الأحد، 19 ديسمبر 2010

تجربة لــن تتكرر!


رحت احد المطاعم اليابانية الشهيره في الكويت 

وقعدت احوس بالمنيو احس اني ضايعه مادري شطلب 

ما احب الاكل الياباني خاصة السوشي والماكي 

بس قلت بــجــرب المــاكــي

ابي شي بس فيه ربيان مقلي ما لقيت 

كلهم فيهم كراب او سالمون او كافيار او ربعهم 

قلت حق الجارسون ابي شي بس فيه ربيان مقلي فقط لا غير 

ونطرت الطلب 

وكنت مييييييته من اليوع

مو متريقه ولا متغديه وكانت الساعه 8:30 بليل 

ولما يه الطلب وكان شكله تقريبا نفس الي بالصوره

بس فوقه اشيا ء وايد 

حطيتها بحلجي 

مادري شنو صار فيني 

حسيت بأشياء غريبه 

شعور لا يوصف 

الي سويته اني شربت البيبسي فوقها بس عشان ابلعها

وما احس بالطعم ههههههه 

طلعت من المطعم يوعاااااانه :(

اقرب ستاربكس واحلى فرابتشينو وكيكه 

وعلي بالعافيه ههههههههه

هناك 34 تعليقًا:

رورو الشخبوطه يقول...

انا جربته بالشيراتون بس كان بوفيه المطعم اللي تحت..

المهم خذيت حبه زين اذا كليت ربعها :\

واي الله يزيد النعمه ..

اخاف اوصف الوع جبدج خخخ..

عموما بالعافيه يارب..

Reem AlOnaizy يقول...

يمكنج ما أحسنتي الاختيار

لو رحتي ماكي
و طلبتي عيسى ماكي 1
و عيسى ماكي 2
و تنبورا مقصصة مع سبيشال صوص
جان اختلف رايج جداً


و عليج بالعافية
;)

Unknown يقول...

لو ساألة قبل لاتروحين جان نصحتج بالاشياء الي تطلبينها و حلات الاكل الياباني مو على معدة فاضية يتعب لانه رغم انه شكلة صحي و خفيف لكن دسم يالصوصات
في اشياء حلوة بس لازم تسألين قبل ::))) و خيرها بغيرها

شاي الضحى يقول...

رورو

انا ما وصفت الي كليته وحسيت فيه عشان محد يقول لوعتي جبدنا هههه

بالعافيه على الماكي ولا الفرابتشينو؟ ههههه


الله يعافيج

شاي الضحى يقول...

تحية ام

ما اتوقع الي معاي جربوا طلبي وقالوا انه حلو ما فيه شي

بس انا ما تقبلت الفكره وحسيت باشياء غريبه

بس تووووبه ما اعيدها هههه

يعافيج :)

شاي الضحى يقول...

اميره

سألت بس المشكله كلهم فيهم كراب وسالمون ومادري شنو

انا ما اكل مل هذا حدي الربيان

لو ماكله بالبيت احسن لي :(

Bint ilKuwait يقول...

LOOOOOOOOOOOOOOOOOOOOOOOOOOOOOOOOL umbaaaaaaaih wela an ama a7eb il aklat il yabanya wela il9eenyaa bes fa katha 6abaq a7eba min "Maki" bes il sushiiii o hal suwaleeef NOOOOOOOOOOOOO

o 3alaich bil3afyaa;***

شاي الضحى يقول...

bint

الاكل الصيني وايد احلى من الياباني بالنسبه لي

عيل عازمتج على سوشي ههههه

الله يعافيج بس على شنو؟ لا تقولين الماكي والله ليلحين لايعه جبدي

Kawkawii يقول...

لووووووووووول
عندنا كذا مطعم ياباني منهم واحد اسمه سوشي بار

صج ان الراقين يحبونه"عاد انه اكل كلاس للكلاس بيبل"
بس ما احسه اكل مكرمه النعمه
...
ما جربتي الي فوقه سلمون؟
<<احس هالشئ الوحيد الي بتقبله في المنيو.. لان احب السلمون ^^"

شاي الضحى يقول...

كاكاوي

لا انا مو صوب السمج والسلمون ما احبه

حدي ربيان

ميغـآآن فؤكس بس كؤويتيـه =p يقول...

