كيكة المهرج الضاحك :)

مثل ما وعدتكم اني اول ما اسوي اي كيكه من الكتاب راح احطها لكم سواء كانت ناجحه ام فاشله

واخترت كيكة "المهرج الضاحك"

المقادير:

3 علب كيك جاهز
3/4 كوب زيت
2 أكوب ماء
9 ملاعق كبيره حليب
6 بيضات
1 علبه كبيره كريمه
3 ألوان من صبغات الأكل (أصفر / أزرق / أخضر)

1 m&m's البني

1 حلاو فيني

1 علكة Tubble Gum

1 علكة هوبا بوبا


ملاحظه:

1. الي ما يعرف هذي المقادير صورهم موجوده تحت
2. تقدرون تستبدلون الحلاو بأي نوع ثاني الي تحبونه أو بكاكاو

2 صينية الجيزكيك مستديرة 22 سم

(انا ما كان عندي 2 فحطيت 1 والثانيه مستطيلة، بس ضروري تكون عندكم 1)

1 جهاز التزيين


نسخن الفرن وندهن الصينيتين بالزيت

نخلط بودرة الكيك مع البيض والزيت والماء والحليب بالخلاط الكهربائي

ملاحظة: انا حطيت لكم فوق مقادير الـ3 علب تقدرون تسوونهم مع بعض او كل وحده بروح

والطريقة موجوده خلف العلبة بس انا ضفت عليهم حليب عشان يعطيها طعم احلى

ونوزع خليط الكيك في الصينيتين بالتساوي

بهذا الشكل

وعقبها ندخلها الفرن

أول ما تخلص نطلعها ونخليها بره 20 دقيقه على ما تبرد

نقطع شريحه صغيره من الجزء العلوي للكيكه المدوره

نقطع 1 مثلث كبير من الكيكة الثانيه

بس لازم تكون قاعدة المثلث نفس طول الشريحة الي قصيناها بالخطوه الي فوق

و نقطع بعد مثلثين صغار نفس الحجم

هذا المثلث الأول

وهذيله 2 الصغار

نخفق الكريمه بالخلاط الكهربائي لما تتماسك

نغطي الكيكة المستديره بالكريمه

بس لا تخلصونها

نلصق الكيكة المستديره بالمثلثات بالكريمه

لما يصير شكلها جذي

نقسم الكريمه المتبقة إلى 3 مقادير

ونضيف على كل وحده ملعقتين صغيرتين من الصبغات وكل وحده لون مختلف

ملاحظة: انا ما كان عندي لون أخضر فخلطت أزرق + أصفر وصار عندي أخضر

عقب ما تخلطون الكريمه تبدون تغطون فيها الكيكه


نحط الكريمه الزرقه على الكبوس ونحدد الخطوط

ونسوي نفس الطريقه مع الكريمه الصفره

وناخذ الكريمه الخضره ونغطي فيها الورده

بعدها تييبون جهاز التزيين وتحطون داخله اللون الي تبونه او تحطون كاكاو

نحدد خطوط الورده بهذي الطريقه

ونحدد خطوط الكبوس ونرسم العين

نقطع شريطه قصيره من العلكة

ونحطه مكان الحلج ونرسم فوقه بجهاز التزيين

نقطع قطعه صغيره جدا من Tubble Gum

ونحطه مكان الخشم

ونضيف على الورده وأعلى الكبوس وداخل العينتين m&m's

بهذي الطريقه

ونقطع قطعتين صغار من العلج ونحطها مكان الخدود

ناخذ شويه من هذا الحلاو حق الشعر

ونضعه بهذي الطريقه

وبجذي انتهينا من التزيين

آخر شي نظفوا الكريمه الزايده وييبوا صينيه كبيره وشيلوها اهيا والي تحتها عشان ما تخترب الكريمه

صينيتي كانت شويه اصغر من الكيكه


وحطوها بالثلاجه عشان تبرد شويه

منو أحلى؟

هههههههههههه

بالعافيه :)

