر لان لو يايلنه جان يبت صفر
اذكر مره يابولنه سؤال نرسم شي مثل الجبل الورقه انشقت من كثر ما مسحت حدي ميييح بالرسم هههههه
للاسف انا تخصصي جغرافيا وضعيف جدا في رسم الخرائط :-)
لها فايدة طبـعا ليمن الواحد يرسم الخريطة بادوات اقل .. يوحدد عليها الامكان معناته عارف اماكنهم
خصوصا او اني ماخذ مادة جغرافيا الكويت ونحتاج فيها رسم الخرايط بشكل متكرر في كل امتحان اذا مو كل اجابة
محمد
تخصصك جغرافيا اكيد مهم تعرف ترسم الخرايط
الله يعينكم اذا بكل امتحان ترسمون المفروض حافظينهم عدل
أنا الصراحة كنت على حسب المزاج و كرهت رسم الخرايط، متى يوم مدرسة الجغرافيا عطتنا واجب نرسم خريطة، و ما رسمت ما كنت متفيحة بس حليت الواجب، و عقابها إن نرسم الرسمة 50 مرة و كنت بصيح كانت الأردن ههههههه و ماخلصت لين ما إنتهت الفسحة توبت، بس صدق شو الفايدة، من الرسم ما أعرف ..
am
لوووول حتى انتي تعاقبتي نفس رورو
شفيهم على هالعقاب بو ٥٠ مره
اشوه ما صارت فيني جان ذبحت الابله هههههه
في ناس تقرا وتدرس وفي ناس مالها خلق تقرا او تعرف فلمن يشوفون الخريطة مأكولة راح ينصدمون ويسألون لوووول شفتي شلون ؟
طموحه
لوووووول اي شفت ;q
جايونه ما تعاقبت ..
من صجج كنت ارسم الخريطة حتى لو ع نفنوفي عادي المهم مااتعاقب الابله كانت شديده مو بايعه عمري ..
بس شانيل اللي تعاقبت هههههههههههه..
roro
لوووول اشوه خوش وحده رفيجتي ههههه
السلام عليكم
من اكثر الاشياء اللي كنت احبها ايام المدرسه رسم الخرايط
احس صج واجب بس يونس
اذكر انا و رفيجتي نتنافس منو خريطتها احلى لول
هوب
يونس لان مافيه تفكير وحل بس رسم وتلوين حق الي يحبون الرسم طبعا
التنافس دايما موجود في بنات يحطون فيها ستيكرز ههههههه
والله معاج حق بس
احنا بالمدرسه كانت تعاقبنا نرسمها 5 مرات
كاندي
اشوه ما حاشني هالعقاب :)
إرسال تعليق