بــعــض الكويتيين يبطون الجبد بالسينما
صادفني اكثر من مره
احجز بمكان وادش السينما اشوف ناس قاعدين في مكانه!
لما نقول لهم هذا مكانه مو عاجبهم ولا يقومون
يقولون روحوا قعدوا مكانه ويكون مكانهم مدعوس يلوع الجبد
طبعا انا ما يمشي معاي هالحجي
يقوم غصب عليه لان هــذا مــكــانــي
الي يبط الجبد اكثر انهم يراددون ويتحلطمون ولما يقومون
يتأففون ومو عاجبهم
دام المكان مو عاجبكم ليش حاجزين؟!
والي يضحك انهم يدشون السينما مبجر قبل الناس عشان يقعدون مكان غيرهم
من البدايه كل واحد عارف مكانه قبل لا يدش السينما
انت حجزت يعني انت راضــــي بمكانك
ولا بعضهم يحجزون ما يلقون يم بعض
واول ما يدشون اييون ببدلون معانه وهم ما يعجبهم اذا ما رضينه
بالنهايه انا مستحيل اوافق اني اغير مكاني الي حاجزته بمكان غيري
عــادي عــنــدكــم؟!
هناك 22 تعليقًا:
من حقج ما تغيرينه لانج دافعه قيمه الكرسي اللي بتقعدين فيه
بالنسبه لي ما صارلي هالموقف بس اذا صار بيكون موقفي نفسج لاني غالبا احجز مع اهلي او رفيجاتي وليش انحذف اقعد بعيد عنهم واخلي احد يقعد مكاني بس يمكن اذا شفتها مره كبيره او ريال كبير استحي على ويهي هههه
يتأففون ..!!! طقاق يطقهم بلعنتهم علشان مرة ثانية اييون مبجر .. والله فوضى الدنيا
تدرين انا لو يسوون فيني جذي !!! موبس اقول قوموا .... الم عليهم أمة محمد علشان ما يعيدونها .... هيــــــــلق
ماعمره صادفني هالموقف..
حتى لو صار ماراح ارضى من الاول اهما حاجزين مالقوا مكان مناسب لايحجزون :\
انا يبطون جبدي اللي يرمحون ودي الف اطقهم خخخ..
ومرسي..
akeeeeeeed ma artha! mokaani 3ayal laish 7ajza embacher?? bas ashwa wala mara sarat ma3ay o kila agol ashwa ena bel q8 kil wa7ed 7ajez mokana leana bara la ta7jezen o teg3eden 3ala kaifech!
bas salfat el amaken etser weyay bel 6ayara! edeshon emacher o yeg3edon mokana o maya3jebhom etha marethaina enbadel !
لا طبعا، ما أنش من مكاني، و يالس في مكاني و يباني أيلس مكانه..
بزقرله السكيورتي يخوزه جان ما يروون ينش ..
لا تمي جي، لو يتحرطم من اليوم لين باجر، عشان يعرف مثل مب هو ويها قوي في ناس وايها أقوى و تأدبهم ..
ما أداني هالأشكاال
لا وين قاعدين !!
ان شاءالله يقطوني عند الشاشه ويكسرون رقبتي
انا عندي اقعد بمكاني بعد بكل ادبي استأذن ممكن اوافق اذا عجبني المكان !
ويه O_o"
ما جد صادفت هالاشكال الحمد لله
اصلا انا اول وحده ادخل اذا رايحه السينما خخخخ
واحجز على الطرف ما احجز في النص
علشان اتجنب سالفه السباحه للكرسي
.
اخبر يوم جانا النجم طارق العلي في مسرحيه "ابو ساره في العماره" طبعا تعرفون طارق العلي صاير بايعها في الخروج من النص
ذاك اليوم العرض نساء فقط !
فحتى الحريم ما اسلموا ..
ومن يوم ما استلم بنات داشين بعد ما بدى العرض ويسبحون لكراسيهم الي في النص.. اففففف احرجهم ..بعدها قمت اتجنب لا يجيني نصيب خخخ
اكلمه باحترام ..
لو ما نفع ، ارفع عليه قضية !
هذولي يسوون تأزيم بالبلد !