Cloudy with a Chance of Meat Balls

قبل شوي رديت من الفلم الي كتبت لكم عنه في بوست سابق

لما ييت بحجز احترت اي سينما وبطلت النت ودشيت 360 ولا 4 الي حاجزين ماكو أحد

قلت معقوله محد حاجز يعني الفلم شكله مو حلو

لما اختي بطلت السايت جان تشوف الفلم معروض بعد في سينما الـ I-MAX

ودشت وبطلت على الحجز ولا الفلم حده زحممممممه جان تقولي عيل نحجز بهذي أحسن

وحجزنا ورحنا

الفلم حده عجيب وفيه أشياء تضحك

وايد استانست عليه وأتوقع لو تروحون له في اي سينما غير هذي يصير عادي مو وايد حلو لأن اهوا 3D

لما صارت اللقطه الي فيها آيس كريم كنت حدي متشوقه ابيييييييي وفي ناس قالوا انه سد نفسنه عن الأكل هههههههه


وأول ما طلعت جان القى جبالي ماربل سلاب على طول رحت شريت لي آيس كريم عن خاطري


وهذي صورة النظاره

عقب ساعه عورت راسي وايد تضغط


أنصحكم فيه

شاي أخضر بالمراميه

المقادير:

2 ملعقة كبيره شاي أخضر العويد

1 ملعقة كبيره مراميه

وقوري شاي


نحط الشاي الأخضر


وفوقه المراميه


ونضيف عليهم ماء ساخن

ونخليه ينقع 5 دقائق

وبالعافيه

وهذي الوصفه من اختي اهيا مسويتها :)

-------------------------------------------------

فــــوائــــد الـــمـــرامـــيـــه

تستخدم الميرامية اليوم في علاج الكثير من الاضطرابات الصحية أبرزها:-

الاضطرابات الهضمية، وفقدان الشهية وزيادة الإفرازات في المعدة.

اضطرابات الدورة الشهرية وأعراض انقطاع الطمث وتساعد الميرامية على انسياب افضل للدم، بفضلما تتمتع به من مزايا هرمونيه.

كذلك فإنها تخفف من التعرق ومن الهبات الساخنة التي تعاني منها النساء في سن اليأس.

منشطة للدورة الدموية، ينصح بها أيام الامتحانات وللمصابين بفقر الدم وضعف الذاكرة، ورجفة اليدين.

تخفف مستوى السكر في الدم.

تنفع لعلاج الاكتئاب والإرهاق العصبي .

شربه قبل النوم يخفف الأرق والقلق والإرهاق فهي:

منشط، مقويه، مانعة للعرق، موقفه لإدرار الحليب، طارد رياح ،مضاد للإسهال، خافض لنسبة السكر في الدم.

مضاد للربو، مطهر، مضاد للعفونة، مضاد لتشنجات، خافض للحرارة، هاضم.

مدر للبول ، يوصف للاسهال، يوصف للهستيريا، وللانحطاط العصبي.

لتبديد الكآبة ،للأرق ، للآلام الروماتزم والمفاصل، للربو وضيق التنفس، للقصور الجنسي، لتقوية الذاكرة، للوهن لنقاهة، وللتعب الفكر والجسد.

ولقت اختي الحل!

أمس اختي شرتلي هديه وكانت عباره عن كتاب اسمه "كيك الأطفال"

تتعلمون فيه شلون تسوون الكيكه وتزينونها بأشكال جميله وطريقتها سهله

والخطوات مصوره مع الشرح

شكلها اختي يأست مني قالت ماكو إلا أييبلها كتاب ههههههه

شكراً اختي العزيزة
-----------------------

هذا غلاف الكتاب

الديناصور العملاق


الأميره الحسناء

نفنوفها آيس كريم


الدب المدلل

المهرج الضاحك

الخنفساء المنقطة

وهذي على رقم 4

الحصان الجامح

رقم 5

مزرعة الحيوانات

وبعد فيه طرق تزيين الكب كيك

وبآخر صفحات الكتاب فيه صور تكبرونهم

عشان ترسمونهم على الكيكه وتقصونها

تنفع حق الي نفسي ما يعرف يرسم

طبعا في بعد وايد صور بس ما صورتهم

ومكتوب بالكتاب انكم تقدرون تسوون هالطرق بكيك القواطي

او اي طريقه ثانيه واهما بعد حاطين مقادير الكيكه



تهقون اقدر اسوي نفسهم؟ ههههههه

يالله اختاروا وحده منهم وأطبقها واذا ضبطت احطها لكم :)

--------------------------------------------

آخر التطورات:

توني سجلت في ديوان الخدمه وحطيت رغباتي ... ادعولي يقبلوني بالمكان الي ابيه