سسمـج ني وييـع .. الله يديم آلنعمـه خخخ عموومآَ آنآ مآآحب لآ آلآكل آليآبآآني ولا آلسي فؤؤد آلآ آلربيآآن آو آلكرآب بس سمج لآ ،ؤؤقت مآآبيتنآآ آيسؤن سسمج ؤلآ مطبق زبيدي آؤ شيء من هذآ آلقبيل مآآكل مآآحب آلسسمج ههههه مآآدري لييش p;

ؤؤصفـج حدهـ فنتق لؤؤل آآحسسج وآنتي تأكليـن قآآعده تطلعيين صؤت جذي خشخشخشخش لؤؤل جنج قآآعد تأكليـن شيء كرسبي ههههههههه

بس صج شعؤؤر :@
كرريـه يعني تنطررين آلشيء .. وآخرر شيء تنصدمين فيـه ~لآآزم يحطوون سمبلآآت حق آلآكل آلي عندهم قبل لآتطلبين وآلي يعجبج تطلبينـه مؤ جذذي آحسسسسن عشآآن مآآتنصدميين بآلطعـم وتقطيين مبلغ ؤقدره على شيء مآيسؤى ههههههههه !
آن شآء الله لي فتحت مطعم بسؤيهآ هههههه

عؤآآفـي علييـج آلفرآبتشينؤ ؤالكيكـه (K)

ؤآلحيـن قآآعده آكل بررقـر من فآآت بررقرر << عؤآفي على قـلبي D=

برقر من فآآت برقر هههههههه

تشآآؤؤؤؤؤؤؤؤؤؤؤز قلبؤ

Just A Bunch يقول...

chayoon! shlonich! badish 3ard wo bagoolich shy y3aggid!! :D madry etha shiftay 7alqat Oprah ams 3al mbc4? etha ma shifteeha, lat6awfeen il-e3ada ilyom ethuhur (3al 2 chithy) 7a6een feeha fiyalah 7adhum eyanninoooooon!!!!!
7addy dmoo3 min kither mahma eyanninoon! aby wa7id 7addy!!! tadreen inna we can adopt one?? :D Oh, Yes, WE CAN!!!!

Don't miss it!!!

candy cotton يقول...

الف صحتين وعافيه

ومشكوووه

Seldompen يقول...

وأنا مرات كثيرة أقول ودي أجرب الأكل الياباني ..

بس أتخوف .. لأني ما اتقبل أي أكل

وأتوقع أني مثلك لو أجربه ما راح اكرر التجربة

=//

خلينا على أكلنا .. أحسن لنا

=))

تحياتي لكِ ..

DoDoq8 يقول...

غلطانه محد يروح مكعم ياباني يشير بالطلبات

جان سالتيني وقتلج شنو تاكلين

على فكره وايد ناس ادمنو على ايدي المطاعم اليابانيه واهما اساسا ماياكلون سي فوود:P

انا اول مره رحت شيرت وقلت توبه بس الحين

افضل المطاعم عندي الياباني

peaceful-space يقول...

لاحد يجرب اكل يديد على يوع وتعشين و تاكلين غيرها:)

ام فهودي يقول...

واي الله يعينج انا جربت هالشعور لما اكون يوعانه واجرب شي طعمه لا عالبال ولا عالخاطر بس بعدها توبه لازم اكون متأكده من طعمه ومن مكوناته عشان مااتوهق

والدنيا تجارب :)

Amwaj يقول...

آنا عن نفسي ولا مرة أكلت بمطعم ياباني
ولا أفكر آكل :p

وبالعافية يارب :)

شاي الضحى يقول...

ميغان

انا مو صوب السمج والسوالف بس الربيان ومو اي نوع بعد

جان زين كرسبي كان ذايب على اووووه مابي اتذكر

يالله فتحي المطعم وبيي اجرب السامبلز

الله يعافيج

وعليج بالعافيه :)

شاي الضحى يقول...

جست

ياهلا ياهلا وينج مختفيه؟!

لا ما اشوف اوبرا :(

وكنت بشوف الاعاده لما قريت تعليقج بس كنت مسيره عند امي ونسيت اشوفها

اي ادري انه يصير وتدفعين كل شهر مادري جم عشان يهتمون فيه

بس انا مابي اتبناه ابي اشتريه حقي مقي يعيش عندي بين احضاني

شاي الضحى يقول...