لا مو عادي وما تنلامين
الواحد بيطلع ينفه عن نفسه وينغث بهالنماين
المشكلة اذا صارت بالطيارة وتعاندوا على كرسي
تتأخر الطيارة عن موعدها بسبتهم
المفروض يكون في قانون ينص على طردهم من السينما والطيارة
يا معوده انا صارت معاي بالطيارة!!!
وصارت السالفة مسرحية للعموم!
لا حيا ولا مستحى
لا والله مو عادي
و انا كرهت اروح سينمات بالكويت بسبب البشر
و بسبب الشركه اللي كل يوم حاطه قانون كأنا مو داشين بفلوسنا
يعني اذا رحت مع ولدي ليش ما يعتبرونا عائلات
حاطين اسوأ الاماكن حق الشباب
زين انا دافع فلوس.. ابي مكان زين .. شلون ؟
اتمنى تشرفيني في مدونتي الجديده
شكرا
مـآآصآدني هآلمؤقف =)
ؤآن شآآء الله عمرره مآيصيدني D:
ؤحتى لؤ صآآدني no waay !!
مؤستحيل آؤؤآآفق آني آغيير مؤكآآني =p
الموقف ماصار معاي بالسينما
المشكله بالطياره يصير معاي أكثر من مره
ما أكلم اللي قاعد مكاني أروح للمضيف وما أدخل نفسي مع الراكب
واللي يسوون جذي يسعون لتفكيك المجتمع وتقسيمه الى فئات وشرايح ويلمعون مرتزقه
وبدونهم تكون الكويت أجمل وأهدأ
مره نحن يلسنا مكان حد جان يقومونا عبالنا عادي نيلس اي مكان ...
بس دام كل شخص اختار المكان اللي يعجبه المفروض الناس تحترم الغير وما تيلس مكانها
لو السينما متروسه طبعا بقعد مكاني! خصوصا اني مختاره المكان!
اما اذا فاضيه عادي بقعد اي مكان
بس ع قولتج: يبط الجبد!
WYYYYYYYYY ZAIN ETSAWEEEEEEEEEEEEN!! 9ij ma yest7oon 3ala weyohum! ebi6boon ilchabd!
il7imdillah ma 7ashni hal mawqif o lema 7ashni egoumon 3ala 6ol ..bes lo e3tarthaw mara7 askit
امبي, بس مو هني المشكلة,
المشكلة لي كانو وراج ويقعدون يرفسون و
يتكلمون طول الفلم ويضحكون, خاصة اذا شلة مراهقين, على اساس انا مو منهم P:
صراحة ما صادفني انه في احد قعد مكاني من قبل, بس احس لي صارت راح اتوهق واخليهم يقعدون , كلش ما اخاف..
امبي, بس مو هني المشكلة,
المشكلة لي كانو وراج ويقعدون يرفسون و
يتكلمون طول الفلم ويضحكون, خاصة اذا شلة مراهقين, على اساس انا مو منهم P:
صراحة ما صادفني انه في احد قعد مكاني من قبل, بس احس لي صارت راح اتوهق واخليهم يقعدون , كلش ما اخاف..
لاوالله ما ارضى..
هاااو ليش عيل حاجزين اذا المكان مو عاجبهم؟؟؟
Hehehe :)! tnarfazt lema garet :)!
6ab3an o bela shaak LAAAAA!!!
ygumoun nafs ma eg3daaww!! sh'haal 7arakaat walla ana awal marra asma3 feha !!! wla marra sarat ma3ay!! wain ga3den a7jez mukan o ag3ad Mukan :)! ...ana wayed a7tar men ilnas ily chethe... ana law shnu!!! ma asaweha umby aslan ma takh6eer 3ala baali !!!!!!!!!!!!!!
ماصادفني هالموقف بس اذا صادفني ماادري شنو رده فعلي بتكون يمكن استنزل عليهم والله
انا احتمال اذا صار معاي مثل هل موقف استجوب وزير السينما لان هذا وزير فاسد '''
طبعا ماراح ارضا وان تحلطم او اهو قايم كيفه لان انا عندي المكان الزين مهم مثل الوقت الزين لكنن لو يالي اي احد واستاذني راح اقوم لان الواحد لازم يكون خلوق في كل مكان وهذا موقف يعكس شخصية الانسان لازم نحرص على حسن التصرف فييه
إرسال تعليق