الجمعة، 7 أغسطس، 2009

طبخ تالي الليل!

قبل يومين اشتهينا انا ووخيتي ورق عنب وكانت الساعة 11 بليل
قلنا حق امي سويلنا وطبعا ما عجبها لان تالي الليل
قلنالها انزين حق غدا باجر واهيا ما تحب تلفه
فسوت الخلطة السرية واضافت عليها لمساتها السحرية
وقطته علينا وقالت اللي يبي ياكل يلف !!!!!!


واستلمنا المهمة انا واختي



هذي انا قاعده الف




النتيجة: كان هناك تفاوت في شكل ورق العنب بعضها كان مدلقم ومعفوس (انا سويته) والبعض الآخر كان طويل ومرتب (اختي سوته) وانا كنت بطيئة واهيا سريييييعه




شوفوا الفرق


يعني كنت على ما اسوي 1 الا اهيا خالصة 4
قمت اشك فيها انها كانت تشتغل في مطعم لبناني


انتهينا من المهمة الصعبة


بعد هالتعب اكتشفنا ان ماكو بطاط بس "سوما" حلت المشكلة



واذا عجبكم ما عندنا مانع انا واختي نعطيكم دورات شلون تلفون ورق العنب بس الخلطة مانعرفها لانها سرية جداً

-------------------------------------------------------

وثاني يوم هم تالي الليل اشتهينا كيك بس هالمره انا اللي سويته بمساعدة امي الحبيبة
كان لذيييييييذ مع
الكراميل

هذا دبدوب اختي مادري شفيها عينه رايحه لي فوق لووووول


وهذا دبدوبي الجميل


هناك 11 تعليقًا:

DoDoq8 يقول...

ماشالله علييييكم ذيك شفت وصفه ورق عنب مترووسه زيت وليمون شكلها ناطعه وانا من بعدها تحطمت والحين حطمتيني اكثر لا خلاص شكلي برووح مطعم لبناني ببريك الرجيم لوول

والكيكه بعد شكلها يمي

يعطيكم العافيه والله يخليلكم الماما

bhr.qadsaweya يقول...

شكلهم يشهي..

والله يعت ليش التعذيب يعني

تسلم الأيادي ويعطييييكم الف عافية

رورو الشخبوطه يقول...

هلا شيونه..

شهوة العافيه يارب..

مادري ليش تنفتح شهيتنا بالليل خخ ..

تسلم ايدج يارب ..

والكيك يشوق ماشاءالله ..

بالعافيه يارب..

والله يخليلكم تنت يارب..

وسومه المنقذه بعد :)

شاي الضحى يقول...

DoDoq8: عاد ورق العنب اللي تسويه امي كله ليموووووون يهههههههههههههههههههههههبل (الله ابي مره ثانيه :( هههههه)، اذا سويناه مره ثانيه اعزمج ... الله يعاااافيج ويخليج مشكووره ما قصرتي ؛))

شاي الضحى يقول...

bhr.qadsaweya: لووووول ماحطيته عشان اعذبج والله يسلمج ويعاااافيج :)))


رورو الشخبوطه: اي والله يحلا الاكل تالي الليل مادري شنو السبب والله يسلمج شكراااا جزييلااااا :)))

fatto يقول...

شوقتيني حده .. والي يشوق اكثر الكيك لأن ككاو وانه اموووت على كيك بالككاااو :)

شاي الضحى يقول...

fatto: دامي شوقتج عيل بحط لكم صور الكيك اللي سويته لووووول

حياج الله ؛)))

*Being One يقول...

الله عـاااد انا اموووت على الورررق عنـب يـمي يمي
خلاص شكلي بقول حق امي تسويلي P;

شاي الضحى يقول...

Being One: افا عليج اسويلج هههههه ؛)

lazy dazy يقول...

الله يخلي الماما ان شاء الله ..

شاي الضحى يقول...

lazy آميييين مشكوره حبيبتي ما قصرتي :)))