كاندي

الله يعافيج
العفو :)

شاي الضحى يقول...

بين

اي ما انصح احد يجرب

صج انه الناس اذواق

شاي الضحى يقول...

دودو

انا كنت سائله بس المشكله كلهم فيهم سالمون كراب كافيار وقالولي احلى شي

وانا ما اكلهم :(

خليني على الايطالي احسن لي

شاي الضحى يقول...

بيسفول

كانت غلطه ولن تتكرر :(

شاي الضحى يقول...

ام فهودي

توبه ما اعيدها ولا راح اغامر واجرب

شاي الضحى يقول...

امواج

ما انصح فيه

الله يعافيج :)

Just A Bunch يقول...

اي و الله حدي من زمان عن البلوقات ، ولهت عليكم! بس شسوي ما عندي وقت مثل اول . بس كا ما أشوف فيلة اتذكرج لوول حسافة طافتج ، امبيييه انا مادري شصار فيني بس قاعدة و ادمع! فجأة صرت ايموشنال! لووول حدها الحلقة اثرت فيني! كل الحيوانات اللي حطونهم يننون!! واااي يابوا سلة حق أوبرا فيها قطوتين صغار انا خلاص شوي و أدش بالشاشة من كثر ما أنا ميتة عليهم حدهم كيووووووت!!!! وااي امبييه ابي قطوة! ابي فيل! ابي كوكيتيل ... ابي حديقة حيوانات لوووول!

****

انزين الحين بعلق على موضوع البوست! لول

امبييه جايون انا كلش ما اوطوط هالمطاعم ، انا كلش شي فوود مو على اللستة نهائياً!! لوول و الله يعني مرة كنت بأبل بيز و انا و رفيجتي طلبنا عرض خاص كان فيه اشياء مشكله منها ربيان . لمن يابوا تحسفت اني اقترحته!! ريحته كانت تبط الراس!! مع ان شكله حلو! بس لمن تجرأت و ذقته ... استغفرالله لووول ما قدرت اقول شي حرام رفيجتي كان عاجبها D;

السالفة صار لها اكثر من سنتين وليلحين احس الطعم بحلجي لووول استغفر الله

لا تواخذونا ياللي تحبون السي فوود ، عليكم بألف عافية ;)

شاي الضحى يقول...

جست

حسافه طافتني الحلقه :(

عاد القطاوه انا ما اواطنهم وعندي كلش ما يشوقون يلوعن جبدي ههههه

انا ما احب السي فود بس الربيان ونوع معين

المطاعم اليابانيه كله سي فود احلى شي عندهم وانا ما احبه فما راح افكر اني اروح مطعم ياباني مره ثانيه حدي ايطالي

Just A Bunch يقول...

la2aaaah la2aaaah mat2oooleeesh kida!!
waay ilg6awah 7adhum ynanninoooon!!! they're my number one! ;D
all fluffy & cute! how dare anyone not like us?? (yes, I'm a cat tara! loool ;P)

lool bs 9ij wayed nas may7iboonhum la2anhum y5afoon minhum bs awal mara asm3 a7ad may7ibhum bs 3ashan ylaw3oon chabdhum! lool bil3aks! kilhal-fluffiness wo ylow3oon ilchabd?

I can't get it!

P;


***

ee 5allech 3al e6aly
P;

شاي الضحى يقول...

جست

انا اخاف منهم وتلوع جبدي منهم واحسهم وايد يتدلعون ملييقيييين لووول

اكرهم!!!

فيولي وايد احلى

Just A Bunch يقول...

looool "wayed yidala3oon" hahaha you got that right! xD

bs tara mayidal3oon illah 3ala illy y7iboonhum, y3ny etha tidala3at 3alaich ga6wa ma3nata ehya t7ibich

=^__^=

ana a7ibhum killihum, elfialah wolig6awa, waaaay yallaby kitakeet! hee hee

Made n Q8 يقول...

مااحب الاكل الياباني يعور بطني

وعليج بالعافية الفرابتشينو والكيكه :d

شاي الضحى يقول...

جست

لا لا قطع ما احبهم ولا يحبوني هههههه

الفيله اوكي

قطاوه مستحييييل احبهم

شاي الضحى يقول...

ميد

الله يعافيج :)